Dagblaðið Vísir - DV - 27.02.2013, Blaðsíða 21

Úrvalslið neðri
hlutans í enska
Sport 21
Þ
ó svo að lið þessara leikmanna
hafi mörg hver valdið von-
brigðum eiga leikmennirnir
hér að neðan allir það sam-
eiginlegt að hafa staðið sig vel
í vetur. Vefritið Bleacher Report tók á
dögunum saman úrvalslið leikmanna
sem spila með liðum sem öll eru í
neðri hluta ensku úrvalsdeildarinn-
ar í knattspyrnu. Þarna kennir ýmissa
grasa en stillt er upp í hið hefðbundna
leikkerfi 4-4-2 og sitja átta leikmenn á
varamannabekknum að þessu sinni.
Hafa ber í huga að liðið er aðeins tekið
saman til gamans. Þá eru eflaust fleiri
leikmenn en þeir sem hér eru taldir
upp sem gera tilkall til sætis í liðinu.
Það er svo spurning hvort þessir leik-
menn gætu myndað lið sem myndi
berjast í efri hluta deildarinnar.
Einar Þór Sigurðsson
blaðamaður skrifar einar@dv.is
n Bestu leikmenn liða í sætum 11–20 í ensku úrvalsdeildinni n Stillt upp í 4-4-2
Miðvikudagur 27. febrúar 2013
Vinstri bakvörður
Nicky Shorey, Reading
Staða liðs: 19. sæti
Þrátt fyrir að Shorey hafi aðeins spilað um
helming leikja Reading í vetur hefur þessi
reyndi bakvörður staðið fyrir sínu þegar hann
hefur spilað. Hann hefur lagt upp fjögur mörk
í þeim fjórtán leikjum sem hann hefur spilað
frá upphafi til enda og er gríðarlega ógnandi
þegar hann keyrir upp vinstri vænginn. Fleiri
leikmenn eins og Luke Shaw hjá South­
ampton, John Arne Riise hjá Fulham og
Nathan Baker hjá Aston Villa komu einnig til
greina í liðið en Shorey hafði betur.
Miðvörður
Michael Williamson, Newcastle
Staða liðs: 14. sæti
Mike Willamson hefur reynst Newcastle
dýrmætur í vetur enda hefur liðið verið
þjakað af meiðslum stóran hluta tímabils­
ins. Williamson hefur verið traustur í vörn
liðsins í vetur og ein helsta ástæða þess að
Newcastle er ekki neðar í deildinni. Þrátt fyrir
það hefur Steven Taylor fengið fleiri tækifæri
í Newcastle­liðinu í síðustu leikjum á kostnað
Williamson. Alan Pardew, stjóri Newcastle,
veit þó allavega hvert hann getur leitað ef
vandræði í vörninni gera vart við sig.
Miðvörður
Carlos Cuellar, Sunderland
Staða liðs: 15. sæti
Spánverjinn Cuellar hefur verið stöðugur
í vörn Sunderland í vetur rétt eins og
Mignolet í markinu. Varnarleikur Sunder­
land hefur verið ágætur í vetur og líklega
ein helsta ástæða þess að Sunderland
er ekki neðar í deildinni. Cuellar kom til
Sunderland frá Aston Villa síðasta sumar
– liði sem eflaust hefði getað nýtt krafta
hans lengur.
Hægri bakvörður
Craig Gardner, Sunderland
Staða liðs: 15. sæti
Craig Gardner er þriðji fulltrúi Sunderland
í liðinu og er vel að því kominn að vera
í liðinu. Gardner getur leyst fjölmargar
stöður á vellinum, meðal annars miðju,
en flestir leikja hans hafa verið í hægri
bakverði. Hann hefur skorað fjögur mörk og
lagt upp tvö í vetur og reynist oft hættu­
legur á hægri vængnum þegar hann hættir
sér fram á við.
Vinstri vængmaður
Damien Duff, Fulham
Staða liðs: 11. sæti
Damien Duff hefur sýnt það í vetur að hann
er ekki dauður úr öllum æðum þrátt fyrir að
vera orðinn 33 ára. Það sem af er tímabili
hefur hann lagt upp sjö mörk og skorað þrjú
og verið einn hættulegasti leikmaður Ful­
ham ásamt Dimitar Berbatov. Duff virðist
eiga nóg eftir á tankinum og mun eflaust
halda áfram að láta til sín taka það sem
eftir lifir tímabilsins.
