Dagblaðið Vísir - DV - 29.11.2013, Blaðsíða 50

F
jölmiðlamaðurinn Sölvi
Tryggvason hefur undan­
farið ár fengist við að skrifa
ævisögu kraftakarlsins Jóns
Páls Sigmarssonar. Jón Páll,
sem var goðsögn í lifandi lífi, hóf feril
sinn í lyftingum aðeins 19 ára og á há­
tindi ferilsins varð hann fjórum sinn­
um Sterkasti maður heims. Hann
lést langt um aldur fram, aðeins 33
ára, á miðri æfingu í íþróttasal sín­
um við Suðurlandsbraut. Banamein
hans var ættgeng hjartabilun, en
margir hafa haldið því fram að hann
hafi látið lífið vegna steranotkunar.
Þrátt fyrir mögnuð afrek sín á ferlin­
um hefur aldrei verið skrifuð ævisaga
kraftakarlsins.
„Hugmyndin kviknaði árið 2011,“
útskýrir Sölvi þegar blaðamaður slær
á þráðinn til hans. „Þá var ég bú­
inn að vera að taka fullt af viðtölum
í sjónvarpinu og hafði hitt mikið af
þekktu íslensku fólki sem hefur verið
í sviðsljósinu lengi. Stór hluti hóps­
ins hafði þekkt Jón Pál og hann barst
alltaf einhvern veginn í tal. Það var að
segja sögur af Jóni og það var glampi
í augunum á fólki þegar það talaði
um hann. Það var eins og öllum
þætti ótrúlega merkilegt að þekkja
Jón. Mér var sagt fullt af fyndnum og
skemmtilegum sögum sem ég hafði
aldrei heyrt áður.“
Leit upp til Muhammed Ali
Sölvi fór því á stjá og skoðaði hvað
hefði verið skrifað um Jón Pál. Það
hafði verið gerð bók um afrek hans
í kraftlyftingum á meðan hann var
á lífi og einnig horfði Sölvi á heim­
ildamynd um hann. Sölva fannst að
maður eins og Jón Páll ætti skilda
ævisögu og varð það kveikjan að
skrifunum. Hann ræddi hugmyndina
við bókaútgáfuna Tind frá Akureyri
og fékk góðar viðtökur. Áætlað er að
bókin um Jón Pál komi í bókabúðir
eftir helgi.
„Á tímabili stóð til að bókin kæmi
út um síðustu jól, en svo var ákveðið
að við gæfum okkur aðeins meiri
tíma í þetta,“ segir Sölvi. En hvernig
var manneskjan Jón Páll?
„Hann leit mikið upp til
Muhammed Ali og tileinkaði sér
þannig framkomu. Það var mik­
ill galsi í honum og hann var frekar
hrokafullur í tilsvörum, samt sem
áður á skemmtilegan hátt, sem varð
til þess að síðar á ferlinum fékk
hann mun betur greitt fyrir að koma
á ýmis mót. Jafnvel þótt þar væru
menn sem voru á þeim tíma að
vinna hann,“ útskýrir Sölvi, en Jón
Páll átti sér líka aðra hlið.
Barnsmóðir Jóns
setti sig í 2. sæti
„Þessi hlið á honum var aðeins til
sýnis fyrir almenning. Hann var dá­
lítið tvískiptur karakter. Þeir sem
þekktu hann segja að hann hafi ver­
ið rólyndismaður heima fyrir, hleypt
fáum að sér og ekkert endilega sóst í
læti og athygli.“
Í bókinni er rætt
við barnsmóður hans og aðra konu
sem hann trúlofaðist síðar meir.
Barnsmóðir hans lýsir í bókinni
hvernig hafi verið að búa með Jóni
Páli og segir það hafa verið gríðar­
legt álag.
„Það sem allir eru sammála
um hvað varðar einkenni hans er
ómannlegur viljastyrkur, gríðarleg­
ur agi og ofboðslega hár sársauka­
þröskuldur,“ segir Sölvi. „Hann lagði
allt í sölurnar. Það þýddi að þegar
hann var í sambúð þá snerist allt
um æfingar og keppni hjá honum.
