Dagblaðið Vísir - DV - 05.01.2009, Qupperneq 4
Ritskoðun á
Mogganum
Agnes Bragadóttir ljóstraði því
upp í Sunnudagblaði Morgun-
blaðsins að hún hafi með af-
gerandi hætti verið ritskoðuð á
síðustu mánuðum forsætisráð-
herratíðar Þorsteins Pálssonar,
núverandi ritstjóra Fréttablaðs-
ins. Blaðamaðurinn tók þá ára-
mótaviðtal við forsætisráðherr-
ann og segist í greininni hafa
spurt „nokkuð aðgangsharðra og
ganrýninna spurninga“. Viðtalið
fékk Þorsteinn sent til yfirlestrar
og hafnaði því á þeim grundvelli
að það væri of neikvætt. Var það
ákvörðun Agnesar og ritstjór-
anna, Matthíasar Johannessen
og Styrmis Gunnarssonar, að
eyða viðtalinu, en þó birtist fyrir
mistök tilvísun í það í efnisyf-
irliti.
Björgólfur
eignalaus
Bandaríska viðskiptaritið Forbes
setur Björgólf Guðmundsson
í fjórða sæti yfir þá auðmenn
sem töpuðu mestu á síðasta ári.
Blaðið segir að allar eignir hans
sé uppurnar og fellur hann því
úr því að vera metinn á 1,1 millj-
arð dollara fyrir tæpu ári niður í
það að eiga engar eignir. Forbes
segir að eftir að Landsbankinn
féll hafi auður hans þurrkast út
og fjárfestingafélag hans, Hansa,
hafi óskað eftir greiðslustöðvun.
Hann leitar nú að kaupanda að
breska knattspyrnuliðinu West
Ham.
mánudagur 5. janúar 20084 Fréttir
ritstjorn@dv.is
Innlendar FréttIr
„Við vitum ekkert hve miklar kröf-
ur verða gerðar í prófinu því það er
ekki til. Það heimsækja okkur marg-
ir áhyggjufullir útlendingar út af
þessu prófi en við höfum ekki nein
svör. Eina sem við reynum að gera er
að halda uppi þeim áróðri að prófið
verði að vera mjög auðvelt, sérstak-
lega lestrar- og ritunarparturinn, til
að mismuna ekki hópum útlendinga,“
segir Ingibjörg Hafstað, kennslustjóri
íslenskukennslu hjá Alþjóðahúsinu.
Samkvæmt lögum sem tóku gildi 1.
janúar eiga allir sem sækja um að fá ís-
lenskan ríkisborgararétt að fara í próf.
Í reglugerðinni er aðeins rætt um ís-
lensku en ekkert um innihald prófsins.
Það er ekkert sem segir að útlendingar
þurfi að vita neitt um íslenskt samfé-
lag, það er bara talað um tungumálið. Í
prófinu á að vera tal, lestur og ritun en
það stendur ekki hve mikið.
„Það eru engar undanþágur fyrir
fatlaða, lesblinda eða ólæsa. Þótt þú
sért áttatíu ára gamall og ólæs þarftu
samt að sýna lestrar- og ritfærni. Það
er algjörlega óraunhæft,“ segir Ingi-
björg.
„Ef það eru miklar kröfur til mál-
fræðikunnáttu myndi fólk frá Aust-
ur-Asíu ekki ná þessu prófi. Pólverjar
geta lært íslenska málfræði en Ví-
etnamar og Taílendingar eiga mjög
erfitt með það þannig að ef prófið er
miðað við getu Litháa eða Pólverja er
búið að útiloka ansi stóran hóp. Ég
er hrædd við þetta próf út af þessu,“
segir Ingibjörg sem finnst mun snið-
ugra að halda sérstök námskeið til að
fræða útlendinga um íslenskt samfé-
lag ásamt því að kenna þeim íslenskt
mál.
„Ég stakk upp á því að við héld-
um námskeið fyrir alla útlendinga
um íslenskt samfélag og í aðlagaðri
íslensku. Þá yrði kennt auðveld ís-
lenska og helstu hugtök þannig að
þeir sem ná því kunna mikla íslensku
og geta fúnkerað í landinu. En í þessu
prófi er mælikvarðinn í raun háður
dyntum þeirra sem semja prófið og
á þessum síðustu og verstu tímum
viljum við lítið vera háð dyntum ein-
hverra einstaklinga.“ liljakatrin@dv.is
Þurfa að taka próf sem er ekki til
Hræðsla meðal útlendinga
Fjölmargir útlendingar hafa heim-
sótt alþjóðahúsið upp á síðkastið
og kvíða prófinu sem ekki er til.
