Dagblaðið Vísir - DV - 02.11.2012, Blaðsíða 21

Þ
að yrði hrikalegt ástand hérna
ef við fengjum eitthvað sam­
bærilegt veður,“ segir Sig­
urður Þ. Ragnarsson veður­
fræðingur um fellibylinn
Sandy sem gekk yfir Bandaríkin á
þriðjudaginn. Að minnsta kosti 110
létu lífið í fellibylnum en þegar þetta
er skrifað er óvíst um afdrif margra. Í
New York­borg einni hafa 22 dauðs­
föll verið staðfest en milljónir manna
á austurströnd Bandaríkjanna eru án
rafmagns.
Sigurður, eða Siggi stormur eins og
hann er gjarnan kallaður, segir að við­
líka veður hafi líklega aldrei riðið yfir
Ísland. „Stórir gluggar myndu brotna,
bílar myndu færast til og það yrði
neyðarástand á einhverjum svæðum
ef svona veður myndu verða hér,“ segir
hann beðinn um að bera dýpstu lægð­
irnar sem ganga yfir Ísland saman við
umræddan fellibyl í Bandaríkjunum.
Aðspurður segir hann að þar
sem hvassast hafi verið hafi meðal­
vindhraðinn verið um 40 metrar á
sekúndu og enn meiri í hviðum. Á
Íslandi sé varað við stormi ef vind­
hraðinn nái 20 metrum á sekúndu
en 33 metrar flokkist sem fárviðri.
„Mestu hviður hafa farið í 60 metra
en meðalhraðinn verður aldrei 40,
nema hugsanlega einstaka sinnum
á Stórhöfða, sem er afar illa í sveit
settur, umvafinn klettabeltum sem
magna upp vindinn.“
5.000 milljarða tjón
Barack Obama Bandaríkjaforseti fór
á miðvikudag um hamfarasvæðin en
hann hefur lagt afar mikla áherslu á
að hjálp berist tafarlaust þangað sem
hennar er þörf. Tjónið er stórkostlegt
en talað er um að Sandy sé sá fellibyl­
ur í sögunni sem mestum skemmd­
um hefur valdið – jafnvel þó hann
sé ekki sá kraftmesti. Áætlað hefur
verið að kostnaður við endurupp­
byggingu eftir hamfarirnar hlaupi á
tugum milljarða Bandaríkjadala, allt
að 40 milljörðum sem jafngilda 4.000
til 5.000 milljörðum íslenskra króna.
Sandy flokkaðist þrátt fyrir þetta
sem fyrsta stigs fellibylur og mannfall­
ið virðist aðeins hafa verið brot af því
sem það var þegar Katrina gekk yfir
Bandaríkin árið 2005. Þá létust meira
en 1.300 manns.
Myndast yfir heitum sjó
Siggi ítrekar að viðlíka veður og gekk
yfir Bandaríkin þegar Sandy kom upp
að austurströndinni geti ekki orðið á
Íslandi. „Fellibyljirnir fá orku sína úr
hlýjum sjó. Þessi fellibylur fæðist við
Kúbu og safnar í sig, með uppgufun
hlýs sjávar, orku á leið sinni til norð­
urs. Við erum að tala um sjó sem er 28
til 30 gráða heitur. Við slíkar aðstæður
verður mikil uppgufun. Þá stígur loft­
ið og myndar hitabeltisstorma,“ segir
hann og bætir við að umfang þeirra
og kraftur ráðist einnig af þrýstingi í
háloftunum. Þegar stormurinn komi
norðar kólni hann og losi sig við alla
þessa gufu – í formi rigningar. „Þá
verður þetta gríðarlega vatnsveður,“
bendir hann á. Í þessu tilviki hafi felli­
bylurinn, þegar hann kom að New
Jersey hitt fyrir nokkuð öfluga kulda­
lægð sem var á sama tíma yfir Banda­
ríkjunum. „Venjulega missa fellibylj­
irnir kraft þegar þeir ganga á land en
í þessu tilviki fékk Sandy aukinn kraft
þegar hún hitti fyrir lægðina.“ Sú lægð
hafi verið eins og hefðbundin íslensk
lægð.
Til viðbótar þessu hafi sjávarföll
staðið þannig að stórstreymt var á
svæðinu. Mikill loftþrýstingur, eins og
verður þegar djúpar lægðir eiga í hlut,
hækka auk þess yfirborð sjávar. Við
slíkar aðstæður, mikið vatns veður,
öflugan vind, háa stöðu sjávar og mik­
inn loftþrýsting, geti orðið mikið tjón
eins og raunin varð í Bandaríkjunum
í vikunni. n
Erlent 21Helgarblað 2.–4. nóvember 2012
Bílaverkstæði
Varahlutaverslun
Smurstöð
Dekkjaverkstæði
Bremsur,
spindilkúlur,
stýrisendar,
o.fl., o.fl.
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
Miklu öflugra en
íslensku lægðirnar
n Margir látnir og milljónir án rafmagns vestanhafs„Stórir gluggar
myndu brotna, bíl-
ar myndu færast til og það
yrði neyðarástand á ein-
hverjum svæðum ef svona
veður myndu verða hér.
Baldur Guðmundsson
blaðamaður skrifar baldur@dv.is
Allt ónýtt Íbúi
heldur um höfuð
sér þegar hann
vitjar heimilis síns
eftir fellibylinn
Sandy. Margir
misstu allt sitt.
Íslensk rigning Siggi stormur segir að
veður á borð við fellibylinn Sandy geti ekki
komið upp á Íslandi.