Dagblaðið Vísir - DV - 19.09.2011, Síða 20

20 | Sport 19. september 2011 Mánudagur
Óheiðarlegur en ósigraður
n Floyd Mayweather Jr. rotaði Victor Ortiz
H
nefaleikakappinn Floyd
Mayweather Jr. sýndi og
sannaði enn eina ferðina
að hann er besti boxari
heims, pund fyrir pund, þegar
hann rotaði Victor Ortiz í bar-
daga þeirra í Las Vegas aðfara-
nótt sunnudags. Mayweather
hefur nú unnið alla 42 bardaga
sína sem atvinnumaður en
þessi sigur var þó einstaklega
óheiðarlegur.
Ortiz skallaði Mayweather
í fjórðu lotu þegar þeir voru að
faðmast í einu horni hringsins.
Dómarinn reif Ortiz frá sem síð-
ar rölti að Mayweather og bað
hann afsökunar. Eftir að hafa
snert hanska Mayweathers og
faðmað hann aðeins leit Ortiz á
dómarann en um leið og hann
leit frá kýldi Mayweather hann
í rot. Virkilega óheiðarlegt hjá
Mayweather en löglegt því eins
og hann benti Ortiz á í viðtali
eftir bardagann hefst bardaginn
aftur um leið og hanskar snert-
ast.
„Þetta var önnur mögnuð
frammistaða hjá mér,“ sagði
Mayweather eftir bardagann en
hann verður seint sakaður um
að vera hógvær. „Fullt af fólki vill
vita hvað gerðist. Við skölluðum
hvor annan nokkrum sinnum.
Slíkt gerist í hnefaleikum, mað-
ur þarf að verja sig öllum stund-
um,“ sagði Mayweather en hann
hitti naglann á höfuðið með síð-
ustu setningunni.
„Dómarinn bað mig um
að fara frá og ég hlýddi því.
Svo leit ég aftur á hann og
búmm, ég var rotaður,“ sagði
sársvekktur Victor Ortiz sem
tapaði WBC-heimsmeistara-
titlinum til Mayweathers og
tapaði þarna öðrum bardaga
sínum sem atvinnumaður.
Nær allir hnefaleikaáhuga-
menn heims héldu með May-
weather í bardaganum en
ekki vegna þess að hann sé
svo geðþekkur eða vel lið-
inn. Bardaginn sem hnefa-
leikaheimurinn bíður eftir
að sjá er viðureign Mayweat-
hers og Mannys Pacquiao.
Litlir möguleikar eru á að
hann verði háður en hefði
Mayweather tapað í gær hefði
verið ljóst að það hefði aldrei
gerst. tomas@dv.is
Kýldur í rot Ortiz var ekki ánægður
með þetta rothögg og það eðlilega.
Mynd ReuteRs
Anzhi horfir
til Englands
Hið nýríka rússneska félag
Anzhi Makhachkala sem komst
heldur betur í kastljósið þegar
það keypti
framherjann
Samuel Eto'o
og gerði hann
að launahæsta
leikmanni
heims er alls
ekki hætt að
kaupa leikmenn. Þar horfa
menn nú til Englands og sam-
kvæmt fréttum í bresku helgar-
blöðunum eru Steven Gerrard
og Frank Lampard leikmenn
sem forsvarsmenn liðsins hafa
mikinn hug á að fá. Ljóst er að
liðið getur boðið nánast hvaða
upphæð sem er þannig að
Liverpool og Chelsea gætu átt
von á risaboði í tvo af sínum
bestu mönnum.
Reynt aftur
Fimm leikjum var frestað á
sunnudaginn í Pepsi-deild
karla þegar heil umferð átti
að fara fram. Ófært var til Eyja
þar sem KR átti að mæta ÍBV í
uppgjöri um Íslandsmeistara-
titilinn og þá var ekki leikfært
í Grindavík vegna veðurs þar
sem FH-ingar áttu að vera í
heimsókn. Seinna um daginn
var svo leikjum Breiðabliks og
Víkings, Fram og Keflavíkur og
Fylkis og Stjörnunnar einnig
frestað vegna veðurs. Eini leik-
urinn sem fór fram var viður-
eign Vals og Þórs en hinir leik-
irnir fimm eiga að vera leiknir
í dag, mánudag.