MYND StefáN KarlSSoN
DV20739280408 Lottó 06.jpg
Týndur á húsbíl
Lögreglan á höfuðborgarsvæð-
inu leitaði í gærkvöldi að bif-
reiðinni UZ-654 , Volswagen
Transporter árgerð 1994. Ótt-
ast er um eiganda bifreiðarinn-
ar en vitað er síðast um ferðir
hans á nýársdag. Þeir sem vita
um ferðir bifreiðarinnar eru
beðnir um að hringja í lögregl-
una á höfuðborgarsvæðinu í
síma 444 1100.
55 milljónir í
næsta lottói
Enginn var með allar tölurnar
réttar í lottói laugardagsins sem
þýðir að næsti pottur verður
sexfaldur og stefnir hann í 55
milljónir króna. Fjórir voru með
bónusvinninginn sem hljóðaði
upp á tæpar 150 þúsund krónur.
Þrír voru svo með 2. vinninginn
í jókernum og fékk hver um sig
100 þúsund krónur.
Gunnar Ingi árnason, sjómaður á slysabótum, mætir á fimmtudaginn fyrir Héraðsdóm
Norðurlands eystra. Nýi Glitnir hefur höfðað gjaldþrotamál á hendur Gunnari sem
segist hafa borgað af lánum sínum eftir að bankinn hafnaði samningstilboði hans.
„Ég bauð þeim að ég myndi borga
þeim framvegis 150 þúsund krónur á
mánuði. Tilboðið var sent suður en
þaðan kom þvert nei. Síðan fór bank-
inn á hausinn,“ segir Akureyringurinn
Gunnar Ingi Árnason.
Á fimmtudaginn fer fram gjald-
þrotamál Nýja Glitnis ehf. gegn
Gunnari en nýju bankarnir hafa, eftir
því sem næst verður komist, ekki fyrr
höfðað gjaldþrotamál gegn einstakl-
ingum.
aðgerðir í þágu heimilanna
Eftir bankahrunið kynnti ríkisstjórn-
in svokallaðar aðgerðir í þágu heim-
ilanna. Þar var þeim tilmælum beint
til allra ráðuneyta og stofnana ríkis-
ins að innheimtuaðgerðir gagnvart
einstaklingum skyldu mildaðar eins
og frekast væri kostur. Þá ætti að stilla
saman greiðslugetu og greiðslubyrði,
sem fæli í sér lengingu lána eða nið-
urfellingu á kröfum að hluta eða öllu
leyti. Markmið þessara aðgerða var að
hindra að einstaklingar og heimilin
lentu í þroti.
Gunnar var með rekstur sem fór
í þrot 2007. Hann rak netkaffihús og
tölvuviðgerðir í sama húsi auk vefhýs-
ingar. Hann segir að eftir að Akureyr-
arbær hafi opnað tölvuver, þar sem
boðið er upp á ókeypis netþjónustu,
hafi stoðunum verið kippt undan
rekstrinum. Hann hafi, ásamt konu
sinni, verið ábyrgur fyrir skuldum fyr-
irtækisins og því hafi þær fallið á þau.
Ekki hafi verið um annað að ræða en
að taka við skuldunum en það mark-
aði upphafið að þeim greiðsluerfið-
leikum sem leiddu til þeirrar stöðu
sem hann er í nú en hann skuldar að
eigin sögn um 40 milljónir.
tilboðum hafnað
Gunnar segist hafa boðið Glitni að
borga 150 þúsund krónur á mánuði.
Því var synjað, eins og áður sagði.
„Mér fannst ég gera þeim gott tilboð.
Ég bauð þeim að taka húsið og von-
aðist til að fá að leigja það af þeim
til vorsins, þegar ég stefni á að flytja
suður á bóginn, þar sem börnin mín
búa flest,“ segir hann en yngsta barn-
ið hans lýkur grunnskólanámi í vor.
