Dagblaðið Vísir - DV - 04.05.2011, Side 25

Sport | 25Miðvikudagur 4. maí 2011
Real Madrid úr leik í Meistaradeild Evrópu eftir jafntefli í Katalóníu:
Barcelona var betra liðið
Barcelona er komið í úrslit Meistara­
deildar Evrópu í þriðja sinn á síð­
ustu sex árum. Þetta varð ljóst eftir að
Barcelona og Real Madrid skildu jöfn,
1–1, í síðari leik liðanna á Nou Camp
á þriðjudagskvöld. Fyrri leikurinn
endaði með 2–0 sigri Barcelona og
því var ljóst að Real Madrid þurfti að
skora þrjú mörk til að komast áfram
auk þess að halda hreinu. Allt útlit er
fyrir að andstæðingur Barcelona í úr­
slitunum verði Manchester United en
United stendur vel að vígi eftir fyrri
leik sinn gegn Schalke.
Real Madrid hóf leikinn í rign­
ingunni í Barcelona af talsverðum
krafti og átti nokkrar álitlegar sóknir.
Það var ljóst af liðsuppstillingu Joses
Mour inho að Real Madrid var komið
til að sækja. Börsungar héldu boltan­
um vel innan liðsins án þess að skapa
sér hættuleg færi í fyrri hálfleik. Síð­
ari hálfleikurinn byrjaði fjörlega og
náðu leikmenn Real Madrid að opna
vörn Barcelona í nokkur skipti. Gon­
zalo Higuain skoraði mark í upp­
hafi síðari hálfleiks sem var dæmt
af vegna brots Cristiano Ronaldo á
Daniel Alves. Aðeins örfáum mínút­
um síðar kom fyrsta markið. Andres
Iniesta, eða heilagur Andrés eins og
hann er kallaður á Spáni, átti þá frá­
bæra sendingu inn á Pedro Rodri­
guez sem kom boltanum framhjá
Iker Casillas. Tíu mínútum síðar tókst
leikmönnum Madrid að jafna en þar
var á ferðinni Brasilíumaðurinn Mar­
celo. Fleiri urðu mörkin ekki og loka­
tölur því 1–1. Barcelona fór áfram
3–1 samanlagt. Þar með lauk fjögurra
leikja hrinu þessara fornu fjenda á
Spáni. Óhætt er að segja að leikirn­
ir hafi á heildina litið verið nokkuð
jafnir, en liðin unnu hvort sinn leik­
inn og gerðu tvö jafntefli. Í einvíginu í
Meistaradeild Evrópu voru leikmenn
Barcelona þó bein skeyttari og fóru
verðskuldað áfram.
Muntari fer
n Ganamaðurinn Sulley Muntari
verður ekki áfram í herbúðum
enska úrvalsdeildarliðsins Sunder­
land en þangað
kom hann á láni
frá Inter í janúar
síðastliðnum.
Ástæðan er ein­
föld: Sunderland
hefur ekki efni
á honum. „Það
er ekki glæta
að Sulley verði
áfram á Leikvangi ljóssins. Stjórn
Sunderland hefur ákveðið að hann
sé of dýr fyrir liðið,“ segir umboðs­
maður hans, Fabien Piveteau.
Rubin Kazan vill Pav-
lyuchenko
n Enskir miðlar greina frá því að
Tottenham sé búið að fá nóg af
rússneska framherjanum Roman
Pavlyuchenko
og ætli að selja
hann í sumar til
að fá eitthvað
upp í fjórtán
milljón pundin
sem hann kost­
aði liðið árið
2008. Rússneska
liðið Rubin Kaz­
an hefur áhuga á framherjanum.
„Við verðum að kaupa leikmenn á
borð við Roman ætlum við að geta
staðið okkur í Meistaradeildinni,“
segir Kurban Berdiyev, þjálfari Rubin.
Talið er að Rússarnir muni bjóða 10
milljónir punda í Pavlyuchenko.
Ferrari í veseni
n Keppnislið ferrari í Formúlu 1
gæti þurft að greiða fjársektir eða
sæta frekari refsingum eftir að liðið
nýtti tökudag til
að prófa nýjar
uppfærslur á
keppnisbíl sín­
um. Verið var að
taka upp innslag
fyrir heimasíðu
Ferrari þar sem
Felipe Massa
prófaði þrjá bíla,
þar á meðal núverandi keppnis­
bíl með nýrri uppfærslu. Bannað er
að prófa bílana utan keppnishelga
en ætlaði Ferrari þarna að koma
sér undan reglunni. Allsherjarráð
Formúlunnar fer nú yfir málin.
Erum betri núna
n Stærsti leikur ársins í enska bolt­
anum fer fram á sunnudaginn þeg­
ar Manchester United og Chelsea
mætast á Old Trafford. United vann
Chelsea tvíveg­
is í Meistara­
deildinni fyrir
fáeinum vikum
en John Terry,
fyrirliði Chelsea,
segir sína menn
miklu betri
núna. „United
mun mæta betra
Chelsea­liðið núna. Við erum virki­
lega ferskir núna og á góðu skriði
í deildinni. Leikmennirnir trúa að
við getum unnið leikinn því ef við
vinnum rest verðum við meistarar,“
segir Terry.
QPR-málið hefst
n Á þriðjudaginn hófst fjögurra
daga réttarhald enska knattspyrnu­
sambandsins sem gæti hirt Cham­
pionship­tit­
ilinn af QPR.
