Dagblaðið Vísir - DV - 24.10.2011, Qupperneq 8

8 | Fréttir 24. október 2011 Mánudagur
A
ldraðir sem hingað til hafa
getað keypt heitar máltíðir
í hádeginu frá Reykjavíkur­
borg og fengið þær heim­
sendar, fá nú eingöngu kald­
an mat keyrðan heim einhvern tíma á
milli tíu og fjögur á daginn.
„Þetta er í raun til að færa okkur inn
í nútímann. Þetta er orðinn svo gífur­
legur fjöldi sem fær heitan mat og það
hefur verið keppni við að keyra þetta
allt út í hádeginu og stundum er þetta
orðið volgt,“ segir Elva Björk Ellerts­
dóttir, upplýsingafulltrúi velferðar­
sviðs Reykjavíkurborgar. „Það er fyrst
og fremst verið að auka gæði og fersk­
leika í matnum,“ bætir hún við. Allur
matur í framleiðslueldhúsi velferðar­
sviðsins er nú snöggkældur strax eftir
eldun, honum pakkað og síðan sjá bíl­
stjórar um að keyra hann út yfir dag­
inn. Hver máltíð kostar einstakling 730
krónur, þar af fara 180 krónur í aksturs­
gjald.
Hafði áhyggjur af
nágrannanum
Sigrún Jóna Sigurðardóttir nýtti sér
tímabundið heimsendingarþjónustu
Reykjavíkurborgar á mat eftir að hafa
dvalið á sjúkrahúsi vegna veikinda.
Síðasta daginn sem hún fékk mat
fylgdu með plöstuð spjöld þar sem
viðskiptavinum var tilkynnt að þann
17. október yrði breytt fyrirkomu­
lag á heimsendingum. Á spjöldunum
mátti einnig finna leiðbeiningar um
meðhöndlun matarins, hvernig hann
skyldi hitaður og geymdur.
„Mér varð þá hugsað félaga míns á
fimmtu hæðinni,“ segir Sigrún og vís­
ar til nágranna síns Helga Magnússon­
ar sem er á tíræðisaldri og er orðinn
lélegur í höndunum. Sigrún hefur þó
ekki bara áhyggjur af Helga heldur tel­
ur hún að margir aldraðir og veikburða
einstaklingar muni eiga erfitt með að
hita matinn sjálfir. „Svo er þetta svo
ruglingslega framsett á þessu spjaldi
að ég tel að margir sem eru komnir
með byrjunareinkenni alzheimer eigi
örugglega ekki eftir að skilja þetta,“
segir Sigrún.
Margir kvarta ekki
Sigrún segist hafa rætt um þetta við
hjúkrunarfræðing sem sinnir heima­
hjúkrun, en hún nýtur þeirrar þjón­
ustu sjálf tímabundið. „Við vorum
sammála um það að þetta myndi
verða til þess að auka þyrfti heima­
umönnun. Og hvar er þá sparnaður­
inn? Mér finnst að það ætti bara að
fá fleiri bílstjóra til að keyra þetta út í
hádeginu.“ Sigrún bendir á að margir
aldraðir kvarti ekki og láti sig því bara
hafa það að borða kaldan mat á hverj­
um einasta degi.
„Þetta bjargast allt“
Þrátt fyrir að Sigrún nágrannakona
Helga Magnússonar hafi haft áhyggjur
af honum lætur hann engan bilbug á
sér finna. Í samtali við DV segist hann
enn ekki hafa lent í vandræðum með
að hita upp matinn sinn. „Sonur minn
er nú hérna hjá mér svo þetta bjarg­
ast nú allt,“ segir Helgi. „Ég var nú að
hugsa um að gera hlé á þessu,“ bæt­
ir hann við. Hann segir ástæðuna þó
ekki eingöngu vera breytingarnar en
þær hafi haft áhrif.
