Dagblaðið Vísir - DV - 30.05.2012, Blaðsíða 22

22 Menning 30. maí 2012 Miðvikudagur
Hafdís
syngur
vögguvísur
Platan Vögguvísur með Haf-
dísi Huld kom í verslanir í
vikunni. Platan innheldur
fimmtán lög og eru nokkur
þeirra íslensk þjóðlög sem
allir ættu að þekkja. Önnur
voru sérstaklega samin fyrir
plötuna. Þá er á plötunni
einnig að finna nýjar ís-
lenskar þýðingar Hafdísar á
hennar uppáhalds erlendu
vögguvísum.
Plötuna vann Hafdís í
samstarfi við Alisdair Wright
og með haustinu stefnir
hún á að fara í tónleika-
ferðalag og spila vögguvísur
fyrir börn og foreldra um allt
land.
Bjartir dagar
í Hafnarfirði
Lista- og menningarhátíðin
Bjartir dagar verður haldin
í tíunda skiptið dagana 31.
maí til 3. júní í Hafnarfjarðar-
bæ. Árlegur viðburður há-
tíðarinnar, Gakktu í bæinn,
verður fimmtudaginn 31. maí
en þá bjóða listamenn heim,
menningarstofnanir bjóða
upp á dagskrá og verslanir
og veitingahús í miðbænum
eru með opið til klukkan 22
og bjóða upp á viðburði eða
tilboð.
Margt annað verður í
boði á Björtum dögum og
má nefna söngleik, leik-
skólalist, fjölbreytta tónleika,
grínkvöld, sögu-slamm,
fuglaskoðun, álfagönguferð-
ir, bíótónleika, sögusýningar,
myndlistarsýningar, styttu-
göngu, ratleik, töfrabrögð,
tískusýningu, kórsöng, rit-
höfundakynningu og margt
fleira.
Hreint hjarta
sigraði
Heimildarmynd Gríms
Hákonarsonar Hreint
hjarta hlaut áhorfenda-
verðlaun Skjaldborg-
ar í ár. Myndin fjallar
um Kristin Ágúst Frið-
finnsson sem hefur
verið prestur á Selfossi
og nágrenni í 20 ár. Í
myndinni fá áhorfendur
að kynnast manninum
á bak við hempuna og
þeim fjölmörgu störfum
sem prestar vinna sem
ekki eru sýnileg.
S
ænsku söngkonunni
Loreen, sem bar sig-
ur úr býtum í söngva-
keppni evrópskra
sjónvarpstöðva, Euro-
vision, er lýst sem einfara sem
reyni að halda sig frá offram-
boði á upplýsingum sem nú-
tímasamfélagið neyðir upp á
fólk á 21. öldinni.
Loreen flutti lagið Eup-
horia, sæluvímu, í Eurovision
og heillaði Evrópubúa upp úr
skónum. Meira að segja rúss-
nesku krúttömmurnar máttu
lúta í gras fyrir hinni mjög svo
heillandi Loreen sem með
tregafullri röddu og dansspor-
um frá bandaríska hiphop-
tónlistarmanninum MC Ham-
mer flutti hið dramatíska lag
sem kemur beint úr sænsku
poppmaskínunni sem Vestur-
landabúar fá ekki nóg af. Lo-
reen hlaut 372 stig í kosning-
unni þar sem 41 ein þjóð gaf
henni stig, allar nema Ítalía.
Loreen heitir réttu nafni
Lorine Zineb Noka Talhaoui
en hún fæddist í Stokkhólmi í
Svíþjóð fyrir tæpum 29 árum.
Sló í gegn í Idol
Báðir foreldrar Loreen eru
frá Marokkó en hún varð fyrst
þekkt í Svíþjóð þegar hún tók
þátt í sænsku Idol-keppninni
árið 2004. Þar hafnaði hún í
fjórða sæti. Eftir nokkra vel-
gengni tók hún sér frí frá tón-
listinni árið 2005 og einbeitti
sér að framleiðslu og leikstjórn
sænskra raunveruleikaþátta
en hún steig aftur í sviðsljós-
ið þegar hún tók þátt í undan-
keppni Svíþjóðar fyrir Euro-
vision í fyrsta skiptið árið 2011.
Þar söng hún lagið My Heart is
Refusing Me sem hún samdi
ásamt Moh Denebi og Björn
Djupström. Lagið hafnaði í
fjórða sæti í undanúrslitum
keppninnar og fékk töluverða
spilun í útvarpi.
Loreen gjörsamlega valtaði
yfir undankeppnina í Svíþjóð
í ár með Euphoria. Tæplega
helmingur Svía, fjórar millj-
ónir manns, horfði á keppnina
og greiddu 670 þús-
und manns henni at-
kvæði, sem er helmingi
fleiri atkvæði en hinn
snoppufríði Eric Saade
hlaut fyrir lagið sitt Pop-
ular sem var framlag
Svía í fyrra.
