Suðri - 19.11.2015, Blaðsíða 12

Okkur, sem störfum í Skólaþjónustu Rangárvalla- og
Vestur-Skaftafellssýslu, bráðvantar kraftmikinn
leikskólaráð gjafa í hópinn. Fyrir er samheldin, öflug liðs-
heild sérfræðinga sem samanstendur af sálfræðingi,
talmeinafræðingi og kennsluráðgjafa grunnskóla og á
næsta ári mun náms- og starfsráðgjafi væntanlega bætast við.
Starfssvið: Ráðgjöf við starfsfólk leikskóla um hagnýt og
fagleg málefni er varða skipulag og daglegt starf.
Sérkennsluráðgjöf vegna fatlaðra barna og barna með
sérþarfir. Ráðgjöf til foreldra og fræðsla til starfsfólks og
foreldra. Aðstoð við nýbreytni og þróunarstarf.
Menntunar- og hæfniskröfur: Krafist er menntunar í
leikskólakennarafræðum, framhaldsnám í sérkennslu-
fræðum væri frábært. Sjálfstæði, sveigjanleiki, skapandi
og lausna miðuð vinnubrögð og góð hæfni í mannlegum
samskiptum er skilyrði. Æskilegt er að viðkomandi hafi
þekkingu á gagnasöfnun, úrvinnslu og eftirvinnslu þroska-
og hegðunarmælitækja, auk þekkingar á stjórnun
leikskóla. Ekki sakar að hafa áhuga á garðyrkju, hrossum og
bílum og unun af að keyra um fallegar, blómlegar sveitir.
Laun og starfskjör eru samkvæmt kjarasamningi Félags
stjórnenda í leikskólum og launanefndar sveitarfélaga
v. starfsfólks á skólaskrifstofum.
Umsóknarfrestur er til 1. desember, en gert er ráð fyrir að
ráða í starfið frá næstu áramótum.
Umsóknir ásamt náms- og starfsferilsskrá berist á net-
fangið skolamal@skolamal.is, eða í pósti á Skólaþjónusta
Rangárvalla- og Vestur-Skaftafellssýslu, b.t. Eddu G. Antons-
dóttur forstöðumanns, Ormsvelli 1, 860 Hvolsvelli.
Nánari upplýsingar veitir Edda í netfanginu
edda@ skolamal.is eða í síma 862-7522.
SKÓLAÞJÓNUSTA RANGÁRVALLA- OG
VESTUR-SKAFTAFELLSSÝSLU, HVOLSVELLI,
AUGLÝSIR 100% STARF LEIKSKÓLARÁÐGJAFA
LAUST TIL UMSÓKNAR.
CMT sagarblöð og
fræsitennur
Frábær gjöf fyrir dömur
á öllum aldri
Fáanleg í 12 litum
Nánar um sölustaði á facebook
Verð: 3390 kr. og
3190 (barnastærð 3-9 ára)
Ústölustaðir:
Mótívó Selfossi, Lyf og heilsa Vestmannaeyjum
Frábær gjöf fyrir dömur
á öllum aldri
Fáanleg í 12 litum
Nánar um sölustaði á facebook
Verð: 3390 kr. og
3190 (barnastærð 3-9 ára)
Ústölustaðir:
Mótívó Selfossi, Lyf og heilsa Vestmannaeyjum
Netverslanir: aha.is, Heimkaup.is, Krabbameinsfelagid. s og Netsöfnun.is
ts l t ir:
N í lf ssi, Apótekarinn í est an j
Hafnarnes VER hf í Þorlákshöfn
Hafnarnes VER hf í Þorlákshöfn óskar
eftir að ráða til sín framleiðslustjóra í
vinnslu okkar hér í Þorlákshöfn.
Fyrirspurnir og umsóknir má senda á
netfangið hsver@simnet.is
19. Nóvember 201512
Eldheimar ­ eitt áhrifa­
mesta safn landsins
Eldheimar í Vestmannaeyjum er að margra mati eitt af bestu söfnum landsins, enda segir
það dramatíska sögu eldgossins í
Heimaey árið 1973, en safnið er
gosminjasýning. Sýningin miðlar
fróðleik og upplýsingum um eldgosið
í Vestmannaeyjum árið 1973, sem án
efa telst til stærstu náttúruhamfara
Íslandssögunnar.
Á heimasíðu safnsins, eldheimar.
is segir meðal annars: „Skyggnst er
inn í mannlífið og umhverfið í Vest-
mannaeyjum fyrir gos og hvernig
náttúruhamfarirnar 1973 gripu inn
í samfélagið og líf fólksins. Nær allir
íbúar Heimaeyjar urðu að yfirgefa
heimili sín í skyndi og flýja eyjuna.
