Fréttablaðið - 01.06.2015, Page 10

1. júní 2015 MÁNUDAGUR| FRÉTTIR | 10
VIÐ KOMUM ÞVÍ TIL SKILA
Með biðpósti sleppurðu við að pósturinn
hlaðist upp heima hjá þér meðan þú ert í fríi.
Pantaðu biðpóst á www.postur.is eða á næsta
pósthúsi og þú velur hvar pósturinn þinn bíður
eftir þér.
www.postur.is
PANTAÐU BIÐPÓST
FYRIR SUMARFRÍIÐ!
SJÁVARÚTVEGUR Samtök fyrir-
tækja í sjávarútvegi (SFS) sam-
þykktu á aðalfundi sínum í gær
að ráðast í herferð til markaðs-
setningar íslensks sjávarfangs.
Það verður gert undir yfirskrift-
inni „Fiskur frá Íslandi“ og bein-
ist beint að neytendum. Mögu-
leikarnir til að auka verðmæti
sjávarfangs héðan virðast gríðar-
legir en verk-
efnið er hugsað
til langs tíma.
Þ et ta kom
fram á ráðstefnu
Samtaka fyrir-
tækja í sjávar-
útvegi (SFS) á
föstudag, þar
sem markaðs-
setning og aukin
verðmæti sjávarafurða voru í for-
grunni.
Nálgun Kolbeins Árnason-
ar, framkvæmdastjóra SFS, að
verkefninu í erindi sínu var allr-
ar athygli verð. Íslendingum er
tamt að vega og meta árangur
sinn í fiskveiðum í tonnum, en
hann benti á að á hverjum degi
framleiðir íslenskur sjávarút-
vegur sem nemur 20 milljónum
máltíða á mörkuðum okkar með
sjávarfang. Þó að hans mati sé
flest vel gert við veiðar, vinnslu
og sölu á sjávarfangi á Íslandi
þá sé ástæða til að taka mark-
aðsmálin „alvarlega til skoðun-
ar“, enda beri greininni að gera
sífellt betur þegar ábyrgð henn-
ar gagnvart íslensku samfélagi
sé höfð hugföst. Hann tiltók að
íslenskur sjávarútvegur væri sá
eini í OECD-löndunum sem skil-
ar meiru til samfélagsins en hann
þiggur í formi ríkisstyrkja.
Helga Thors, markaðsstjóri
SFS, gerði grein fyrir ákvörðun
aðalfundar samtakanna í gær – að
ráðast í markaðsátak eða herferð.
Nokkuð sem hefur verið í undir-
búningi um skeið.
Helga sagði að í sem einföld-
ustu máli væri takmarkið að auka
verðmætin. Til þess yrði lögð
áhersla á sérkenni lands og þjóð-
ar og okkar villta fisk, sjálfbærni
veiðanna, tækni og nýsköpun.
„Við höfum frábæra sögu að segja
en við höfum ekki verið að segja
hana markvisst hingað til,“ sagði
Helga og bætti við að þrátt fyrir
velgengni höfum við sjálf ekki
stjórn á vörumerkinu „Fiskur frá
Íslandi“, en um 99% af öllu sjávar-
fangi veiddu á Íslandsmiðum eru
flutt út – en 90% af því magni
fara fyrst í hendurnar á millilið-
um hvers konar. „Nú ætlum við að
tala við neytendur beint.“
Sigurður Ingi Jóhannsson
sjávar útvegsráðherra sagði í sínu
erindi að telji greinin eftirsóknar-
vert að fá liðsinni stjórnvalda við
markaðssetningu þá sé hann boð-
inn og búinn til að vinna að því á
sínum vettvangi. svavar@frettabladid.is
Sjávarútvegsfyrirtæki farin
í alþjóðlegt markaðsátak
Samtök fyrirtækja í sjávarútvegi halda utan um herferð í markaðsmálum íslensks sjávarfangs. Kastljósinu er
beint að neytendum. Tækifærin eru mikil enda selja íslensk fyrirtæki 20 milljónir fiskmáltíða á hverjum degi.
Á SJÓ Íslendingar fá 40% hærra verð fyrir sínar afurðir en Norðmenn– engin þjóð
þénar jafn mikið hlutfallslega á sjávarútvegi og er á sama tíma jafn háð fiskveiðum.
FRÉTTABLAÐIÐ/JSE
KOLBEINN
ÁRNASON
STJÓRNMÁL Bláa blokkin svokall-
aða er með meirihluta í skoðana-
könnun Berlingske um fylgi stjórn-
málaflokkanna í þingkosningum í
Danmörku.
Þingkosningar fara fram í land-
inu þann 18. júní næstkomandi.
Bláa blokkin er með 51,7 prósent
atkvæða. Rauða blokkin svonefnda
er með 48,3 prósenta fylgi sam-
kvæmt könnuninni.
Fram til þessa hefur jafnaðar-
