Dagblaðið Vísir - DV - 12.06.2013, Blaðsíða 6

6 Fréttir 12. júní 2013 Miðvikudagur
Okoro gegn Útlendingastofnun
n Óttast slæman aðbúnað á Ítalíu n Vill hæli á Íslandi
A
ðalmeðferð fór fram í máli
Osahon Okoro fyrir Héraðs­
dómi Reykjavíkur á þriðju­
daginn, en Okoro er níger­
ískur hælisleitandi sem DV tók
ítarlegt viðtal við fyrir skemmstu.
Okoro hefur barist fyrir því,
ásamt Katrínu Oddsdóttur mann­
réttindalögmanni, að ákvörðun
Útlendingastofnunar um að vísa
honum úr landi, verði ógild.
Okoro bar vitni í málinu og stikl­
aði á stóru yfir sögu sína. Hann
fæddist í Nígeríu og hefur átt við­
burðaríka ævi. Hefur hann hrakist á
milli Nígeríu og Ítalíu, en í tæplega
tvö ár hefur hann dúsað á Íslandi,
velkst um í kerfinu og heilsu hans
hrakað. Í vitnaleiðslunum sagði
Okoro frá hörmulegum aðstæð­
um flóttamanna á Ítalíu og hvern­
ig hann hefði þurft að komast þar
af án húsaskjóls og heilsugæslu.
Þá staðfesti sálfræðingur fyrir hér­
aðsdómi að Okoro bæri merki
áfallastreituröskunar.
„Okkar málflutningur byggðist
aðallega á því að það væri óheimilt
að vísa Okoro aftur til Ítalíu vegna
þess að um væri að ræða tvö að­
skilin hælismál,“ segir Katrín. „Svo
bentum við á að aðstæður hælis­
leitenda á Ítalíu væru slíkar að
ekki væri forsvaranlegt að vísa
fólki þangað.“ Aðspurð hvort hún
sé bjartsýn á að dómur falli skjól­
stæðingi sínum í vil segist Katrín
ekki vera svartsýn. „Mér finnst
nokkuð ljóst að Útlendingastofn­
un hafi ekki skoðað málið nægi­
lega vel.“ Eins og áður hefur komið
fram er sönnunarstaða hælisleit­
enda mjög slæm. „Þegar fólk flýr
heimaland sitt er ekki sjálfgefið að
því gefist neitt ráðrúm til að redda
sér alls konar gögnum og papp­
írum um að það hafi verið hér og
þar,“ sagði Katrín nýlega í viðtali við
DV og bætti við: „Samt bera flótta­
menn hitann og þungann af því að
sanna allt um fortíð sína og fram­
vísa viðeigandi gögnum. Þá virðist
engu máli skipta hvort þeir eru að
flýja úr brennandi húsi eða undan
sprengjuregni.“
Samkvæmt sjúkdómsgreiningu
sem DV hefur undir höndunum er
Okoro með of háan blóðþrýsting
auk þess sem ómskoðun sýndi
þykknaðan vinstri slegil í hjarta. Við
þessu tekur hann lyf sem hafa ýms­
ar hliðarverkanir og að sögn Okoro
hefur hann glímt við öndunarerf­
iðleika og alls kyns verki síðustu
mánuði. Útlit er fyrir að hann þurfi
að taka lyf við háum blóðþrýstingi
það sem eftir er ævinnar. Bindur
Okoro vonir við að fá tækifæri til
atvinnu og mannsæmandi lífs á Ís­
landi. n
johannp@dv.is
Rjúpum fjölgar
Árlegri rjúpnatalningu Nátt­
úrufræðistofnunar Íslands er
lokið og sýnir talning að rjúpu
hefur fjölgað um 47 prósent frá
því í fyrra. Rjúpu hefur fjölgað
um nær allt land. Á vef Nátt­
úrufræðistofnunar segir að það
komi á óvart því rjúpu hafi byrj­
að að fækka fyrir tveimur til
þremur árum. Fyrri fækkunar­
skeið hafi yfirleitt staðið í fimm
til sjö ár. Þessi óvænta fjölg­
un minnir mest á atburði sem
urðu í kjölfar friðunaráranna
2003 og 2004. Mat á veiðiþoli
rjúpnastofnsins og nánari grein­
ing á ástæðum fjölgunar á að
liggja fyrir í ágúst í kjölfar mæl­
inga á varpárangri rjúpna, afföll­
um 2012–2013 og veiði 2012.
Ungbarnadauði
hvergi minni
Tíðni ungbarna­ og burðarmáls­
dauða er hvergi lægri en á Íslandi
samkvæmt niðurstöðum nýrrar
samanburðarrannsóknar á heilsu
þungaðra kvenna og nýfæddra
barna í Evrópu.
Könnunin er gerð af Europeri­
stat og í skýrslu með niðurstöð­
um rannsóknarinnar eru teknir
saman gæðavísar fyrir heilsu­ og
heilbrigðisþjónustu við þungaðar
konur og nýfædd börn þeirra.
Í niðurstöðum könnunarinnar
kemur fram að allar Norðurlanda­
þjóðirnar séu með góða heilbrigð­
isþjónustu við konur á meðgöngu,
við fæðingu og á sængurlegu­
tíma. Íslendingar eru þar hins
vegar í fararbroddi. Svo virðist
sem heilsubrestur á meðgöngu,
í fæðingu og á sængurlegutíma
sé hins vegar enn vandamál víða
annars staðar í Evrópu.
