Lögmannablaðið - 01.06.2013, Blaðsíða 15

lÖgmannaBlaÐiÐ tBl 02/13 15
lAGADAGUr 2013
miða við ársverðbólgu samkvæmt 12
mánaða breytingu vísitölu neysluverðs.
Var jafnvel efast um hvort þetta teldist
rétt innleiðing tilskipunarinnar. Þá
kom fram að ef upplýsingaskyldan
væri vanrækt gera lög um neytendalán
ekki ráð fyrir að slíkt skuli leiða til
ógildingar lánsskuldbindingarinnar
heldur er Neytendastofu heimilt að
leggja stjórnvaldssektir á viðkomandi
lánveitanda.
Efasemdir um
verðtrygginguna
stefán Már vakti máls á almennum
ófyrirsjáanleika við verðtryggðar láns­
skuldbindingar. hann taldi neyslu vísitölu
ekki vera nægilega „stabílt apparat“
og var ekki viss um að upplýsingagjöf
myndi leysa öll vandamál. stefán Már
taldi að með verðtryggingunni væri
bankinn allsherjartryggður og tæki í
raun enga viðskiptaáhættu heldur væri
áhættunni velt á aðra.
Falla verðtryggð lán undir
afleiðusamninga?
Á fundinum var einnig vikið að því
álitaefni hvort verðtryggt lán sé afleiða
í skilningi laga. hér þyrfti að skoða
hvort slík lán féllu undir lög um
verðbréfaviðskipti og ef svo hvaða
þýðingu það myndi hafa. eiríkur elís
nefndi að verðtryggð lán hefðu vissulega
ákveðin einkenni afleiðu, þ.e. uppgjör
þeirra byggði á ákveðnum undirliggjandi
þætti sem væri verðtryggingin. Þó væri
ýmislegt frábrugðið. til að mynda væru
hefðbundnir afleiðusamningar til styttri
tíma en verðtryggð fasteignalán auk
þess sem fasteignalán væru greidd út
í heild sinni og gagnaðili efnir þau á
löngum tíma. eiríkur taldi að lögum um
verðbréfaviðskipti hefði ekki verið ætlað
að ná yfir slíka verðtryggða lánasamninga.
Það mætti einnig ráða af framkvæmd
og regluverki fjármálaeftirlitsins. Það
var niðurstaða eiríks að þessi tegund
löggerninga yrði ekki talin falla undir
lög um verðbréfaviðskipti jafnvel þótt
verðtrygging sem slík gæti fallið undir
hugtakið afleiðu í rýmri skilningi. ef
hins vegar þessi skoðun stæðist ekki,
þá þyrfti að skoða nánar reglur laganna
sem gilda um fjárfestingasamninga, s.s.
Mifid­reglur um flokkun fjárfesta og
leggja mat á fjárfestinn og fjárfestinguna
í hverju tilviki fyrir sig. erfitt væri því
að leggja með almennum hætti út af
slíkri skoðun.
Í lokin
Nokkur umræða skapaðist í lok
málstofunnar þar sem einkum var
velt upp álitaefnum varðandi áhættu­
skiptingu milli aðila og ónógu framboði
lánastofnana á mismunandi tegundum
lánsskuldbindinga, þ.e. fleiri valkostum
til hliðar við verðtryggð lán. fundarmenn
voru einnig sammála um að efnahagslíf
þyrfti almennt að vera stöðugra hér
á landi, einkum með vísun til þess
hversu verðbólga er ráðandi þáttur í
verðtryggðum lánsskuldbindingum.
Ingvi Snær Einarsson hdl.
Á rökstóLuM um úrskurðarnefndir og álitsgefandi kærunefndir var
velt upp þeirri spurningu hvort nefndirnar hefðu létt álagi á ráðuneytum
sem og dómstólum til hagræðingar fyrir borgarana. einnig var rætt
um hvort fjölgun nefnda hefði minnkað sérþekkingu í ákveðnum
málaflokkum í ráðuneytum og hvort það ætti að vera hægt að áfrýja
úrskurðum beint til æðri dómstóla.
Þátttakendur voru þau helga Melkorka óttarsdóttir hrl. hjá LOGOs,
ragnheiður snorradóttir héraðsdómari, haukur Guðmundsson hdl. og
ragnhildur helgadóttir prófessor við lagadeild háskólans í reykjavík
en trausti fannar Valsson lektor við lagadeild háskóla íslands stjórnaði
umræðum.
F.v. Helga melkorka óttarsdóttir, ragnheiður
snorradóttir, ragnhildur Helgadóttir, Haukur
guðmundsson og trausti Fannar Valsson.
Eru úrsKurÐarnEFndir úr sér gEngnar?
lj
ós
m
yn
d:
Þ
or
ke
ll
Þo
rk
el
ss
on
.