Dagblaðið Vísir - DV - 10.06.2014, Side 21

Vikublað 10.–12. júní 2014 Umræða 21
Myndin Sumarið í Eyjum Veður hefur verið blítt í Vestmannaeyjum, eins og reyndar um mest allt land, upp á síðkastið. Ferðafólk nýtur góðs af. Mynd Sigtryggur Ari
Mest lesið
á DV.is
1 Strætóbílstjóri hellir sér yfir farþega: „Láttu mig
vinna mína vinnu og þegiðu“
„Það kemur mér ekkert við hvað stendur
á þessu skilti,“ heyrist strætóbílstjóri
segja við farþega í myndbandi sem
Marína Gerða Bjarnadóttir deildi á Face-
book-síðu Strætó. Í ábendingu Marínu
til Strætó kemur fram að síðastliðinn
miðvikudag hafi hún verið í strætisvagni
númer 14 er strætóbílstjóri hreytti
fúkyrðum í farþega.
Lesið: 67.132
2 Framsóknarkona úthúðar múslimum:
„Við eigum að standa vörð
um arfleifð okkar, menningu
og trú á Guð“ Íris Lind Verudóttir,
söngkona og frambjóðandi Framsóknar-
flokksins í Kópavogi, úthúðar múslimum
á Facebook-síðu sinni og alhæfir um þá.
Tengir hún múslima við heiðursmorð,
sjálfsmorðssprengjuárásir, nauðganir,
barnagiftingar, sýruárásir og grýtingu
svo fátt eitt sé nefnt.
Lesið: 45.633
3 Vildu gera húsleit vegna prófílmyndar
Einkennisklæddir lögreglumenn höfðu
uppi á Kleópötru Mjöll Heiðudóttur
aðfaranótt 1. júní á skemmtistað í
Reykjanesbæ og tilkynntu henni að
prófílmynd hennar á Facebook gæfi
tilefni til húsleitar heima hjá henni. Á
myndinni er Kleópatra klædd í einkenn-
isbúning lögreglunnar.
Lesið: 40.544
4 Afmæli í anda 2007: Leyniveisla í Viðey Fjöldi
fólks vann að því á laugardag að koma
upp risastóru tjaldi í Viðey. Afmæl-
isbarnið var Birgir Már Ragnarsson,
samstarfsmaður Björgólfs Thors og
fyrrverandi framkvæmdastjóri Samson,
en hélt hann upp á fertugsafmæli.
Lesið: 34.152
5 Guðmundur biðst afsök-unar á hatursskrifum:
„Ég mun aldrei skrifa svona
hluti aftur“ Ég mun aldrei skrifa
svona hluti aftur,“ skrifar Guðmundur
Ingi Vésteinsson
á samfélagsmiðl-
inum Facebook
þar sem hann
biðst afsökunar
á hatursskrifum í
garð Salmanns Tamimi, varaformanns
Félags múslima á Íslandi.
Lesið: 29.881
Ég er lítil
eftirlíking
Katrín Mist líkist móður sinni sem lést þegar hún var þriggja ára. - DV
Ég losaði
takið
Katla rós Völu- og gunnarsdóttir kom að móður sinni látinni. - DV
Eignarnám er svarið
E
inkaeignarréttinum eru
settar ákveðnar skorður hvað
náttúruna áhrærir. Þannig get-
ur landeigandi ekki meinað
neinum að njóta náttúruundra þótt
hann eigi landið sem að þeim ligg-
ur. Hann getur takmarkað umgang
ef land liggur við skemmdum en ekki
krafist gjalds sem skapar honum arð.
Þetta segja landslög og það sem meira
er, yfir þúsund ára saga Íslendinga er
samfelld viljayfirlýsing um að náttúr-
an sé okkar allra. Síðan er allt annar
handleggur að landeigendur geta nýtt
hugvit til að hagnast á náttúrugæðum
með því að veita þjónustu og hagnast
þannig á eigin sköpun.
Land tekið undir vegi með
eignarnámi
Eignarnám á landi er ekki eftirsóknar-
vert í sjálfu sér. Þó tíðkast það án þess
að sérstaklega hátt fari. Á hverju ári
stendur Vegagerðin í samningaþjarki
við landeigendur um bætur fyrir lönd
sem verða fyrir valinu undir vegstæði.
Ef samningar nást ekki er landið tekið
eignarnámi og sérstök matsnefnd úr-
skurðar bætur. Hjá Vegagerðinni hef
ég fregnað, að eignarnám sé tíðara
nú en áður var, einfaldlega vegna
þess að landeigendur hafi heldur
fært sig upp á skaftið í bótakröfum
þannig að samningar nást ekki.
