Dagblaðið Vísir - DV - 06.07.2011, Blaðsíða 17

Neytendur | 17Miðvikudagur 6. júlí 2011
heitur pottur með rafmagnsnuddi. Rúsínan í pylsuend-
anum er náttúrulegt gufubað. Þá er laugin í sérstaklega
fallegu og skjólsælu umhverfi sem eykur mjög á sjarma
laugarinnar. Meðal annarra lauga í nágrenninu má
nefna Sundhöll Selfoss og sundlaugina í Þorlákshöfn.
Verð: Fullorðnir 400 krónur og börn 160 krónur.
Opnunartímar: Mánudaga til fimmtudaga 07.00–
20.30.
Föstudaga 07.00–17.30.
Laugardaga og sunnudaga 10.00–17.30.
Ummæli álitsgjafa:
Ragnheiður: „Skemmtileg laug til að synda í. Ofsalega
sveitó stemning þar.“
Gísli: „Staðsetningin frábær og þjónusta til fyrir-
myndar.“
Skuggaráðgjafi: „Besta sundlaug landsins er án nokkurs
vafa sundlaugin í Laugaskarði í Hveragerði. Hönnun
laugarinnar og staðsetning er mjög skemmtileg. Laugin
fellur nánast inn í náttúruna á jaðri Hveragerðis. Þegar
sundlaugargestir sitja í pottinum horfa þeir til fjalla
og kyrrðin er yfirleitt mikið. Eitt hið besta við laugina í
Hveragerði, auk staðsetningarinnar og hönnunarinnar,
er hversu náttúruleg hún er. Heita vatnið í lauginni og
pottunum er náttúrulegt og kemur úr iðrum jarðar í
Hveragerði, sem auðvitað er rómað fyrir mikinn jarðhita.
Laugin er því einhvers konar blanda af hefðbundinni
sundlaug og náttúrulaug.“
10. sæti
Sundlaugin í Stykkishólmi
Í Stykkishólmi er
sundaðstaða til fyrir-
myndar og falleg laug
sem hefur allt til að bera
sem sundlaug þarf. Þar
er 25 metra útisundlaug
með 57 metra vatns-
rennibraut, sem er
önnur lengsta rennibraut
landsins. Þar er vaðlaug
og tveir heitir pottar auk
12 metra innilaugar sem einkum er ætluð sem kennslu-
og þjálfunarlaug. Í heitu pottunum er heilsuvatn sem
kemur beint úr borholunni við Hofstaði, en vatnið er
gott sem meðferð við ýmis konar húðvandamálum, svo
sem exemi og psoriasis.“
Verð: Fullorðnir 420 krónur og börn 170 krónur (6–17
ára).
Opnunartímar: Mánudaga til föstudaga 07.00–22.00 .
Laugardaga og sunnudaga 11.00–18.00.
Ummæli álitsgjafa:
Skuggaráðgjafi: „Sundlaugin í Stykkishólmi er falleg
smábæjarsundlaug. Heiti potturinn er þannig gerður að
hægt er að liggja og sitja í honum. Ekki skemmir fyrir
að úr heita pottinum er fallegt útsýni enda er umhverfi
Stykkishólms eitt það fallegasta á landinu. Renni-
brautin í lauginni er einnig vel heppnuð. Stykkishólmur
fær 4 stjörnur fyrir að hafa allt sem skiptir máli og
ekkert aukalega.“
11. sæti
Sundlaugin í Borgarnesi
Sundaðstaða í
Borgarneslaug
er góð en þar
er 25 metra
útisundlaug auk
þriggja vatns-
rennibrauta,
barnavaðlaugar
og tveggja
heitra potta, en
annar þeirra er með sérstöku kraftnuddi. Þar er einnig
iðulaug með frábæru nuddi, innilaug, eimbað beint úr
Deildartunguhver, sánabað og góð sólbaðsaðstaða. Góð
sundlaug fyrir ferðalanga til að skola af sér ferðrykið og
slaka á í eða taka góðan sundsprett.
Verð: Fullorðnir 480 krónur og börn 200 krónur.
Opnunartímar: Mánudaga til föstudaga 6.30–21.00.
Laugardaga og sunnudagar 9.00–18.00.
