Akureyri - 30.04.2015, Blaðsíða 6

6 5. árgangur 16. tölublað 30. apríl 2015
AÐSEND GREIN JÓHANNES GUNNAR BJARNASON OG ODDUR HELGI HALLDÓRSSON
Komdu með!
Hollvinasamtök Sjúkrahússins á Ak-
ureyri voru stofnuð í desember 2013.
Markmið þeirra er að safna fé til
kaupa á tækjabúnaði sem nauðsynleg-
ur er til að bæta þá góðu þjónustu sem
sjúkrahúsið veitir. Mjög mikið og náið
samstarf er við fagfólks sjúkrahússins
og stjórnendur varðandi þau tæki sem
brýnast er að festa kaup á og forgangs-
röðun verkefna. Í stjórn Hollvinasam-
takanna er fólk sem hefur brennandi
áhuga á velferð samfélagsins. Sam-
tökin hafa frá stofnun notið mikils
velvilja einstaklinga og fyrirtækja
sem nú þegar hefur gert mögulegt að
kaupa afar mikilvæg lækningatæki.
Sjúkrahúsinu hefur þegar verið afhent
35 fullkomin sjúkrarúm og á ársfundi
þess þann 15. maí nk. verður afhent
fullkomið ristilspeglunartæki ásamt
augnsteinamælitæki, að heildarverð-
mæti um 15 milljónir króna.
Eitt af því mikilvægasta sem þarf til
að samfélag geti þrifist er góð heilbrigð-
isþjónusta. Hún er hornsteinn samfé-
lagsins og vilji okkar stendur til að
efla Sjúkrahúsið
á Akureyri enn
frekar. Við viljum
að hægt verði að
bjóða upp á nýj-
ustu tækni og til
staðar verði tæki
til að sinna sem
flestum sjúkling-
um sem þangað
leita.
Það var á
þessum grunni
sem lagt var af stað við stofnun
Hollvinasamtakanna. Stjórnin er stór-
huga og í náinni framtíð verður ráðist
í fleiri og stærri verkefni. Það verður
auðveldara viðfangs með frekari fjölg-
un hollvina. Skráðir félagar eru nú um
1300 talsins. Mjög auðvelt er að skrá sig
í samtökin á heimasíðu SAk, www.sak.
is. Þar er stika til hægri, Hollvinir, þar
sem er hægt að skrá sig í félagið. Gert
er ráð fyrir að
hver vinur greiði
5.000 kr. árgjald
í maí og mun það
fé renna óskipt
til tækjakaupa.
Við skorum á
þig að hjálpa til
við uppbyggingu
okkar mikilvæg-
ustu stofnun-
ar og skrá þig
í Hollvinasam-
tökin. Margar hendur vinna létt verk.
Vertu velkomin í hópinn.
Jóhannes Gunnar Bjarnason,
formaður
Oddur Helgi Halldórsson,
meðstjórnandi
VILTU SEGJA SKOÐUN ÞÍNA?
Akureyri vikublað óskar eftir að komast í samband við bæjarbúa sem
sjaldan eða aldrei hafa veitt viðtöl en væru til í að segja skoðun sína í
blaðinu eða veita stutt viðtöl. Vinsamlegast sendið okkur tölvu-
póst á bjornthorlaksson@gmail.com eða hringið í síma 862 0856.
LOF OG LAST VIKUNNAR
„Átti leið um Naustaveginn ofan Skauta-
hallar. Finnst að Norðurorka eigi skilið
LAST fyrir að hafa svona mikilvægt
mannvirki í niðurníðslu, líkt og hitaveitu-
lögnin er á þessum áberandi stað. Er ekki
hægt að ganga þannig frá mannvirkinu að
augljós vanhirða sé ekki áberandi?“ Spyr
Akureyringur í bréfi.
LOF fær nýja fjöruleiðin fá Torfunefi og
inn á flugvöll. Svo segir akureyrsk kona í
bréfi til blaðsins. „Geng þetta nokkuð oft
mér til ánægju, hressingar og yndisauka.
Sérlega vel og fallega hannað útivistar-
svæði. EN gula ýtu-innsetningin þarna á
Leirunni er bara ekki að gera neitt sérstakt
fyrir mig svona fagurfræðilega séð,“ segir
konan á Akureyri sem hafði samband við
blaðið.
Slæm umgengni er á Hamarkotstúni, garði
milli Þórunnarstrætis og Byggðavegar, en
„...þar skilja sóðar í hópi hundaeigenda skít
sinna hunda eftir en annar hópur sóða sem
þar gengur um eru þeir sem hafa drykki í
flöskum og brjóta tómu flöskurnar þannig
að glerbrotin dreifast um allt,“ segir í bréfi
til blaðsins frá íbúa. „Annað sem ég vil
benda á til LASTS er þegar hundaeigend-
ur koma með hundana sína og sleppa þeim
lausum á þetta sama svæði (Hamarkotstún)
og leyfa þeim að hlaupa þar. Lausaganga
hunda er bönnuð í bænum en hversu góðir
og þjálfaðir sem hundarnir eru þá skapar
þetta hættu en auk þess eru fjölmargir sem
hræðast hunda fullorðnir og börn. En í
restina vil ég LOFA þá sem stuðluðu að
því að setja upp frisbígolfið á Hamarkotstún-
inu og fótboltamörkin.
Yfirgengilegur sóðaskapur er í biðstöð
Nætursölunnar í miðbænum þar sem
strætó er til húsa, að sögn manns sem hr-
ingdi inn LAST. Sjaldan og illa er skúrað
og óboðleg afstaða bæði fyrir vagnstjóra
og farþega, að sögn mannsins.