Almannahagur ofar
einkahagsmunum
Ég neita því ekki að stundum hlýtur
samúð okkar að liggja nærri land-
eigendum þegar fallegt land fer und-
ir veg eða þegar vegalagning eða um-
ferð veldur þeim ama. Fáir hafa þó
orðið til að taka upp hanskann fyrir
landeigendur hvorki í tjónabótastríði
við Vegagerðina eða þegar hver-
ir hafa verið teknir til almannanota
eins og gerðist með Deildartungu-
hver upp úr miðri síðustu öld. Flest-
ir viðurkenna og virða þá meginhugs-
un að ríkir almannahagsmunir eigi að
vera settir ofar þröngum einkahags-
munum.
náttúrugersemarnar eru
okkar allra
Auðvitað eru mörg tilvik á gráu svæði.
Þannig var ég ekki sáttur þegar rætt
var um eignarnám undir rafmagns-
línur á Reykjanesi fyrir nokkrum vik-
um. Þar mátti nefnilega deila um
vægi almannahags. Það verður hins
vegar varla gert hvað varðar helstu
náttúrugersemar Íslands. Þar er hóp-
ur landeigenda, sem eiga land sem
að þeim liggur, búinn að bíta það í sig
að þeir geti gert þær að féþúfu fyrir
sína prívatbuddu. Það er hins vegar
mikill misskilningur. Það er hvorki
leyfilegt samkvæmt gildandi lands-
lögum að krefjast aðgangseyris að
náttúruundrum, nema að tilteknum
forsendum sé fullnægt, né leyfir það
þúsund ára hefð.
Linkind stjórnvalda
Ríkisstjórnin hefur sýnt fádæma lin-
kind gagnvart rukkurum sem að
hætti stigamanna stilla sér upp fyr-
ir framan ferðamenn og krefja þá
um peninga. Þetta gerðist við Geysi
í vor sem kunnugt er. Þar stöðvaði
almenningur rukkarana með því að
neita að borga og er málið nú á leið
inn í dómsali að undirlagi stjórn-
valda. Það er vel. En í Kerinu í Gríms-
nesi er aftur farið að rukka og eina
sem heyrst hefur frá ríkisstjórninni,
vegna þessara lögbrota, eru yfirlýs-
ingar ferðamálaráðherrans sem segir
að hún viti ekki betur en að rukkunin
gangi prýðisvel!
Viljum vörn gegn ofbeldi
Við sem teljum gjaldheimtuna vera
lögbrot og auk þess ganga þvert á
aldagamlar hefðir og reyndar einnig
nýrri hugmyndir um almannarétt,
hefðum viljað vera varin af stjórn-
völdum; varin svipað og almennt er
gert þegar rán er framið. Frá þess-
um sjónarhóli – þar sem almanna-
hagur er hafður að leiðarljósi – verð-
ur varla sagt að rukkunin gangi vel.
En stilli ráðherrann sér upp við hlið
þeirra Óskars Magnússonar í Kerinu
eða Ólafs H. Jónssonar sem á land í
námunda við Dettifoss og fleiri nátt-
úruperlur á Norðausturlandi, má
vissulega til sanns vegar færa að allt
sé að komast í réttan farveg. Nú frétt-
ist af samningum á Norðausturlandi
við landeigendur við Dettifoss og
víðar. Þar er enn haft í hótunum af
hálfu landeigenda um að gjaldtaka
hefjist fljótlega á einhverjum stöð-
um en landeigendur hafi hins vegar
ákveðið að fresta gjaldheimtu við
sjálfan Dettifoss – en aðeins um sinn!
gripið verði í taumana
Auðvitað ber stjórnvöldum að grípa
þegar í stað í taumana almenningi til
varnar. Löglausar gjaldheimtur verð-
ur að stöðva þegar í stað. Ef menn
láta sér ekki segjast er bara um eitt
að ræða: Eignarnám! Sjálfum finnst
mér fullkomlega eðlilegt að taka all-
ar helstu náttúruperlur landsins
eignarnámi. Landeigendum yrði þá
greitt sanngjarnt gjald fyrir. Í trúar-
brögðum er talað um náttúruna sem
sköpun guðs. Látum það liggja milli
hluta. Hitt getum við þó fullyrt að
Óskar Magnússon bjó ekki til Kerið í
Grímsnesi og Ólafur H. Jónsson skóp
ekki Dettifoss. n
Ögmundur Jónsson
þingmaður Vinstri grænna
Kjallari
Almannahagur ofar
einkahagsmunum „Ríkis-
stjórnin hefur sýnt fádæma
linkind gagnvart rukkurum
sem að hætti stigamanna
stilla sér upp fyrir framan
ferðamenn og krefja þá um
peninga.“ Mynd rÖgnVALdur Már „Það er hvorki leyfi-
legt samkvæmt
gildandi landslögum að
krefjast aðgangseyris að
náttúruundrum, nema
að tilteknum forsendum
sé fullnægt, né leyfir það
þúsund ára hefð.
Þetta var
grínskilti
Sverrir tattú er sakaður um hótunarbrot vegna skiltis. - DV