Barnsmóðir hans setti sjálfa sig í 2.
sæti.“ n
54 Fólk 29. nóvember–1. desember 2013 Helgarblað
Jón er ekki sáttur við L.A. Reid
n Tónlistar- og knattspyrnumaðurinn talar opinskátt um samstarf sitt við Sony
V
eistu, ef ég mætti ráða öllu
þá væri ég búinn að gefa út
tvær plötur,“ sagði tónlistar­
maðurinn Jón Jónsson í við­
tali í Eldhúspartý FM957 sem var
haldið í Stúdentakjallaranum. „En
þessi L.A. er aðeins að fokka þessu
upp. Ég er samningsbundinn en
samt eru þeir ekki að gera rassgat.
Þetta er eins og ég myndi skrifa
undir samning sem atvinnumað­
ur í fótbolta og mætti ekki mæta á
æfingu.“
Jón Jónsson hefur látið lítið fyr­
ir sér fara síðastliðna mánuði að
undanskildu einu lagi sem bandið
gaf út um miðjan október. Lagið
heitir Feel For You. Jón samdi við
útgáfufyrirtækið Sony í fyrrahaust
og vakti það mikla athygli hér á
landi. Það hefur hins vegar lítið
gerst síðan og af orðum Jóns að
dæma er honum mikið í mun að
gefa út nýtt efni. Hann hefur meðal
annars sagst vera með fullt af nýj­
um lögum í skúffunni.
Í sumar lék Jón stórt hlutverk
með meistaraflokki FH í knatt­
spyrnu. Hann leikur í stöðu hægri
bakvarðar. Þetta var fjórða árið
hans með uppeldisfélagi sínu, en
leiktímabilin þar á undan fékk
hann sárafá tækifæri. Í ár tók hann
hins vegar þátt í 16 leikjum af 22 í
Pepsi­deildinni. Áður lék Jón í fjög­
ur ár með Þrótti Reykjavík. n
ingosig@dv.is
Rólyndismaður
en hrokafullur
n Ævisaga Jóns Páls kemur út í næstu viku n Fékk betur greitt en kollegarnir
Ingólfur Sigurðsson
blaðamaður skrifar ingosig@dv.is
Bókaútgáfan Tindur
tók vel í Jón Pál
Hugmyndin kviknaði hjá
Sölva fyrir tveimur árum.
Mynd SigTryggur Ari
Sterkastur í heimi
Jón Páll vann fjórum sinnum titilinn
Sterkasti maður í heimi.
Lítið að gera Jón hefur
aðeins gefið út eitt lag
eftir að hafa undirritað
samning við Sony.
Bryndís Gyða
orðin mamma
Glamúrfyrirsætan og ritstjór­
inn Bryndís Gyða Michelsen er
orðin mamma. Hún sagði frá
því á Facebook­síðu sinni í vik­
unni að henni hefði fæðst sonur.
Þar sagði hún að fæðingin hafi
gengið vel og að allir séu hress­
ir eftir hana. Bryndís Gyða hef­
ur vakið athygli fyrir vösk skrif á
netinu en hún er ein kvennanna
á bak við vefsíðuna Hún.is. Mið­
illinn hefur tæplega 100 þúsund
notendur vikulega.
Rikka og
Skúli sögð
hætt saman
Séð og Heyrt greinir frá hávær­
um sögusögnum um að Skúli
Mogensen og Friðrika Geirs­
dóttir, betur þekkt sem Rikka,
séu hætt saman eftir nokkurra
mánaða ástarsamband. Þau hafa
um hríð verið eitt glæsilegasta
par landsins og vöktu athygli
hvert sem þau fóru.
Ætlað að
vera ein
Gleðigjafinn í Bónus, Francisca
Mwansa, er í forsíðuviðtali í Vik­
unni. Hún segir hlutskipti sitt að
vera ein. „Alltaf þegar karlmaður
hefur komið inn í líf mitt og boð­
ið mér á stefnumót þá hef ég leit­
að til Guðs. Ég hef beðið til hans
að gefa mér ást í hjartað til þess
manns sem myndi aldrei valda
mér hjartasári. Sú ást kom aldrei
svo ég hef aldrei átt kærasta,“ seg­
ir Francisca og segir frá því að
hún sé búin að vinna skírlífisheit.