Dagblaðið Vísir - DV - 23.08.2010, Blaðsíða 7

MÁNUDAGUR 23. ágúst 2010 FRÉTTIR 7
25% afsláttur
af hvítum háglans innréttingum
Sérhæfum okkur
í innréttingum
fyrir heimili á
lágmarksverði
ÆTLUÐU AÐ KOMA
HÖGGI Á WIKILEAKS
Í mars voru trúnaðargögn birt á uppljóstrunarsíðunni Wikileaks um áætlun bandarískra stjórnvalda til að
uppræta starfsemina. Þar var talið að ákæra vegna glæps á hendur einhverjum af forsprökkum Wikileaks
myndi draga úr trúverðugleika síðunnar. Kristinn Hrafnsson fréttamaður segir margt benda til þess að
ásakanir á hendur Julians Assange, stofnanda Wikileaks, um kynferðisbrot séu hluti af þeirri herferð.
„Í síðasta skiptið gekk hann of langt,“
segir kona sem leitaði til lögreglunn-
ar í Stokkhólmi í síðustu viku. Hún
telur að Julian Assange, einn af stofn-
endum Wikileaks, hafi nauðgað sér.
Tvær stúlkur leituðu til lögregl-
unnar og töldu Assange hafa misnot-
að sig. Önnur kvennanna var í við-
tali hjá sænska blaðinu Expressen á
sunnudag.
Konan, sem er frá Enköping í Sví-
þjóð, er sögð hafa haft samband við
Assange í gegnum sameiginlegan
kunningja þeirra í Stokkhólmi þeg-
ar hún frétti af því að Assange væri
á leið þangað. Hún bauð honum
aðstoð sína þyrfti hann á henni að
halda.
Konan er sögð hafa hitt Assange
á laugardag í síðustu viku í hádegis-
mat. Þau hafi síðan varið tíma sam-
an um eftirmiðdaginn og farið í
kvikmyndahús um kvöldið. Þegar
myndinni lauk hafi þau kvatt hvort
annað og sagst ætla að vera í síma-
sambandi. Assange fór sjálfur í gleð-
skap þar sem kona segir hann hafa
misnotað sig um nóttina.
Konan frá Enköping er sögð hafa
haft samband við Assange aftur á
mánudeginum og þau hist síðan í
Stokkhólmi. Þau hafi tekið lestina til
Enköping og farið í íbúð hennar þar
sem hún segir þau hafa stundað kyn-
líf með hennar samþykki. Hún hafi
aftur á móti sett Assange mörk sem
hann hafi ekki virt. Hún hafi síðan
haft samband við kunningja sinn í
Stokkhólmi á ný og þau hafi ákveðið
að leita til lögreglunnar.
Viðbrögð gagnrýnd
Á föstudag gaf saksóknari í Svíþjóð út
handtökuskipun á hendur Assange
sem síðan var dregin til baka af rík-
issaksóknara. Maria Häljebo Kjell-
strand gaf upphaflega út handtöku-
skipunina og sagði fjölmiðlum frá því
að Assange hefði verið kærður fyr-
ir nauðgun. Kjellstrand hefur meðal
annars verið gagnrýnd af fyrrverandi
ríkissaksóknara í Svíþjóð sem segir
ekki eiga að gefa upp slíkar upplýs-
ingar á þessu stigi máls.
Í mars birti Wikileaks gögn sem
sýndu fram á vilja bandarískra
stjórnvalda til að uppræta uppljóstr-
unarstarfsemina fyrir tveimur árum.
„Staðfesting á afhjúpun, uppsögn á
vinnustað, ákæra eða lagalegar að-
gerðir gegn núverandi eða fyrrver-
andi forsprökkum og uppljóstrur-
um gæti mögulega skemmt fyrir eða
tekið broddinn úr starfseminni og
komið í veg fyrir að þeir sem hugsi
um að nota WikiLeaks.org vefsíðuna
geri það,“ segir í skýrslu sem birt var
á vefnum.
Kristinn svarar fyrirspurnum
Kristinn Hrafnsson fréttamaður hef-
ur svarað fjöldanum öllum af fyr-
irspurnum frá heimspressunni um
helgina eftir að fyrst var greint frá
ásökununum. „Þetta mál er eiginlega
svo farsakennt að það er ótrúlegt að
upplifa þetta,“ segir hann.
Aðspurður hvort málið sé hluti
af herferð bandarískra stjórnvalda
gegn Wikileaks segir Kristinn ekki
hægt að fullyrða um það. Hins veg-
ar liggi skjalið fyrir um hvernig gera
eigi út af við síðuna. „Þannig að sá
vilji hefur augljóslega verið til staðar
lengi. Hvort þetta er partur af því get
ég ekki sagt til um og hef ekki sann-
anir fyrir því. En ef hluturinn labbar
eins og önd og kvakar eins og önd þá
er hann líklega önd.“
Mannorðið svert
Sé Assange flett upp á leitarsíðum
koma ásakanirnar fljótt fram. Að-
spurður hvort herferðin hafi ekki þá
þegar tekist segist Kristinn frekar
telja að málið hafi sprungið í and-
litið á bandarískum stjórnvöldum.
Einkennilegur eftirmáli málsins hafi
ekki fengið minni athygli en ásak-
anirnar sjálfar. „Málið klárast og
Wiki leaks heldur sínum gangi þrátt
fyrir tilburði til að reyna að stoppa
síðuna,“ segir hann.
Assange sagði sjálfur við Afton-
bladet í gær að hann vissi ekki hverj-
ar konurnar væru og að ásakanirn-
ar væru tilhæfulausar. Þegar hann
var spurður hvort hann hefði verið
leiddur í kynlífsgildru svaraði hann:
„Kannski, kannski ekki.“
RÓBERT HLYNUR BALDURSSON
blaðamaður skrifar: rhb@dv.is
Hafnar því ekki að hafa verið leiddur í
gildru Julian Assange, stofnandi Wikileaks,
segir ásakanirnar tilhæfulausar en neitar því
ekki að hafa verið leiddur í gildru.