Dagblaðið Vísir - DV - 15.08.2011, Qupperneq 8

8 | Fréttir 15. ágúst 2011 Mánudagur
Flýja Mýrdalshrepp
vegna grunnskólans
F
oreldrar flýja með börn­
in sín frá Mýrdalshreppi
vegna óánægju með Víkur­
skóla. Menntamálaráðu­
neytið hefur unnið skýrslu
um skólann þar sem meðal ann­
ars kemur fram að fjarvera kennara
skólans sé miklu meiri en almennt
gerist á íslenskum vinnumarkaði.
„Það eru þó nokkrar fjölskyldur
farnar,“ segir Guðný Sigurðardóttir,
fyrrverandi íbúi í Mýrdalshreppi,
sem flutt hefur með fjölskyldu
sína frá Vík í Mýrdal til Reykjavík­
ur vegna óánægju með skólamál
í sveitarfélaginu. „Við erum bara
að fara út af skólamálum,“ útskýrir
hún. Mikillar óánægju hefur gætt
með skólastarf á svæðinu á meðal
margra foreldra. Guðný og eigin­
maður hennar eru þar á meðal.
Vilja betri menntun
Guðný segir að helsta ástæðan
fyrir því að fjölskylda hennar hafi
ákveðið að flytja til Reykjavíkur sé
sú að börn þeirra hafi ekki fengið
fullnægjandi kennslu í skólanum
undanfarið. Hún segist ekki sjá
sér fært að treysta á að hlutirnir
taki breytingum til hins betra og
því hafi hún og eiginmaður henn­
ar ekki séð annað fært í stöðunni
en að flytja úr sveitarfélaginu. Hún
segir þó auðvitað ekki allt vera
slæmt við grunnskólann. „Það eru
sjálfsagt góðir kennarar þarna inn­
an um.“
Ekki eru allir foreldrar nem­
enda við skólann ósáttir með nám­
ið sem þar er í boði en í skýrslu
menntamálaráðuneytisins kemur
fram að meirihluti foreldra sé sátt­
ur. Í könnun sem unnin var árið
2009 kemur einnig fram að vel
yfir 90 prósent foreldra séu ánægð
með skólann en Guðný segir að
það hafi verið í tíð fyrri skólastjóra
sem starfaði aðeins þetta eina ár
við skólann.
Svört skýrsla um skólann
Markmið skýrslunnar sem unnin var
fyrir menntamálaráðuneytið um skól­
ann var að finna út hvort nemendur
fengu þá þjónustu sem þeim ber sam­
kvæmt lögum um grunnskóla. Nið­
urstöður skýrslunnar eru um margt
athyglisverðar en misbrestur er á
nokkrum mikilvægum atriðum í starfi
skólans.
Í skýrslunni kom meðal annars
fram að starfsmenn Víkurskóla eru
talsvert meira frá vinnu en gengur
og gerist á íslenskum vinnumarkaði.
Fjarvistir á hvern starfsmann í Víkur­
skóla á tímabilinu 2010 til mars 2011
voru um 13,8 prósent en til saman­
burðar kom fram í könnum sem Parx
gerði árið 2007 að á íslenskum vinnu­
markaði eru meðalfjarvistir um 4,4
prósent.
Lægri einkunnir
Í skýrslunni er einnig farið yfir náms­
árangur nemenda skólans. Tímabilið
2005–2010 er skoðað sérstaklega og
er litið til niðurstaðna samræmdra
könnunarprófa. Í skýrslunni kem­
ur fram að nemendur skólans eru
að meðaltali, á tímabilinu, með lak­
ari einkunnir en nemendur annarra
skóla á Suðurlandi. Ein undantekn­
ing er á því en nemendur í 10. bekk
skólans voru á tímabilinu með að­
eins hærra meðaltal en aðrir nem­
endur á Suðurlandi.
Ekki er nóg með að árang­
ur nemenda skólans sé slakari en
annars staðar á Suðurlandi heldur
hafa stjórnendur skólans ekki unn­
ið neina áætlun til að bæta námsár­
angur. Þetta er meðal þess sem for­
eldrar hafa áhyggjur af.
n Óánægja með skólastarf í Víkurskóla í Mýrdalshreppi n Í úttekt mennta-
málaráðuneytisins kemur fram að bæta þurfi margt í starfi grunnskólans„Við erum bara að
fara út af skóla-
málum.
Aðalsteinn Kjartansson
blaðamaður skrifar adalsteinn@dv.is
Skýrslan ekki jákvæð Úttektin sem
gerð var á Víkurskóla í Vík sýndi fram á
nokkra vankanta á starfi skólans.Mynd Wikipedia
„Átakalínurnar eru fyrst og fremst
um framtíð Íslands og tengsl við Evr­
ópusambandið, hvort það sé rétt að
stíga skrefið til fulls og ganga inn í
Evrópusambandið. Ég er ekki á þeirri
skoðun. Ég er þeirrar skoðunar að
við eigum að halda okkur utan Evr­
ópusambandsins og það sé rangt að
standa í aðildarviðræðum í dag og
við eigum að hætta því.“ Þetta sagði
Bjarni Benediktsson, formaður Sjálf­
stæðisflokksins, í útvarpsþættinum
Sprengisandi á sunnudag. Bjarni var
afdráttarlaus í skoðun sinni og vöktu
ummæli hans talsverða athygli en
skömmu síðar höfðu hafist miklar
umræður um þau á veraldarvefnum.
