Dagblaðið Vísir - DV - 21.12.2009, Blaðsíða 12
12 MÁNUDAGUR 21. desember 2009 FRÉTTIR
Snýr aftur
á jóladag
Silvio Berlusconi, forsætisráð-
herra Ítalíu, heitir því að hann
snúi aftur á svið stjórnmálanna
ekki síðar en að kveldi jóladags.
Berlusconi hefur ákveðið að
hundsa óskir fjölskyldu sinn-
ar um að hann taki sér frí frá
stjórnmálum eftir að hann varð
fyrir árás á samkomu í síðustu
viku.
Með ákvörðun sinni geng-
ur Berlusconi einnig gegn fyr-
irmælum lækna sem hvöttu
hann til að taka því rólega í þrjár
vikur. Við árásina brotnaði nef
Berlusc onis auk tveggja tanna.
Viðurkenna
fangadráp
Saksóknari íranska hersins
viðurkenndi, þvert á fullyrð-
ingar ríkisstjórnar Mahmouds
Ahmadinejad, að þrír fangar,
að minnsta kosti, hefðu dáið í
varðhaldi í Kahrizak-fangelsinu
vegna pyntinga.
Í róstunum í júní var flestum
föngum komið fyrir í Kahrizak-
fangelsinu og þegar ólgan var
hvað mest var um 140 manns
haldið þar.
Að sögn saksóknara hafa þrír
starfsmenn fangelsisins, allir úr
röðum hersins, verið ákærðir
fyrir morð og níu aðrir standa
frammi fyrir ákærum sem ekki
hafa verið tilgreindar.
Til varnar afa
sínum
Sonarsonur Jósefs Stalín, Yevg-
eny Dzhugashvili, hefur höfðað
mál á hendur þáttastjórnanda á
Ekho Moskvy-útvarpsstöðinni
í Moskvu. Yevgeny fullyrðir að
þáttastjórnandinn Matvei Gana-
polsky hafi vanvirt minningu
Stalíns óverðskuldað.
Ganapolsky las upp úr bók
þar sem sagt var að Stalín hefði
samþykkt að börn niður að
þrettán ára aldri væru skotin
og bætti svo við: „Hvers konar
óbermi myndi nokkurn tímann
segja eitthvað honum til varnar.“
Yevgeny hefur áður höfðað
mál til að verja minningu afa
síns og tapaði einu slíku máli í
október.
Um ár er liðið síðan fréttamaðurinn
Muntazer al-Zaidi varð heimsfrægur
fyrir að kasta skó að George W. Bush,
fyrrverandi forseta Bandaríkjanna. Í
kjölfarið baðaði Muntazer al-Zaidi sig
í dýrðarljóma víðsvegar í Arabaheimin-
um, en líf hans hefur ekki staðið undir
þeim væntingum sem hann hafði, í það
minnsta með tilliti til peninga.
Í viðtali við breska dagblaðið Obser-
ver sagði Muntazer al-Zaidi að það sem
honum fyndist mest miður eftir að hafa
dúsað í fangelsi um níu mánaða skeið
er að hann væri enn tiltölulega snauður
maður fjárhagslega.
Muntazer al-Zaidi velkist ekki í vafa
um hvar sökin liggur. „Ég kenni fjöl-
miðlum um því í þeim var sagt að ég
yrði auðugur maður vegna þess sem ég
gerði, að ég yrði margfaldur milljóna-
mæringur,“ sagði al-Zaidi sem dvelur
nú í Sviss þar sem hann er í meðferð
vegna heilsubrests af ýmsum toga.
Muntazer al-Zaidi sagðist þó þakka
fjölmiðlum fyrir umhyggju þeirra í
hans garð en „öll loforðin um gjafir,
sem ég frétti af í fangelsinu, voru orð-
in tóm. Eina gjöfin sem ég hef fengið
síðan mér var sleppt er frá kanadískri
sjónvarpsstöð sem kaus mig mann árs-
ins og gaf mér gyllt skópar“.
