Dagblaðið Vísir - DV - 24.09.2008, Síða 12

miðvikudagur 24. september 200812 Fréttir
Félagi Bruce
Sextíu og þriggja ára konu í Ástr-
alíu er haldið í gíslingu af stór-
um villigelti. Fyrir tíu dögum lágu
leiðir þeirra Caroline Hayers og
Bruce, eins og Caroline hefur
skírt göltinn, saman og sá konan
að svínið var með augnsýkingu.
Með hjálp smyrsla tókst Caroline
að laga sýkinguna, en gölturinn
launaði greiðann með því að taka
völdin á sveitabæ konunnar. Bruce
krefst matar af Caroline og í hvert
skipti sem hún hyggst fara úr húsi
varnar hann henni leiðarinnar.
Um nætur rýtir hann hátt og lemur
veggi utan með trýninu. Hver veit
nema Bruce hafi lesið Dýrabæ eftir
George Orwell.
Stal úr sparigrís
Síðastliðinn fimmtudag var Ryan
Mueller frá Sheboygan í Wiscons-
in dæmdur til sex ára fangelsis-
vistar vegna innbrots. Mueller,
þrjátíu og eins árs, braust inn á
heimili í ágúst 2007 og stal tuttugu
bandaríkjadölum, rétt tæpum
tvö þúsund krónum íslenskum.
Mueller var gripinn glóðvolgur
þar sem hann var að fiska formú-
una upp úr sparigrís lítillar stúlku
sem svaf svefni hinna réttlátu við
hliðina. Það var móðir stúlkunn-
ar sem sem kom að Mueller. Þetta
var í fjórða skipti sem Mueller var
gripinn við innbrot og þetta verða
honum dýrkeyptir tuttugu banda-
ríkjadalir.
Það sem hægt er að kalla „hrein-
lyndishreyfingu“ Bandaríkjanna vex
stöðugt fiskur um hrygg. Talið er að
ein af hverjum sex stúlkum á aldrin-
um tólf til átján ára hafi svarið „hrein-
lyndis“-heit. Sumar stúlknanna ganga
um með silfurhring til að undirstrika
þann ásetning að stunda skírlífi, en
aðrar ganga skrefinu lengra og heita
að vera hreinar í öllu tilliti tilveru
sinnar.
„Skírlífishreyfingin“ höfðar til
þeirra stúlkna sem vilja ekki einu sinni
kyssa fyrir hjónaband og að sjálfsögðu
er hreyfingin himnasending fyrir
verndandi feður þessara stúlkna.
Ein þessara stúlkna er Lauren Wil-
son, heimasæta frá Colorado Springs
í miðvesturríkjum Bandaríkjanna.
Hún stundaði fullkomið hreinlífi fyr-
ir brúðkaupið og hefur enga eftirsjá.
„Vitneskjan um að við höfðum beðið
var eitthvað svo sérstök,“ sagði hún í
viðtali í Sunday Times. „Ég á við, koss
vekur allt og skyndilega vill allt innra
með þér veita svörun. Við iðrumst ein-
skis.“ Í heimabæ sínum nýtur Lauren
mikillar virðingar fyrir staðfestu sína,
því hún var ekki eingöngu hrein mey
þegar hún giftist Brett, kærastanum
sínum, hún hafði aukinheldur aldrei
kysst hann.
Falla ekki í freistni
En Lauren er ekki sú eina inn-
an sinnar fjölskyldu sem er fylgjandi
hreinlífisstefnunni. Systir hennar
Khrystian, tuttugu og eins árs tónlist-
armaður, velkist ekki í vafa um hvern-
ig skilja beri hugtakið „hreinleiki“:
„Hreinleiki, fyrir mér, er hreinleiki
hugans, hreinleiki hins talaða orðs. Í
það ver ég tíma mínum: tilfinninga-
legan hreinleika hjartans. Það er full-
komin heild.“ Khrystian telur að fjöldi
meðlima í hreyfingunni verði þeim
styrkur sem hættast sé við að falla í
freistni.
Stúlkurnar eiga sín sérstöku átrún-
aðargoð, til dæmis Jonas-bræðurna,
hljómsveit sem samanstendur af þrem-
ur bræðrum sem allir eru hreinir svein-
ar. Bræðurnir fengu reyndar háðulega
útreið af hálfu breska háðfuglsins Russ-
els Brand á MTV-verðlaunaafhending-
unni.
Í Colorado Springs er raunin þó sú
að hreinlífi höfðar ekki eingöngu til
stúlkna því fjöldi táningsdrengja og
ungra manna er einnig reiðubúinn að
leggja á sig bið hvað varðar kynlíf og
kelerí þar til í hnapphelduna er komið.
