Dagblaðið Vísir - DV - 25.07.2012, Side 11

Fréttir 11Miðvikudagur 25. júlí 2012
Baldur Eiríksson
blaðamaður skrifar baldure@dv.is
H
reiðar Már Sigurðsson, fyrr-
verandi forstjóri Kaupþings,
er á ný orðinn virkur þátt-
takandi í íslensku atvinnu-
lífi. Hann er eini prókúruhafi
einkahlutafélagsins Gistiver ehf. sem
á tvö gistiheimili í Stykkishólmi og
hóf nýverið rekstur nýs glæsihótels í
hinu sögufræga Egilsen húsi. Það er
hins vegar móðir Hreiðars, Gréta Sig-
urðardóttir, sem stofnaði Gistiver ehf.
og sér um daglegan rekstur Hótel Eg-
ilsen og gistihússins Bænir og Brauð.
Systir Grétu sér svo um rekstur gisti-
heimilisins Höfðagata gisting.
Einkamál
„Þér kemur það nú bara ekki neitt
við,“ segir Gréta um það hvernig
uppbygging Hótel Egilsen var fjár-
mögnuð en heldur þó áfram: „Gisti-
ver keypti húsið af bænum,“ og bætir
við að Gistiver sé fjölskyldufyrirtæki.
Gréta segir jafnframt að Hreiðar Már
komi hvorki nálægt fjármögnun né
rekstri hótelsins.
Mikil tengsl Hreiðars
Við nánari eftirgrennslan kemur hins
vegar í ljós að þó Gréta sé, eins og að
ofan greinir, skráður stofnandi einka-
hlutafélagsins er Hreiðar Már eini
prókúruhafinn. Hreiðar getur því
annast allt það sem snertir rekstur
fyrirtækisins og getur einnig ritað
firma. Í því felst að hann getur gert
samninga fyrir hönd fyrirtækisins og
skuldbundið það. Þar sem enginn
situr í stjórn félagsins er Hreiðar í
raun eini aðilinn sem getur gert lög-
gerninga fyrir hönd félagsins. Einka-
hlutafélagið Valens ehf. á 100 pró-
senta hlut í Gistiveri ehf. Stofnandi
Valens ehf. og eini stjórnarmeðlim-
ur er Anna Lísa Sigurjónsdóttir, eig-
inkona Hreiðars Más. Hún á auk þess
50 prósenta hlut í fyrirtækinu á móti
50 prósenta hlut systur Hreiðars Más,
Þórdísi Jónu Sigurðardóttur.
Þórdís stóð, eins og Hreiðar, fram-
arlega í útrásinni og starfaði sem
framkvæmdastjóri hjá Baugi og síðar
Styrk Invest auk þess að vera stjórnar-
formaður Teymis og Dagsbrúnar svo
fátt eitt sé nefnt. Hún sneri baki við
viðskiptalífinu fljótlega eftir banka-
hrunið árið 2008 og hefur síðan starf-
að sem Crossfit-þjálfari auk þess sem
hún rekur veitingastaðinn Aldin.
„Ég kem ekki nálægt þessu,“ seg-
ir Þórdís í samtali við blaðamann.
Minnt á, að hún eigi í 50 prósenta hlut
í fyrirtækinu sem á 100 prósenta hlut
í Gistiveri ehf. segir Þórdís: „Jahá, þú
segir fréttir. Heyrðu, veistu, ég held ég
ætli bara ekkert að tjá mig um þetta.
Þetta er bara mitt mál.“
Naut góðs af stöðu sonarins
Áður var Gréta eigandi fyrirtækisins
Gjafaver ehf. sem aðallega sá um að
selja Kaupþingi jólagjafir til starfs-
manna bankans og ýmis konar aug-
lýsingavöru, eins og til dæmis penna
merkta Kaupþingi. Gjafaver sá er-
lendum útibúum Kaupþings einnig
fyrir slíkri vöru. Þessi starfsemi átti
sér stað á uppgangstíma íslensku
útrásarinnar, en á þeim tíma var
Hreiðar forstjóri Kaupþings. Gréta
seldi fyrirtækið svo fyrir 80 til 100
milljónir í ársbyrjun 2007.
Lúxus-hótel
Óhætt er að segja að öllu hafi verið til
tjaldað til að gera Hótel Egilsen sem
glæsilegast. Tveir arkitektar, Aðal-
heiður Atladóttir og Falk Kruger,
voru fengnir til að hanna innviði
hússins. Daníel Freyr Atlason var síð-
an fenginn til að sjá um innanstokks-
muni og stíl færslu hússins.
Í samtali við vefmiðilinn Skessu-
horn fyrr í mánuðinum sagði Gréta
að hvert einasta húsgagn í hótel-
inu hafi verið valið af kostgæfni og
að iPad-ar yrðu í öllum herbergjum.
Ljóst er því að um sannkallað lúxus-
hótel er að ræða.
Bæjarbúar uggandi
Þeir bæjarbúar, sem DV talaði við,
voru allir ósáttir við þessi tengsl
ferðaþjónustu bæjarins við einn
helsta forkólf íslensku útrásarinn-
ar. Einn bæjarbúi, sem vildi ekki
láta nafns síns getið, segist hafa séð
Hreiðar gangandi um götur Stykk-
ishólms fyrir nokkrum vikum síðan
með tvo lífverði sér við hlið.
