Dagblaðið Vísir - DV - 18.05.2011, Page 2

2 | Fréttir 18. maí 2011 Miðvikudagur
Fyrrverandi viðskiptavinur í eign-
astýringu Glitnis, Þórður Sverrisson
læknir, ákvað að höfða skaðabótamál
gegn bankanum vegna kaupa eign-
astýringardeildar bankans á tveim-
ur víxlum Milestone fyrir hans hönd
upp á samtals tíu milljónir króna í
október 2007. 6,2 milljarðar króna
söfnuðust í skuldabréfa- og víxlaút-
boðinu sem um ræðir og kom hluti
þeirra fjármuna frá viðskiptavinum
eignastýringardeildar Glitnis. Eig-
endur Milestone, þeir Karl og Stein-
grímur Wernerssynir, voru á þessum
tíma meðal stærstu hluthafa Glitnis í
gegnum eignarhaldsfélagið Þátt Int-
ernational. Þórður tapaði tíu milljón-
um króna á viðskiptunum.
Mál Þórðar var þingfest í nóvem-
ber í fyrra. Kveðinn var upp úrskurð-
ur í málinu í Héraðsdómi Reykja-
víkur á þriðjudaginn. Úrskurðað var
Glitni í hag. Ein helsta ástæðan fyrir
þeirri niðurstöðu dómarans í mál-
inu var sú að hann taldi ekki sannað
að stjórnendur og starfsmenn Glitn-
is hefðu vitað að fjárhagsleg staða
Milestone væri eins slæm og raun
bar vitni þegar víxlarnir voru keyptir
fyrir hönd Þórðar.
Fleiri viðskiptavinir eignastýr-
ingardeildar Glitnis biðu eftir nið-
urstöðu í máli Þórðar og hefðu án
efa einnig leitað réttar síns gagnvart
bankanum ef úrskurðað hefði verið
honum í hag, samkvæmt heimild-
um DV. Þeir kunna þó að skoða rétt-
arstöðu sína ef dæmt verður Þórði í
hag ákveði hann að kæra úrskurðinn
til Hæstaréttar Íslands.
Gegn betri vitund?
Rök Þórðar í málinu snérust um það
að starfsmenn eignastýringardeildar
Glitnis hefðu fjárfest fyrir hans hönd
í umræddum víxlum gegn betri vit-
und stjórnenda Glitnis, það er segja:
Að starfsmenn eignastýringardeild-
arinnar hefðu fjárfest í bréfunum
þrátt fyrir að ljóst væri að ekki var
um góða fjárfestingu að ræða á þeim
tíma. Líklegt má telja að stjórnendur
Glitnis hafi búið yfir innherjaupplýs-
ingum um að staða Milestone hafi
alls ekki verið góð þegar skuldabréfa-
og víxlaútboðið fór fram og að þeir
hafi vitað að félagið átti í erfiðleik-
um með að endurfjármagna sig. Um
þetta segir meðal annars í dómnum,
og er vísað til raka lögmanns Þórðar:
„Víxlarnir hafi svo verið seldir til
grandlausra viðskiptavina einka-
bankaþjónustu varnaraðila, sem eft-
ir sitji með skarðan hlut... Vitneskj-
an um stöðu Milestone ehf. hljóti á
þessum tíma að hafa verið til staðar
hjá talsvert stórum hópi yfirmanna
varnaraðila.“
Starfsmenn eignastýringardeildar
Glitnis kynntu fjárfestingarkostinn
fyrir viðskiptavinum sínum og slógu
þeir í einhverjum tilfellum til í kjöl-
farið. Þetta átti til dæmis við um
Þórð. Í öðrum tilfellum voru við-
skiptavinir eignastýringardeildar-
innar ekki spurðir hvort fjárfesta
ætti í bréfunum áður en starfsmenn
Glitnis létu þá fjárfesta í þeim.