Ekki í sparnaðarskyni
Elva, upplýsingafulltrúi velferðarsviðs,
segist ekki hafa áhyggjur af því að
þessar breytingar verði einhverjum of­
viða. Þeir sem þurfi á sérstakri aðstoð
að halda geti sótt um aukna heima­
þjónustu.
Hún tekur fram að breytingar á
matarsendingum séu ekki hugsaðar í
sparnaðarskyni en vill þó heldur ekki
meina að þær hafi aukinn kostnað í
för með sér, til dæmis vegna aukinnar
eftir spurnar eftir heimahjúkrun.
Aðspurð hvort þeim hafi borist
kvartanir vegna breytinganna svarar
hún því játandi. Enginn hefur þó kvart­
að yfir matnum sjálfum að hennar
sögn. Flestar kvartanirnar eru yfir út­
keyrslutímanum sem dreifist nú yfir
daginn.
„Þessu er pakkað inn líkt og 1944
réttunum og þú velur hvenær þú borð­
ar. Hvort það er í hádeginu, á kvöldin
eða daginn eftir. Hugmyndin er að þú
fáir á mánudögum það sem þú ætlar
að borða á þriðjudögum,“ segir Elva
og ítrekar að með þessu aukist gæði og
ferskleiki matarins.
n Matarbakkar eru ekki lengur keyrðir út í hádeginu n Aldraðir hita matinn sjálfir
n Verið að færa okkur í nútímann, segir upplýsingafulltrúi velferðarsviðs
Aldraðir fá
k ldan m t
„Við vorum
sammála um
það að þetta myndi
verða til þess að auka
þyrfti heimaumönnun.
Sólrún Lilja Ragnarsdóttir
blaðamaður skrifar solrun@dv.is
Fá kaldan mat Allur matur er nú snöggkældur í framleiðslueldhúsi velferðarsviðs. Aldraðir þurfa sjálfir að hita matinn upp í örbylgju- eða
bakaraofni. Myndin tengist fréttinni ekki beint.
Hefur áhyggjur Sigrún Jóna telur að margir
aldraðir muni ekki kvarta og láti sig því hafa
það að borða kaldan mat á hverjum degi.
„Enn þrengt að öryrkjum“
n Öryrkjabandalag Íslands ósátt við fjárlögin 2012
Ö
ryrkjabandalag Íslands telur
að þær réttindaskerðingar og
sá niðurskurður sem hófst í
janúar 2009 verði ekki bætt­
ur að sinni í því velferðarkerfi
sem við búum við. Þetta kemur fram
í ályktun sem gerð var á aðalfundi
Öryrkjabandalags Íslands sem hald­
inn var á laugardaginn.
Tilefnið ályktunarinnar er nýtt
frumvarp ríkisstjórnarinnar til fjárlaga
fyrir árið 2012.
Í ályktuninni kemur einnig fram
að „samkvæmt 76. grein stjórnarskrár
lýðveldisins Íslands og með hliðsjón af
þeim alþjóðlegu mannréttindasamn­
ingum og sáttmálum sem Ísland er
aðili að er kveðið á um að tryggja skuli
fólki viðeigandi lífsafkomu, þannig að
hægt sé að lifa með reisn.“
Ekki verði séð að gert sé ráð fyrir
því í fyrirliggjandi fjárlagafrumvarpi.
Öryrkjabandalag Íslands skorar á al­
þingismenn að endurskoða frumvarp­
ið. „Þrátt fyrir verðlagshækkanir og
aukna greiðsluþátttöku fólks í lyfja­
og lækniskostnaði, sjúkraþjálfun,
hjálpar tækjum og fleira hefur öllum
viðmiðunartölum í félagslega stuðn­
ingskerfinu verið haldið óbreyttum frá
2008. Er þar með enn þrengt að öryrkj­
um og sjúklingum,“ segir í ályktuninni.
