Fréttablaðið - 17.12.2014, Blaðsíða 2

17. desember 2014 MIÐVIKUDAGUR| FRÉTTIR | 2
Kristbjörg, er ekkert hægt að
stóla á Sess?
„Ég get ekki setið undir svona
spurningum.“
Reykjavíkurborg hefur samþykkt að farga
sófum og stólum sem reyndust fölsuð. Hús-
gögnin voru keypt af versluninni Sess. Krist-
björg Stephensen er borgarlögmaður.
MENNING Fréttablaðið og Vísir efna til samkeppni um bestu jóla-
ljósmyndina. Í verðlaun fyrir bestu myndina er glæsileg Nikon 1S1
myndavél frá Heimilistækjum.
Besta myndin verður á forsíðu Fréttablaðsins á aðfangadag og fleiri
myndir úr keppninni í blaðinu og á Vísi.
Þátttakendur hlaða upp myndum á ljosmyndakeppni.visir.is. Les-
endur geta kosið bestu myndina. Niðurstaða þeirra gildir að hálfu á
móti áliti dómnefndar blaðsins.
Hver þátttakandi á að senda inn eina mynd og skal hún hafa verið
tekin nú í aðdraganda jólanna. Jólaljósmyndakeppnin stendur frá deg-
inum í dag, 17. desember, fram að miðnætti sunnudaginn 21. desem-
ber. Tilkynnt verður um úrslit á aðfangadag. - gar
Glæsileg verðlaun í samkeppni Fréttablaðsins og Vísis:
Tekur þú bestu jólamyndina í ár?
SKARÐSHYRNA Verðlaunamyndin í fyrra var tekin af Jóni Hilmarssyni.
MYND/JÓN HILMARSSON
VIÐSKIPTI Þann 19. janúar næst-
komandi þurfa handhafar
greiðslukorta að staðfesta með
pin-númeri þegar þeir greiða með
greiðslukortum fyrir vörur.
Hingað til hafa korthafar sem
muna ekki pinnið getað staðfest
greiðslur með því að ýta á græn-
an takka á posunum. Það verður
ekki hægt frá þeim tíma.
Hægt er að nálgast pinnið í
netbönkum, öppum eða hjá þeim
banka, sparisjóði eða kortafyrir-
tæki sem gefur út kortið. - jhh
Undanþágur afnumdar:
Pinnið verður
nauðsynlegt
STJÓRNSÝSLA Svo virðist sem við-
skipti nokkurra einkafyrirtækja
við Vegagerð ríkisins standist ekki
lög eða reglur. Starfsmenn Vega-
gerðarinnar hafi gert samninga,
sem samtals nemi á sjöunda hundr-
að milljóna króna, við ættingja,
maka og sig sjálfa. Þetta kom fram
í Kastljósi á RÚV í gær.
„Við erum að gera betrumbæt-
ur, það er númer eitt, tvö og þrjú,“
segir Hreinn Haraldsson vega-
málastjóri sem kvaðst hafa verið að
moka snjó og misst af Kastljósi. - bá
Meint vafasöm viðskipti:
Vegamálastjóri
betrumbætir
SVEITASTJÓRNARMÁL „Nei, það er
ekki búið að taka neinar ákvarð anir
í því,“ segir Dagur B. Eggertsson,
spurður um hvaða húsgögn verði
keypt í staðinn fyrir fölsuðu Le
Corbusier-húsgögnin í Ráðhúsinu.
Eins og Fréttablaðið hefur greint
frá mun Reykjavíkurborg þurfa að
farga fjölda sófa og hægindastóla
sem hafa reynst vera fölsuð vara.
Dagur segir að málið sé ekki komið
lengra en það að borgin sé í sam-
skiptum við Cassina, framleiðanda
hinna ósviknu Le Corbusier-hús-
gagna.
„Manni svíður það að þurfa að farga
heilum húsgögnum,“ segir Dagur
og bendir á að þetta minni svolítið
á umræðuna um matarsóun.
Dagur segir að margir hafi haft
samband til þess að falast eftir því
að fá húsgögnin til sín. „Þetta eru
algengustu tölvupóstarnir sem ég
hef fengið eftir að málið kom upp.
Fjölmargar góðar ábendingar,“
segir Dagur.
Hann segir miður að geta ekki
orðið við þessum ábendingum.
„En auðvitað skilur maður líka höf-
undarréttarsjónarmiðið,“ bætir
Dagur við. Borginni sé þröngt snið-
inn stakkur í ákvarðanatöku í þessu
máli. - jhh
SPURNING DAGSINS
Úrval Útsýn er í Hlíðasmára 19, Kópavogi.
Sími 585 4000 www.uu.is
Tölvupósti rignir yfir Dag B. Eggertsson borgarstjóra vegna fölsunarmáls:
Mikil viðbrögð vegna húsgagna
BLÓÐUGT Dagur B. Eggertsson segir
marga hafa skoðanir á því hvert hús-
gögnin eigi að fara. FRÉTTABLAÐIÐ/ERNIR
DÓMSMÁL Lögreglustjórinn á höfuð-
borgarsvæðinu fer fram á að gæslu-
varðhald yfir einum manni verði
framlengt til 12. janúar næstkom-
andi þar sem hann er grunaður
um að hafa stungið Sebastian And-
rzej Golab á Hverfisgötu þann 23.
nóvember síðastliðinn.
