Dagblaðið Vísir - DV - 23.08.2010, Blaðsíða 4

4 fréttir 23. ágúst 2010 mánudagur
LAGERSALA
www.xena.is
Mikið úrval af skóm
á alla fjölskylduna
Frábær verð
no1
st. 36-41 verð kr. 8995.-
no2
st. 36-41 verð kr. 8995.-
no3
st. 36-41 verð kr. 8995.-
no4
st. 36-46 verð kr. 8995.-
Opið virka daga 12-18
laugardag 12-16
Fyrirtækið Gasfélagið, sem hefur að-
setur í Straumsvík, hefur sótt um
byggingarleyfi hjá Hafnarfjarðarbæ til
þess að auka geymarými sitt til muna.
Fyrirtækið hefur nú geymslurými fyr-
ir 452 tonn af própangasi en vill, sam-
kvæmt upplýsingum frá Hafnarfjarð-
arbæ, stækka geymslurýmið upp í
1.328 tonn. Bjarni Ármannsson, fyrr-
verandi forstjóri Glitnis, er eigandi
Gasfélagsins í gegnum félagið Sjáv-
arsýn. Málið var tekið fyrir á fundi
embættismanna Hafnarfjarðarbæjar í
júní, en afgreiðslu málsins var frestað
þar sem skipulags- og byggingafull-
trúi óskaði eftir frekari gögnum sem
sýna nákvæma stærð og staðsetningu
gastanka sem félagið hyggst byggja.
Forsvarsmenn álvers Rio Tinto Alcan í
Straumsvík, sem eru næstu nágrann-
ar Gasfélagsins, leggjast alfarið gegn
hugmyndum um stækkun af ótta við
sprengihættu. Þeir segja að nú þeg-
ar sé sprengihætta af Gasfélaginu, en
hún muni aukast verulega, nái hug-
myndir um stækkun fram að ganga.
Óttast sprengihættu
Ólafur Teitur Guðnason, fram-
kvæmdastjóri samskiptasviðs Rio
Tinto Alcan, segir að fyrirtækið telji
stækkun geymarýmisins ekki æski-
lega og að óheppilegt sé að reka
svona umfangsmikla innflutnings-
geymslu og dreifistöð fyrir gas, eins
nálægt stórum vinnustað og gert er
í Straumsvík. „Af þessu er nú þegar
talsverð hætta fyrir okkar starfsfólk og
starfssemi. Hún mun aukast verulega
ef umsvifin verða aukin, þannig að
við erum ekki hrifin af þeim fyrirætl-
unum,“ segir Ólafur og tekur fram að
það sé ekki talið líklegt að geymarnir
springi, en það sé heldur ekki hægt að
útiloka það.
Aðspurður um hættuna af hugs-
anlegri sprengingu í gasgeymunum,
svarar Ólafur: „Samkvæmt okkar út-
reikningum myndi sprenging í þess-
um fjórum geymum stofna mörgum
starfsmönnum í bráða lífshættu og
margir tugir til viðbótar ættu á hættu
alvarlegt líkamstjón. Okkar útreikn-
ingar benda til að áhrifanna myndi
gæta á öllu svæðinu, en svo er hætt-
an mismikil eftir því hversu nálægt er
farið.“
Rio Tinto Alcan hyggst koma því á
framfæri við yfirvöld í Hafnarfirði að
fyrirtækið mælist til þess að þess að
fyrirhuguð stækkun verði ekki leyfð.
Fara eftir ströngum reglum
Pétur Þórir Pétursson, framkvæmda-
stjóri Gasfélagsins, segir í samtali við
DV að fyrirhuguð stækkun sé liður
í að gera fyrirtækið hagkvæmara og
til þess að hægt sé að taka inn stærri
farma af gasi í einu til landsins. Hann
segir farið eftir öllum reglugerðum
um öryggismál. „Þannig að stöðin
er að öllu leyti, og hefur verið frá því
hún var byggð árið 1995, samkvæmt
ströngustu kröfum um öryggi og allt
sem viðkemur því. Það var aðallega
farið eftir Shell-stöðlum, sem eru
ströngustu staðlar sem til eru, auk
opinberra reglugerða. Líkur á að eitt-
hvað gerist eru mjög litlar. Gas er fljót-
andi efni eins og við tökum það og
lýtur að mörgu leyti sömu lögmálum
og bensín og eldsneyti. Það er meira
í hugum fólks sem gas er hættulegra,“
segir Pétur.
Fyrirhuguð stækkun þarf að fara í
grenndarkynningu, en þar er aðallega
átt við að sannfæra þarf Rio Tinto Al-
can um að samþykkja stækkunina.
Bullandi taprekstur
Gasfélagið, sem er eins og fyrr
segir að fullu í eigu einkahlutafé-
lagsins Sjávarsýnar, sem er í eigu
Bjarna Ármannssonar, hefur ver-
ið rekið með miklu tapi hin síð-
ari ár. Samkvæmt ársreikningi fyr-
ir árið 2007 tapaði félagið 1.227
milljónum króna. Árið 2008 nam
tapið á rekstri félagsins 616 millj-
ónum króna, en Bjarni Ármanns-
son eignaðist félagið að fullu það
ár. Árið 2006, árið áður en Bjarni
keypti félagið, skilaði Gasfélag-
ið hins vegar um 284 milljónum
króna í hagnað.