mönnum Helle Thorning-Schmidt
forsætisráðherra gengið vel en
aðrir vinstriflokkar fóru að gefa
eftir. Stuðningurinn við Jafnaðar-
mannaflokkinn er um 25 prósent
en þrátt fyrir gott gengi flokks-
ins mælist nú bláa blokkin með
meirihluta atkvæða. Þar fer Lars
Lökke, formaður Venstre, fremst-
ur í flokki.
Til bláu blokkarinnar í dönskum
stjórnmálum teljast Venstre, Danski
þjóðarflokkurinn, sem hefur aukið
fylgi sitt mikið að undanförnu, og
danski íhaldsflokkurinn.
Til rauðu blokkarinnar teljast
Sósíaldemókratar, Einingarlistinn,
Radikale venstre og stuðningsflokk-
ur ríkisstjórnar Thorning-Schmidt.
- ngy
Þingkosningar fara fram í Danmörku þann 18. júní:
Bláa blokkin stærst
ÞINGKOSNINGAR Forsætisráðherra
Danmerkur boðaði til þingkosninga 18.
júní næstkomandi.
VEIÐI Þjóðgarðsvörður hefur fram-
lengt bann við stangveiði með beitu
í Þingvallavatni vegna vorkulda
og síðbúinnar göngu stórurriðans
hans vegna. Veiði á allt agn átti að
vera leyfilegt frá og með næsta
mánudegi, 1. júní, en skyndilokun
þjóðgarðsvarðar þýðir að aðeins
fluguveiði er leyfð til 15. júní.
Sleppa skal öllum veiddum fiski
eins og skylda hefur verið til í vor.
Þessi maímánuður er sá kald-
asti frá 1977 og því er allt lífríkið
á eftir áætlun og því talið nauðsyn-
legt að grípa til aðgerða til vernd-
unar urriðastofnsins.
Í tilkynningu segir að mikil upp-
bygging hefur átt sér stað á urriða-
stofninum í Þingvallavatni undan-
farin ár. „Hætt er við því að stórt
skarð yrði höggvið í stofninn ef
beituveiði myndi hefjast þar 1. júní.
Ekki bætir úr skák að bleikjan er
einnig á eftir áætlun og varla farin
að sjást í vötnum landsins þannig
að álag á þjóðgarðinn með beitu-
veiði yrði enn meira fyrir vikið þar
sem veiðiálag dreifist lítið á önnur
vatnasvæði.“ - shá
Þingvallavatni lokað fyrir beituveiði til 15. júní:
Lokað vegna vorkulda
FALLEG VEIÐI Aðeins er veitt á flugu
til 15. júní– öllum urriðum skal sleppt.
MYND/HINRIK
NEYTENDUR Húshitun og raf-
magnskostnaður er hæstur hjá
Orkubúi Vestfjarða (OV) sam-
kvæmt úttekt Orkustofnunar
fyrir Byggðastofnun.
Er verðið á rafmagni og hús-
hitun nærri tvöfalt dýrara en í
Hveragerði þar sem verðið er
lægst. Tekin var saman raforku-
notkun og hitaveita og heildar-
orkunotkun skoðuð.
Rafmagnið er ódýrast á Akur-
eyri en dýrast hjá OV. Þar er
munurinn um 30 prósent. Meiri
munur er á húshitun. Hún er
ódýrust í Hveragerði en dýrust
hjá OV og í dreifbýli á svæði
RARIK. Verðmunurinn þar er
rúmlega tvöfaldur.
- sa
Mismunandi orkukostnaður:
Orka dýrust á
Vestfjörðum
HAGSTOFAN Vísitala framleiðslu-
verðs lækkaði um 0,8 prósent
frá mars til aprílmánaðar þetta
árið samkvæmt upplýsingum frá
Hagstofu Íslands. Í apríl var hún
222,6 stig.
Vísitala framleiðsluverðs fyrir
sjávarafurðir var 277,3 stig, sem
er hækkun um 0,7 prósent frá
fyrri mánuði, og vísitala fyrir
stóriðju var 229,4 stig og lækk-
aði um 3,3 prósent.
Vísitalan fyrir matvæli hélst
óbreytt milli mánaða og vísitala
fyrir annan iðnað hækkaði um
1,0 prósent.
- ngy
Vísitala fyrir matvæli óbreytt:
Lækkun á vísitölu
framleiðsluverðs
milljónir máltíða
á dag sem
Íslenskur sjávarútvegur
framleiðir.
20
2
7
-1
2
-2
0
1
5

2
2
:3
9
F
B
0
5
6
s
_
P
0
5
0
K
.p
1
.p
d
f
F
B
0
5
6
s
_
P
0
4
7
K
.p
1
.p
d
f
F
B
0
5
6
s
_
P
0
0
7
K
.p
1
.p
d
f
F
B
0
5
6
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
D
6
-3
6
F
C
1
7
D
6
-3
5
C
0
1
7
D
6
-3
4
8
4
1
7
D
6
-3
3
4
8
2
8
0
X
4
0
0
7
A

F
B
0
5
6
s
_
3
1
_
5
_
2
0
1
5
C
M
Y
K