Margir sáu húsin sín, sem og megnið
af eigum sínum aldrei aftur.
Gosið hófst aðfararnótt 23. janúar
1973 á Heimaey, einu byggðu eyjunni
í Vestmannaeyjaklasanum. Það stóð
yfir í rúmlega 5 mánuði. Hraun og
aska eyðilögðu þriðjung byggðar-
innar í Eyjum, eða tæplega 400 hús og
byggingar. Meðan gosið stóð yfir var
mikil óvissa um það hvort nokkurn
tímann yrði aftur mannabyggð á eyj-
unni.
Fyrir gos bjuggu um 5.300 manns
í Vestmannaeyjum. Allt þetta fólk,
nema um 200 manns sem urðu eftir
við björgunarstörf, flúði til megin-
lands Íslands þar sem það bjó í bráða-
birgðahúnæði og beið á milli vonar
og ótta eftir því hvað framtíðin bæri
í skauti sér.
Nú 40 árum síðar er risin gosminja-
sýningin Eldheimar, sem lýsir þessari
atburðarrás á áhrifamikinn hátt. Mið-
punktur sýningarinnar er húsið, sem
stóð við Gerðisbraut 10. Húsið, sem
grófst undir ösku í gosinu hefur nú
verið grafið upp. Hægt er að sjá á
áhrifamikinn hátt dæmi um hvernig
náttúruhamfarirnar fóru með heimili
fólks.“
Áhyggjur af fjárskorti
í málefnum fatlaðra
Ársþing Sambands sunnlenskra sveitarfélaga var haldið á Vík í
Mýrdal fyrir skömmu síðan. Þar fjöll-
uðu sunnlenskir sveitarstjórnarmenn
um helstu hagsmunamál fjórðungs-
ins. Í ályktun þingsins er meðal annars
lýst yfir áhyggjum af fjárskorti í rekstri
málaflokks fatlaðs fólks á Suðurlandi,
en útkomuspá fyrir árið 2015 gerir ráð
fyrir að um 150 m. kr. muni falla á
sveitarfélögin á þessu rekstrarári til
viðbótar við 63 m. kr. árið 2014. Ljóst
er að verulega vantar upp á að nægilegt
fjármagn hafi fylgt við yfirfærslu mála-
flokksins. Telur ársþing SASS að ef ekki
næst ásættanleg niðurstaða varðandi
fjármálahlutann í endurskoðun þeirri
sem nú stendur yfir verði sveitarfé-
lögunum nauðugur einn kostur að
skila málaflokknum til ríkisins.
Líkvaka ­ kolsvört en
spaugileg hörmungarsaga
Líkvaka er ný skáldsaga eftir Guðmund Brynjólfsson á Eyrarbakka. Í bókinni segir frá
Engilbert sem kynnist ungur ofbeldi
og djöfulskap mannlífsins. Uppkom-
inn samsamar hann sjálfsmynd sína
kenningum heilagrar ritningar þar
sem hann sjálfur er andstæða mann-
sonarins. Skólaganga, sjómennska,
stofnanavist og sólarströndin á Spáni
litast jafnan af dökkleitu skopskyni og
takmarkaðri ást sögupersónunnar á
sjálfri sér og samferðamönnum.
Glæp Engilberts er lýst í smáatriðum
og hann er að vonum óhugnanlegur en
um leið rökrétt endurspeglun þeirrar
hliðar sem heimurinn snýr að honum
allt frá barnæsku.
Líkvaka er kolsvört og skelfileg
hörmungarsagan er vörðuð spaugi-
legum uppákomum, kynlegum
kvistum og snilld höfundar í samfé-
lagsgreiningu. Yfir og allt um kring eru
svo ljúfsárar minningar um dagana, allt
of fáu, hjá séra Þórði og frú Oddnýju.
Líkvaka er í senn þjóðfélagsádeila og
guðfræðileg pæling sem á erindi við
okkur öll.
Guðmundur S. Brynjólfsson hefur
fengist við ritun leikrita og skáldsagna
og hlotið viðurkenningar fyrir störf sín.
Þar ber hæst Íslensku barnabókaverð-
launin árið 2009 og Grímuna 2010.
Síðustu bækur Guðmundar, Kattasam-
særið (2012) og Gosbrunnurinn (2014)
hlutu báðar mikið lof gagnrýnenda.
Útgefandi er Bókaútgáfan Sæ-
mundur á Selfossi.
Guðmund brynjólfsson
Myndir: Rúnar Þórarinsson.