Andans manneskja
Loreen er mikil andans
manneskja en á heima-
síðu sinni segir hún sitt
aðaltakmark í lífinu vera
að sameina fólk í þeirri
hugsun að fría sig frá verald-
legum hlutum. „Ég veit að það
er mjög hippalegt og yfirgeng-
ið en er það virkilega ástæða
til þess að ná ekki því takmarki.
Ég er viss um að svarið við því
er; nei,“ segir Loreen sem lætur
sig mannréttindi varða. Mann-
réttindabrot voru mikið til um-
ræðu í Aserbaídsjan í kjölfar
Eurovision-keppninnar en þar
var okkar kona, Loreen, sú eina
af öllum keppendum Euro-
vision sem steig fram og ræddi
mannréttindabrot þar í landi.
Til að mynda gerði hún sér ferð
og hitti mótmælendur og hlaut
gagnrýni frá skipuleggjendum
keppninnar í Bakú í Aserbaíd-
sjan en vinsældir hennar í Evr-
ópu jukust til muna.
Björk meðal áhrifavalda
Loreen lærði á píanó með því
að leika tónlist eftir breska
tónskáldið Michael Nyman
úr óskarsverðlaunamyndinni
The Piano en Loreen segist
vilja búa til tónlist sem standi
hjarta hennar nærri. „Þannig
hefur tónlist mín áhrif á fólk,“
segir Loreen sem líkt og fyrr
segir á ekki sjónvarp. „Ég á
fartölvu en ég nota hana ein-
ungis til tölvupóstssamskipta
og tónlistarvinnslu,“ segir Lo-
reen sem verður fremur pirruð
þegar hún er sögð vera R&B-
tónlistarmaður og nefnir hina
íslensku Björk meðal helstu
áhrifavalda sinna.
„Tónlist sem flytur mig í
trans er sú sem hefur mestu
áhrifin á mig. Bæði tónlistar-
lega og sönglega séð. Þar á
meðal eru listamenn líkt og
Björk, nokkur lög frá Enyu og
sérstaklega Lisu Gerrard,“ segir
Loreen á heimasíðu sinni.
Klæðist íslenskri hönnun
Þó að Loreen sé andans mann-
eskja og vilji losa sig við verald-
lega hluti þá kemst hún ekki
hjá því að klæða sig í föt. Hún
keypti til að mynda sundbol af
íslenska fataframleiðandanum
Eygló Margréti Lárusdóttur.
Þær hittust á sýningu Eyglóar í
Stokkhólmi þar sem sú sænska
keypti afar frumlegan sundbol
af þeirri íslensku.
Sænski poppiðnaðurinn
Það eru þeir Thomas G:son
og Peter Boström sem sömdu
Euphoria en Boström kom
einnig að framleiðslu þess
ásamt SeventyEight-fram-
leiðsluteyminu.
Það má með sanni segja að
þar séu reynsluboltar á ferð.
Thomas G:son hefur átt 58 lög
í undankeppnum Eurovision
víðsvegar um Evrópu og sjö
sinnum hafa lög hans verið í
lokakeppninni. Skemmst er
að minnast þess að það voru
Svíarnir Stefan Örn og Sandra
Bjurman sem sömdu sigur-
lagið í fyrra sem Aserbaídsjan
flutti. Svíarnir hafa verið frem-
ur afkastamiklir þegar kemur
að lagasmíðum fyrir flytjendur.
Þá sérstaklega í Bandaríkjun-
um en þar fara fremstir í flokki
hinni sálugi Denniz Pop sem
samdi lög fyrir, svo dæmi séu
tekin, Britney Spears, Back-
street Boys og Britney Spears.
Þá hefur landi hans Martin
Sandberg, sem er þekktur inn-
an bransans sem Max Mart-
in, samið fjölda slagara fyrir
bandaríska listamenn. Hann
samdi til að mynda lögin Baby
One More Time, sem Britney
Spears gerði ódauðlegt, og It´s
My Life, sem var risasmellur
hjá bandarísku rokkurunum í
Bon Jovi.
Þá samdi hann Since U
Been Gone sem Kelly Clark-
son flutti en hann hefur einn-
ig samið fyrir Pink, Katy Perry,
Usher, Avril Lavigne, Christinu
Aguilera og Céline Dion.
Heillaði Evrópu
upp úr skónum
n Vill tónlist sem framkallar trans n Tók þátt í Idol n Á ekki sjónvarp
„Tónlist sem
flytur mig í
trans er sú sem hefur
mestu áhrifin á mig.
Bæði tónlistarlega
og sönglega séð.
Mæðgur Móðir Loreen smellir á hana kossi eftir sigurinn í
Eurovison.
Glitrigning Loreen var böðuð í glitri þegar hún
flutti Euphoria eftir að úrslit Eurovision voru ráðin.
Með hatt á höfði
Loreen á það til að
ganga með hatt, sem
þykir afar móðins.
Alsæl Loreen var að vonum ánægð m
eð
hinn fallega verðlaunagrip keppni
nnar.
Svíi Loreen er
sænsk en foreldrar
hennar eru frá
Marokkó.