Dagblaðið Vísir - DV - 27.02.2012, Síða 15

Neytendur 15Mánudagur 27. febrúar 2012
Minna magn, hærra verð
n Nýjar umbúðir skyr.is-drykkjarins innihalda 80 millilítrum minna
M
jólkursamsalan setti á mark-
að skyr.is-drykki í nýjum um-
búðum fyrir skömmu eins
og margir hafa tekið eftir.
Það vakti þó athygli lesanda DV að á
sama tíma og magn drykkjarins var
minnkað hækkaði verðið. Áður inni-
hélt dósin 330 millilítra af skyrdrykkn-
um og kostaði um það bil 137 krónur.
Fyrir nokkrum dögum var nýja dósin,
sem inniheldur 250 millilítra, komin í
171 krónu. Þetta eru þó ekki einu vör-
urnar þar sem innihald umbúða hef-
ur minnkað en verð hækkað því þetta
á einnig við um Ópal og Tópas. Inni-
hald þar minnkaði um 33 prósent í
lok síðasta árs en pakkinn seldur á
sama verði og áður.
„Við heyrðum athugasemd frá
neytanda um þetta og þetta er mjög
góð ábending og skiljanlegt að menn
séu ekki alveg sáttir. En það verður að
hafa í huga að þetta er ekki sama var-
an og áður, þetta er ný vara að eigin-
gerð, merkt með skráargatsmerkinu,
og eins hafa umbúðir tekið stakka-
skiptum,“ segir Björn S. Gunnarsson,
vöruþróunarstjóri hjá MS.
Varðandi hærra verð á drykknum
segir hann að þá sé heildsöluverð
nánast það sama og í gamla drykkn-
um en MS ráði svo ekki álagning-
unni í verslunum. Þetta heildsölu-
verð sem sé hærra, ef miðað er við
magn í dós, skýrist fyrst og fremst af
hærri kostnaði við umbúðir. Til dæm-
is sé nú komið á dósina plastlok sem
eykur kostnaðinn en hefur þann kost
að auðvelda neytendum að neyta
drykkjarins í skömmtum auk þess
sem það veiti állokinu vörn. Eins séu
nýju umbúðirnar umhverfisvænni
þar sem kominn er flipi á állokið og
hægt að fjarlægja hann auðveldlega
og setja dósina í endurvinnslu. Að-
spurður um ástæðu breytinganna
fyrst þær beri með sér meiri kostnað
segir Björn að sala á skyr.is drykknum
hafi verið á niðurleið og eitt af því sem
vann gegn honum voru of stórar um-
búðir. „Við höfum góða reynslu af 250
millilítra dósunum en við erum með
þá stærð á öðrum drykkjum. Það er
sá skammtur sem neytendur virðast
vera sáttari við. Eins voru gömlu um-
búðirnar sérstaklega hráar í útliti. Þær
nýju eru aðeins dýrari en að okkar
mati flottari og söluvænni fyrir vikið.“
gunnhildur@dv.is
Nýjar umbúðir Skyr.is-drykkurinn er
dýrari í nýjum umbúðum. MyNd xxx
Kenndu börnum að
fara með peninga
Þ
að hafa líklega allir foreldrar
heyrt barnið sitt segja: „Við
kaupum bara nýjan“, þegar
eitthvað brotnar eða eyði-
leggst og þetta hljómar mjög
rökrétt í eyrum barnanna. Það sýn-
ir að þau vita ekki hvaðan peningar
koma og halda að þeir vaxi á trján-
um. Það er því okkar foreldrana að
kenna þeim að vera ábyrg. Á tv2.dk
er einnig fjallað um hvernig við get-
um kennt börnunum okkar hvernig
á að fara með peningana á skynsam-
legan hátt.
Hvetjum þau til sparnaðar
Þegar börnin eru um það bil fimm ára
er gott að gefa þeim sparigrís og láta
þau byrja að spara þann pening sem
þeim áskotnast. „Þú getur hvatt þau
til að spara með því að gefa þeim bón-
us þegar þau hafa náð ákveðinni upp-
hæð,“ segir Ann Lehmann Erichsen
neytendahagfræðingur. Hún bendir á
að foreldrar séu fyrirmyndir barnanna
og þurfi því að byrja á sjálfum sér. Eins
að mikilvægt sé að borga ekki allt fyr-
ir börnin til þess að þau fái á tilfinn-
inguna hvað hlutirnir kosta.
„Þegar börnin verða 18 ára eru þau
orðin sjálfráða og geta þar með feng-
ið lán og stofnað til skulda. Það er því
heilmikið sem þarf að kenna þeim um
góðar og slæmar venjur, um að setja í
forgang, fjárhagsáætlanir og svo fram-
vegis. Það þarf að gerast áður en þau
verða nógu gömul til að koma sér í
slæm mál fjárhagslega. Þau eru ekki
fædd með fjármálavitund og það þurfa
þau að læra eins og allt annað í lífinu,“
segir Erichsen.
Að læra sjálfboðavinnu
Susanne Arvard, ráðgjafi í fjármál-
um heimilanna, tekur í sama streng
og hvetur foreldra til að kynna fyrir
börnunum allt sem viðkemur pen-
ingum, svo sem skatt, virðisaukaskatt,
um muninn í debet- og kreditkortum
og hvernig maður heldur bókhald yfir
fjármál sín.