Miðjumaður
Mark Noble, West Ham
Staða liðs: 13. sæti
Mark Noble hefur verið algjör lykilmaður
hjá West Ham í vetur og ein ástæða þess að
liðið er í fínum málum um miðja deild. Hann
hefur skorað fjögur mörk í deildinni og lagt
upp þrjú og er vel að því kominn að eiga sæti
í liðinu. Þessi 25 ára leikmaður hefur leikið
fyrir öll yngri landslið Englands og aldrei að
vita nema hann fái tækifæri undir stjórn Roy
Hodgson.
Miðjumaður
Adel Taarabt, QPR
Staða liðs: 20. sæti
Adel Taarabt er leikmaður sem getur
verið frábær en líka alveg skuggalega
slakur. QPR­liðið hefur verið í tómu basli í
vetur en Taarabt hefur þó óumdeilanlega
verið skásti leikmaður liðsins. Hann kemur
yfirleitt að þeim mörkum sem liðið skorar
en hann hefur skorað fjögur mörk og gefið
fimm stoðsendingar í vetur. Þrátt fyrir alla
hans galla eru fáir sóknarsinnaðir miðju­
menn í neðri hlutanum betri en hann.
Hægri kantmaður
Robert Snodgrass, Norwich
Staða liðs: 12. sæti
Robert Snodgrass hefur verið einn stöðug­
asti leikmaður Norwich á leiktíðinni. Þessi
25 ára leikmaður, sem kom frá Leeds, hefur
lagt upp fimm mörk og skorað fjögur í vetur
og verið mjög ógnandi með frábærum
spyrnum sínum. Það er viðbúið að Norwich
væri neðar í deildinni ef ekki væri fyrir Snod­
grass enda hafa sóknarmenn liðsins ekki
beinlínis verið á skotskónum í vetur.
Framherji
Rickie Lambert, Southampton Staða liðs: 16. sæti
Þessi 31 árs framherji hefur verið sjóðandi heitur með Southampton í vetur og skorað hvorki
fleiri né færri en tólf mörk. Þá hefur hann einnig lagt upp sjö mörk og þannig komið beint
að nítján mörkum Southampton í vetur. Ef þessa stóra og sterka framherja nyti ekki við hjá
Southampon er óhætt að fullyrða að liðið væri í mun verri stöðu en það er í.
Framherji
Christian Benteke, Aston Villa Staða liðs: 18. sæti
Belginn sterki hefur verið einn af fáum ljósum punktum hjá Villa í vetur. Benteke hefur skorað
11 mörk af þeim 26 mörkum sem Villa hefur skorað en auk þess hefur hann lagt upp fjögur
mörk. Stóru liðin fylgjast náið með gangi mála og ef Villa fellur um deild er viðbúið að Benteke
færi sig um set. Benteke og Rickie Lambert eru framherjapar sem flest lið yrðu stolt af að hafa.
Markmaður
Simon Mignolet, Sunderland
Staða liðs: 15. sæti
Þessi 24 ára Belgi hefur tekið mikl­
um framförum og sýnt stöðugleika
hjá liði sínu í vetur. Það er ekki að
ástæðulausu að sumir vilji meina
að hann hafi verið besti markvörður
deildarinnar í vetur. Sunderland­
liðið skorar lítið af mörkum en fær
einnig tiltölulega fá á sig og er það
að stóru leyti Mignolet að þakka.
Það má búast við því að stóru liðin
muni berjast um Mignolet í sumar.
Varamenn
Julio Ceser (QPR) Hefur átt fína leiki
hjá QPR í vetur og oft komið liði sínu til
bjargar með mögnaðri vörslu.
John Arne Riise (Fulham) Hefur átt
fína leiki með Fulham og verið
stöðugur í deildinni.
Winston Reid (West Ham) Ungur og
efnilegur miðvörður sem hefur staðið
sig vel í vetur. Á framtíðina fyrir sér.
Brede Hangeland (Fulham)
Norðmaðurinn stóri og stæðilegi
stendur ávallt fyrir sínu án þess að
gera það með sérstökum bravúr.
Morgan Schneiderlin (Sout-
hampton)Öflugur Frakki sem hefur
verið mikilvægur inni á miðju
Southampton.
Mohamed Diame (West Ham) Diame
er stór og sterkur og hefur staðið sig
vel í vetur. Rétt missir af sæti í
byrjunarliðinu.
Adam Le Fondre (Reading) Le
Fondre hefur skorað mikilvæg mörk
fyrir Reading í vetur en er á bekknum
rétt eins og hjá liði sínu.
Dimitar Berbatov (Fulham)
Klassaleikmaður sem hefur skorað
átta mörk og gefið þrjár
stoðsendingar. Því miður er það
minna en hjá Benteke og Lambert.