Bjarni sagði ennfremur í útvarps­
þættinum, að Vinstri grænir væru
búnir að tapa trúverðugleika sínum
í Evrópumálum og að Sjálfstæðis­
flokkurinn myndi taka af skarið og
leiða baráttuna gegn aðild að Evr­
ópusambandinu.
Björgvin G. Sigurðsson, þingmað­
ur Samfylkingarinnar, var fljótur að
bregðast við ummælum Bjarna og
skrifaði pistil á vefmiðlinum Press­
unni undir fyrirsögninni „Harðlína
frá hægri í Evrópumálum.“ Björgvin
skrifar þar meðal annars: „var það
undrunarefni að formaður Sjálfstæð­
isflokksins, sem sjálfur talaði fyrir
umsókn um aðild að ESB og upptöku
evru fyrir rúmum tveimur árum,
skuli taka aukna harðlínu gegn um­
sóknarferlinu nú en hann hefur áður
gert.“
Björgvin skrifar um efnahagsleg­
an stöðugleika og að upptaka nýs
gjaldmiðils sé nauðsynleg til að hon­
um megi ná. Í vikunni var birt niður­
staða könnunar sem var framkvæmd
af Capacent um hvort Íslendingar
væru fylgjandi aðild að Evrópusam­
bandinu. Í ljós kom að 64,5 prósent
þeirra sem svöruðu voru andvíg að­
ild. Leiða má líkur að því að Bjarni sé
að bregðast við þessari niðurstöðu
með þessari hörðu afstöðu.
Bjarni Benediktsson harðorður í garð ríkisstjórnarinnar:
Vill hætta viðræðum strax
Bjarni Benediktsson Fór mikinn í Sprengisandi á sunnudag.
„Stjórnlagaráð, hópur sem ráðinn
var til að skrifa drög að frumvarpi
um stjórnarskrá, hefur nú skilað
niðurstöðum sínum. Í þeim tillögum
er margt gott að finna en þó finnst
mér þær bera um of mark þess sam­
tíma sem þær eru unnar í, skrifað­
ar fyrir ríkjandi umræðu og undir
áhrifum hennar. Þær eru um of barn
síns tíma en það er einmitt það sem
stjórnarskrá á ekki að vera. Stjórnar­
skrá þarf að vera sígild.“
Þetta sagði Sigmundur Davíð
Gunnlaugsson, formaður Fram­
sóknarflokksins, í Hólaræðu Hóla­
hátíðar á sunnudag. Sigmundur
gerði störf stjórnlagaráðs að umtals­
efni, en nefndin skilaði nýlega tillög­
um sínum til forseta Alþingis.
Sigmundur sagði í ræðu sinni að
stjórnarskrá ætti ekki að vera eins
og kosningabæklingur stjórnmála­
flokks, eins og hann orðaði það.
„Stjórnarskrá á að innihalda grunn­
reglur lýðræðis, ekki grunnstef orð­
ræðis. Hún verður að vera byggð á
meginreglum, algildum og fram­
fylgjanlegum. Það er þó full ástæða
til að nýta tillögur stjórnlagaráðsins
í umræðu um stjórnarskrána auk
vinnu stjórnarskrárnefndar og aðrar
ábendingar.“
Sigmundur Davíð ræddi einnig
stöðu kirkjunnar í samfélaginu
og sagði að ekki færi vel á því að
prestar höguðu sér eins og póli­
tíkusar. „Stjórnmálamenn eiga að
fylgja stefnu en leiða umræðuna en
oft er því öfugt farið. Það ríkir sterk
tilhneiging til að elta umræðuna,
hinn margumrædda tíðaranda, og
aðlaga stefnuna að honum. Ég ótt­
ast líka að það sama kunni jafnvel
að eiga við um einhverja presta. Það
fer illa á því að prestar hagi sér eins
og pólitíkusar og takist á opinber­
lega. Stjórnmálamenn vinna þó við
að vera ósammála, það er tilgang­
ur lýðræðisins að þeir séu fulltrúar
ólíkra sjónarmiða þótt niðurstað­
an verði oft og tíðum að nást með
málamiðlunum. Fyrir vikið verða
stjórnmálamenn alltaf umdeildir og
líklega taldir upp til hópa vonlausir.
Kirkjan á hins vegar að skapa festu
óháð dægursveiflum. Það hefur hún
oft gert bæði hér á landi og erlendis.
En það getur verið að kirkjuna skorti
sjálfstraust eftir að hafa á margan
hátt verið í vörn um langa hríð. Sú er
ekki bara raunin á Íslandi heldur um
allan heim.“
Sigmundur davíð um stjórnlagaráð:
„Tillögurnar
barn síns tíma“
Eldur í
Straumsvík
Eldur kom upp í álverinu í Straums­
vík á sjötta tímanum á sunnudag.
Slökkviliðið á höfuðborgarsvæðinu
fór á vettvang, en þegar þangað var
komið hafði starfmönnum ISAL tek­
ist að ráða niðurlögum eldsins, sem
reyndist vera minniháttar.