Vill skaðabætur
Þórður vildi að skaðabótakrafa sín,
sú upphæð sem hann tapaði vegna
kaupanna á víxlum Milestone, rúm-
ar 11 milljónir króna með vöxtum,
yrði samþykkt sem almenn krafa í
bú Glitnis. Líkt og fjölmargir aðrir
skuldabréfa- og víxlaeigendur Mile-
stone lýsti Þórður kröfu í þrotabú
Milestone sem nánast ekkert fæst
upp í. Reiknað er með því að um 1
til 3 prósent endurheimtur fáist upp
í lýstar kröfur sem nema nærri 92
milljörðum króna.
Kröfuhafar Milestone munu því
tapa í kringum 90 milljörðum króna
á gjaldþroti eignarhaldsfélagsins. Þar
af á Glitnir kröfu upp á 44 milljarða
króna og er bankinn stærsti kröfu-
hafi Milestone. En óbreyttir borgar-
ar, í einhverjum tilfellum venjulegt
launafólk á miðjum aldri sem treysti
Glitni fyrir sparifé sínu, munu sömu-
leiðis tapa háum fjárhæðum á gjald-
þroti félagsins vegna fjárfestinga
Glitnis fyrir þeirra hönd í skuldabréf-
um og víxlum Milestone.
Reiði
DV hefur rætt við skuldabréfa- og
víxlaeigendur í Milestone sem voru
látnir fjárfesta í þessum pappírum í
gegnum eignastýringuna hjá Glitni
en blaðið fjallaði meðal annars um
gremju þeirra út af málinu í lok árs
2009. Í flestum tilfellum er um að
ræða fólk á miðjum aldri sem tapaði
hluta af sparnaði sínum, frá nokkr-
um milljónum króna og upp í tugi
milljóna, á fjárfestingu í skuldabréf-
um og víxlum Milestone.
Einn þeirra einstaklinga sem lýst
hafa kröfu í þrotabú Milestone sagð-
ist í lok árs 2009 vera svo reiður út í
starfsmenn eignastýringardeildar-
innar að hann gæti eiginlega ekki
rætt um málið. „Ég get eiginlega ekki
talað um þetta því ég verð svo reiður.
Ég get ekki talað um þetta án þess að
fá flog. Ég er hrikalega reiður út í þá,“
sagði viðskiptavinurinn fyrrverandi í
viðtali við DV.
Viðskiptavinurinn sagðist ekki
hafa fengið að vita að starfsmenn
eignastýringarinnar hefðu keypt
skuldabréf Milestone fyrir sig fyrr
en nokkrum mánuðum eftir að þeir
gerðu það. Viðskiptavinurinn tap-
aði á annan tug milljóna fyrir vikið.
Aðspurður hvenær eignastýringin
hafi fjárfest í skuldabréfinu segir við-
skiptavinurinn að hann geti ekkert
sagt til um það þar sem eignastýr-
ingin hafi séð um viðskiptin. „Ég veit
ekki hvenær þetta var og ég get ekki
svarað þér... Það hvarflaði ekki að
mér að ég ætti eitthvað í Milestone.“
Fóður fyrir málaferli
Hluti af rökum Þórðar í málinu
byggði á upplýsingum um starfsemi
Milestone sem fram koma í endur-
skoðendaskýrslu endurskoðunarfyr-
irtækisins Ernst & Young sem unnin
var fyrir þrotabú Milestone.