QPR er sakað
um að hafa gert
samning við Arg­
entínumann­
inn Alejandro
Faurlin árið 2009
í gegnum þriðja
aðila, ekki ólíkt
því sem West Ham var sakað um
með Carlos Tevez. Svo gæti farið að
stig verði tekin af QPR og missir það
þá meistaratitilinn og gæti þurft að
leika í umspili um sæti í ensku úr­
valsdeildinni en þangað er liðið nú
þegar komið.
Molar
„Á hæsta stigi franskrar knattspyrnu
er málið þannig: það er of mikið af
blökkumönnum, of mikið af aröb­
um og of lítið af hvítum leikmönn­
um.“ Svo segir í frétt frönsku vefsíð­
unnar Mediapart, sem greindi frá
því síðastliðið fimmtudagskvöld að
franska knattspyrnusambandið væri
að leggja á ráðin um „kynþáttakvóta“.
Framvegis mættu ekki nema 30 pró­
sent leikmanna sem koma í gegnum
unglingastarf franska knattspyrnu­
sambandsins vera af afrískum upp­
runa. Mediapart fullyrti að sannanir
væru fyrir hendi um að æðstu menn
franska sambandsins væru með í ráð­
um, meðal annars landsliðsþjálfar­
inn sjálfur, Laurent Blanc. Talsmaður
hans sagði landsliðsþjálfarann hafna
allri mismunun, hvernig sem hún
kæmi fram.
Mediapart sagði hins vegar að
Blanc hefði verið einn af þeim sem
áttu frumkvæði að verkefninu, þar
sem landsliðseinvaldinum mun hafa
þótt miður hve margir leikmenn eru
þjálfaðir af Frökkum fram undir tví­
tugt, þegar þeir ákveða skyndilega að
spila fyrir aðra þjóð. Þessar þjóðir eru
oftast í Norður­ og Vestur­Afríku.
Rannsókn farin af stað
Franska dagblaðið Le Monde greindi
frá því á mánudag að tæknilegur
stjórnandi franska landsliðsins,
François Blaquart, hefði sagt starfi
sínu lausu eftir neyðarfund á laugar­
dag. Chantal Jouanno, íþróttamála­
ráðherra Frakklands, hefur þegar
greint frá því að rannsókn sé farin
af stað. Málið þykir allt hið neyðar­
legasta fyrir franska knattspyrnu­
sambandið, svo ekki sé meira sagt,
en þar eru menn enn að sleikja sár­
in eftir hörmulegt gengi landsliðsins
á heimsmeistarakeppninni í knatt­
spyrnu sem fram fór síðastliðið sumar
í Suður­Afríku. Þá gerðu nokkrir leik­
menn uppreisn gegn þáverandi þjálf­
ara, Raymond Domenech, sem vakti
hneykslan knattspyrnuáhugamanna
um víða veröld. Nýja hneykslið, sem
er bæði alvarlegra og annars eðlis, er
ekki líklegt til að verða frönskum fót­
bolta til framdráttar.
Var tákn aðlögunarstefnunnar
Það er greinilega af sem áður var hjá
franska landsliðinu, reynist það rétt
að verkefnið um kynþáttakvóta hafi
verið í pípunum. Árið 1998 fagn­
aði franska landsliðið sigri í heims­
meistarakeppninni og aðeins tveim­
ur árum síðar fögnuðu þeir einnig
sigri í Evrópukeppninni. Fjölmarg­
ar hetjur liðsins á þeim tíma voru
af afrískum uppruna. Nægir þar að
nefna Zinedine Zidane (Alsír), Mar­
cel Desailly (Gana) og Patrick Vieira
(Senegal), auk þess sem leikmenn
eins og Thierry Henry og Lilian Thu­
ram rekja uppruna sinn til frönsku
eyjanna Guadaloupe og Martinique –
en flestir íbúar þeirra eru afkomendur
vesturafrískra þræla.
Sigursælt landslið Frakklands á ár­
unum 1998 til 2000 var af mörgum talið
sameiningartákn frönsku þjóðarinnar
og sönnun þess að aðlögun innflytj­
enda í Frakklandi hefði borið góðan
árangur. Stuðningur við öfga­hægri­
flokka, eins og Þjóðfylkingu Jean­Mar­
ie Le Pen, fór þverrandi á sama tíma.
n Hneyksli skekur franska knattspyrnusambandið n Frönsk vefsíða segist hafa
sannanir fyrir verkefni sem sneri að því að takmarka fjölda leikmanna af afrískum
uppruna n Málið nær til háttsettra manna, meðal annars landsliðsþjálfarans sjálfs„Á hæsta stigi
franskrar knatt-
spyrnu er málið þannig:
það er of mikið af blökku-
mönnum, of mikið af
aröbum og of lítið af hvít-
um leikmönnum.
Björn Teitsson
blaðamaður skrifar bjorn@dv.is
í franska landsliðinu
Kynþáttakvóti
Chantal Jouanno, íþróttamálaráðherra
Var hneyksluð þegar hún heyrði fréttirnar af
verkefninu og hefur sett af stað rannsókn.
Evrópumeistarar
Frakka árið 2000
Laurent Blanc, nú-
verandi landsliðs-
þjálfari, er í aftari röð,
annar frá vinstri. Þar
stendur hann milli
Zidane, sem fæddist
í Alsír, og Vieira, sem
fæddist í Senegal.
Mikilvægt mark Pedro Rodriguez kom Barcelona yfir í leiknum gegn Real Madrid eftir
laglegan undirbúning Andres Iniesta. Mynd REuTERS