Dagblaðið Vísir - DV - 22.10.2008, Qupperneq 2

MIÐVIKUDAGUR 22. OKTÓBER 20082 Fréttir
Útrás Kaupþingsmanna er hvergi
nærri lokið en hún er þó bundin við
íslensku sveitina ef marka má fram-
kvæmdagleði þeirra manna er áttu og
stjórnuðu bankanum. Sigurður Ein-
arsson, fyrrverandi stjórnarformaður
Kaupþings, hefur nú bæst í hóp þeirra
auðmanna sem byggja ótrúleg lúxus-
hús í sveitinni en Sigurður gengur þó
skrefinu lengra í framkvæmdum sín-
um og má segja að hann stingi fyrr-
verandi yfirmenn sína, Bakkabræð-
urna Ágúst og Lýð, hreinlega af þegar
kemur að lúxusinum.
Á besta stað í Borgarfirði
Sigurður tryggði sér lóðina fyrir
nokkrum árum en hún er á besta stað
í Norðurárdalnum og því stutt í lax-
veiði. Frægar eru veiðiferðir banka-
manna sem flugu á þyrlum í kringum
svæðið og stoppuðu meðal annars í
Baulu og fengu lánað fyrir pylsum.
Ólíklegt þykir þó að Sigurður þurfi
að fá lán hjá íslensku bönkunum fyr-
ir framkvæmdunum en hann er einn
þeirra bankamanna sem fengu ofur-
laun í góðærinu mikla. Samkvæmt
heimildum DV fékk Sigurður rúm-
lega fjórtán milljónir á mánuði á síð-
asta ári. Árið þar á undan, eða 2006,
fékk Sigurður nokkrum milljónum
meira í laun enda bankinn á blúss-
andi siglingu í útrásinni.
Inn í þessar launatölur vantar
þó fleiri hundruð milljónir því Sig-
urður gat varla keypt lúxusheimili í
Lundúnum fyrir tvo milljarða þegar
hann var „aðeins“ með 170 milljón-
ir í árslaun samkvæmt ársskýrslu
Kaupþings. Kaupréttarsamning-
ar eru talin helsta ástæða þess
að bankamenn á borð við Sigurð
hafi hagnast ótrúlega mikið á
ótrúlega stuttum tíma.
Tvö gufuböð og
hvíldarstofa
Lúxusvillan hans Sigurð-
ar, sem arkitektar hans hjá
VA arkitektum kjósa að kalla
sveitasetur, gefur nokkuð
góða mynd af velgengni ís-
lensku bankastjóranna í
góðærinu.
Í lúxusvillunni er
svokallað spa með
öllu tilheyrandi en
Sigurður kaus
að byggja tvö
gufuböð í
kjallara hússins sem er byggður inn í
bergið í Norðurárdalnum. Samkvæmt
teikningum hússins eru þetta sána og
blautsána.
Þá eru
fullkomnir búningsklefar og sturtu-
aðstaða á sömu hæð.
Eftir gott gufubað, bæði þurrt og
blautt, geta Sigurður og fjölskylda
slakað á í hvíldarstofu í kjallaran-
um þar sem stór og mikill
arinn sér til þess að fólk-
inu verði ekki kalt. Úr
þurru sánunni getur
Sigurður gengið út
á pall og horft yfir
Norðurána og til
Háskólans á Bif-
röst þar sem
kennsla í við-
skiptafræði er í
hávegum höfð.
Mjög líkt spa-
inu í World Class
í Laugum en þó
aðeins minna í
sniðum.
Samkvæmt
heimildum DV átti
„sánahúsið“ að vera
ótengt sjálfu sveita-
setrinu með aðeins
eina sánu en Sigurð-
ur ákvað þó seinna í
framkvæmdaferlinu að
stækka sveitasetrið, tengja
það við sánahúsið og bæta
við blautsánu.
Stórveisla í borðstofunni
Sigurður getur slegið upp
stórri veislu í lúxusvillu sinni
en samkvæmt teikningum
er gert ráð fyrir tuttugu
manna borðstofuborði.
Í miðjunni er glæsi-
legt eldhús og hinum
megin við það er
síðan stofan í öllu
sínu veldi og að
sjálfsögðu er ar-
inn þar, eins og
í spa-inu, inn-
byggður í vegginn.
Út frá borðstofunni er hægt að
ganga út á „suðurpall“ hússins en þar
verða Sigurður og fjölskylda með úti-
borðstofu sem verður yfirbyggð og
upphituð. Þar geta átta manns setið
við borð en á pallinum er líka margt
annað sniðugt.
Á pallinum verður útieldhús með
grilli og vaski. Þá getur Sigurður hvílt
lúin bein á sérstökum bekk sem kem-
ur til með að hanga úr þakinu, nú eða
slakað á í risastórum heitum potti.
Allt þetta á „suðurpalli“ hússins.
Vínkjallari af bestu gerð
Ekki er hægt að slá upp stórveislu
í lúxusvillunni án þess að hafa eðal-
vín á borðum. Sigurður er með góða
lausn við þessu en hann getur geng-
ið frá eldhúsi sínu niður í fimmtíu fer-
metra vínkjallara sem er á millihæð
villunnar.
