Dagblaðið Vísir - DV - 21.12.2009, Blaðsíða 29
Á MÁNUDEGI
VEISTU SVARIÐ?
1. DV sagði frá því í liðinni viku að presturinn í Glerárkirkju á Akureyri
væri að flytja úr landi. Hvers vegna ætlar sérann að gera það?
2. Hvað heitir stjórnmálaflokkurinn sem Jón Gnarr stofnaði nýverið?
3. Hvaða bók var valin skáldsaga ársins í vali starfsfólks bókaverslana
á dögunum?
VAKTASERÍURNAR
TIL FINNLANDS
Hróður Georgs Bjarnfreðarson-
ar og félaga er farinn að berast út
fyrir landsteinana. Logs.is segir frá
því að nú hafi YLE, ríkissjónvarp
Finnlands, tryggt sér sýningarrétt-
inn á Næturvaktinni, Dagvaktinni og
Fangavaktinni í gegnum alþjóðlega
dreifingarfyrirtækið ShineReveille.
YLE er fyrsta alþjóðlega sjónvarps-
stöðin sem tryggir sér sýningarrétt
á Vaktaseríunum eftir að hafa hrifist
af Dag- og Næturvakt. Stöðin keypti
raunar allar þrjár seríurnar til sýn-
inga að Fangavaktinni óséðri til þess
að engir yrðu á undan þeim.
BUBBI Í
HÁSKÓLABÍÓI
Árlegir Þorláksmessutónleik-
ar Bubba Morthens fara fram á
miðvikudaginn. Í þetta sinn fara
þeir fram í Háskólabíói, líkt og í
fyrra, en í mörg ár þar á undan
fóru þeir fram á Nasa og Hótel
Borg. Hafdís Huld hitar upp á
tónleikunum sem hefjast klukkan
22 og verða sýndir beint á Stöð 2.
Miðaverð er 2.900 krónur og fer
miðasala fram á heimasíðu Vod-
afone. Vænta má að Bubbi taki
bæði nýleg og gömul lög auk þess
að skjóta á yfirvöld í landinu, út-
rásarvíkinga og jafnvel fleiri.
Söngleikurinn Oliver! verður frum-
sýndur í Þjóðleikhúsinu næstkom-
andi laugardag, eða annan í jólum.
Oliver! er einn vinsælasti söngleikur
allra tíma og byggist hann á sígildri
skáldsögu Charles Dickens um mun-
aðarlausa drenginn Oliver Twist sem
dirfðist að biðja um meira að borða.
Alls eru 45 leikarar og börn á sviðinu
og níu manna hljómsveit.
Söngleikurinn um Oliver hefur
verið sýndur við gífurlegar vinsældir
víða um heim og fékk frábærar við-
tökur í Þjóðleikhúsinu fyrir tuttugu
árum. Jafnframt var hann sýndur hjá
Leikfélagi Akureyrar árið 2004 við
miklar vinsældir.
Höfundur söngleiksins Oliver! er
Lionel Bart. Þórarinn Eldjárn þýddi
verkið og Jóhann G. Jóhannsson
þýddi söngtexta ásamt því að sjá um
tónlistarstjórn. Tónlistin er útsett
af William David Brohn. Leikstjórn
er í höndum Selmu Björnsdóttur og
Aletta Collins samdi dansa. Leik-
mynd er eftir Vytautas Narbutas og
María Ólafsdóttir hannaði búninga.
Tveir ungir drengir skiptast á að
fara með titilhlutverkið, þeir Ari Ól-
afsson og Sigurbergur Hákonarson.
Með hlutverk Fagins fer Eggert Þor-
leifsson, Þórir Sæmundsson leikur
Bill Sikes og Vigdís Hrefna Pálsdóttir
leikur Nansý. Á meðal annarra sem
koma fram í sýningunni eru Bergþór
Pálsson, Þórunn Lárusdóttir, Friðrik
Friðriksson, Esther Talía Casey, Álf-
rún Helga Örnólfsdóttir, Ívar Helga-
son, Ólöf Jara Skagfjörð og Arnar
Jónsson.
Söngleikurinn Oliver! frumsýndur á annan í jólum:
Munaðarlaus börn á Hverfisgötu
Ég hafði beðið með mikilli eftirvænt-
ingu eftir nýjasta disk pönkrokkar-
anna í Morðingjunum. Á síðasta ári
gáfu þeir félagar úr plötuna Áfram Ís-
land! sem undirritaður gaf fullt hús og
fullyrðir að hafi verið ein skemmtileg-
asta innlenda plata síðasta árs. Vænt-
ingarnar voru því miklar þegar ég fékk
Flóttann mikla í hendurnar, en það er
nýjasta plata Morðingjanna.
Platan lét eitthvað á sér standa því
upptökur fóru fram í sumar en disk-
urinn sjálfur kom ekki út fyrr en nú
fyrir skemmstu. Tónlistin ber þess öll
merki að hafa verið ætluð fyrir sum-
arstemminguna á Íslandi. Ég heyrði
einn meðlim sveitarinnar viðurkenna
í útvarpsviðtali á dögunum að þetta
væri sumarpönk. Hún kemur því út
núna þegar hitamælirinn sýnir mín-
us og jólasveinar eru farnir að hypja
sig til byggða. Eilítið eins og álfur út
úr hól, en tónlistin stendur alveg fyrir
sínu og á bara eftir að verða meira við-
eigandi með hækkandi sól.
Líkt og með Áfram Ísland! krefst
Flóttinn mikli þess að maður melti
eilítið hvað er þar á boðstólunum.
En eins og er með allar góðar plötur
verður hún bara betri með hverri spil-
un. Morðingjarnir eru óræðir og mað-
ur veit aldrei hvar maður hefur þá.
Á þessari plötu kveður við eilít-
ið nýjan tón hjá Morðingjunum frá
síðasta disk. Lagasmíðarnar eru ekki
jafnhráar, þær eru fágaðari og texta-
gerðin er meira leitandi. Hér má einn-
ig finna smá væmni. Krafturinn sem
heillaði á Áfram Ísland! er enn til stað-
ar en honum er bara beitt öðruvísi.
Besta lag plötunnar er óneitan-
lega lagið Hlakka til að hitta þig. Þar
segir af meðaljóni sem fann ástina en
missti eiginkonuna og hyggst svipta
sig lífi til að geta hitt hana aftur. Það
eru dásamlegar andstæður í þessu
lagi. Hresst sveitaballapönk í und-
irleiknum en hjartnæmur texti og
tragískur. Þessir tveir andstæðu pól-
ar, hressleikinn og tragedían, gjör-
samlega svínliggja í þessu lagi og út-
koman er slagari sem ég gæti heyrt á
öllum helstu útvarpsstöðvum. Ég fæ
hreinlega ekki nóg af þessu lagi.
Upphafslagið Letiljóð er annað
tuddagott lag sem vert er að veita at-
hygli, Nálægt Norðurpól og ‚81 (Sé
þig aldrei meir) eru einnig fyrirtaks
lög. Sumarlagið mikla, Sunnudags-
morgunn í Reykjavík, sker sig úr á
disknum og ber þess merki að platan
átti að koma út í sumar. Gott viðlag,
og mun eflaust sóma sér vel í spilun
næsta sumar þó það virki út úr kú í
kuldanum.
Á Áfram Ísland! var hvergi veikan
punkt að finna en það sama verður
ekki sagt um Flóttann mikla. Hann
ber þess merki að hér sé sveit sem er í
framþróun og umskiptum, heldur þó
í rætur sínar en leitar fyrir sér á nýj-
um slóðum. Eðlilegt þroskaferli, og
útkoman samt frábær plata sem mun
þó alltaf vera borin saman við meist-
araverkið Áfram Ísland! af sumum.
Lúxusvandamál að einhverju leyti.
Morðingjarnir eru hljómsveit sem
fólk þarf að fylgjast með. Þessir strák-
ar eru að gera frábæra hluti eins og
þessar tvær síðustu plötur þeirra
sýna. Ég mæli með þessari plötu og
hvet Morðingjana til að halda áfram
á vegferð sinni. Þetta er skemmtileg,
grípandi og hressandi plata, eins og
maður bjóst við, en þeir sem vilja kafa
dýpra finna fleiri lög og nýja vinkla.
Að lokum getur enginn skrifað
um þessa plötu án þess að hæla um-
slaginu og frágangnum á því. Sann-
kallað listaverk sem tvær íslenskar
konur myndskreyttu. Meira að segja
valið besta plötuumslagið á dög-
unum í Fréttablaðinu, verðskuld-
að. Meira svona, íslenskir tónlistar-
menn!
Sigurður Mikael Jónsson
Saklausir morðingjar
Óræðir „Morðingjarnir
eru óræðir og maður
veit aldrei hvar maður
hefur þá.“
FÓKUS 21. desember 2009 MÁNUDAGUR 29
Svör: 1. Hann er búinn að missa trúna á íslenskt samfélag 2. Besti flokkurinn 3. Harmur englanna eftir Jón Kalman Stefánsson
Oliver! Söngleikurinn var
síðast sýndur í Þjóðleikhúsinu
fyrir tuttugu árum.
Þjónustuauglýsingar
FLÓTTINN MIKLI
Flytjandi: Morðingjarnir
Útgefandi: Kimi Records
TÓNLIST