Dagblaðið Vísir - DV - 16.07.2008, Qupperneq 10

miðvikudagur 16. júlí 200810 Fréttir
Nú eru það nær daglegar fréttir að
tyrkneskir hermenn slasist eða séu
drepnir í skotbardögum í suðvest-
urhluta Tyrklands. Undanfarna
viku hefur spennan aukist mikið.
Tyrkneski herinn réðst til atlögu
um helgina. Uppreisnarhópur Kúr-
da sem kallast PKK rændi þremur
þýskum ferðamönnum og krefst
þess að Þýskaland beiti sér fyrir því
að Tyrkir hætti hernaðaraðgerðum.
Tyrkir hafa lengi verið gagnrýnd-
ir fyrir meðferð þeirra á Kúrdum í
landinu.
Þýskir gíslar
Tyrkneski herinn sagði 22 kúr-
díska uppreisnarmenn hafa ver-
ið yfirbugaða í hernaðaraðgerðum
við landamæri Íraks um síðustu
helgi. Sagði herinn í yfirlýsingu
að aðgerðirnar hefðu farið fram í
Sirnak-héraði frá föstudegi og fram
á mánudag. Tyrkland hefur staðið í
hernaðaraðgerðum á svæðinu gegn
herskáum armi Kúrda, PKK.
Talsmaður PKK segir að þremur
þýskum gíslum sem þeir hafa í haldi
verði sleppt þrýsti Berlín á Ankara
að hætta hernaðaraðgerðum gegn
uppreisnarmönnum Kúrda.
„PKK er tilbúinn að sleppa
þýsku ferðamönnunum ef Tyrk-
land hættir hernaðaraðgerðum á
því svæði sem gíslarnir voru tekn-
ir,“ sagði talsmaður PKK, Sozdar
Avesta, fréttamönnum á Qandil-
fjallasvæðinu í norðurhluta Íraks.
Ferðamennirnir þrír voru hnepptir
í hald á þriðjudaginn í síðustu viku
á svæði í kringum Avaratfjall sem er
vinsælt á meðal ferðamanna. PKK
hélt því fram að Þjóðverjar væru að
vinna gegn Kúrdum í Þýskalandi.
„Gíslatakan er svar við því sem
Þýskaland er að gera. Við skorum
á þýsk stjórnvöld að endurskoða
stefnu sína gagnvart Kúrdum.“ „Við
látum ekki kúga okkur,“ sagði Frank-
Walter Steinmeier, utanríkisráð-
herra Þýskalands, við fjölmiðla um
kröfur PKK. „Við krefjumst þess að
þeir sleppi gíslunum lausum strax,“
sagði talsmaður utanríkisráðuneyt-
isins og bætti því við að þýsk stjórn-
völd væru í stöðugu sambandi við
tyrknesk stjórnvöld.
Ástandið hefur versnað
Ástandið hefur versnað mikið
frá árinu 2000 þegar Tyrkir töluðu
um sinn stærsta sigur gegn PKK.
Árið 1999 náðu þeir leiðtoga hóps-
ins, Abdullah Ocalan, í Naíróbí í
Keníu. Myndband af Ocalan í flug-
vélinni á leiðinni aftur til Tyrklands
sýndi hann uppgefinn. Þar sagðist
hann mundu gera hvað sem væri
fyrir Tyrkland, hann væri maður
friðar. Við réttarhöldin sagði Ocal-
an að PKK berðist ekki lengur fyr-
ir sjálfstæði Suðaustur-Tyrklands
heldur vildu þeir einungis meira
frelsi til þess að viðhalda menningu
sinni og siðum.
Eftir það lýsti PKK því yfir að
vopnahlé ríkti á svæðinu og bar-
dagar voru fáir sem engir í upphafi
ársins 2000. Svo mikill friður ríkti
næstu ár að neyðarástandi var af-
létt af svæðinu árið 2002. Þá leit allt
út fyrir að tyrkneski herinn hefði
unnið baráttu sína gegn PKK og
aðskilnaðarsinnarnir virtust hafa
misst áhugann á vopnaðri bar-
áttu. Árið 2003 heyrðust háværar
raddir úr sveitum harðlínumanna í
PKK sem héldu því fram að Tyrkir
hefðu ekkert gert í málefnum Kúr-
da, þá hófust átökin á nýjan leik.
