Akureyri - 30.04.2015, Blaðsíða 13

30. apríl 2015 16. tölublað 5. árgangur 13
Sumarkveðja frá
Grenndargralinu
Vorvísur
Vorið blíða veitir ilinn,
vermir kalda móðurjörð.
Svitna taka svellaþilin,
svífur blær um fjallaskörð.
Lækir dansa létt um gilin,
lítill foss þar stendur vörð.
Fuglar syngja fram til heiða,
fögur hlíðin brosir mót.
Ljómar sól um loftið breiða,
lífsins tendrast ástarhót.
Lágir tónar laða og seiða,
ljúfan óð frá hýrri snót.
Út við sæ og inn til dala,
óma raddir vorsins blítt.
Líður upp til ljóssins sala,
lofgjörðin um frónið vítt.
Vakna blóm af vetrardvala,
verður allt svo bjart og hlýtt.
Áður óbirt ljóð eftir Halldór Friðriksson frá
Nesi í Saurbæjarhreppi, f: 1902 - d: 1973
HEIMABYGGÐ Í GAMLA DAGA
Hvað var efst á baugi fyrir 40 árum síðan? Á forsíðu Dags miðvikudaginn 30.
apríl árið 1975 er fjallað nokkuð um árstíðir og tíðarfar. Sagt er frá áhuga
Hríseyinga á að fjárfesta í togara til að efla atvinnustarfsemi í eynni. Hún er
sögð í vetrarbúningi en rjúpan sé þó komin til að bera með sér tíðindi um
betri tíð. Reyndar eru hinir ýmsu farfuglar sagðir vera komnir til Akureyrar.
Segir m.a. í greininni um farfuglana að jaðrakönum hafi fjölgað á Norður-
landi. Þá er lítil grein um dagskrá sumardagsins fyrsta á Akureyri. Skátar,
gæðingar og tónlist var meðal þess sem boðið var upp á í veðurblíðunni á
Akureyri. Fjallað er um aðalfund Slippstöðvarinnar, stofnun nýs flugfélags
og fund iðnaðarráðherra með Húnvetningum um möguleikann á að virkja
Blöndu. Enn fremur er sagt frá heimsókn Karlakórsins Goða úr Þingeyjar-
sýslu til Akureyrar, góðan afla grásleppubáta á Ólafsfirði og sameiningu
ungmennafélaga í Öngulsstaðahreppi. Myndin á forsíðunni sýnir flutning
þriggja Breta af björgunarskipinu Lifeline á sjúkrahúsið á Akureyri eftir að
þeir slösuðust við björgun kaupskipsins Hvassafell við Flatey í Skjálfanda.
Já, svona var lífið í heimabyggð fyrir 40 árum síðan.
Vertu með!
Hólaskóli - Háskólinn á Hólum
Hólum í Hjaltadal 551 Sauðárkrókur
Sími 455 6300 holaskoli@holar.is www.holar.is
Íslensk ferðaþjónusta þarfnast
menntaðs fólks sem kann vel til verka
Í Háskólanum á Hólum er í boði fjölbreytt
og hagnýtt nám á sviði ferðamálafræði
og viðburðastjórnunar.
Umsóknarfrestur er til 5. júní 2015
w
w
w
.h
ol
ar
.i
s
n
ýp
re
n
t
0
3
/2
0
15
Háskólasamfélag með langa sögu
Hólar í Hjaltadal er í senn mikill
sögustaður og útivistarparadís.
Háskólinn á Hólum er lítill en
öflugur háskóli sem sinnir kennslu
og rannsóknum á sviði ört
vaxandi atvinnugreina.
ÚR MYNDASAFNI GRENNDARGRALSINS Nemendur í Hrísey á 7. eða 8. áratug síðustu aldar. Myndin er tekin í gamla barna-
skólanum þar sem lestrarfélag Hríseyjar var einnig til húsa. Myndin barst Grenndargralinu árið 2013 í tengslum við skrif eiganda
hennar Árnýjar Helgu reynisdóttur um æskuárin í Hrísey. Æskuminningarnar birtust í desember sama ár en myndin ekki.