Viðskiptaævintýri Hreiðars Más
Hótel- og gistiheimilabraskið í Stykk-
ishólmi er ekki fyrsta viðskipta-
ævintýrið sem Hreiðar Már tengist. Á
árunum fyrir hrun vann Hreiðar ötul-
lega að því markmiði að gera Ísland
að helstu fjármálamiðstöð heimsins.
Eftir að þau áform fóru út um þúfur
flutti Hreiðar til Lúxemborgar með
fjölskyldu sinni þar sem hann lifir
ljúfa lífinu.
DV sagði frá því á síðasta ári að
Hreiðar byggi ásamt fjölskyldu sinni
í fjögurra hæða raðhúsi við götuna
Rue Des Pommiers, í hverfinu Cents,
nærri miðbæ Lúxemborgar. Bílafloti
fjölskyldunnar var þá samsettur af
nýlegum Audi S8 sem var verðmetinn
á 17 milljónir króna, BMW-jeppa sem
kona Hreiðars Más ók um á og nýleg-
um svörtum Land Cruiser 200-jeppa.
Auk þess að búa vel í Lúxemborg eiga
Hreiðar Már og kona hans nærri 300
fermetra hús að Hlyngerði 6 í Reykja-
vík en engar skuldir hvíla á húsinu.
Fjárglæpir
Þau mæðgin, Hreiðar og Gréta, hafa
bæði verið sökuð um umfangsmikla
fjárglæpi. Gréta var fyrir rúmlega
10 árum dæmd fyrir að hafa stolið
milljónum af sjóklæðagerðinni Max
en hún vann þar sem gjaldkeri.
Þann 6. maí 2010 var Hreiðar Már
Sigurðsson handtekinn í tengslum
við rannsókn sérstaks saksóknara á
málefnum Kaupþings.  Daginn eft-
ir var hann svo úrskurðaður í 12
daga gæsluvarðhald. Hreiðar Már
er grunaður um margs konar brot,
meðal annars markaðsmisnotkun.
„Hann tengist fleiri en einu máli.
Eitt mál er rekið fyrir dómi á hend-
ur honum og hin málin eru í rann-
sókn,“ segir Ólafur Hauksson, sér-
stakur saksóknari, um það í hvaða
farvegi mál Hreiðars Más eru hjá
embætti sérstaks saksóknara.
Hreiðar Már
snýr aftur
„Þetta er bara mitt
mál.
n Stjórnar hótel- og gistiheimilaveldi í Stykkishólmi
Fallegt hús Stóra rauða hús-
ið á myndinni er Hótel Egilsen.
Það er í eigu einkahlutafélags-
ins Gistiver ehf. Hreiðar Már
stjórnar því félagi alfarið.
Bakkabróðir
á fleygiferð
Lögreglustjórinn á Selfossi hef-
ur gefið út tvær ákærur á hend-
ur Lýði Guðmundssyni, öðrum
Bakkavararbræðra, vegna tveggja
umferðarlagabrota. Málið verður
tekið fyrir á dómþingi héraðsdóms
Suðurlands á Selfossi 6. septem-
ber næstkomandi, að því er fram
kemur í Lögbirtingablaðinu. Segir
í fyrirkalli að Lýður skuli koma fyr-
ir dóm, hlýða á ákæru, halda uppi
vörnum og sæta dómi.
Lýður er ákærður fyrir að hafa í
júlí síðastliðnum ekið bifreið sinni
um Austurveg, við skrifstofu Mat-
vælastofnunar á Selfossi, á 74 kíló-
metra hraða á klukkustund þar
sem leyfður hámarkshraði er 50
kílómetrar á klukkustund.
Þá er hann ákærður fyrir að
hafa í janúar síðastliðnum ekið
bifreið sinni á Suðurlandsvegi við
Hafravatnsveg í Reykjavík á 107
kílómetra hraða á klukkustund
þar sem leyfður hámarkshraði er
90 kílómetrar á klukkustund.
Er þess krafist að Lýður verði
dæmdur til refsingar og til greiðslu
alls sakarkostnaðar.
Ef Lýður mætir ekki fyrir dóm-
inn má hann búast við því að
fjarvist hans verði metin til jafns
við það að hann viðurkenni að
hafa framið brotin sem hann er
ákærður fyrir og dómur verði lagð-
ur á málið að honum fjarstöddum. 
Styðja sýrlensk-
an almenning
Boðað hefur verið til samstöðu-
fundar með almenningi í Sýrlandi
vegna þeirra stigmagnandi átaka
og borgarastríðs sem geisað hefur
í landinu undanfarin misseri og
hafa kostað um tuttugu þúsund
manns lífið. Fundurinn verður
haldinn á Ingólfstorgi í Reykjavík
miðvikudaginn 25. júlí, klukkan
15. Flutt verður ávarp og þá munu
tónlistarmennirnir Bjartmar
Guðlaugsson og Rúnar Þór flytja
nokkur lög við hæfi. Fundarstjóri
verður Heimir Már Pétursson. Í
lok fundar verður skorað á alla ís-
lenska stjórnmálamenn að leggj-
ast á eitt og þrýsta á um tafarlaust
vopnahlé og friðsamlega lausn í
landinu.