Föllnum svo gott sem útskúfað
Innan þess hóps sem leggur
áherslu á skírlífi er engin miskunn
sýnd þeim sem falla. Stúlkum sem
verða barnshafandi er allt að því út-
skúfað. Jessica, ung kona sem ræddi
við blaðamann Sunday Times, er fyrr-
verandi fegurðardrottning, en henni
varð á í messunni og varð barnshaf-
andi þegar hún var nítján.
„Sektarkenndin var yfirþyrmandi.
Mamma grét, pabbi grét – þetta var
erfitt,“ sagði Jessica sem, þrátt fyrir að
átta ár séu liðin, á erfitt með að tala
um þetta. „Jafnvel mamma mín hef-
ur síðan þá komið fram við mig sem
minni manneskju. Hún trúir ekki enn
að ég geti tekið sjálfstæðar ákvarðan-
ir,“ sagði hún. Jessica, sem nú er tut-
tugu og sjö ára, missti fóstrið á sínum
tíma og býr nú í „synd“ með kærasta
sínum. Kærastinn hefur ekki hlotið
náð fyrir augum foreldra Jessicu, sem
hafa sagt að „hann geti farið til helvít-
is“.
Innreið Söruh Palin inn á svið
bandarískra stjórnmála hefur ekki
farið framhjá neinum Bandaríkja-
manni og fjölskylduhagir hennar
hafa brunnið heitt á vörum almenn-
ings. Í ljósi sögu Jessicu er ekki erfitt
að ímynda sér hvaða álit hið góða fólk
sem byggir Colorado Springs hefur á
dóttur Palin, sautján ára stúlku sem er
barnshafandi og ógift. Ef að líkum læt-
ur fellur samúðin í skaut foreldranna,
ekki stúlkukindarinnar.
Horft til liðinna alda
Jafnvel trúarsiðir þessarar hrein-
lyndishreyfingar skírskota til liðinna
alda, segir Jane Treays, blaðakona
Sunday Times, sem kynnti sér hreyf-
inguna. Þar varð hún vitni að því
þegar faðir blessaði fimm dætur sín-
ar, andaktugur á svip. Blessunin var
undirbúningur að árlegum Feðra-
dætra-hreinlyndisdansleik. Dansleik-
urinn er álitinn hápunktur hreinlynd-
ishreyfingarinnar.
Í glæsilegum kjólum mættu dæt-
urnar til dansleiksins ásamt fylgisveini
sínum – föðurnum. Undir Hollywood-
kvikmyndatónlist söfnuðust stúlk-
urnar í kringum stóran trékross til að
sverja það heit að verða hreinlífar.
Faðir Lauren og Khrystiönu, Randy
Wilson, var í lykilhlutverki og sem fað-
ir fimm stúlkna á aldrinum fimm ára
til tuttugu og tveggja telur hann sig
vita sitt lítið af hverju sem lýtur að
uppeldi kvenna. Að hans sögn er lyk-
ilinn að hreinlyndi og framtíðarham-
ingju stúlku að finna í gæðum sam-
bands hennar við föður sinn. „Það er
ein spurning sem brennur á konum
og hún er: „Er ég falleg? Er ég þess
verð að vera eftirsótt?“ Það er verk
föðurins, karlmannsins í lífi þeirra,
að styrkja þá fullvissu. Ef þær fá ekki
þá fullvissu frá föður sínum leita þær
hennar út fyrir heimilið,“ sagði Randy
Wilson, en hann og eiginkona hans
komu með hugmyndina að fyrrnefnd-
um dansleik.
Einungis einn froskur fær koss
Einn þeirra feðra sem Jane Treays
ræddi við var Ken Lane. Hann sagði
að hann hefði ekki vaxið úr grasi á
þann hátt sem hann býður dætrum
sínum, „en ef sá máti virkar, hve svalt
væri það að geta sagt að maður hefði
aðeins kysst einn mann í lífinu? Af
hverju ekki að reyna við ævintýrið?“
Hannah, dóttir hans, sagði að þeg-
ar hún væri búin að finna mann vildi
hún kynnast honum betur áður en
þau færu á stefnumót. „Ég fer með
hann til pabba til rannsóknar og hann
mun eyða miklum tíma með pabba
mínum, síðan fylgir kannski hóp-
stefnumót með vinum mínum og síð-
an út að borða með foreldrum okkar.
Hannah og systur hennar tvær
grettu sig þegar Jane ýjaði að því að
þær þyrftu kannski að kyssa marga
froska áður en þær fyndu drauma-
prinsinn sinn og ein þeirra skrifaði
orðið „hórdómur“ með fingrunum
og minnti Jane á inntak sjöunda boð-
orðsins.
Sakleysi margra foreldra
sláandi
Jane Treays dvaldi í tíu daga í
Colorado Springs og í huga hennar
lifir mynd af indælum stúlkum sem
eru alveg lausar við harðneskju ungl-
ingsaldursins. Engrar togstreitu varð
vart í samskiptum foreldra og barna,
engin þörf til að flýja eða gera tilraun-
ir. Jane Austen er kvenhetja þeirra og
myndir á borð við Vonir og vænting-
ar eru taldar afbragðs áhorfsefni fyrir
fjölskylduna.
