Dagblaðið Vísir - DV - 24.03.2010, Blaðsíða 6

6 MIÐVIKUDAGUR 24. mars 2010 FRÉTTIR
Eyrún Sigfúsdóttir, bæjarfulltrúi
Sjálfstæðisflokks í Tálknafjarðar-
hreppi og oddviti hreppsins, leigir
út bát sinn og kvóta, þar með talinn
byggðakvóta sem báturinn hefur
fengið úthlutað síðastliðin þrjú ár.
Eyrún á bátinn Sæla SU-333 í
gegnum félagið Steglu ehf. sem aftur
leigir bátinn út og kvótann með til út-
gerðarinnar Þórsbergs ehf. á Tálkna-
firði. Í þeim kvóta er að finna byggða-
kvóta sem úthlutað er af Fiskistofu og
síðustu þrjú ár hefur Sæli fengið út-
hlutað. Allt í allt eru það í kringum 34
tonn af þorski, 27 tonn af ýsu og 19 af
ufsa. Sé horft til leiguágóða byggða-
kvótans eingöngu er hann sextán
milljónir króna síðustu þrjú ár. Í
heildina hefur Eyrún þó fengið nær
160 milljónir fyrir að leigja bátinn út
með kvóta.
Ekkert sem bannar
Auðunn Ágústsson, sérfræðingur á
fiskveiðistjórnunarsviði Fiskistofu,
telur það ekki skipta máli hver veiðir
kvótann á meðan vinnslan skili sér
í viðkomandi byggðalag. Aðspurð-
ur segir hann ekkert sem banni að
byggðakvóti sé leigður út. „Meg-
inreglan fer eftir því hversu miklu
skipin hafa landað í byggðarlaginu
á tilteknum tíma. Til að fá þetta af-
hent þarf útgerðin að hafa landað
að minnsta kosti tvöfalt því magni í
byggðinni. Það er ekkert sem bann-
ar mönnum að leigja báta og byggða-
kvóta áfram á meðan viðkomandi
uppfyllir skilyrði um löndun. Á með-
an aflinn skilar sér á land í byggð-
arlaginu er nokk sama hver veiðir
hann,“ segir Auðunn.
Jón Þórðarson útgerðarmaður
telur aftur á móti óeðlilegt að Ey rún
leigi út byggðakvóta enda samræm-
ist slíkt ekki reglum. Hann skilur ekki
hvers vegna sjávarútvegsráðuneyt-
ið sníði kvótaúthlutun að geðþótta
sveitarstjórnamanna. „Ég hélt að það
væri bannað að framselja byggða-
kvóta, hann er ekki til útleigu. Ráðu-
neytið hefur því miður sniðið regl-
urnar í samráði við sveitarstjórnir
og geðþótta þeirra við að úthluta
byggðakvótanum. Þannig er úthlut-
unin þóknanleg sveitarstjórnar-
mönnum,“ segir Jón.
Ekki að græða
Eyrún staðfestir að báturinn hafi ver-
ið leigður út síðustu tvö ár en það sé
gert af illri nauðsyn og það tryggt að
reksturinn haldi áfram innan byggð-
arlagsins. Hún hafnar því að græða
nokkuð á útleigunni þar sem tekj-
urnar komi á móti skuldum. „Við
leigjum bátinn út til útgerðar sem
gerir út hér á staðnum og allur kvóti
bátsins kemur hér til vinnslu. Við
vildum fara þessa leið því við vild-
um ekki láta bátinn fara úr bænum.
Við erum ekki að leigja út byggða-
kvóta heldur fer hann í gegnum bát-
inn okkar. Með því að leigja bátinn út
eigum við fyrir afborgunum og náum
að standa skil á okkar skuldum. Ég
er ekki að græða á þessu því ég hefði
stórgrætt á því að annaðhvort selja
bátinn eða láta hann fara úr byggð-
arlaginu,“ segir Eyrún.
„Það vildum við ekki. Þess í stað,
í staðinn fyrir að hætta útgerð, var
það fyrst og fremst okkar markmið
að láta bátinn og heimildirnar vinna
fyrir byggðarlagið.“
Á meðan aflinn skilar sér á land
í byggðarlaginu er nokk
sama hver veiðir hann.
ODDVITI LEIGIR
ÚT BYGGÐAKVÓTA
Eyrún Sigfúsdóttir, oddviti Tálknafjarðarhrepps, hefur síðustu ár leigt út bát sinn
og kvóta, þar á meðal byggðakvóta. Fiskistofa segir ekkert því til fyrirstöðu uppfylli
báturinn skilyrði fyrir byggðakvóta. Jón Þórðarson útgerðarmaður telur reglurnar
skýrar, byggðakvóti sé ekki til útleigu.
