Dagblaðið Vísir - DV - 02.11.2012, Side 15

Fréttir 15Helgarblað 2.–4. nóvember 2012
Fannst á heimili sínu liggjandi á milli blaðastafla
n Ríkið dæmt til að greiða eldri manni miskabætur vegna frelsissviptingar
H
éraðsdómur Reykjavíkur
dæmdi á fimmtudag ís­
lenska ríkið til að greiða 73
ára manni 300.000 krónur í
miskabætur fyrir ólögmæta frelsis­
sviptingu ásamt því að greiða hon­
um 550.000 krónur í málskostnað.
Forsaga málsins er sú að þann
10. desember 2007 fór lögreglan að
heimili mannsins að beiðni leigu­
sala hans þar sem hann hafði ekki
náð sambandi við manninn um
langt skeið. Vildi leigusalinn ná í
manninn þar sem hann vildi segja
upp leigusamningi. Leigusalinn
hafði áhyggjur af manninum þar
sem hann hafði orðið var við að
herbergi leigjandans væru fullt af
rusli.
Þegar lögreglan kom á staðinn
svaraði maðurinn ekki þrátt fyrir að
lögreglumennirnir bönkuðu ítrek­
að á hurðina. Þegar þeim var litið
inn um glugga á herbergi manns­
ins blasti við þeim mikil óreiða og
háir staflar af blaðabunkum sem
sums staðar náðu upp undir loft.
Einn lögreglumannanna ákvað
að skríða inn um glugga. Hann
skreið yfir kassa og blaðadrasl að
hurðinni og komst inn í herbergið.
Þar fann hann manninn sofandi í
laut, mitt í blaðadraslinu.
Maðurinn brást illa við heim­
sókn lögreglumannanna og bað þá
ítrekað um að yfirgefa húsnæðið.
Samkvæmt dómi höfðu lögreglu­
mennirnir áhyggjur af andlegri
heilsu mannsins sem mun hafa
verið æstur og ekki svarað þeim
af nokkru viti. Þeir kölluðu því til
lækni sem mat ástand manns­
ins þannig hann þyrfti að gang­
ast undir geðmat. Maðurinn var
því færður gegn vilja sínum í lög­
reglubifreið og þaðan á geðdeild
Landspítalans. Læknirinn bar fyrir
dómi að hann myndi ekki betur en
að maðurinn hefði yfirgefið húsið
af fúsum og frjálsum vilja.
Geðlæknir á geðdeild taldi ekki
vera þörf á að nauðungarvista
manninn. Í nótu læknisins kemur
fram að hann hefði talið líklegt
að maðurinn þjáðist af „para­
noid pers onality disorder“ eða út­
brunna „schizophreniu“, en þar
sem hann virtist ekki vera hættu­
legur sjálfum sér eða öðrum eða
í sjálfsvígsástandi eða bráðu geð­
rofsástandi hafi hann verið látinn
laus.
Maðurinn byggði skaðabóta­
kröfu sína á ólögmætum afskipt­
um, húsleit og frelsissviptingu
sem hann varð fyrir af hálfu lög­
reglunnar sem og að ákvörðun
læknisins um að svipta hann sjálf­
ræði hafi verið með öllu ólögmæt.
Hann sagði lögregluna ekki hafa
sinnt beiðnum um að láta af af­
skiptum sínum. Þvert á móti hafi
hann orðið fyrir spurningaflóði af
hálfu lögreglu – spurningum sem
stefnda fundust særandi og niðr­
andi í sinn garð. Þannig hafi hann
verið spurður um það hvort hann
baðaði sig og hvernig. Hann taldi
vegið að æru sinni. Í dómnum seg­
ir að ekki hafi verið hægt að sýna
fram á verulegar líkur á að maður­
inn væri haldinn geðsjúkdómi sem
réttlætti frelsissviptinguna.
hanna@dv.is
Geðdeild Ríkinu ber að greiða 73 ára
manni miskabætur eftir að hann var fluttur
nauðugur á geðdeild af lögreglu.
Sigmundur hækkar í launum
MÖGULEG BROT GYLFA TIL
FME OG KAUPHALLAR 2009
n Tengist kaupum Eimskips á IceExpress árið 2009 n Gylfi Sigfússon, forstjóri Eimskips, mögulega sekur um umboðssvik
Lögmaður sem DV ræddi við sagð­
ist, eftir að hafa lesið yfir minnisblað
um möguleg brot, telja að margt benti
til þess að um umboðssvik væri að
ræða þegar Gylfi færði IceExpress
fjölda verkefna árið 2007. Samkvæmt
249. grein hegningarlaga varða slík
brot allt að tveggja ára fangelsi hér­
lendis. Má þyngja refsinguna, ef mjög
miklar sakir eru, í allt að sex ára fang­
elsi.
Eimskip kaupir IceExpress
Við bankahrunið í október 2008 varð
verulegur samdráttur á flutningastarf­
semi frá Bandaríkjunum til Íslands.
Eimskip fækkaði þá skipaferðum til
Bandaríkjanna og dró saman samn­
inga við undirverktaka. IceExpress
missti á þeim tíma stóran hluta við­
skipta sinna og viðskipti ShopUSA
snarminnkuðu. Samkvæmt heimild­
um DV jukust skuldir Ice Express við
Eimskip mikið á þeim tíma.
Í febrúar 2009 keypti Eimskip síðan
IceExpress – með í kaupunum fylgdi
hins vegar ekki ShopUSA sem Ice­
Express hafði keypt á milljón dollara
árið 2007. Gylfi sagði við blaðamann
Morgunblaðsins að verðið væri trún­
aðarmál en það greiddist með hag­
ræðingunni. Samkvæmt heimildum
DV var kaupverðið um þrjár milljón­
ir dollara. Í samtali við DV árið 2009
vildi Gylfi ekki gangast við því. „Við
höfum ekki borgað krónu fyrir Ice­
Express. Við tókum bara yfir félagið,“
sagði hann.
