Dagblaðið Vísir - DV - 06.07.2011, Blaðsíða 15

Fréttir | 15Miðvikudagur 6. júlí 2011
Allt á einum stað!
Bílaverkstæði | Dekkjaverkstæði | Smurstöð | Varahlutir
Þú færð fría olíusíu ef þú lætur
smyrja bílinn hjá okkur
Komdu með bílinn til okkar og
þú færð fría ástandsskoðun
leikarar, þar af fjórir sem hafa verið
ráðnir tímabundinni ráðningu und­
anfarin tvö ár og en Ari segir þá eiga
lögum samkvæmt rétt á að hljóta
fastráðningu eða hverfa úr starfi hjá
Þjóðleikhúsinu.
„Það eru margir í sárum yfir þessu
en ef menn vilja leita orsakanna þá
geta þeir leitað í fjárlög 2011 þar sem
skorið er niður hjá Þjóðleikhúsinu,“
segir Ari.
Leikarar hvísla
Baldur Trausti Hreinsson, talsmaður
Félags leikara, segir að leikarar hafi
gengið í stöðu hvíslara eftir að Helgu
var sagt þar upp störfum.
„En þetta er ekki í okkar starfslýs­
ingu,“ segir Baldur Trausti en bæt­
ir við að leikurum sé frjálst að gera
þetta.
„Við setjum þetta í hendurnar á
þeim sjálfum. Hvort þeir samþykki
að gera það og ef þeir vilja gera það
þá er þeim frjálst að gera það okkar
vegna,“ segir Baldur.
Hann segir að það eigi eftir að fá
úr því skorið hvort leikarar séu að
ganga í störf hvíslara. „Ég hef ekki
fengið neinar upplýsingar um að
þetta sé ólöglegt. En um leið og við
fáum úr því skorið að við séum að
ganga í störf sem annar aðili á að
sinna, þá munum við draga það til
baka,“ segir Baldur.
Á stóra sviðinu í 14 ár
Helga sem er fædd 4. september 1944
er kennaramenntuð og leikari frá
Leiklistarskóla LR. Hún hefur starf­
að við kennslu og leikstörf og lék hún
ýmis hlutverk hjá Leikfélagi Reykja­
víkur og Þjóðleikhúsinu á sínum
yngri árum. Hún starfaði um árabil
á tónlistardeild Ríkisútvarpsins þar
sem hún gegndi almennum skrif­
stofustörfum og dagskrárgerð þar
sem hún sá meðal annars um þátt­
inn Óskalög sjúklinga. Helga starfaði
í nokkur ár sem leikþulur, sem í dag­
legu tali er kallað hvíslari, hjá Leik­
félagi Reykjavíkur, bæði í Iðnó og
Borgarleikhúsinu áður en hún réðst
til starfa sem leikþulur á stóra sviði
Þjóðleikhússins árið 1996. 
Hvorki vinsælt né sanngjarnt
Tinna Gunnlaugsdóttir þjóðleik­
hússtjóri segir í samtali við DV að
rétt hafi verið staðið að uppsögn­
inni. „Það var farið lögformlega að
því að segja hvíslara Þjóðleikhúss­
ins upp starfi, en um ríkisstarfs­
menn gilda lög um réttindi og skyld­
ur ríkistarfsmanna. Þeir sem eru
ósáttir við stjórnsýsluákvörðun,
hver sem hún er, geta leitað til Um­
boðsmanns alþingis. Það gerði við­
komandi í þessu tilfelli. Málið fer þá
í ákveðið ferli, þar sem fyrispurn er
send á viðkomandi stofnun. Það var
gert og henni hefur verið svarað. Ég
sé ekki tilefni til að ræða þetta mál
frekar, nú þegar ríflega ár er liðið frá
því að kæra var lögð fram, enda hef
ég ekki fengið neina vísbendingu
um að ranglega eða ólöglega hafi
verið farið að.“
Hún segir að búið séð leggja niður
stöðu hvíslara í leikhúsinu, en nið­
urskurður í ríkisfjárlögum geri það
að verkum að grípa þurfi til ýmissa
ráðstafana. „Og það verði ekki gert
án einhverra fórna,“ segir Tinna og
bætir við: „Það er ekki skemmti­
legt að segja fólki upp vinnunni og
hvíslari leikhússins er vissulega ekki
sá eini sem hefur orðið fyrir því að
missa vinnuna.“ Tinna vildi ekki tjá
sig nánar um málið við DV.
Í viðtali við blaðið þann 20. júní
síðastliðinn sagði hún að það hafi
þurft að fækka fólki á öllum deildum
og leggja meira á þá sem eftir sátu.