Treays var hins vegar slegin þeg-
ar hún komst að því hve margir for-
eldrar voru auðtrúa. Herlæknir einn,
faðir tveggja dætra, upplýsti hana um
að eyðnivírusinn væri svo öflugur að
hann kæmist í gegnum smokk. Jane
sagði honum að notkun smokka væri
lykilatriði í baráttunni gegn eyðni.
Nokkrum dögum síðar hafði þessi
herlæknir samband við hana og við-
urkenndi að hann hefði haft rangt fyr-
ir sér. Smákönnun með hjálp netsins
hafði leitt það í ljós.
Að sögn Treays er ekki loku fyrir
það skotið að eðli og mynstur sam-
bands þeirra feðra og dætra sem hún
kynntist gæti komið mörgum spánskt
fyrir sjónir. Hún taldi þó of mikla ein-
földun að ætla að segja það jaðra við
sifjaspell. Að hennar mati er hvat-
inn eingöngu sá að feðurnir vilja vera
sterkir áhrifavaldar í lífi dætra sinna.
Hvort hreinlyndishreyfingin stuðlaði
að hamingjuríkari hjónaböndum og
fækkun skilnaða yrði tíminn að leiða
í ljós, en tilhugalífið væri gjarna stutt.
Karlmenn eru samþykktir af feðr-
um stúlknanna og margir vonbiðlar
óska þess að fá að kvænast sem fyrst.
Mögulegt er að biðlarnir séu brjálæð-
islega ástfangnir, en kannski þjást þeir
einungis af mikilli löngun í kynlíf.
Nemandi í iðnskóla í finnska bæn-
um Kauhajoki í Vestur-Finnlandi varð
tíu að bana og svipti sig síðan lífi í gær-
morgun. Þetta er önnur skotárásin á
finnskan skóla á innan við ári. Tilræð-
ismaðurinn var tuttugu og tveggja ára
og að sögn vitna kom hann í skólann
um ellefuleytið að staðartíma í gær-
morgun, íklæddur svörtum fötum með
skíðahettu og stóran sekk í farteskinu.
Maðurinn var vopnaður sjálfvirku
vopni og skömmu eftir að hann kom í
skólann hóf hann skothríð gegn nem-
endum. Um tvö hundruð nemendur
voru í skólanum. Fjöldi lögreglumanna
var kvaddur á staðinn og var skólinn
umkringdur. Byssumaðurinn lék laus-
um hala á skólasvæðinu í einhvern tíma
og mikinn ugg setti að finnsku þjóð-
inni, enda vart fennt yfir skólamorðin
í Tuusula í nóvember þegar Pekka-Eric
Auvinen, sem kallaður var „YouTube-
morðinginn“, varð átta manns að ald-
urtila.
Áður en lögreglan réðst til atlögu
var að minnsta kosti einni stúlku ekið
alblóðugri á sjúkrahús. Einnig loguðu
eldar á nokkrum stöðum á skólasvæð-
inu.
Að sögn Raimo Kytölä, kennara
við skólann, særðust að minnsta kosti
ellefu nemendur vegna skothríðar.
Klukkan hálf tíu að íslenskum tíma lét
lögreglan til skarar skríða, en um tíma
voru fréttir af afdrifum byssumanns-
ins mjög misvísandi, ýmist hafði hann
svipt sig lífi eða var í vörslu lögregl-
unnar. Síðar kom í ljós að hann hafði
svipt sig lífi þegar lögreglan réðist til
inngöngu, en í valnum lágu tíu nem-
endur við skólann.
Í kjölfar skotárásarinnar í Tuusula
í nóvember komst byssueign í Finn-
landi í hámæli, en óvíða í heiminum er
byssueign eins algeng og þar í landi.
Tíu nemendur skotnir í skotárás á skóla í Finnlandi:
Byssumaður svipti sig lífi
Iðnskólinn í Kauhajoki Nemandi
vopnaður byssu upphóf skothríð í
skólanum. Mynd AFP
KolbEInn þorStEInSSon
blaðamaður skrifar: kolbeinn@dv.is
Í Colorado Springs er að
finna hreyfingu sem sífellt
vex fiskur um hrygg. Inntak
hreyfingarinnar er „hrein-
lyndi“ og lögð er áhersla á
skírlífi fyrir hjónaband og
fyrsti koss kvenna á sér
jafnvel stað og stund við
hjónavígslu. Lögð er áhersla
á mikilvægi sambands
dætra við föður sinn og
fullyrt að í því sé að finna
lykilinn að framtíðarham-
ingju kvenna.
hreinlyndi
og SkírlíFi Hreinlyndisdansleikur í Colorado Springs Í kringum trékross strengja dætur þess
heit að vera hreinlyndar.