Framkvæmdafréttir Vegagerðarinnar - 07.06.2010, Síða 7

7
ráðstefnuhúsið verið bókað 11. til 13. júní 2012. Vegagerðin
hefur verið að kynna og markaðssetja þessa ráðstefnu erlendis
undanfarin tvö ár og vonir standa til að rúmlega 1.200 gestir
muni sækja landið heim af þessu tilefni. Þetta markaðsátak
hefur verið í nafni Vegagerðarinnar á íslensku og ensku.
Stjórn NVF mun að sjálfsögðu verða í höndum nýrrar
stofnunar framkvæmda og reksturs en markaðslega væri það
sterkara ef nafnið héldi sér. Auðvitað á svona atriði ekki að
ráða úrslitum um nafnaval en þetta er nefnt hér sem dæmi um
það sem við er að eiga.
Það er til dæmi í stjórnsýslunni um að gamalt nafn hafi verið
notað þegar verkefni margra stofnana voru fær undir einn
hatt, þ.e.a.s. Veðurstofan. Það taka allir því sem sjálfsögðum
hlut að starfsmenn Veðurstofunnar séu helstu sérfræðingar
um vatnamælingar, eldgos og afleiðingar þess þótt það hafi
sáralítið með veður að gera.
Slétt 90% starfsmanna stofnunar framkvæmda og reksturs
koma frá Vegagerðinni og 10% frá Siglingastofnun. Það er
því ljóst að ákveðinn stofnanakúltúr, hefðir og venjur muni
koma frá Vegagerðinni þótt örugglega verði tekið vel á móti
öllu sem starfsmenn Siglingastofnunar leggja til með sér. Það
felast verðmæti í þessum kúltur sem nær öld aftur í tímann.
Starfsmannavelta hefur alltaf verið lítil hjá Vegagerðinni,
margir hafa starfað þar alla sína starfsæfi og eru stoltir af.
Nokkur dæmi eru um að starfsmenn nái 50 ára starfsaldri.
Stofnunin nýtur velvilja hjá landsmönnum þrátt fyrir að hún
hafi haft með höndum erfið verkefni og stundum lítið fé. Í
þetta er hægt að halda þótt ný stofnun verði til frá grunni með
nýjum lögum.
Flestir starfsmenn Vegagerðarinnar munu sitja á sömu skrif-
borðsstólunum og við sömu skrifborðin og áður. Nothæfum
húsgögnum verður auðvitað ekki skipt út. Við höfum nafn og
merki sem enn eru vel boðleg og kosta okkur ekkert. Spörum
okkur kostnað við nýtt nafn og hendum ekki barninu út með
baðvatninu.
Merki og heiti Vegagerðarinnar er eins og vatnsmerki í öllu hennar starfi. Bílar, tæki, merki, fatnaður og prentgögn eru merkt.
Via Nordica ráðstefna NVF 2012 er markaðssett erlendis með nafni
og merki Vegagerðarinnar. Rúmlega 1.200 gestir eru væntanlegir.
Saga vegagerðar á Íslandi er órjúfanlega tengd heiti stofnunarinnar.