Í þeirri skýrslu kemur fram, líkt
og lögmaður Þórðar reifaði í málinu,
að Milestone hafi verið orðið ógjald-
fært félag strax í árslok 2007. Með
orðinu ógjaldfært er átt við að Mile-
stone hafi þá þegar ekki getað stað-
ið við fjárhagslegar skuldbindingar
sínar. Ernst & Young segir jafnframt
að Milestone hafi verið komið í fjár-
hagsleg vandræði strax um haustið
2007, áður en umrætt skuldabréfa-
og víxlaútboð fór fram. Í skýrslunni
segir um þetta: „Niðurstaða okkar
er að Milestone ehf. hafi verið kom-
ið í veruleg fjárhagsleg vandræði á
haustmánuðum ársins 2007.“
Þessi staðreynd rennir stoð-
um undir þá kenningu að skulda-
bréfa- og víxlaútboðið hafi í reynd
verið þrautalending hjá Milestone
til að afla sér fjármuna inn í rekstur
eignarhaldsfélagsins. Um þetta seg-
ir í dómnum þar sem rök lögmanns
Þórðar eru reifuð: „Varnaraðili hafi
blekkt sóknaraðila til umræddra
kaupa eða hafi keypt fyrir hann verð-
bréf sem hann hafi vitað eða mátt
vita að væru verðlaus, þrátt fyrir að
samkvæmt lögum um verðbréfavið-
skipti bæri honum að hafa hag sókn-
araðila og sóknaraðila eingöngu í
huga þegar hann hafi komið þessum
viðskiptum í kring. Á þessu athæfi
ber varnaraðili bótaábyrgð sem hér
sé krafist að viðurkennd verði.“
Leituðu til tuga banka
Þessari staðhæfingu til stuðnings má
nefna þá staðreynd sem fram kemur
í skýrslu Ernst & Young, og lögmað-
ur Þórðar vísaði til í málaferlunum,
að Milestone leitaði til tuga erlendra
banka eftir lánafyrirgreiðslu sum-
arið og haustið 2007 þegar fyrir lá
að félagið þyrfti að verða sér úti um
lausafé til að standa við skuldbind-
ingar sínar á árinu 2008. Í skýrslunni
kemur fram að Askar Capital, eitt af
dótturfyrirtækjum Milestone, hafi
séð um að leita eftir þessari lánafyrir-
greiðslu og að þóknanir til bankans
vegna þessa hafi numið 20 milljón-
um króna á tímabilinu.
Allt kom þó fyrir ekki samkvæmt
skýrslu Ernst & Young og ekki náð-
ist að finna lánsfé handa félaginu:
„Samkvæmt upplýsingum frá fyrr-
verandi fjármálastjóra Milestone
ehf. [Arnari Guðmundssyni, innskot
blaðamanns] áttu aðilar frá Askar
Capital hf. ýmist einir eða með aðil-
um frá Milestone ehf. fundi með tug-
um banka í Evrópu, en ekki náðist að
loka neinum lánasamningi,“ segir í
skýrslu Ernst & Young.
Dómarinn í málinu féllst þó
ekki á þessi rök sem grundvöll fyr-
ir skaðabótakröfu Þórðar og þar af
leiðandi taldi hann ekki sannað að
n Viðskiptavinur eignastýringardeildar
Glitnis stefndi bankanum n Telur Glitni
ekki hafa verið heimilt að kaupa víxla Mile-
stone í árslok 2007 n Úrskurðað Glitni í vil
á þriðjudaginn n Dómarinn taldi ekki sann-
að að Glitnir hefði brotið gegn manninum
Stefndi Glitni veGna
eiGnaStýrinGar bankanS
Ingi Freyr Vilhjálmsson
fréttastjóri skrifar ingi@dv.is
„Það hvarflaði ekki
að mér að ég ætti
eitthvað í Milestone.
Úrskurðað Glitni í hag Úrskurðað var Glitni í hag í málinu. Steinunn Guðbjartsdóttir, for-
maður slitastjórnar Glitnis, sést hér mæta fyrir dóm á þriðjudaginn.
Eitt af týndu málunum Viðskipti eignastýringardeilda íslensku bankanna með fjármuni viðskiptavina sinna er eitt af þeim málum sem
furðulega lítið hefur verið fjallað um eftir bankahrunið. Karl Wernersson var aðaleigandi Milestone; Birkir Kristinsson starfaði í eignastýringu
Glitnis; Guðmundur Ólason var forstjóri Milestone; Steinunn Guðbjartsdóttir tekur til varna fyrir Glitni.