Forsvarsmenn álvers Rio Tinto Alcan í Straumsvík leggjast gegn því að Gasfélagið, sem
er í eigu Bjarna Ármannssonar, fái að stækka geymarými sitt í Straumsvík um 876 tonn.
Ólafur Teitur Guðnason segir að starfsmönnum álversins stafi nú þegar hætta af geym-
um Gasfélagsins og hún myndi aukast verulega ef umsvif fyrirtækisins yrðu aukin.
ÓTTAST SPRENGIHÆTTU
AF GASFÉLAGI BJARNA
valGeir örn raGnarsson
blaðamaður skrifar: valgeir@dv.is
Myndi sprenging í þessum fjórum
geymum stofna mörg-
um starfsmönnum í
bráða lífshættu.
eigandinn BjarniÁrmannsson,
fyrrverandiforstjóriGlitnis,ereig-
andiGasfélagsins,semvillstækka
geymarýmisittnærriþrefalt.
Sex stútar á
Menningarnótt
Sex ökumenn voru teknir fyrir ölv-
unarakstur á Menningarnótt. Fimm
voru stöðvaðir í Reykjavík og einn í
Mosfellsbæ. Þetta voru fimm karlar
á aldrinum 21–50 ára og 35 ára kona.
Einn þessara ökumanna hafði þegar
verið sviptur ökuleyfi. Nokkuð var
um umferðaróhöpp í borginni í gær
en þau voru nær öll minniháttar. Í
einu tilviki var ekið á gangandi veg-
faranda en meiðsli hans voru ekki
talin alvarleg.
Teknir með dóp
Nokkur fíkniefnamál komu til kasta
lögreglu á Menningarnótt. Fjór-
ir karlar á aldrinum 16–30 ára voru
handteknir í miðborginni grunaðir
um fíkniefnamisferli, en á þremur
þeirra fundust fíkniefni. Um var að
ræða bæði amfetamín og marijúana.
Piltur um tvítugt var einnig hand-
tekinn í miðborginni á laugardag
en í fórum hans fundust fíkniefni.
Lögreglumenn voru annars almennt
sáttir með Menningarnótt þetta árið.
Þyrla til bjargar
Á áttunda tímanum á laugardags-
kvöld barst Landhelgisgæslunni boð
frá Neyðarlínunni um konu sem
slasast hefði á fæti í Hrútfjallstind-
um í Öræfajökli. Var þyrla Landhelg-
isgæslunnar kölluð út þar sem talið
var vandkvæðum bundið að koma
konunni niður af jöklinum.
TF-LIF fór í loftið um áttaleytið
og var komin á slysstað laust eftir
klukkan níu um kvöldið. Ekki reynd-
ist unnt að lenda á slysstað og var
því brugðið á það ráð að lenda við
Freysnes þar sem þyrlan var létt
áður en haldið var aftur á slysstað
þar sem slasaða konan var hífð um
borð ásamt tveimur ferðafélögum.
Dagur B. eggertsson segir 150 prósent skuldaþak orðum aukið:
Ekki150prósentþak
Dagur B. Eggertsson, formaður borg-
arráðs, segir að það sé ekki rétt sem
hafi komið fram að skuldaþak á
sveitarfélög eigi að verða 150 prósent
af árstekjum þeirra. Hann vill ekki tjá
sig að öðru leyti um hvernig Reykja-
víkurborg myndi bregðast við ef lög
um skuldaþak á sveitarfélög yrðu sett
á. Hann segist hafa spurst fyrir um
málið hjá fjármálastjóra borgarinn-
ar og fengið þau svör að fregnir um
150 prósent skuldaþak væru orðum
auknar.
Frá því var sagt í Fréttablaðinu í síð-
ustu viku að hugmyndir sérfræðinga
Alþjóðagjaldeyrissjóðsins gangi út á
það að þak verði sett á skuldir sveit-
arfélaga, svo skuldir þeirra megi ekki
vera hærri en 150 prósent af árstekj-
um þeirra. Það er ljóst að Reykjavík-
urborg er langt frá því að uppfylla
þau skilyrði.
Nefnd sem vinnur að frumvarpi
um breytingar á sveitarstjórnarlög-
um vill reyna að takmarka heimildir
sveitarfélaga til skuldsetningar, með-
al annars með því að setja skuldaþak
sem miðar við 150 prósent af árstekj-
um sveitarfélaga.
Miðað við tölur úr endurskoðun-
arskýrslu Reykjavíkurborgar, eru
skuldir fyrir árið 2010 áætlaðar 326
milljarðar króna. Að sama skapi eru
tekjur fyrir árið áætlaðar 89 milljarð-
ar króna. Þetta þýðir að skuldir borg-
arinnar eru 366 prósent af tekjum
borgarinnar.
Áforma stækkun GasfélagiðíStraumsvík
villstækkageymarýmisittverulega.
NágrannarþeirraíRioTintoAlcanleggjast
gegnstækkuninniafóttaviðsprengihættu.
mynD rÓBerT reynisson