Hyggst stofna heimili fyrir
munaðarleysingja
Að eigin sögn er Muntazer al-Zaidi
staðráðinn í að safna fé til að koma á
laggirnar heimili fyrir munaðarleys-
ingja þar sem einnig verður alin önn
fyrir konum sem misst hafa mann sinn
vegna stríðsins í Írak.
Al-Zaidi sagði í viðtalinu að hann
hefði fjallað um fjölda óhugnanlegra
atburða, þeirra á meðal dauða heilu
fjölskyldnanna. Sú upplifun varð að
hans sögn aðalhvatinn að mótmælum
hans gegn Bush, og skókastinu.
„Ég mun snúa heim þegar ég finn
stuðning við söfnun mína sem mun
hjálpa munaðarleysingjum og ekkjum,
líkt og ég hafði lofað. [...] Augu þeirra
horfa nú til mín og bíða mín, því mun
ég snúa heim einn góðan veðurdag,“
sagði al-Zaidi.
Tómar kistur
Í aðdraganda lausnar hans úr fangelsi
í september var al-Zaidi hylltur sem
hetja í löndum múslima, sem illa laun-
aður fréttamaður sem bauð birginn
leiðtoga stórveldis líkt og aldrei hafði
verið gert áður.
Í arabískum fjölmiðlum voru gefin
fyrirheit um gull og græna skóga. Sam-
kvæmt fréttum átti Muntazer al-Zai-
di von á hreinum meyjum í kvonfang,
folum með gylltum söðli, bílum, hús-
um og, að sjálfsögðu, kameldýrum. Á
þessum fréttum var al-Zaidi fóðraður
af bróður sínum sem heimsótti hann í
fangelsið.
Fyrstu daga sína sem frjáls mað-
ur upplifði al-Zaidi dýrðarljómann og
fékk móttökur sem hæfðu hetju hjá
sjónvarpsstöðinni sem hann vinnur
hjá. Sauðfé var slátrað við fætur hans
og trompethljómar og trommusláttur
fylltu strætin og allt sýnt í beinni.
Innan tveggja sólarhringa var flogið
með hann til Sviss og þar dvelur hann
enn. Húsið í sjía-hverfinu norðaustur
af Bagdad sem honum var gefið er autt
og sömu sögu er að segja af fjárhirslum
hans.
Hreykinn af skókastinu
Al-Zaidi sagði í viðtalinu við Observ er
að nafn hans væri þekkt, ekki eingöngu
í Arabaheiminum heldur líka í Evrópu.
„Alls staðar hefur mér verið tekið sem
hetju,“ sagði hann og bætti við að hann
væri stoltur af gjörðum sínum og ham-
ingjusamur vegna þess að hann varði
reisn þjóðar sinnar: „Allt frjálst fólk
virðir þetta.“
Muntazer al-Zaidi greiðir sjálfur
fyrir þá læknisþjónustu sem hann fær
í Sviss og nýtur einnig fjárhagsaðstoð-
ar vina. Hann útskýrði snögga för sína
frá Írak á þá leið að hann hefði óttast
ofsóknir af hálfu ríkisstjórnar landsins
sem var reið vegna þeirrar móðgun-
ar sem hann hafði sýnt þjóðarleiðtoga
annars ríkis.
Muntazer al-Zaidi sagðist ekki vera
viss um að hann myndi nokkurn tím-
ann snúa heim til Íraks.
Fyrirfram ákveðið
Muntazer al-Zaidi heldur ennþá fram
þeirri upprunalegu útskýringu sinni að
skókastið hefði verið afleiðing þess að
hann missti stjórn á sér þar sem hann
var á fréttamannafundi með George
W. Bush og Nouri al-Maliki, forsætis-
ráðherra Íraks.
Bræður Muntazers al-Zaidi hafa
hins vegar gefið í skyn að verknað-
urinn hafi verið fyrirfram ákveðinn,
en hvort heldur sem var er Munt-
azer al-Zaidi þeirrar skoðunar að
skókastið hafi verið vert afleiðing-
anna.