Braskar með kvóta
Oddvitinn leigir út Sæla og
með honum allan kvóta, þar
með talinn byggðakvóta.
Ekki að græða Eyrún hafnar því að
græða nokkuð á því að leigja bátinn
út því með því eigi hún aðeins fyrir
skuldunum.
Vill auka kvóta
Sigmundur Ernir Rúnarsson, þing-
maður Samfylkingarinnar, skoraði
á Jón Bjarnason, sjávarútvegs- og
landbúnaðarráðherra, að bæta við
aflaheimildir til þess að fjölga störf-
um um allt land, á Alþingi á þriðju-
dag. Ásbjörn Óttarsson, þingmaður
Sjálfstæðisflokksins, tók undir með
Sigmundi Erni og taldi að meirihluti
væri fyrir því á Alþingi. Sigmundur
Ernir hefur áður skorað á ríkisstjórn-
ina til að fjölga atvinnutækifærum
úti á landi.
Hræddir læknar
Kristján Guðmundsson, formað-
ur samninganefndar Læknafé-
lags Reykjavíkur, óttast að þjónusta
sérfræðilækna leggist af, að því er
fram kemur á vef Ríkisútvarpsins.
Boðaður niðurskurður, sem Álf-
heiður Ingadóttir heilbrigðisráð-
herra stendur fyrir, sé reiðarslag
fyrir lækna. Gert er ráð fyrir að hið
opinbera dragi saman um þriðjung í
kaupum á þjónustu sérfræðilækna.
Kallaður á fund
Sjónvarpsmaðurinn Steindi Jr, öðru
nafni Steinþór Hróar Steinþórsson,
hefur verið boðaður á fund Stöðvar
2 eftir að hann tók sæti á lista vinstri
grænna fyrir bæjarstjórnarkosning-
arnar sem fram fara í Mosfellsbæ í
maí, frá þessu er greint á Pressunni.
Pálmi Guðmundsson, framkvæmda-
stjóri dagskrársviðs Stöðvar 2, segir
að ekki standi til að Stöð 2 blandi sér
í sveitarstjórnarkosningar.
N1 hagnast
Hagnaður af rekstri N1 var 277,4
milljónir króna eftir skatta á síðasta
ári, að því er fram kemur í tilkynn-
ingu frá félaginu. N1 tapaði 1,1 millj-
arði króna á síðasta ári. Þrátt fyrir að
rekstrartekjur N1 hafi dregist saman
um 3,7 milljarða á milli ára, úr 43,7
í 40 milljarða, var engu að síður
hagnaður á rekstrinum. N1 segir í
tilkynningu að rekstrarhorfur séu
áfram erfiðar vegna óstöðugleika í
efnahagsmálum.
TRAUSTI HAFSTEINSSON
blaðamaður skrifar: trausti@dv.is
Búist við að fjöldi ferðamanna geri sér ferð upp á Fimmvörðuháls:
Í lagi fyrir vana að fara að gosinu
„Mín persónulega skoðun er að
það sé ekki hætta frá gosinu, heldur
hætta sem fylgir því að ferðast á jökli
í þessu veðri sem verið hefur,“ segir
Haraldur Sigurðsson eldfjallafræð-
ingur aðspurður hvort það sé óhætt
fyrir ferðamenn að fara upp að gos-
stöðvunum á Fimmvörðuhálsi.
Búist er við því að fjöldi ferð-
manna leggi leið sína að gosstöðvun-
um á næstu dögum, til þess að berja
þetta fyrirbæri í náttúrunni aug-
um. Auk þess eru fjölmargir erlend-
ir ferðamenn áhugasamir um að fara
upp á Fimmvörðuháls. Þá fór hópur
vélsleðamanna upp eftir á mánudag,
þar sem þeir komust í um 200 metra
fjarlægð frá gosinu.
Haraldur telur að það fari að
koma að því að fólki verði leyft að
fara upp að gossvæðinu. Hann
bendir á að það sé aðeins hans per-
sónuega skoðun og að Almanna-
varnir hafi ákveðnar reglur um slík-
ar ferðir.
Aðspurður hvort gosið geti breyst
á næstunni segir Haraldur: „Það veit
enginn. Það er alltaf með eldgos að
menn vita ekki hvað gerist næst. En
eins og málið stendur þá virðist gos-
ið vera stabílt og að það haldi áfram
svipað og hefur verið. Kvikan sem
kemur upp er mjög heit. Við höfum
fengið efnagreiningu á kvikunni.
Hún er 1.150–1.200 stiga heit. Það
virðist ekki vera sprengivirkni, held-
ur bara gjóskustrókur.“
valgeir@dv.is
Eldgosið á Fimmvörðuhálsi Eldfjallafræð-
ingur telur að á næstu dögum verði í lagi
fyrir ferðamenn að fara að gosstöðvunum.