Dagblaðið Vísir - DV - 24.06.2009, Qupperneq 14

Miðvikudagur 24. júní 200914 suðurnes
SKELFILEGT áSTand
í atvinnumálum
Atvinnuleysi á Suðurnesjun-um mældist 14,2 prósent í maí á þessu ári, samkvæmt Hagstofu Íslands. Þetta er
töluvert hærri prósenta en á lands-
vísu þar sem atvinnuleysið mældist
8,7 prósent. Alls voru tæplega 1600
manns skráðir atvinnulausir á Suð-
urnesjum í mánuðinum. Pétur Jó-
hannsson, framkvæmdastjóri at-
vinnu- og hafnasviðs Reykjanesbæjar,
segir að þetta ástand sé vissulega
skelfilegt. „Þetta er skelfilegt en við
hér á Suðurnesjum erum oft fyrstir til
að taka skellinn þegar kreppur skella
á. Hljóðið í mönnum hér er því ekki
mjög gott,“ segir Pétur og bætir því við
að nokkur doði sé í atvinnumálunum
á svæðinu nú yfir sumartímann og að
þrátt fyrir ýmis atvinnutækifæri aukist
atvinnuleysið jafnt og þétt.
VonGóður þráTT FyrIr
áSTandIð
Pétur segir að þrátt fyrir ástandið sé
hann vongóður því verið sé að vinna á
fullu í að þróa nokkur atvinnutækifæri
á Suðurnesjunum. Hann segir meðal
annars að menn líti með vonaraugum
til haustsins þegar framkvæmdir hefj-
ast á fullu við álverið í Helguvík sem
skapa muni fjölda starfa.
Annað dæmi sé, til að mynda, að
fyrirtækið Verne Holdings sé byrj-
að að reisa gagnaver á gamla varnar-
liðssvæðinu. Verne Holdings er í eigu
Novators, fjárfestingafélags Björgólfs
Thors Björgólfssonar, en félagið hefur
gefið það út að um 100 ný störf verði
til í gagnaverinu þegar það tekur til
starfa.
Eins segir Pétur að töluverðar
vonir séu bundnar við byggingu há-
spennulínulagnar á Reykjanesi fyr-
ir álver og aðra starfsemi sem skapa
muni 200 ársverk á næstu 2 árum.
„Umhverfismatið er langt komið með
línulögnina, og síðan er það í hönd-
um sveitarfélaganna að gefa út fram-
kvæmdaleyfi vonandi með haustinu,“
segir Pétur.
BEðIð EFTIr BönKunum
Pétur segir jafnframt að hið sama eigi
við á Suðurnesjunum og um allt land:
Menn bíði í ofvæni eftir því að það
skýrist hver eiginfjárstaða bankanna
er en það muni væntanlega skýrast
þann 17. júlí, líkt og gefið hefur ver-
ið út. Pétur bindur vonir við að lán til
framkvæmda frá bönkunum muni
aukast í kjölfarið og að staða verk-
takafyrirtækja muni meðal annars
batna í kjölfarið. „Það er alveg nóg af
tækifærum hér á Suðurnesjunum en
bankarnir eru lamaðir eins og er. Við
bíðum bara eftir að bankarnir verði
starfhæfir á ný; þá getum við farið að
framkvæma aftur á fullu.“
KEðjuVErKandI áSTand
Einn af stóru skellunum í atvinnu-
málunum á Suðurnesjum var í byrj-
un maí þegar hið rótgróna verktaka-
fyrirtæki Nesprýði þurfti að segja
öllum fimmtíu starfsmönnum sín-
um upp. Annað dæmi sem komist
hefur í hámæli er að framkvæmd-
ir við Hljómahöllina, sem er í eigu
Fasteignafélagsins Fasteignar, hafa
legið niðri að mestu svo mánuðum
skiptir vegna þess að verktakarn-
ir sem unnið hafa við bygginguna
hafa ekki fengið greitt. Þetta hefur
aftur áhrif á það hvort verktakafyr-
irtækin geti staðið í skilum með af-
borganir af lánum sínum. Fasteign
þurfti að finna sér fjármálafyrirtæki
til að endurfjármagna víxil sem var
á gjalddaga í maí; það gekk erfið-
lega vegna ástandsins og því stóð á
greiðslum til verktaka. Endurfjár-
mögnun víxilsins tókst hins vegar
að lokum.
Pétur segir að staða byggingar
Hljómahallarinnar sé lýsandi fyr-
ir atvinnuástandið á Suðurnesjum
og í landinu. „Þetta er keðjuverk-
andi ástand á meðan skortur er á
fjármagni frá bönkunum: Iðnað-
armenn treysta sér ekki til að hefja
framkvæmdir ef greiðslur til þeirra
eru ekki tryggðar. Bygging Hljóma-
hallarinnar er eitt besta dæmið um
þetta,“ segir Pétur sem bindur von-
ir við að ástandið muni batna í at-
vinnumálunum á Suðurnesjum
þrátt fyrir að ekki blási byrlega eins
og er. ingi@dv.is
Atvinnuleysi á Suðurnesjum mældist 14,2 prósent í maí, meira en 5 prósentum hærra en á lands-
vísu. Framkvæmdastjóri atvinnu- og hafnasviðs hjá Reykjanesbæ, Pétur Jóhannsson, segir ýmis
sóknarfæri á svæðinu og að litið sé með vonaraugum til álversins í Helguvík og til gagnavers
Verne Holdings. Hann segir að á Suðurnesjunum sé beðið í ofvæni eftir því að íslensku bankarn-
ir geti aftur farið að lána fé til framkvæmda.
„Það er alveg nóg af tæki-
færum en bankarnir eru
lamaðir eins og er.“
Vongóður þrátt fyrir ástandið
Pétur Jóhannsson, framkvæmdastjóri
atvinnu- og hafnasviðs Reykjanesbæjar,
er vongóður um að atvinnuástandið
batni á Suðurnesjum með haustinu.
Framkvæmdir liggja enn niðri Framkvæmdir við Hljómahöllina,
sem er í eigu Fasteignafélagsins Fasteignar, liggja enn niðri. Staða
byggingar hússins þykir lýsandi fyrir atvinnuástandið á Suðurnesj-
um en verktakar sem unnu við bygginguna lögðu niður störf þegar
Fasteign gat ekki staðið í skilum við þá.