Upphaflega voru þrír menn sett-
ir í gæsluvarðhald en hinum tveim-
ur hefur nú verið sleppt. Héraðs-
dómur Reykjavíkur féllst á beiðni
lögreglunnar en lögmaður þess
grunaða hefur kært úrskurðinn til
Hæstaréttar. Samkvæmt heimildum
Fréttablaðsins neitar sakborningur-
inn sök og segist ekki hafa vitað það
þegar Sebastian var stunginn eða
hver var að verki. Vopnið sem notað
var við árásina hefur ekki enn fund-
ist. Málið er rannsakað sem tilraun
til manndráps.
Málið vakti mikla athygli þar
sem það þykir kraftaverki líkast að
Sebastian sé á lífi. Hann var stung-
inn í gegnum hjartað og skildi hníf-
urinn eftir sig gat í hjartanu. Líkt
og Fréttablaðið hefur greint frá
var hann fluttur á slysadeild þar
sem læknar Landspítala, og þar
fremstur meðal jafningja Tómas
Guðbjartsson, hjarta- og lungna-
skurðlæknir, unnu ótrúlegt björg-
unarafrek þegar hjarta Sebastians
var hnoðað aftur í gang. - fbj
Tveimur sleppt vegna hnífsstungu á Hverfisgötu en sá þriðji liggur enn undir grun þrátt fyrir að neita:
Varðhald framlengt í hjartastungumálinu
EINN Í GÆSLUVARÐHALDI Upphaflega
voru þrír hnepptir í varðhald vegna
stunguárásar við Hverfisgötu en nú
situr aðeins einn eftir.
MYND/ÞORGEIR ÓLAFSSON
Þetta eru algengustu
tölvupóstarnir sem ég hef
fengið eftir að málið kom
upp. Fjölmargar góðar
ábendingar.
Dagur B. Eggertsson
borgarstjóri.
MENNING Listasafn Reykjavíkur, í
Hafnarhúsinu, keypti eftirlíking-
ar af hinni þekktu hönnun Arne
Jacobsen sjöunni þegar það vant-
aði stóla í safnið á árunum eftir
hrun. Stólunum hefur núna verið
fargað, eftir að Eyjólfur Pálsson í
Epal gaf safninu ekta sjöur.
„Hann gaf safninu sjöur af
mikilli rausn og þessum eftirlík-
ingum var fargað,“ segir Hafþór
Yngvason, safnstjóri Listasafns-
ins, í samtali við Fréttablaðið.
Hafþór segir að eftirlíking-
arnar hafi ekki verið lengi í safn-
inu. „En þær voru keyptar eftir
hrunið. Við gátum ekki fengið
sjöur á þeim tíma,“ segir Hafþór.
Eyjólfur í Epal hafi bent safninu
á að það passaði ekki að hafa þar
eftirlíkingar og boðist til að gefa
safninu raunverulegar sjöur.
Nýju stólarnir komu svo í húsið
þann 4. desember 2013. Aðspurð-
ur hve marga stóla safnið hafi
fengið að gjöf frá Epal segir Haf-
þór að þeir hafi verið 25. „Þannig
að þú sérð að þetta var rausnar-
leg gjöf,“ segir hann.
Hafþór segir að stólarnir hafi
verið orðnir mjög lélegir og farið
í Sorpu. „Þeir hefðu ekki komið
neinum öðrum að gagni,“ segir
Hafþór.
Eyjólfur Pálsson segir í sam-
tali við Fréttablaðið að hann hafi
séð stólana í Hafnarhúsinu og
stólarnir hafi truflað sig. „Þeir
voru keimlíkir, en það er ekki
mitt að segja hvort þeir hafi
verið eftirlíkingar,“ segir hann
spurður út í málið. Eftir þetta
hafi hann farið að ræða við for-
svarsmenn Listasafnsins.
„Þeir áttu engan pening. Og hvað
gerir maður? Þeir áttu 100 fyrir
og vantaði 25 í viðbót. Þá talaði
maður við framleiðandann. Þeir
gáfu helming og við helming,“
segir Eyjólfur.
Eyjólfur segir að opinberir
aðilar hafi verið góðir viðskipta-
vinir í gegnum árin og því hafi
það verið sjálfsagt að liðsinna
opinberri stofnun sem þurfti lið-
sinni. „Epal verður 40 ára á næsta
ári og alltaf á sömu kennitölunni,
vel að merkja. Við myndum ekki
vera það nema við hefðum haft
góða viðskiptavini í gegnum
árin og hið opinbera hefur verið
góður viðskiptavinur. Þegar
þeir lenda á villigötum þá leið-
réttum við það,“ segir Eyjólfur.
jonhakon@frettabladid.is
Listasafn sparaði og
keypti eftirlíkingar
Listasafn Reykjavíkur keypti 25 stóla eftir hrun sem voru eftirlíking af hinni vin-
sælu sjöu eftir Arne Jacobsen. Eigandi Epal gerði athugasemd við stólana og bauðst
til þess að gefa safninu ekta sjöur. Eftirlíkingunum var fargað í framhaldinu.
EKTA HÖNNUN Svona líta sjöurnar frá Arne Jacobsen út sem Listasafnið á. Safnið
keypti eftirlíkingar þegar ekki var til peningur fyrir alvöru hönnun. FRÉTTABLAÐIÐ/STEFÁN
Þeir áttu
100 fyrir og
vantaði 25 í
viðbót. Þá
talaði maður
við framleið-
andann. Þeir
gáfu helming og við
helming.
Eyjólfur Pálsson, eigandi Epal.