Dagblaðið Vísir - DV - 29.06.2011, Page 26

26 | Fókus 29. júní 2011 Miðvikudagur
Handboltakappinn Ólafur Stefánsson fór í Fjallalamb á Kópaskeri:
Ætlaði að kaupa skrokk
Handknattleiksmaðurinn ástsæli
Ólafur Stefánsson er þessa dagana
á hringferð um landið. Fram hefur
komið í fjölmiðlum að hann ætli að
taka sér þrjár vikur til ferðarinnar og
að hann hafi ekki annað lesefni með-
ferðis en íslenskar þjóðsögur.
Um síðustu helgi sást til Ólafs á
Vestfjörðum en á mánudag var hann
kominn til Kópaskers, þar sem hann
birtist í sláturhúsinu Fjallalambi.
Þar ætlaði hann að láta saga fyr-
ir sig lambskrokk en hafði ekki er-
indi sem erfiði, þar sem klukkan var
í þann mund að slá fjögur. Klukkan
fjögur er sögin tekin niður og þrifin.
„Við kippum okkur ekkert upp við
að merkilegir menn komi og kaupi
kjöt hjá okkur. Það gæti þótt frétt-
næmt í öðrum kjötvinnslum en ekki
okkar vinnslu,“ segir Björn Víking-
ur Björnsson, framkvæmdastjóri
Fjallalambs, í samtali við DV þegar
hann var spurður hvort það væri ekki
gaman að vita til þess að landsfrægir
menn veldu Fjallalamb.
Eins og fram hefur komið í fjöl-
miðlum ferðast Ólafur á stórum hús-
bíl en hann er gjarnan einn síns liðs
á þessum ferðum. Á Kópaskeri var
hann þó með konu í för, líklega eig-
inkonu sinni.
Seint verður sagt um Ólaf að
hann fari troðnar slóðir. Hann er
mjög andlega þenkjandi eins og við-
töl við hann bera gjarnan með sér. Í
einu þeirra greindi hann frá því að
hann færi alltaf einu sinni á ári einn
í ferðalag til að hreinsa hugann. „Ég
á viku á ári fyrir mig og konan á viku
fyrir sig. Þá fer ég í annað umhverfi í
viku. Vinn úr því sem gerst hefur og
hreinsa hugann. Eftir þessar ferðir
kem ég ferskur heim. Reyndar held
ég að úrvinnsla ætti að vera ríkari
þáttur í samfélagi okkar. Þá meina
ég að við ættum að fara okkur hæg-
ar, vinna frekar betur úr því sem á
okkur dynur, gleyma því sem við vilj-
um gleyma en taka með það sem við
viljum að geymist. Þannig þróum við
persónuleikann,“ sagði hann í viðtali
við Mannlíf fyrir skemmstu.
baldur@dv.is
Þ
etta er æðislegt bara. Það er gaman að vera
giftur maður,“ segir Arnór Atlason hand-
boltakappi sem gekk í það heilaga um
helgina með sinni heittelskuðu Guðrúnu
Jónu Guðmundsdóttur. Athöfnin fór fram á heima-
slóðum þeirra beggja, í Akureyrarkirkju, og svo var
veislan haldin í Oddfellow-húsinu á Akureyri.
Skötuhjúin eru búin að vera lengi saman og eiga
einn son, Nóel Atla sem er fjögurra ára. „Við erum
búin að vera saman í þrettán ár. Eða síðan sumarið
fyrir níunda bekk,“ segir Arnór glaður í bragði og
bætir við: „Það er vel af sér vikið.“
Þau búa saman í Kaupmannahöfn þar sem
Arnór er fyrirliði handboltaliðsins AG Kaup-
mannahafnar auk þess sem hann er í íslenska
landsliðinu og er einn af silfurstrákunum okkar
sem lentu í öðru sæti á Ólympíuleikunum 2008.
Arnór hefur aldeilis slegið í gegn hjá AG því liðið
varð bæði Danmerkurmeistari og bikarmeistari á
síðasta tímabili. Arnór lyfti deildarmeistarabikarn-
um á Parken fyrir framan 35 þúsund áhorfendur
en aldrei áður hafa svo margir séð einn handbolta-
leik í heiminum. Með honum í liðinu er silfur-
drengurinn Snorri Steinn Guðjónsson og fljótlega
bætast fleiri í hópinn því þeir Ólafur Stefánsson og
Guðjón Valur Sigurðsson sömdu nýlega við liðið.
Arnór bauð að sjálfsögðu vinum sínum úr lands-
liðinu í brúðkaupið. „Já, það voru einhverjir silfur-
strákar á svæðinu,“ segir hann og segir þá hafa
skemmt sér vel ásamt öllum hinum veislugest-
unum.
„Þetta var bara stórkostlegt í alla staði. Þetta var
um 100 manns og bara gott partí. Þetta var mikið
stuð og mikið gaman,“ segir hann.
Nýbökuðu hjónin stefna á rómantíska brúð-
kaupsferð í næstu viku. „Við erum að fara til
Maldív eyja í næstu viku og verðum þar í viku,“ seg-
ir hinn nýkvænti silfurdrengur að lokum.
viktoria@dv.is
Silfurdrengurinn Arnór Atlason gekk í það heilaga með æskuástinni:
„Gaman
að vera
giftur
maður“
Lilja á barnum
Íslenskir ferðalangar í Noregi ráku upp stór
augu þegar þeir litu við á bar einum í Ósló.
Þar stóð Lilja Ingibjargardóttir fyrirsæta
og leikkona vaktina og afgreiddi gesti.
Starfið er tímabundið en Lilja er á leið til Los
Angeles þar sem hún hefur fengið samning
hjá þekktri umboðsskrifstofu. Fyrir-
sætustörf og leiklist eiga hug hennar allan
en um næstu jól fá Íslendingar að kynnast
leikhæfileikum hennar því hún lauk nýverið
vinnu við kvikmyndina Svartur á leik sem
verður frumsýnd um það leyti.
Gunni og
Felix
í stúdíó
„Við ætlum að vera með sumarlag. Aðallega
fyrir okkur en vonandi líka þá sem koma á
skemmtanir hjá okkur í sumar,“ segir Felix
Bergsson, helmingur tvíeykisins ódauðlega
Gunna og Felix. Felix segir að gott sé að
koma með nýtt efni af og til. Það hafi
kannski vantað hjá þeim síðustu ár. Þess
vegna hafa þeir nú skellt sér í stúdíó og tekið
upp íslenska útgáfu af Sister Sledge-laginu
We are family. Íslenski titillinn: Ein stór fjöl-
skylda. „Við frumflytjum það í Neskaupstað
um verslunarmannahelgina og svo verður
það flutt á stóra sviðinu á Gay Pride helgina
eftir. Þar höfum við ekki verið á sviðinu í
mörg ár,“ segir hann en textann við lagið
sömdu þeir sjálfir.
Á stórum húsbíl Ólafur ætlaði að kaupa lambakjöt á Kópaskeri.