Herskáir meðlimir PKK settust
að hinum megin landamæranna
í Norður-Írak og gerðu svo árásir
inn í Tyrkland. Á þeim tíma kom
fram annar hópur sem nefnir sig
Kurdish Freedom Falcons og gerði
hann einnig sprengjuárásir á ferða-
mannastaði í Vestur-Tyrklandi.
Gömul saga og ný
Kúrdar í austurhluta Tyrklands
hafa lengi barist fyrir sjálfstæði. Á
árunum 1925 til 1930 voru upp-
reisnir Kúrda barðar niður með
valdi. Allt að 3000 þorpum í land-
inu var eytt af kortinu og 378 þús-
und Kúrdar misstu heimili sín. Í
langan tíma var látið eins og minni-
hlutahópar í landinu væru ekki til
og Kúrdar voru ekki viðurkennd-
ir, allt fram til 1991 var tungumál
þeirra bannað í landinu. Á árunum
1984 til 1999 ríkti stríð á milli upp-
reisnarmanna Kúrda og tyrkneska
hersins. Í kringum aldamótin leit
svo út fyrir að friður væri í sjónmáli
en seinustu ár hafa átök blossað
upp að nýju.
Árás Bandaríkjanna inn í Írak
vakti svo upp vonir í Tyrklandi um
að uppreisnarmenn PKK myndu
þurfa að loka búðum sínum í norð-
urhluta Íraks. Vandræði Banda-
ríkjamanna í stríðinu gerðu það þó
að verkum að Washington gat ekki
staðið við loforð sitt um að taka á
uppreisnarmönnunum, og urðu
Tyrkir því að standa á eigin fótum.
Í febrúar fóru tyrkneskar sveitir yfir
landamærin til Íraks, þeim fylgdu
þyrlur og flugvélar. Í stuttri aðgerð
sagðist tyrkneski herinn hafa yf-
irbugað meira en 200 uppreisn-
armenn og eyðilagt nokkrar búð-
ir. Síðan þá hefur loftherinn gert
þó nokkrar loftárásir á mögulegar
búðir PKK í Norður-Írak. Það hefur
ekki komið í veg fyrir frekari árás-
ir af hálfu PKK. Allt bendir þó til
þess að herskáir Kúrdar í PKK séu
að verða sterkari en áður þrátt fyrir
aðgerðir Tyrkja.
JÓN BJARKI MAGNÚSSON
blaðamaður skrifar jonbjarki@dv.is
Beita Þjóðverjum
gegn tyrkjum Ferðamennirnir þrír voru hnepptir í hald á þriðjudag-inn fyrir viku á svæði í kring-um Avaratfjall sem er vinsælt á meðal ferðamanna.
Þrír þýskir ferðamenn eru í haldi kúrdískra uppreisnarmanna í Tyrklandi.
Hópurinn fer fram á að Þýskaland beiti sér fyrir því að Tyrkland hætti hern-
aðaraðgerðum við landamæri Íraks í suðvesturhluta landsins. Þýsk stjórn-
völd segjast ekki beygja sig undir kröfur uppreisnarmanna. Ástandið á
svæðum Kúrda í Tyrklandi hefur versnað mikið á síðasta ári.
Á verði Á landamærum
íraks hefur mikil spenna ríkt
síðustu mánuði.
Aðgerðir miklar hernaðar-
aðgerðir stóðu yfir seinustu
helgi og 22 uppreisnar-
menn voru felldir.
Tyrkneski herinn í febrúar gerði
tyrkneski herinn árás á búðir
uppreisnarmanna í írak.
Byssan munduð Tyrkneskur
hermaður situr í varðstöðu.