LOF fær kór Laugalandsprestakalls og
stjórnandi þeirra Daníel Þorsteinsson fyrir
sumar-tónaflóð í Laugarborg að kvöldi
síðasta vetrardags. „Stund sem leið sem
örskot þar sem fluttar voru dýrmæt-
ar dægurperlur sem og kirkjutónlist á
einstaklega faglegan, fallegan og ein-
lægan hátt. Greinilegt að bæði áheyrendur
og flytjendurnir nutu kvöldsins,“ skrifar
„þakklátur áheyrandi“.
AKUREYRI VIKUBLAÐ 16. TÖLUBLAÐ, 5. ÁRGANGUR 2015
ÚTGEFANDI Fótspor ehf. ÁBYRGÐARMAÐUR Ámundi Ámundason 824 2466, amundi @ fotspor.is.
FRAMKVÆMDASTJÓRI Ámundi Steinar Ámundason, as @ fotspor.is.
AUGLÝSINGASTJÓRI Ámundi Steinar Ámundason, as @ fotspor.is. 578-1193.
RITSTJÓRI Björn Þorláksson, bjornthorlaksson@gmail.com, 862 0856 MYNDIR Björn Þorláksson, Völundur Jónsson og fleiri.
UMBROT Völundur Jónsson PRENTUN Ísafoldarprentsmiðja - Svansmerkt prentun. DREIFING
14.500 EINTÖK ÓKEYPIS – UM ALLT NORÐURLAND
Okkur vantar
Astrid áhrifin
Í frábærri þáttaröð um Astrid Lindgren sem Ríkisút-varpið færði okkur í kringum páskana kom fram að
hún, þessi eina kona, væri ein lykilástæðan fyrir góðu
siðferði sænsku þjóðarinnar. Þar var nefnt sem rökstuðn-
ingur að í bókum Astrid Lindgren, sem nánast hvert
sænskt barn les, er fólki kennt að styðja lítilmagnana,
hjálpa þeim sem eru hjálpar þurfi. Mörgum líður illa án
þess að bera það á torg, aðgát skal höfð í nærveru sálar,
sagði Einar Ben, Astrid hefur oft sagt það líka. Það ríkir
siðferðislegt réttlæti í jöfnuði gæðanna, siðferðislega er
rétt að þroska samkennd, sá sem á nóg þarf ekki meira,
honum á ekki að líðast að stela úr sameiginlegum sjóðum,
sömu pottum og eiga að fara í styrkingu velferðar fyrir
þá sem minna mega sín.
Áhrif Astrid Lindgren í Svíþjóð eru okkur umhugs-
unarefni og ekki síst ættu misgóðir stjórnmálamenn hér
á landi og misgóðir viðskiptamógúlar að lesa bækur
Astrid Lindgren.
Nú sækir menntamálaráðherra að menntun íslenskra
borgara á sama tíma og hann engist um í möskvum
persónulegs hneykslismáls. Ríkissstjórnin hefur ekki
bara sótt að menntun sem almennum lífsgæðum heldur
sækir hún einnig að lestri bóka með hækkun bókaskatts.
Viskunni hefur ekki verið hampað í tíð þessarar ríkis-
stjórnar. Hugmyndum um jöfnuð er ekki hampað. Hyl-
djúp gjá hefur skapast milli ríkjandi stjórnmálamanna
og auralítillar alþýðu eins og kemur nú fram í kjaradeil-
um. Landið er í eigu útgerðarelítunnar, sagði sjómaður
í Akureyri vikublaði í síðustu viku. Elítan leggur meira
upp úr því að græða pening á makríl og þorski, maka
eigin krók, en að efla siðvit í landinu með menntun,
samhygð og upplýsingu. Aðrar náttúruauðlindir sumar
hverjar blóðmjólkaðar, Landsvirkjun hyggst virkja allt
sem hægt er að virkja eins og enginn sé morgundagurinn.
Án jarðsambands, án siðvits, án samskipta við önnur
ríki, án löngunar til að læra af öðrum og þroskaðrar sam-
kenndar eru meiri líkur á firringu og siðleysi en ella. Við
hefðum þurft að eiga okkar Astrid Lindgren. Með skrif-
um sínum felldi hún ríkisstjórnir, breytti stjórnmálun-
um, bækur hennar efldu siðvit og samkennd sænsku
þjóðarinnar. Það er eirthvað annað en Hvítbók Illuga
Gunnarssonar sem er rýr að innihaldi af því að nýfrjáls-
hyggjan knýr skrifin áfram, nýfrjálshyggjan reiknar allt
til veraldlegs hagnaðar en gerir ekki ráð fyrir samkennd
eða óeigingirni mannskepnunnar.
Við áttum þó okkar Guðrúnu Helgadóttur barna-
bókarhöfund. Þeir sem lásu Jón Odd og Jón Bjarna og
fleiri frábærar sögur Guðrúnar kveiktu á perunni. Siðvit
mótast þegar við erum börn. En mörgum þótti Guðrún
Helga hættuleg því hún stóð utan ráðandi afla og var
tortryggð sem slík.
Áður en Illugi Gunnarsson segir af sér legg ég til að
það verði hans síðasta embættisverk að henda hvítbók-
inni sinni, en beita sér fyrir því að öll íslensk skólabörn
lesi bækur Guðrúnar Helgadóttur.
Það myndi efla íslenskt siðvit. Allar þjóðir þurfa sína
eigin Astrid Lindgren.
Með ristjórakveðju Björn Þorláksson
Var sem brysti klukkustrengur, segir í einni af bókum Nóbelskáldsins og kannski leið sumum okkar eins þegar snjór fór að falla á vorblómin
okkar, á sjálfan sumardaginn fyrsta. Sigríður Stefánsdóttir.
Oddur Helgi Halldórs-
son
Jóhannes Gunnar
Bjarnason