Ummæli álitsgjafa:
Ragnheiður: „Mér finnst gott að henda mér í sund
í Borgarnesi eftir að vera búin að keyra lengi. Tek
stundum sundsprett þar áður en ég keyri síðasta spölinn
í bæinn.“
Gísli: „Laugarsvæðið er mjög fínt að flestu leyti en
búningsklefar of litlir miðað við notkun.“
12.–14. sæti
Sundlaugin á Blönduósi
Á Blönduósi
er glæsileg 25
metra sundlaug
ásamt vaðlaug
og tveimur
heitum pottum.
Þar eru einnig
tvær rennibrautir
og fleiri tæki fyrir
börnin. Foreldrar hrósa uppsetningu svæðisins þar sem
fullorðna fólkið getur setið í pottunum en haft þó góða
yfirsýn og fylgst með börnunum.
Verð: Fullorðnir 450 krónur og börn 220 krónur (8–15
ára).
Opnunartímar: Mánudaga til föstudaga 8.00–21.00.
Laugardaga og sunnudaga 10.00–20.00.
12.–14. sæti
Sundlaugin á Eskifirði
Á Eskifirði er
nýleg og glæsileg
sundlaug sem var
tekin í notkun fyrir
um fimm árum.
Þeir sem ferðast
um Austurland
og vilja skola af
sér rykið ættu að
skella sér í sund
á Eskifirði. Þar eru heitir pottar, gufubað, vaðlaug og
rennibrautir fyrir börnin. Aðstaðan er öll til fyrirmyndar.
Verð: Fullorðnir 400 krónur og börn 170 krónur (6–15 ára).
Opnunartímar: Mánudaga til föstudaga 6.30–21.00.
Laugardaga og sunnudaga 10.00–18.00.
12.–14. sæti
Sundlaugin í Vestmannaeyjum
Sundlaugin í
Vestmannaeyj-
um var vígð í júlí
1976. Þar er góð
aðstaða bæði
til að iðka sund
og fyrir börnin
en þar er 25
metra innilaug,
þrír heitir potta,
nuddstútar,
nuddfoss og sólbaðslaug. Einnig má nefna rennibraut-
irnar Eldfell og Stórhöfða auk fjölda annarra leiktækja
fyrir börnin.
Verð: Fullorðnir 450 krónur og börn fá frítt.
Opnunartímar: Mánudaga til föstudaga 6.15–21.00.
Laugardaga og sunnudaga 9.00–18.00.
Ummæli álitsgjafa:
Ragnheiður: „Ég setti mitt fyrsta Íslandsmet þar og
hjarta mitt slær alltaf svolítið fyrir Vestmannaeyjalaug-
ina. Maður syndir bara alltaf hratt þar.“
15.–16. sæti
Sundlaugin á Egilsstöðum
Á Egilsstöðum er
prýðissundstaður.
Þar er 25 metra
laug, tveir heitir
pottar og annar
þeirra með góðu
vatnsnuddi. Þá
er vaðlaug og
rennibraut. Einnig
eru sólbekkir við laugina og fín sólbaðsaðstaða. Að sögn
starfsmanns er gufa óþarfi þar sem það er alltaf gott
veður á Egilsstöðum.
Verð: Fullorðnir 400 krónur og börn 200 krónur.
Opnunartímar: Mánudaga, miðvikudaga og föstudaga
06.00–21.30.
Þriðjudaga og fimmtudaga 06.30–21.30.
Laugardaga og sunnudaga 9.30–19.00.
15.–16. sæti
Sundlaugin í Höfn
Í Höfn er góð
aðstaða til
sunds. Þar er
ný 25 metra
sundlaug auk
barnalaugar
með alls kyns
leiktækjum. Á
Höfn eru hvorki
fleiri né færri
en þrjár renni-
brautir, tveir
heitir pottar en
annar þeirra er sagður með góðu nuddi. Þá er gufubað
á staðnum auk þess sem aðgengi fyrir fatlaða er gott,
meðal annars er lyftustóll á laugarbakkanum til staðar.
Þessi aðstaða gerir það að verkum að sundlaugin er
aðgengileg fyrir alla og verðskuldar sæti á meðal þeirra
bestu. Hún er rekin undir kjörorðunum: Vatn og vellíðan.
Verð: Fullorðnir 450 krónur og börn 180 krónur.
Opnunartímar: Mánudaga til föstudaga 06.45–21.00.