„Ég hafði búið mig undir að
deyja, ekki bara að dvelja í fangelsi í
eitt ár. Ég kastaði skóm að Bush... en
Bush varpaði milljónum sprengna á
Íraka. Hvort var verra?“
Skókastaranum Muntazer al-Zaidi finnst hann hafa hafa borið lítið úr býtum eftir að
hann varð heimsfrægur fyrir að kasta skóm í George W. Bush, fyrrverandi forseta
Bandaríkjanna. Lítið hefur farið fyrir hreinum meyjum og kameldýrum sem áttu að
falla honum í skaut.
SKÓKASTARI ÁN
SKOTSILFURS
KOLBEINN ÞORSTEINSSON
blaðamaður skrifar: kolbeinn@dv.is
Bronsskór til heiðurs skókastaranum
fékk ekki að standa lengi Muntazer
al-Zaidi finnst hann illa svikinn. MYND AFP
Tony Blair, fyrrverandi forsætisráð-
herra Breta, réðst í gær harkalega
gegn þeim sem hafa gagnrýnt hann
og störf hans og fullyrti að hann væri
betur metinn erlendis en heima fyr-
ir. „Ef ég gerði það sem gagnrýnend-
ur mínir vildu myndi ég enda úti
í horni, en það mun aldrei verða,“
sagði Blair í viðtali við News Review
í gær.
Tony Blair sagði að þegar menn
kæmust í ákveðna stöðu yrði gagn-
rýni ekki umflúin. „Þannig er það.
Þegar þú ert einhver eins og ég, verð-
ur þú umdeildur á einn eða annan
hátt,“ sagði Blair og bætti við að þá
yrði að láta verkin tala fyrir sig.
Skuldinni á þeirri neikvæðu
ímynd sem hann býr að nú um
mundir skellti Blair á fjölmiðla sem
hann sagði ekki nálgast hann með
hlutleysi að leiðarljósi. „Þeir spyrja
sig fyrst hvernig hægt sé að gera lítið
úr athöfnum mínum, brjóta þær nið-
ur, skrifa eitthvað slæmt um þær. Það
er ekki réttmætt. Það er ekki frétta-
mennska. Þeir skilja mig ekki og
þurfa að jafna metin. En þeim mun
ekki takast það,“ sagði forsætisráð-
herrann fyrrverandi.
„Það er ekki satt að enginn kunni
vel við mig! Við lestur breskra dag-
blaða mætti ætla að ég hafi tapað
þremur kosningum en ekki unnið
þær. Það er allt annað andrúmsloft
í kringum mig utan landsteinanna.
Fólk metur það sem þú ert að gera,
fyrir það sem það er. Það sér ekkert
rangt við að vera fjárhagslega farsæll
og sinna einnig góðum verkum.“
Ljóst verður að teljast að málið
hvílir þungt á Tony Blair, en hann
hefur verið gagnrýndur mikið und-
anfarið vegna ákvarðana sem hann
tók í aðdraganda innrásarinnar í Írak
auk þess sem spjótin hafa beinst að
honum vegna ráðgjafarstarfa hans
sem hafa gefið vel í aðra hönd.
Síðan Blair lét af embætti for-
sætisráðherra Bretlands árið 2007
hefur hann skipt tíma sínum á milli
ólaunaðra mannúðarstarfa og fjár-
hagslega vel gefandi ráðgjafarstarfa
fyrir bankastofnanir, fyrirtæki og rík-
isstjórnir araba.
Blair hefur verið mikið á faralds-
fæti síðan hann lét af embætti og
eyðir drjúgum tíma í Rúanda og öðr-
um Afríkuríkjum og sagði í viðtalinu
að það sem hann gæti gert í Rúanda
og víðar núna væri mun mikilvæg-
ara en það sem hann gat gert þegar
hann var forsætisráðherra.
Tony Blair er ómyrkur í máli varðandi fréttaflutning breskra fjölmiðla:
Víst kann fólk við mig
Ekki spámaður í eigin föðurlandi
Tony Blair segist vel liðinn utan Bretlands.