Hún segir að um 8 til 10 ára aldur-
inn eigi foreldrar að byrja á að setja
börnunum verkefni á heimilinu og
borga þeim vasapening fyrir. Önn-
ur verkefni eigi þau að framkvæma
án þess að fá greitt fyrir svo þau skilji
mikilvægi sjálfboðavinnu. Þegar þau
eru 13 til 14 ára skulu foreldrar að-
stoða þau við að fá vinnu utan heim-
ilisins. „Margar rannsóknir sýna að
börn sem vinna með skóla standa sig
betur en þau sem eru einungis í skóla,“
segir hún.
Annað gott ráð er að láta börn-
in fara í búðina og versla í matinn. Þá
skulu þau kaupa í hollan og góðan
kvöldverð og þannig fá tilfinningu fyrir
hvað slíkt kostar.
Látum þau borga heim
Þegar börnin eru orðin 18 ára skulu
þau borga heim búi þau enn í for-
eldrahúsum. „Sumir foreldrar velja
að setja þá peninga beint í heimilis-
haldið en aðrir setja þá til hliðar þar
til barnið flytur að heiman og veita
þeim á þann hátt aðstoð þegar þar
að kemur.“ Síðast en ekki síst er gott
ráð að fara með ungmennið í bank-
ann og ræða þar saman við ráðgjafa.
Það er gott fyrir börnin að fá ráðlegg-
ingar frá þriðja aðila. Munið þó að
segja unglingnum að bankastarfs-
maðurinn vinni fyrst og fremst fyrir
bankann og setji hagsmuni bankans
í fyrsta sæti.
n Foreldrar eru fyrirmyndir barna þegar kemur að fjármálum
6 góð ráð um fjár-
mál fyrir börn
1 „Láttu barnið fá ábyrgð og borgaðu því vasapening í stað
þess að greiða allt fyrir það.
Vasapeningurinn skal hæfa aldri.
2 Fáðu unglinga til að halda fjár-hagsbókhald frá 14 ára aldri. Láttu
þá skipuleggja og forgangsraða
því þeir læra mest af því gera
hlutina sjálfir.
3 Gerðu kröfu um að börnin spari peningana sína.
4 Hvatning er mikilvæg. Gerðu samning við börnin en til dæmis
er hægt að semja um að þau leggi
til hliðar jafn mikið og þau eyða í
farsímanotkun. Skipulag og for-
gangsröðun skal lærast eftir því
sem þau verða eldri.
5 Talið við þau um heimabanka og kortaöryggi.
6 Talið við þau um fjármál dags-daglega en þau læra mest um efn-
ið heima. Setjið þetta í samhengi
við eitthvað sem þau þekkja. Ef
þau spyrja um eitthvað sem þið
vitið ekki svarið við, komist að því
og svarið þeim almennilega.
Gunnhildur Steinarsdóttir
blaðamaður skrifar gunnhildur@dv.is
„Þau eru ekki fædd
með fjármálavit-
und og það þurfa þau að
læra eins og allt annað.
Sparigrís Foreldrar eiga ekki að
borga allt fyrir börnin. MyNd: PHoToS.coM
n Mikilvægt er að skipuleggja fjármálin til að vera ekki orðinn blankur í lok mánaðar
Vörumst þetta
1 Leti Oft ætlar maður
að taka fjár-
haginn í gegn
og byrjar
af krafti en
gleymir svo
að fylgja
þessu eftir en sem dæmi um
þetta þá þarf að taka inn í
breytingar á launum. Fjár-
hagsáætlunin er eins og vöðvi
sem þarf að þjálfa reglulega
og styrkja. Annars verður hann
slappur og ekki hægt að nota
hann sem það styrkingar-
verkfæri sem hann á að vera í
stjórnun á eigin fjárhag. Reglu-
lega uppfærð fjárhagsáætlun
gerir allt bókhald auðveldara og
með því hefur þú betri yfirsýn
yfir fjárhag heimilisins, hvar
þú átt smá auka fé og hvar þú
þarft að skera niður.
2 Hvatakaup Hvatakaup eru önnur afar slæm gildra sem
margir falla í en neysla er mjög
oft ánægjutengd. Það að rölta
niður verslunargötu og skoða í
glugga vekur oft upp löngun til
að kaupa þá hluti sem maður
sér og voru ekki á innkaupa-
listanum. Það sama á við um
að vafra á netinu. Þar er þó enn
auðveldara að falla í freistni
því vörurnar eru einungis í eins
músarsmells fjarlægð.
3 Algjört áhugaleysi og engin trú á að þetta virki Jú, þetta
virkar, misvel þó.
4 ofurtrú á eigin hæfileika Það er þegar maður ofmetnast og
hefur ofurtrú á eigin hæfileikum
til að kunna skil á flóknari
hlutum bókhaldsins. Maður
verður að þekkja takmörk sín
og leita til ráðgjafa. Passaðu að
heyra það sem er sagt en ekki
bara það sem þú vilt heyra og
ekki vera of bjartsýnn á þinn
eigin fjárhag. Það er mikilvægt
að vera raunsær.
Svona lætur þú
launin þín duga