Nesfréttir - 01.01.2006, Qupperneq 12

12 NES FRÉTTIR
Álitlegasta byggðarlagið
Fleiri en við Seltirningar eru þeirr-
ar skoðunar að Seltjarnarnesið sé
eitt allra álitlegasta byggðarlag höf-
uðborgarsvæðisins og það þótt víð-
ar væri leitað. Mikilvægasta verk-
efni þeirra, sem valdir eru til for-
ystu bæjarfélagsins, er að vernda
og styrkja þessa stöðu.
Enginn vafi leikur á að vilji bæjar-
búa stendur til þess að bærinn haldi
sjálfstæði sínu en sameinist ekki höf-
uðborginni. Með því móti eru betur
tryggð tengsl okkar íbúanna við þá,
sem fara með stjórn bæjarfélagsins
fyrir okkar hönd. Sjálfir eru stjórn-
endurnir þá einnig nær hinum marg-
víslegu úrlausnarefnum sínum.

Hamla ber enn frekar gegn
hækkun fasteignagjalda
Traustur fjárhagur bæjarfélags-
ins er mikilvæg undirstaða þess
sem gera þarf í þágu bæjarbúa.
Þar hefur um árabil tekist vel til
og ber að kappkosta að svo verði
einnig framvegis. Veruleg hækkun
fasteignamats hefur skapað bænum
óvænta tekjuaukningu. Þótt eig-
endum íbúða eða húsa megi vera
slík verðmætisaukning ánægjuefni,
fylgir sá böggull skammrifi, að hún
skilar þeim engu ef ekki er selt.
Þetta íþyngir mörgum. Ekki ber að
torvelda fólki að búa í því húsnæði
sem það hefur komið sér upp. Því
ber að ganga lengra í lækkun álagn-
ingarprósentu fasteignagjalda en
gert hefur verið.
Í okkar sjálfstæða bæjarfélagi
þarf að tryggja fjölbreytni í versl-
un og þjónustu. Það breytir því
ekki, að hagkvæmt geti verið að
tvö eða fleiri bæjarfélög, og íbúar
þeirra, eigi með sér náið samstarf
á sumum sviðum, t.d. um rekstur
strætisvagna. Margir íbúar vestur-
bæjar Reykjavíkur sækja, svo sem
alkunna er, t.d. heilsugæslu hingað.
Þeir kaupa einnig margskonar nauð-
synjar í búðum bæjarins, sem fyrir
bragðið geta boðið upp á meira
vöruúrval okkur til þæginda.
Kynna þarf hugmyndir um
eflingu Eiðistorgs
Þetta leiðir hugann að því, að eitt
mikilvægasta skipulagsmál bæjarfé-
lagsins nú er hvernig búið verði að
starfsemi af þessu tagi í framtíðinni.
Rætt er um nýsköpun Eiðistorgs,
hugsanlega vistun bæði Hagkaups
og Bónus þar, ásamt öðrum fyrir-
tækjum o.fl. Mikilvægt er, að sem
fyrst verði kynntar frumhugmynd-
ir og -tillögur í þessu efni, svo bæj-
arbúar geti tekið afstöðu til þeirra.
Þetta er dæmigert mál sem gefa
þarf bæjarbúum kost á að tjá sig um
á mótunarstigi.
Áður hefur komið fram rökstudd
andstaða gegn því að reist verði
skemma fyrir stórverslun á lóð
bensínstöðvarinnar, skammt frá
bæjarhliðinu nýja. Andúðinni valda
fyrirsjáanleg bílamergð við fjölbýl-
ishús Austurstrandar, skerðing
slíks mannvirkis á útsýni -- og lýti
fyrir aðkomuna að bænum. Síðast
en ekki síst þykir mörgum einfald-
lega hentugt að hafa bensínstöðina
þar sem hún er. Þá ber að hverfa
frá hugmynd um sex hæðir á horni
Nesvegar og Suðurstrandar. Í ljósi
reynslunnar er farsælast að fjallað
verði opinskátt um öll skipulagsmál
m.a. aðalskipulag sem verður að fá
vandaða afgreiðslu.
Íþróttavöllurinn nýi og
bygging íbúða
Nú, þegar leyst hefur verið úr
hnútnum um staðsetningu knatt-
spyrnuvallar, er ánægjulegt að fram-
kvæmdir við vallargerðina skuli
vera hafnar af krafti. Mikilvægt var
að langri bið eftir vellinum lyki.