Samningur Sameinuðu þjóðanna um
réttindi fatlaðs fólks viðurkenni rétt
fatlaðs fólks og fjölskyldna þess til við­
unandi lífskjara; meðal annars viðun­
andi fæðis og klæða og fullnægjandi
húsnæðis, sífellt batnandi lífsskilyrða
og gerðar skuli viðeigandi ráðstafanir
til að tryggja og stuðla að því að þessi
réttur verði að veruleika án mismun­
unar vegna fötlunar. Viðunandi lífs­
kjör séu sjálfsögð mannréttindi. „Við
hvetjum ríkisstjórn sem vill kenna sig
við velferð til að vinna að samfélagi
fyrir alla, með mannréttindi og jafn­
ræði að leiðarljósi.“
hanna@dv.is
Skora á alþingismenn Öryrkjabandalag Íslands hvetjur ríkisstjórn sem vill kenna sig við
velferð til að vinna að samfélagi fyrir alla.
Starfsfólk
beitt ofbeldi
Starfsfólk Landspítala ­ háskóla­
sjúkrahúss hefur verið beitt ofbeldi
211 sinnum fyrstu níu mánuði árs­
ins, samkvæmt skráningu. Forstjóri
spítalans, Björn Zoëga, telur að at­
vikin séu fleiri þar sem ekki séu öll
tilvik skráð. Þetta kom fram í kvöld­
fréttum RÚV á laugardag.
Að sögn Björns hefur verið gert
átak í skráningum ofbeldis gagnvart
starfsfólki. Hann segir flest atvikin
verða á bráðamóttöku og geðdeild­
um.
Þá urðu 165 stunguslys á spítal­
anum fyrstu níu mánuði ársins.
Björn segir að aukið álag geti leitt
til fjölgunar óhappa og mistaka en
reynt sé eftir fremsta megni að halda
álaginu þannig að það fari ekki úr
hófi.
Vildarbörn
afhendir styrki
Tuttugu börnum var afhentur ferða­
styrkur úr sjóðnum Vildarbörn Ice­
landair á laugardag, fyrsta vetrardag.
Markmið sjóðsins er að gefa
langveikum börnum, foreldrum
þeirra og systkinum, tækifæri til þess
að fara í draumaferð sem þau ættu
annars ekki kost á. Alls hafa rúmlega
300 fjölskyldur notið stuðnings frá
sjóðnum frá stofnun hans. Þetta er
17. úthlutun sjóðsins og 9. starfsár
hans. Í hverjum styrk frá sjóðnum
felst skemmtiferð fyrir barnið og fjöl­
skyldu þess, og er allur kostnaður
greiddur – flug, gisting, dagpen­
ingar og aðgangseyrir að sérstökum
viðburði sem barnið óskar sér. Við
síðustu úthlutanir hafa margar fjöl­
skyldnanna valið að fara til Flórída
og heimsækja Disneyland.
Valgerður
vonsvikin
Valgerður Sverrisdóttir, fyrrverandi
þingmaður Framsóknarflokksins í
Norðausturkjördæmi og ráðherra,
segir að það séu mikil vonbrigði að
Alcoa hafi hætt við uppbyggingu ál­
vers á Bakka við Húsavík. Þetta kom
fram á vikudagur.is en þar er bent á
að Valgerður hafi verið iðnaðarráð­
herra þegar skrifað var undir vilja­
yfirlýsingu við Alcoa árið 2006 til
undirbúnings uppbyggingu álvers
þar. Hún segir í viðtali við Vikudag
að eftir að núverandi ríkisstjórn hafi
verið mynduð hafi komið í ljós að
ýmis ljón voru í veginum. Það hafi
reyndar ekki átt að koma á óvart
miðað við hvernig alþingismenn úr
vinstri flokkunum hafi beitt sér gegn
framkvæmdunum á Austurlandi.
Jafnframt segist Valgerður óttast
að grundvöllur Vaðlaheiðarganga
hafi veikst með þessari niðurstöðu
Alcoa. Hún hafi lengi talað fyrir
mikilvægi Vaðlaheiðarganga og hafi
meðal annars skrifað grein í Tímann
um það mál snemma á þingmanns­
ferli sínum.