Laugardaga og sunnudaga 10.00–19.00.
Ummæli álitsgjafa:
Páll Ásgeir: „Lítil og frumstæð.“
17. sæti
Salalaug
Salalaugin er
nýleg laug og
sannkölluð
vatnaparadís
fyrir börnin og
er jafnvel meira
vatnaveröld en
sundlaug til að
synda í. Þar er
að finna útilaug,
innilaug, iðulaug, tvo potta, rennibraut og vatnsorgel.
Góð laug til að leyfa börnunum að leika sér á meðan
fullorðna fólkið slakar á í pottunum.
Verð: Fullorðnir 450 krónur og börn 120 krónur.
Opnunartímar: Mánudaga til föstudaga 06.30–22.00.
Laugardaga og sunnudaga 08.00–20.00.
Ummæli álitsgjafa:
Páll Ásgeir: „Úthverfalaug sem er frekar umbúðir en
innihald.“
Ragnheiður: „Góð laug til að slappa af í en samt
hundleiðinlegt að synda þar.“
18. sæti
Seltjarnarneslaug
Sérstaða
laugarinnar
á Seltjarnar-
nesi er sú að
vatnið kemur
úr borholu í
nágrenninu með
mjög stein-
efnaríku vatni.
Laugin er vinsæl
hjá exem-
sjúklingum sem telja þetta vatn þurrka húðina minna en
annað sundlaugarvatn. Tvær sundlaugar eru á staðnum
en pottarnir eru fjórir. Góð aðstaða fyrir barnafjölskyldur
og rennibraut fyrir börn á öllum aldri.
Verð: Fullorðnir 400 krónur og börn 120 krónur.
Opnunartímar: Mánudaga til föstudaga 6.30–21.00.
Laugardaga og sunnudaga 8.00–18.00.
Ummæli álitsgjafa:
Páll Ásgeir: „Mjög góð en of lítil laug. Pottarnir eru í
skugga síðdegis sem er stór mínus.“
Ragnheiður: „Mér finnst hún ágæt. Bara vont bragð af
vatninu þannig að það er ekkert svo gaman að synda
þar.“
Rennibraut Barnalaug Gufa Útiklefar Veitingar við bakkann
Aðrar perlur
Aðrar laugar sem voru nefndar sem sérstakar perlur
eða vegna frábærrar aðstöðu:
Krossneslaug í Árneshreppi á Ströndum
Páll Ásgeir: „Flottasta laug á landinu. Hún er ofan í
sjávarmáli, hrein og snyrtileg. Dásamlegur staður.“
Gísli: „Frábær staðsetning í flæðarmálinu og stutt
að hlaupa út í sjó. Þar er líka alltaf gott veður.“
Seljavallalaug
Gísli: „Þegar hún er ekki full af ösku er þetta nátt-
úrulega einstök laug, byggð utan í bergið og úr því
seitlar heitt vatn ofan í laugina. Það er hins vegar
engin hárþurrka í búningsklefanum!“
Heitu pottarnir í Tálknafirði.
Gíslí: „Frábær staður en ekki auðfundinn og á
kannski ekkert að vera það.“
Náttúrulaugin í flæðarmálinu við
Flókalund í Reykjafirði
María: „Himnesk laug eftir langar göngur.“
Sundlaugin í Vopnafirði
Páll Ásgeir: „Mjög góð laug sem er frammi í sveit
og sést ekki til mannabústaða frá henni.“
Bláa lónið
Ragnheiður: „Bláa lónið er líka einn besti staðurinn
til að fara ofan í vatn og slappa af. Elska alveg að
maka á mig leðjunni og njóta eiginleika lónsins.“
Garðabæjarlaug
Ragnheiður: „Þetta er yndisleg laug. Klefarnir þar
eru hreinustu klefar sem ég hef komið í og það er
fínt pláss fyrir alla, hvort sem þeir vilja synda, leika
sér eða hanga í pottinum.“
MyNd AUSTURGlUGGiNN/GUNNAR
M
y
N
d
S
U
N
d
lA
U
G
A
R
.iS
M
y
N
d
V
eS
TM
A
N
N
A
ey
jA
R
.iS
MyNd SUNdlAUGAR.iS
MyNd SUNdlAUGAR.iS
Bestu sundlaugar landsins