Leiknir hélt
sæti sínu
Lokaumferðin í 1. deild karla
fór fram á laugardaginn en
þar var aðeins spurning um
hvort Leiknir eða Grótta
myndi fylgja HK niður í 2.
deild. Gróttu dugði stig gegn
HK í lokaleiknum á Kópavogs-
velli til að halda sæti sínu en
tapaði leiknum, 1-0. Á sama
tíma fór Pape Mamadoe Faye
hamförum í Breiðholtinu og
skoraði fernu í 4-1 sigri Leiknis
á deildarmeisturum ÍA. Það
dugði til að jafna Gróttu að
stigum og þar sem Leiknir er
með mun betra markahlut-
fall féll Grótta í 2. deild með
HK. Upp úr 2. deildinni koma
Höttur frá Egilsstöðum og
sameiginlegt lið Tindastóls og
Hvatar.
É
g er bara búinn að kaupa
„one way ticket“ til Seúl
og ætla gera ævintýri úr
þessu,“ segir Davíð Jóns-
son, nítján ára borð-
tenniskappi úr KR, um As-
íureisu sína sem hefst í dag,
mánudag. Hann flýgur til
London klukkan 16 í dag og
þaðan til Tókýó í Japan. Hann
stoppar þar stutt áður en hann
fer til Seúl í Suður-Kóreu þar
sem ævintýrið á að hefjast.
Hann ætlar sér bæði að skoða
Asíu sem og æfa borðtennis
eins og óður maður í mekka
íþróttarinnar.
„Eins og staðan er eru tveir
Bandaríkjamenn sem ætla að
taka á móti mér í Seúl. Þeir
eru báðir í borðtennis og ætla
að hjálpa mér að komast að
þarna. Finna fyrir mig klúbba
og svona. Þetta mun samt að
mestu ráðast eftir að ég er lent-
ur. Þetta er bara ævintýraferð,“
segir Davíð sem var staddur á
Reyðarfirði að kynna borðtenn-
is fyrir starfsmönnum Alcoa
þegar DV náði tali af honum.
Auðvelt að æfa í Kína eigi
maður pening
Davíð er ríkjandi Íslandsmeist-
ari í flokki 19–21 árs en hann
hefur unnið sinn aldursflokk
tíu ár í röð. Hann ætlar út,
bæði til að bæta sig í borðtenn-
is og hafa gaman af.
„Í Kína er til dæmis ekkert
mál að komast í stífar æfingar,
svo lengi sem þú átt pening.
Ég verð mögulega þar í mán-
uð í stífum æfingum og eftir
það myndi ég reyna að kom-
ast að í flottum íþróttaháskóla
í Tókýó. Reyndar ætla ég fyrst
þangað til að láta vita af mér
og spyrja hvort ég megi ekki
koma seinna í ferðinni. Ég læt
þá vita af afrekum mínum og
að ég sé í landsliðinu. Það ætti
að hjálpa til. Vonandi talar ein-
hver ensku þarna,“ segir Davíð
í léttum tón.
Atvinnumennska er ekki
efst á stefnuskránni eins og
staðan er hjá Davíð. „Ég loka
samt ekkert á það. Ég er bara að
fara út til að bæta mig og hafa
gaman af lífinu. Erlendis er
samt miklu meiri vídd í íþrótt-
inni. Þótt það sé lítill peningur
í henni hérna heima þarf nú
ekki að leita langt til að komast
í atvinnumennsku þar sem er
mikill peningur í þessu sporti.
Okkar fremsti maður, Guð-
mundur Stephensen, spilaði til
dæmis í Svíþjóð fyrir pening. Ef
maður vill verða atvinnumaður
og stjarna í þessu sporti er það
mun aðgengilegra þarna úti,“
segir Davíð.
Foreldrarnir ráku upp stór
augu
„Þetta hefur alltaf verið fjar-
lægur draumur,“ segir Davíð
um þessa miklu ferð en hann
ákvað að láta slag standa núna
þar sem hann komst ekki inn í
læknisfræðina í sumar eftir að
hann útskrifaðist úr MR.
En hvað sögðu foreldr-
ar hans þegar þau heyrðu af
þessu? „Þau ráku fyrst upp stór
augu. Núna eru þau samt bara
sátt með þetta og óska mér
góðs gengis. Þau eru ánægð
með það að ég hafi hugrekki til
að taka þetta stökk,“ segir Dav-
íð Jónsson.
Borðtennismeistari
æfir í Suður-Kóreu
n davíð Jónsson ætlar að æfa borðtennis í Asíu í hálft ár n ekki með neitt
fast í hendi en ætlar að láta vaða n Íslandsmeistari í sínum flokki tíu ár í röð
Tómas Þór Þórðarson
tomas@dv.is
Borðtennis
Leggur upp í leiðangur
Davíð Jónsson er á leið til
Asíu í sex mánuði.
Mynd GunnAR GunnARssOn
„Þau ráku fyrst
upp stór augu.
Núna eru þau samt
bara sátt með þetta
og óska mér góðs
gengis.