Treysta má því, að myndarlega
verði að verki staðið fram til vors-
ins, þegar stefnt er að því að taka
völlinn í notkun. Ánægulegt verður
að fylgjast með þeirri grósku í knatt-
spyrnulífinu sem vænta má að nýi
völlurinn færi með sér.
Um svipað leyti verða endurnýj-
uð sundlaugarmannvirki opnuð. Í
sambandi við heilsuræktarstöð þarf
að búa vel um alla hnúta og tryggja
bæjarbúum á öllum aldri afnot af
henni á sanngjörnum kjörum.
Eðlilegt er að vandlega verði
hugað að þörfum annarra íþrótta-
greina, þ. á m. fimleika og frjálsra
íþrótta, sem sumum ungmennum
henta betur.
Ekki verður heldur ýkja langt
þangað til fer að hilla undir þær
nýju íbúðabyggingar á Hrólfsskála-
mel sem margir renna vonaraugum
til.
Prófkjör og sveitarstjórnar-
kosningar
Í aðdraganda prófkjörs Sjálfstæð-
ismanna 4. febrúar og bæjarstjórn-
arkosninganna 27. maí nk. mun á
næstu vikum gefast gott tækifæri til
umræðna um hin ýmsu hagsmuna-
mál okkar bæjarbúa. Þar mun bera
hátt m.a. málefni skólanna, eldri
borgara og uppvaxandi kynslóðar,
svo og vernd hins fagra umhverfis
á Seltjarnarnesi, sem er okkur öll-
um til ómældrar gleði. Sú umræða
er vís til að fleyta umbótum fram
á veg.
Seltjarnarnesi 16.01.2006.
Ólafur Egilsson.
- Ólafur Egilsson skrifar um nokkur mikilvæg hagsmunamál Seltirninga
Tengslin þurfa að
vera traust og náin
Okkur Seltirningum er annt
um bæjarfélagið og því ekki
að undra þótt flestir hafi skoð-
un á helstu málum þess. Þetta
er af hinu góða. Mikilvægt er
hins vegar að skoðanamunur
leiði ekki til ítrekaðra deilna og
sundrungar - það skaðar mann-
líf og bæjarbrag.
Lykillinn að farsælli þróun í
þessu efni felst að sjálfsögðu
í því að bæjarbúum sé þegar
á frumstigi meiriháttar mála
kynnt hvað ráðgert er og þeim
gefinn kostur á að koma sjón-
armiðum sínum á framfæri.
Þetta þarf að gera þannig að
virkt sé, þ.e. að ljós sé góður
vilji ráðamanna til að hlusta á
rödd bæjarbúa og taka í hverju
máli tillit til þeirra sjónarmiða
er ætla má að sem flestir
aðhyllist. Eigi má undir niðri
grilla í viðleitni til að þröngva
upp á þá, er eiga að búa við
niðurstöðuna, einhverju sem
ekki getur ríkt um víðtæk sátt.
Sáttin skapast best úr því nýti-
legasta sem hverju og einu okk-
ar hugkvæmist.
Um leið og mikilvægt er að
fólk með góða yfirsýn veljist til
starfa að bæjarmálum í kosn-
ingunum á fjögurra ára fresti,
þurfa tengsl hinna kjörnu
fulltrúa og íbúa bæjarfélags-
ins stöðugt að vera traust og
náin. Það er misskilningur
sem stundum örlar á, að þegar
kosningum sé lokið hafi þeir
sem valdir voru nánast frjálsar
hendur, ef upp koma mál sem
ekki voru kynnt fyrir kosningar.
Þeir þurfi einungis að standa
skil á verkum sínum í lok kjör-
tímabilsins.
Hið rétta er, að með því að
takast á hendur trúnaðarstörf í
þágu bæjarfélagsins eða lands-
ins ber hinum kjörnu fulltrúum
að hafa forystu um hvaðeina
sem til velferðar íbúanna horf-
ir í bráð og lengd. Hinir kjörnu
fulltrúar eru oft í betri aðstöðu
en almenningur til að kynna
sér kjarna mála og finna far-
sælustu lausnir - en þeim get-
ur líka skjöplast. Á þeim hvíl-
ir rík skylda til að brjóta hin
sameiginlegu hagsmunamál til
mergjar og upplýsa vel umbjóð-
endur sína um alla meginþætti
þeirra, svo að bæjarbúar geti á
góðum forsendum sannfærst
um réttmæti þess sem lagt er
upp með eða komið ábending-
um sínum um aðrar leiðir á
framfæri. Þannig getur bæjarfé-
lag blómgast og íbúarnir unað
glaðir við sitt.
Ól. Eg.