Staðsetning vínkjallarans er kjörin
en samkvæmt þeim vínsérfræðing-
um sem DV hefur rætt við eru kjallar-
ar af þessu tagi sjaldgæf sjón á Íslandi
og aðeins á færi „útrásarvíkinga“ að
koma sér upp slíkri geymslu. Vín-
kjallari Sigurðar verður að vera raka-
og hitastýrður til þess að geyma vín-
in sem best og ekki má vera mikið af
birtu í kjallaranum.
Sigurður fær góðan hita frá bor-
holunni sem hann sótti um leyfi fyrir
hjá Borgarbyggð og með leiðslum frá
borholunni til lúxusvillunnar er hús-
inu séð fyrir öllu því heita vatni sem
þarf.
Fjölmörg baðherbergi
Eftir alla þessa víndrykkju er nauð-
synlegt að hafa góða salernisaðstöðu.
Sigurður og fjölskylda verða með
fimm baðherbergi. Að sjálfsögðu er
eitt stórt baðherbergi í hjónaherberg-
inu með sturtu og stóru baðkeri. Síð-
an eru börn Sigurðar með hvort með
sitt baðherbergið í herbergjum sín-
um, eitt baðherbergi er fyrir gesti og
að lokum eitt í gestaherberginu. Þá er
baðherbergi í spa-inu auk búnings-
aðstöðu eins og við greindum frá hér
að ofan.
Skráður eigandi lóðarinnar og
lúxusvillunnar er fyrirtækið Veiðilæk-
ur ehf. en lúxusvillan ber sama nafn í
Norðurárdalnum. Fyrirtækið er skráð
á sama heimilisfang og núverandi
heimili Sigurðar og eiginkonu hans
í Reykjavík en fjölskyldan er samt
sem áður skráð til heimilis í Bretlandi
samkvæmt þjóðskrá. Heimili þeirra í
Bretlandi komst í bresku pressuna nú
á dögunum þegar stórblaðið The Sun
fjallaði um tveggja milljarða íbúða-
kaup Sigurðar.
Staðgreiddi tveggja
milljarða íbúð
Samkvæmt The Sun keypti Sig-
urður Einarsson hús í Lundúnum fyr-
ir 10,5 milljónir punda, eða tvo millj-
arða íslenskra króna. Húsið keypti
hann aðeins örfáum mánuðum áður
en Kaupþing var þjóðnýttur en sam-
kvæmt grein blaðsins var það bank-
inn sem sá um milligöngu í kaupun-
um. Samkvæmt fréttinni hafði húsið
verið í sölu í nokkrar vikur og bend-
ir The Sun á að á síðasta ári hafi tvær
svipaðar eignir selst í sömu götu á
fjórar og fimm milljónir punda.
Hús þeirra hjóna er með fjór-
um svefnherbergjum og er staðsett
í Vestur-Lundúnum. Þá kemur líka
fram í greininni að Sigurður og frú
hafi nú þegar eytt 600 þúsund pund-
um í endurbætur, eða um 116 millj-
ónum króna.
Sigurður og fjölskylda eiga því í
nokkur hús að venda þrátt fyrir fall
Kaupþings. Eitt af þeim kostar tvo
milljarða og er í Lundúnum – annað
kostar eflaust ekki mikið minna og er
í Norðurárdalnum.
Brjáluð Bygging Bankamanns
Fyrrverandi stjórnarformaður Kaupþings, Sigurður Einarsson, lætur ekki sitt eftir liggja þegar kemur að bygg-
ingu lúxushúsa í sveitinni. Sigurður byggir nú tæplega níu hundruð fermetra sveitasetur við Norðurá í Borg-
arfirði og slær ekkert af í lúxusinum. Sveitasetrið hefur allt það sem milljarðamæringur þarf á að halda eins
og tvær sánur, vínkjallara og yfirbyggða og upphitaða útiborðstofu með glæsilegu útsýni. Kostnaður við sveita-
setrið hleypur á hundruðum milljóna króna en Sigurður boraði meðal annars eftir heitu vatni á landi sínu og
sér þannig sveitasetrinu fyrir hita.
ATli MÁr GylFASon
blaðamaður skrifar: atli@dv.is
lúxusvilla Sigurðar Miklar framkvæmdir
eru nú í Norðurárdalnum við Veiðilæk en
starfsmenn hafast við í hálfgerðum
vinnubúðum sem minna óneitanlega á
virkjunarframkvæmdir.
MynD SiGTryGGUr Ari
Alvöru milljarðamæringur
Sigurður er tákngervingur
góðærisins en hann lifir hátt
þrátt fyrir gjaldþrot bankanna.
Öryggisgæsla Sigurður hefur enn sem komið er ekki
splæst í alvöru öryggisverði en hefur þess í stað sett upp
öflugt öryggiskerfi sem vaktar svæðið allan sólarhringinn.
MynD SiGTryGGUr Ari