Eimskip tilkynnti ekki Kauphöll
Íslands um kaupin og þá var held­
ur ekki gefin út fréttatilkynning um
þau. Það var ekki fyrr en Morgun­
blaðið birti frétt um kaupin sem þau
voru gerð opinber. Svo virðist sem
Eimskip og Gylfi Sigfússon hafi vilj­
að hafa hljótt um þessa fjárfestingu.
Þá kemur ekkert fram um kaupin í
ársreikningi Eimskips fyrir árið 2009.
Þess skal getið að Gylfi Sigfússon réð
Lárus Ísfeld, eiganda IceExpress þar
til félagið var selt til Eimskips, sem
framkvæmdastjóra Eimskips í Banda­
ríkjunum árið 2009. Þeirri stöðu
gegndi Gylfi þar til hann tók við sem
forstjóri Eimskips í maí árið 2008.
Brot á reglum um
tilkynningaskyldu?
Lögmaður sem DV ræddi við telur
vafa leika á því hvort Eimskip hafi
uppfyllt reglur um tilkynningaskyldu
þar sem félagið gaf ekki út tilkynningu
þegar það festi kaup á Ice Express í
upphafi árs 2009. Gæti það varðað
brot á lögum um verðbréfaviðskipti.
Stuttu áður hafði Eimskip fengið 20
milljóna króna stjórnvaldssekt fyr­
ir að fresta birtingu á innherjaupp­
lýsingum vegna fjárhagserfiðleika
Innovate, dótturfélags Eimskips, vor­
ið 2008.
DV sendi Gylfa Sigfússyni, for­
stjóra Eimskips, og Ólafi William
Hand, upplýsingafulltrúa félagsins,
fyrirspurn um það á miðvikudaginn
hvort ríkisskattstjóri hefði óskað
eftir upplýsingum um kaup Eim­
skips á IceExpress. Einnig var spurt
hvort rætt hefði verið við Gylfa sér­
staklega. Þegar blaðið fór í prentun
höfðu hvorugur þeirra svarað fyrir­
spurn DV. n
„Þú ert
bara að
vaða í reyk
Gylfi Sigfússon við DV 2009
Hluti af minnisblaði með ábendingu um mögu-
legt fjárhagslegt misferli, 18. maí 2009. Sent til
Kauphallar Íslands og Fjármálaeftirlitsins:
„Minnisblað þetta er skrifað til viðeigandi stofnana á Íslandi, Kauphallarinnar og
Fjármálaeftirlitsins, sem ábending og beiðni um rannsókn á hugsanlega ólögmætri og
refsiverðri háttsemi í fjölþjóðaviðskiptum íslenskra og íslensk tengdra fyrirtækja og
lögaðila. Ætla má að æðsti stjórnandi íslensks almenningshlutafélags í flutningastarf-
semi hafi misvísandi haldið upplýsingum leyndum um fjármálagerninga við tengda aðila
á kerfisbundinn hátt með umtalsverðum fjárhagsávinningi fyrir sig og fjölskyldu sína.
Hann og samstarfsaðilar hafi markvisst og vísvitandi búið til viðskipti sín á milli á kostn-
að almenningshlutafélagsins og samtímis samið um samræmda þjónustu á markaði.
Samstarfsaðili hafi búið til fjölþjóðlegan rekstur þar sem t.d. tekjur af flutningaþjónustu
til Íslands eru m.a. innheimar að hluta í gegnum íslenskt skráð fyrirtæki, óbeint til að
lækka tollverð innfluttrar vöru. Þeir viðskiptahættir sem hér verður nánar fjallað um og
að baki liggja varða brot á íslenskum lögum, svo sem um hlutafélög á markaði (reglur
FME og Nastaq OMX), tekjuskattslög, samkeppnislög og lög um fjármagnsflutninga.“
Forsetinn
keypti
Neyðarkall
Forsetahjónin Ólafur Ragnar
Grímsson og Dorrit Moussaieff
hófu formlega söluna á Neyðar­
kalli björgunarsveitanna í
Smáralind síðdegis á fimmtu­
dag. Þau keyptu hvort sinn
Neyðarkallinn áður en þau
hófust handa, ásamt öðrum
sjálfboðaliðum, við að selja
Neyðarkallinn gestum og gang­
andi.
Í tilkynningu frá Slysavarna­
félaginu Landsbjörg segir að um
sé að ræða næststærstu fjáröfl­
unarleið björgunarsveita um allt
land. Áætlað sé að ríflega tvö
þúsund sjálfboðaliðar verði við
sölu um allt land um helgina.
Dómur yfir
nauðgara
staðfestur
Hæstiréttur staðfesti dóm
héraðs dóms yfir 27 ára manni,
Jóhanni Inga Gunnarssyni.
Hann er dæmdur í tveggja ára
fangelsi vegna nauðgunar en
miskabætur til fórnarlambsins
voru hækkaðar í Hæstarétti og
eru ein milljón króna.
Jóhann nauðgaði konu sem
ekki gat spornað gegn honum
vegna svefndrunga og ölvun­
ar. Hann bar fyrir sig fyrir dómi
að þau hafi notið kynmaka með
fullu samþykki. Fyrir dómi var
hins vegar ljóst að konan hafði
tekið skýrt fram að hún vildi
ekki sofa hjá honum. Það var
mat sérfræðinga að konan þjáð­
ist af áfallastreituröskun, hún
hefði upplifað mikla ógn, ótta
og bjargleysi í kjölfar nauðg­
unarinnar.