Fram kemur að frjósemi
kvenna á Íslandi er 2,2 börn á
hverja konu sem er hæst í Evrópu
og mun meiri frjósemi en annars
staðar á Norðurlöndunum. Fjöl­
burafæðingar þykja hins vegar
fremur sjaldgæfar hér á landi,
eða 14,3 á hverjar 1.000 fæðingar,
sem er svipað og annars staðar
á Norðurlöndunum. Þá reyndist
tíðni keisaraskurða á Íslandi vera
lægst í Evrópu árið 2010, eða 14,8
prósent.
Ekki forsvaranlegt „Svo bentum
við á að aðstæður hælisleitenda á Ítal-
íu væru slíkar að ekki væri forsvaran-
legt að vísa fólki þangað,“ segir Katrín
Oddsdóttir, lögmaður Okoro.
Frosinn markaður
vegna loforðanna
Þ
að er brýnt að stjórnvöld tali
hreint út um það hvað þau
ætlast fyrir, hver áform þeirra
eru varðandi skuldaleiðrétt­
ingar, segir Grétar Jónasson,
framkvæmdastjóri Félags fasteigna­
sala um áhrif kosningaloforða Fram­
sóknarflokksins á fasteignamarkað­
inn. „Óvissa er alltaf slæm. Þessi óvissa,
rétt eins og öll önnur óvissa, hefur
áhrif á fasteignamarkaðinn og kæl­
ir hann. Fólk verður að vita nokkurn
veginn hvað stjórnvöld hyggjast gera
til að geta tekið ákvarðanir á grund­
velli þess.“
Grétar er ekki einn um þessa skoð­
un. Ingibjörg Þórðardóttir, formaður
félagsins, og Kristján Baldursson, eig­
andi fasteignasölunnar Trausta, hafa
tekið í sama streng í viðtölum við fjöl­
miðla. Öll fullyrða þau að íbúðar­
eigendur haldi að sér höndum vegna
loforða ríkisstjórnarinnar. Fólk sé hrætt
um að missa af skuldaniðurfelling­
um og hiki því við að selja íbúðir sín­
ar áður en ráðist verður í þær aðgerðir
sem Framsóknarflokkurinn lofaði fyrir
kosningar.
Engar efndir strax
Forsprakkar Framsóknarflokksins töl­
uðu á þá leið fyrir kosningar að þeir
hefðu skýra áætlun til að koma til móts
við skuldug heimili. Fullyrti Frosti Sig­
urjónsson, frambjóðandi flokksins í
Reykjavík, á vefsíðu sinni að ráðist yrði
í niðurfellingar strax ef Framsóknar­
flokkurinn fengi til þess umboð. Eftir
að flokkurinn vann sögulegan sigur í
þingkosningunum hefur forystan hins
vegar talað um áformin af meiri yfir­
vegun en áður og forsætisráðherra gef­
ið út að skuldir verði ekki felldar nið­
ur á sumarþingi. Óvissan um hvort og
hvenær ráðist verður í skuldaniðurfell­
ingar hefur skaðleg áhrif á fasteigna­
markaðinn og jafnvel á viðskiptalífið í
heild að sögn Grétars.
Lítil velta
Í hagsjá Landsbankans, skýrslu sem
hagfræðideildin gefur út, er fjallað um
stöðu fasteignamarkaðarins. Þar er
fullyrt að markaðurinn sé í járnum og
velta lítil. Jókst sala á fasteignum hrað­
ar á árinu 2011 en á síðasta ári og það
sem af er 2013. „Þarf eitthvað mikið að
gerast til þess að mikil aukning verði
frá þessum tölum,“ segir í skýrslu hag­
fræðideildarinnar.
„Fasteignasalar finna fyrir því að
það mætti vera meira að gera,“ segir
Grétar. „Við höfum sent ráðherra bréf
þar sem við óskum eftir því að stjórn­
völd reyni eftir því sem unnt er að
hraða afgreiðslu þessara mála og gefi
almenningi skýrari mynd af því hvað
verði gert. Það má ekki dragast of lengi
og ég vonast eftir viðbrögðum sem
fyrst.“ Grétar segist þó ekki vilja hljóma
eins og hann telji fasteignamarkaðinn
vera í algjöru frosti. „Það er hins vegar
ljóst að ef þessi óvissa á að ríkja í fleiri
og fleiri mánuði mun það hafa mjög
skaðleg áhrif á markaðinn,“ segir hann
og bætir við: „Alls kyns þjónusta og
verslun tengist fasteignamarkaðnum
órjúfanlegum böndum, svo viðskipta­
lífið þarf á því að halda að hann sé á
sæmilegu róli.“
Loforðin til trafala
„Ég hef fengið mikið af símtölum og
fyrirspurnum frá fólki sem þarf af ein­
hverri ástæðu að skipta um húsnæði.
Stækka við sig eða minnka eða eitt­
hvað slíkt en leggur ekki í það vegna
þess að það hefur ekki leikreglurnar á
hreinu varðandi þessi kosningaloforð
sem komu fram í síðustu kosningum,“
sagði Kristján Baldursson, fasteigna­
sali nýlega í samtali við Vísi. Formaður
Félags fasteignasala talaði á sömu nót­
um í viðtali við Ríkisútvarpið og kall­
aði eftir því að ný ríkisstjórn gæfi upp
með hvaða hætti yrði komið til móts
við skuldara. „Auðvitað vilja allir sjá
þessa leiðréttingu á sínu borði en ekki
að missa af kökunni ef við getum orð­
að það þannig,“ sagði hún. n
n Óvissan skaðleg fasteignamarkaðnum n „Brýnt að stjórnvöld tali hreint út“
Jóhann Páll Jóhannsson
blaðamaður skrifar johannp@dv.is
„Fólk verður að vita
nokkurn veginn
hvað stjórnvöld hyggjast
gera til að geta tekið
ákvarðanir á grundvelli
þess.