„Það er hvorki vinsælt né sann­
gjarnt, en það hefur þrátt fyrir allt
myndast um það samstaða innan
hússins að leita allra leiða til að verja
hið listræna starf og láta ekki niður­
skurðinn verða til þess að við förum
að slá af eða lækka standardinn. Við
erum í raun að gera ótrúlega hluti
fyrir fáránlega litla peninga, ef við
lítum til sambærilegra leikhúsa á
Norðurlöndum, og við gætum það
ekki, nema fyrir þá staðreynd að við
erum með frábært fólk á öllum póst­
um. Það er og hefur verið styrkur og
auðlegð Þjóðleikhússins.“
Finnst nafnbirtingar
ósmekklegar
Tinna sagði enn fremur í viðtalinu
að umræða um uppsagnir í fjölmiðl­
um sé viðkvæm. „Það er nógu sárt að
missa fastan samning þótt þú þurfir
ekki líka að lesa um það í fjölmiðum.
Nafnbirtingar að fólki forspurðu eru
að mínu viti ósmekklegar í svona til­
vikum, enda hafa viðkomandi ekk­
ert til saka unnið. Sérstaklega getur
þetta verið álitamál, þegar leikarar
eiga í hlut, þar sem starf þeirra er
svo bundið persónu þeirra og sjálfs­
mynd.“
Tinna sagði að það hljóti alltaf að
verða einhverjar áherslubreytingar
og það sé mikilvægt fyrir Þjóðleik­
húsið að geta tryggt sér krafta þeirra
leikara sem mest eftirspurn er eftir á
hverjum tíma. Þar ráði listræn for­
gangsröðun vissulega nokkru, en
þetta sé líka spurning um samsetn­
ingu leikarahópsins með tilliti til
þeirra verkefna sem eru í undirbún­
ingi.
„Við höfum kosið að beina athygl­
inni heldur að þeim sem koma inn á
samning, enda er það vægast sagt ein­
valalið leikara. Þar fer fremstur meðal
jafningja Hilmir Snær Guðnason, en
auk hans koma þau Björn Thors, Mar­
grét Vilhjálmsdóttir, Atli Rafn Sigurð­
arson, Jóhannes Haukur Jóhannes­
son og Arnbjörg Hlíf Valsdóttir núna
inn á fasta samninga. Ég held að það
segi sig sjálft að það er mikilvægt fyr­
ir Þjóðleikhúsið að tryggja sér krafta
þessara frábæru listamanna. Og það
segi ég án þess að vilja þar með kasta
rýrð á nokkurn annan.“
Tekur áhættu á leikárinu
Á leikárinu eru stór og dýr verkefni.
Tinna sagði að sú ákvörðun að setja
upp söngleik á borð við Vesalingana
þegar kreppir að í rekstri leikhúss­
ins geti vissulega orkað tvímælis, þar
sem óhjákvæmilegt sé að ráða sér­
staklega að sýningunni hljóðfæra­
leikara og sækja að auki liðstyrk utan
leikhússins vegna nokkurra söng­
hlutverka.
Hún taldi það þó áhættunn­
ar virði, enda sagði hún mikilvægt
að Þjóðleikhúsið haldi áfram þeim
metnaði og þeirri fjölbreytni í verk­
efnavali sem ætlast er til, þótt kreppi
að í rekstri þess. Sagðist Tinna ekki í
nokkrum vafa um að sýningin komi
til með að laða gesti í auknum mæli
að leikhúsinu og því verði niðurstað­
an jákvæð þegar upp sé staðið.
Benedict Andrews aftur
til Íslands
Tinna tilkynnti þegar hún tók á móti
Grímuverðlaunum fyrir sýningu árs­
ins að Benedict Andrews kemur til
með að vinna aftur í íslensku leikhúsi
og mun þá leikstýra Macbeth Shake­
speares, það verði þó ekki fyrr en á
þarnæsta leikári, eða leikárinu 2012
til 2013. Hún gefur ekkert uppi um
hlutverkaskipan, en segir að undir­
búningur sé þegar hafinn. Andrews
var ráðinn inn til leikhússins og seg­
ir Ari Matthíasson að hann hafi ver­
ið á sömum kjörum og aðrir íslensk­
ir leikstjórar. Kveðið er á um kjörin í
samningi Félags íslenskra leikstjóra
og Þjóðleikhússins.
Kreppa í leikhúsinu Fjárframlög íslenska ríkisins til Þjóðleikhússins hafa lækkað umtalsvert undanfarin ár. Frá árinu 2005 hafa fjárveitingar ríkisins til leikhússins lækkað um 35 prósent,
eða úr rúmum milljarði í 644 milljónir króna. „Það eru margir í
sárum yfir þessu
en ef menn vilja leita or-
sakanna þá geta þeir leit-
að í fjárlög 2011 þar sem
skorið er niður hjá Þjóð-
leikhúsinu.