Því var hafnað en húsið hefur verið á
sölu í hálft annað ár. „Ég hefði haldið
að þeir kæmu betur út úr því að leigja
mér húsið en að reyna að selja það
sjálfir í þessu árferði. Reyndar sagði
mér lögfræðingur, sem ég ráðfærði
mig við, að það virtist vera prins-
ipp hjá þeim að hafna samningstil-
boðum. Hann sagðist hafa farið með
nokkur samningstilboð til bankanna
fyrir einstaklinga en þeim var öllum
synjað,“ segir hann.
Hætti að borga
Gunnar ákvað, eftir að tilboðinu hafði
verið hafnað, að hætta að borga af
lánunum. „Staðan var orðin þannig
að fyrst bankinn vildi ekki semja hætti
ég að borga. Þetta var orðin slík upp-
hæð að það skipti litlu þótt maður
setti einhverja hundraðþúsundkalla
inn,“ segir hann.
Í byrjun nóvember var Gunnari til-
kynnt að húsið yrði tekið eignarnámi.
„Það var svo á föstudaginn sem Nýi
Glitnir eignaðist húsið formlega,“ seg-
ir Gunnar en hann er að jafna sig eft-
ir vinnuslys. „Ég er núna á slysabót-
um þar sem ég varð fyrir vinnuslysi í
ágúst,“ segir Gunnar sem síðasta árið
vann fyrir sér á sjó.
Skilnaður fylgdi fjárhagsvanda
Hann segir að fjárhagsvandræð-
in hafi tekið sinn toll af fjölskyldu-
lífinu. „Fjárhagurinn á nú sinn þátt í
því að við konan skildum. Þetta ferli
gekk frá hjónabandinu. Hún er öryrki
og er einnig ábyrg fyrir einhverju af
skuldunum. Hún getur auðvitað lít-
illa tekna aflað,“ segir Gunnar en tek-
ur fram að þau séu góðir vinir. Hann
er fyrst og fremst ósáttur við bankann.
„Miðað við þær aðstæður sem uppi
eru í þjóðfélaginu finnst mér þetta dá-
lítið harkaleg vinnubrögð hjá bankan-
um,“ segir hann.
Atli Gíslason, lögmaður og alþing-
ismaður, tekur í svipaðan streng þeg-
ar hann er spurður um þá staðreynd
að nýju bankarnir skuli sækja gjald-
þrotamál gegn einstaklingum: „Þetta
sýnir bara ranga forgangsröðun. Mað-
ur hefði kosið að sjá auðmennina
dregna til ábyrgðar. Þeir ættu frekar
að sækja þessa 30 eða 40 manns, sem
settu Ísland á hausinn, til saka,“ seg-
ir hann.
litlar aðrar eignir
Gunnar á litlar sem engar aðrar eign-
ir en húsið. „Við fyrrverandi eigum
sitt hvorn 200 þúsund króna bílinn.
Hennar er á lánum en minn ekki.
Fleira eigum við ekki,“ segir hann
sem er farinn að horfa í kringum sig á
leigumarkaðnum. „Ég var nú að von-
ast til að fá að vera í húsinu til vorsins
en eftir því sem ég kemst næst fer út-
burður fram fjórum vikum eftir eign-
arnám.“
Gunnar segir að honum hafi ein-
faldlega fallist hendur. „Ég reyndi allt
sem ég gat gegn þessu apparati. Ég
veit sjálfur að ég gat ekkert gert meira
eða betur. Auðvitað er þetta áfall en
maður verður bara að sætta sig við
þetta,“ segir hann að lokum.
Már Másson, upplýsingafulltrúi
Glitnis, segir að bankinn geti ekki
tjáð sig um einstök mál. „Svona mál
eru alltaf erfið og eiga sér oft langan
aðdraganda. Bankinn vinnur mikið
með sínum viðskiptavinum og beit-
ir fleiri úrræðum nú en áður til að
koma til móts við viðskiptavininn,
til að reyna að fleyta okkur í gegn-
um þetta tímabundna ástand sem
nú ríkir.“
„Ég Reyndi allT“
BalDUr GUÐMUNDSSoN
blaðamaður skrifar baldur@dv.is
„Fjárhagurinn á nú
sinn þátt í því að við
konan skildum.
Þetta ferli gekk frá
hjónabandinu.“
Gunnar Ingi árnason Segist
hafa reynt allt til að leysa úr
fjárhagsvanda sínum en nýi
glitnir hafnaði tilboði hans.
KárI faNNar lárUSSoN
Útlendingar þurfa að standast próf í íslensku til að fá íslenskan ríkisborgararétt: