Dagblaðið Vísir - DV - 21.12.2009, Blaðsíða 23
Hver er maðurinn? „Sigurður Þór
Birgisson, rúmlega þrítugur Grindvík-
ingur.“
Hvernig er að alast upp í Grinda-
vík? „Það er mjög gott.“
Hver er fyrsta minning þín úr
æsku? „Ætli það hafi ekki bara verið
það sem mótaði mitt líf, þegar ég fékk
minn fyrsta United-búning. Ég hef verið
svona fimm ára gutti. Það var nágranni
minn sem gaf mér hann og er ég
honum ævinlega þakklátur fyrir það. Ég
var mjög glaður og hef verið það allar
götur síðan.“
Hver er eftirminnilegasta bók
sem þú hefur lesið? „Ég er ekki mikill
bókaunnandi, les frekar lítið. Ég las
reyndar ævisögu George Best, hún er
svona sú eina sem er í minningunni
getum við sagt.“
Hvers vegna ákváðuð þið í
stuðningsmannafélaginu að gefa
allt Pepsi-ið ykkar? „Við vorum bara
að velta fyrir okkur hvað við ættum að
gera við þetta og þegar þessi hugmynd
kom upp var hún samþykkt einn, tveir
og þrír. Við vitum líka að það er mikil
þörf fyrir svona gjafir og framlög og við
vildum bara endilega láta gott af okkur
leiða. Og reyndar var oft þörf en nú er
nauðsyn.“
Er þetta ekki bara af því að allir
í félaginu drekka bara kók? „Nei,
síður en svo. Til dæmis er bara keypt
Pepsi á mínu heimili.“
Hvað eru þetta margar Pepsi-flösk-
ur? „Ég held að þetta séu 1.200 flöskur.“
Hvers vegna völduð þið Mæðra-
styrksnefnd til að styrkja en ekki
einhver önnur hjálparsamtök eða
góðgerðarmál? „Ég eiginlega veit það
ekki. En hefði þessi spurning ekki alltaf
getað komið upp, hvað sem við hefðum
valið?“
Búinn að kaupa allar jólagjafir? „Já,
ég lagði lokahöndina á það í gær og get
þá slappað af núna með það. Ætli þetta
hafi ekki verið svona sjö, átta gjafir.“
Gefurðu einhverjum ættingja
Pepsi í jólagjöf? „Nei. En hver veit,
kannski er einhver ættingi minn sem
fer til Mæðrastyrksnefndar og fær þá
kannski Pepsi.“
BORÐAR ÞÚ SKÖTU Á ÞORLÁKSMESSU?
„Nei, því miður. Hún er ekkert góð
nema með hamsatólg sem ég má því
miður ekki borða. Mér finnst hún mjög
góð og borðaði hana alltaf áður fyrr.
Lyktin er hins vegar vond.“
GUÐRÚN HJÖRDÍS ÓLAFSDÓTTIR
65 ÁRA SNYRTIFRÆÐINGUR
„Já, ég borða skötu og hef alltaf gert.
Mér finnst hún góð, sértaklega fyrsti
bitinn. Ég elda hana ekki sjálf en fer í
fjölskylduboð þar sem hún er borðuð.“
LINDA GUNNARSDÓTTIR
27 ÁRA SJÚKRAÞJÁLFARI
„Já, já. Ég borða alltaf skötu og hún er
góð. Ég er að vestan og hef borðað
hana alla ævi. Hún er alveg ómissandi
liður.“
ÓLAFUR ÖRN ÓLAFSSON
48 ÁRA RAFVIRKJAMEISTARI
„Sem barn borðaði ég alltaf skötu enda
hefð á mínu heimili. Hins vegar hef ég
ekki borðað hana í mörg ár en finnst
hún mjög góð.“
INGA GEIRSDÓTTIR
48 ÁRA FARARSTJÓRI
DÓMSTÓLL GÖTUNNAR
SIGURÐUR ÞÓR BIRGISSON er í
forsvari fyrir Stinningskalda,
stuðningsmannaklúbb Grindavíkur í
knattspyrnu, sem gaf Mæðrastyrks-
nefnd bretti af Pepsi-flöskum á
dögunum. Pepsi-brettið fékk
klúbburinn í verðlaun frá Ölgerðinni
í sumar fyrir að vera bestu stuðn-
ingsmennirnir.
KANNSKI FÆR
ÆTTINGI PEPSI
„Já, stundum. Mér finnst hún mjög
góð og gott að hafa hana mjög sterka.
Lyktin er ekkert sérstök og ógeðslegt
þegar hún er soðin í húsinu.“
INGA RÁN REYNISDÓTTIR
16 ÁRA NEMI
MAÐUR DAGSINS
Nýjar skattaálögur ríkisstjórnarinn-
ar eru fáum fagnaðarefni og ábyggi-
lega ekki heldur þeim sem að standa.
Kannski einhverjir fái þó smá kikk
út úr því að sverfa loks að auðstétt-
inni sem slapp svo firnavel á tímum
upprisu hins dauða fjármagns. Hlut-
skipti ráðherranna versnar á hinn
bóginn þegar neðar dregur, alltaf er
erfitt að setja klafa á hinn venjulega
meðaljón og atvinnulíf, hvaða nafni
sem það nefnist. En þó Ísland sé ekki
lengur sama skattaparadísin má hér
enn finna vinjar. Landið er fagurt og
frítt, hreint, tært, tignarlegt, heitt,
kalt, dimmt, bjart, hægri, vinstri. Og
þó skáldin séu dauð lifa þau enn í og
með þjóðinni.
En hvað gerði góðærið? Urðum
við sælli, urðum við betri eða fallegri?
Urðum við þjóð á meðal þjóða, tók
loksins einhver mark á okkur? Fannst
okkur gaman að fylgjast með Fuji og
Nasdaq? Skartgripum forsetafrúar-
innar og hverjir voru hvar? Var orð-
ið skemmtilegra að heyra af laxveiði-
ferðum auðmannanna heldur en
að renna fyrir sjálfur? Var flottræfils-
hátturinn orðinn okkar fyrirmynd?
Vildi ekki obbi þjóðarinnar vera sjálf-
ur auðmaður? Skreppa á eigin þotu á
Mónakókappaksturinn og taka Dur-
an Duran með sér til baka og slá upp
balli? Allavega höfðu stjórnmála-
menn gaman af lífsstíl og félagsskap
þessara manna og af hverju þá ekki
almenningur?
Blindsól þessa brjálæðis er nú
hnigin til viðar og komin nótt. Marg-
ir eru vel brenndir og sumir ná sér
aldrei. Flest munum við þó ná vopn-
um. Það tekur tíma en mun takast. En
áður en við förum út á akurinn þarf
að endurheimta laskaða sjálfsmynd.
Sem þjóð verðum við að vita hver við
erum, fyrir hvað við viljum standa og
hvert við viljum stefna. Við þurfum að
gera upp hug okkar eins og Þjóðverj-
ar eftir stríðið. Við hrifumst eins og
þeir, heilluðumst eins og þeir og fór-
um loks að trúa á eitthvað í blindni
og án gagnrýni eins og þeir. Að vísu
gerðum við það ekki öll en nógu mörg
til að tryggja tilvist gilda og siðferð-
is sem leiddu landið loks í gönur. Og
það mun taka drjúgan tíma fyrir þetta
grugg að setjast. Heitir annars nokkur
Hitler í heiminum í dag?
Á Íslandi er samt gott að búa. Það
þótti gott meðan rússíbaninn var í
gangi, það verður enn betra nú. Ró-
legra, afslappaðra og eðlilegra. Efna-
hagslegar þrengingar eru samt óum-
flýjanlegar en þær munum við þola.
Áframhaldandi siðferðisbrest mun-
um við hinsvegar ekki þola. Hann
þarf að uppræta fyrst og fremst í
stjórnsýslunni, þaðan á hinn hreini
tónn að enduróma um allt samfé-
lagið. Við verðum enn fremur að fá
nýja stjórnarskrá sem tryggir þjóð-
inni sjálfstæði, jöfnuð og sjálfbærni
til framtíðar. Við getum farið á haus-
inn en við megum ekki missa frá
okkur nauðsynleg hjálpargögn til að
komast aftur upp á lappirnar, hvorki
til útlanda né hagsmunasamtaka
hér heima. Og þessi eru mál mál-
anna, ekki einhverjar skattprósent-
ur. Þær munu lækka á ný. Annars er
þeim stjórnmálamönnum sem hæst
gjamma vegna skattaprógramms
ríkisstjórnarinnar aldrei nógsam-
lega bent á að allir þessir skattar, öll
þessi nýju gjöld og byrðar eru í þeirra
boði, ESB er í þeirra boði, Icesave er í
þeirra boði og öll hin laskaða ímynd
Íslands er í þeirra boði. Kuskið á hvít-
flibbanum er í þeirra boði. Rolukoll-
unum væri því nær að þegja fyrst
þeim datt ekki í hug að fá sér aðra
vinnu.
Kuskið á hvítflibbanum
KJALLARI
MYNDIN
1 Jón Gnarr: Næstum dauður af
pilluáti Jón Gnarr sagði frá því í
helgarviðtali við DV að hann hefði verið
hætt kominn á pönktímabilinu.
2 Magnús Scheving ætlaði að
verða arkitekt Faðir Magnúsar
Scheving reiknaði með því að sonur sinn
myndi leggja arkitektúr fyrir sig.
3 Amy og Blake trúlofuð á ný
Blake Fielder-Civil segir að hann og
söngkonan breska Amy Winehouse séu
trúlofuð á ný.
4 Avatar sló engin
miðasölumet en lofuð
af gagnrýnendum Avatar, eftir
James Cameron, tók inn 27 milljónir
Bandaríkjadala á fyrstu sýningarhelgi.
5 Átján mánaða stúlka numin á
brott af lögreglustöð Lögreglan
í Bretlandi leitar nú að átján mánaða
gamalli stúlku sem var rænt af
lögreglustöð í London.
6 Bandaríkjamenn auka álögur
á ljósabekki Bandarískir ráðamenn
hafa ákveðið að auka álögur á
ljósabekki.
5 Vonskuveður í Vestmanna-
eyjum Hvöss norðanátt var í
Vestmannaeyjum á sunnudag og voru
hviðurnar nokkuð sterkar þar.
MEST LESIÐ á DV.is
UMRÆÐA 21. desember 2009 MÁNUDAGUR 23
FÓLK Á HLAUPUM Í INNKAUPUM Þótt jólasnjóinn vanti bítur kuldinn á endaspretti aðventunnar en fólk lét næðinginn ekki
aftra sér um helgina og endasentist upp og niður Bankastrætið og Laugaveginn í jólastússi. MYND SIGTRYGGUR ARI
LÝÐUR ÁRNASON
heilbrigðisstarfsmaður
skrifar
„En hvað gerði
góðærið? Urðum
við sælli, urðum
við betri eða
fallegri?”