Kópavogsblaðið - 01.05.2011, Blaðsíða 14

14 Kópavogsblaðið MAÍ 2011
Við gerð fjárhagsáætlunar
Kópavogs var ákveðið að lækka
heimgreiðslur til foreldra barna
undir tveggja ára aldri úr 35
þúsund krónum í 25 þúsund í
sparnaðarskyni. Bæjarfulltrúar
Sjálfstæðiflokksins höfðu skilning
á þessu í ljósi efnahagsástand-
sins. Nú hefur meirihlutinn í
Kópavogi hins vegar komið fram
með tillögu um að slá þessar
greiðslur af þann 1. september
nk. Fjórflokka meirihlutinn hikaði
ekki eitt augnablik að ráðast gegn
þessum barnafjölskyldum sem
kannski er sá hópur sem á hvað
erfiðast í atvinnuleysinu.
Notuð var sú afsökun að þetta
væri ekki lögbundið hlutverk
sveitarfélaga og því væri ekki
ástæða til þess að halda þessu
áfram. Af þessu mætti skilja það
sem svo að sveitarfélagið sinnti
einungis verkefnum sem væru
lögbundin. Það er hins vegar
fjarri sanni. Dæmi um verkefni
sem ekki eru lögbundin og kosta
bæinn hundruð milljóna eru
rekstur strætó, rekstur sundlaug-
anna, safnarekstur, rekstur nátt-
úrufræðistofu og svo mætti lengi
telja. Meirihlutinn kaus hins vegar
að bera niður hjá fjölskyldum
yngstu íbúa bæjarins.
Heimgreiðslurnar voru á sínum
tíma hugsaðar til þess að fjölga
úrræðum fyrir foreldra í ljósi
þess að takamarkað pláss er hjá
dagmæðrum og á dagheimilum
fyrir börn undir tveggja ára aldri.
Þetta hefur ekki breyst nema
síður sé. Of fáir dagforeldrar eru
starfandi í Kópavogi og biðlistar á
leiksskóla hafa verið að lengjast.
Heimgreiðslurnar gefa fólki kleift
að leita í önnur úrræði. Foreldrar
300 barna hafa verið að fá þess-
ar greiðslur og því ljóst að þess-
ar breytingar koma sér illa fyrir
marga.
Á síðasta bæjarstjórnarfundi
mótmæltu fulltrúar Sjálfstæðis-
flokksins þess-
ari ráðstöfun
harðlega og
t ö l d u l j ó s t
að fara mætti
aðrar leiðir
s e m e k k i
bitnuðu með
sama hætt i
á þ e s s u m
fjölskyldum.
Bæjarstjórnin
samþykkti því
að vísa málinu
aftur inn í bæjarráð til frekari
skoðunar. Það gefur fyrirheit um
að meirihlutinn hafi séð að sér
sem vonandi leiðir þess að önnur
og sanngjarnari lausn fáist í málið
sem allir geta verið sáttir við.
Ármann Kr. Ólafsson
bæjarfulltrúi Sjálfstæðisflokksins
Meirihlutinn í Kópavogi ræðst
að barnafjölskyldum í bænum
Það var ánægjulegt að hlusta
á Guðríði Arnardóttur á bæjar-
stjórnarfundi þann 26. apríl sl.
Þar óskaði hún eftir þroskuðum
st jórnmálum þar sem að
minnihluti og meirihluti gætu átt
farsælt samstarf bæjarbúum til
hagsbóta. Ég tek undir hvert orð
hennar og vona að aðferðir þessa
meirihluta sem kenndur er við
,,selskap“ verði á þeim nótunum.
Guðríður í sinni ágætu ræðu gat
reyndar ekki sleppt því að ráðast
á persónur frekar en málefni og
sakaði einn bæjarfulltrúann um að
vera með fjölfaldaðann persónu-
leika. En pólitíkin verður líklega
seint tekin úr pólitískum fulltrúum
og það skil ég mæta vel, enda
samsek.
Á þessum sama fundi gerðist
það að tillaga bæjarfulltrúa Sjálf-
stæðisflokksins um að endur-
skoða niðurfellingu heimgreiðslna
var samþykkt, að vísu ekki fyrr
en að fulltrúi Kópavogslista tók
undir tillöguna og er henni hér
með hrósað fyrir afstöðu sína.
Þar á undan var minnihlutinn
ásakaður um að hafa ekki komið
með þessar hugmyndir fyrr!
Sem er vægast undarlegur mála-
tilbúnaður og því miður lýsir
úrræðaleysi meirihlutans.
Skrúðganga skátanna og fjöl-
skylduskemmtun var felld niður á
sumardaginn fyrsta. Sem dyggur
aðdáandi skáta og hefða var
ég ósátt við þessa sparnaðar-
tillögu. Boðið var frítt í sund, og
óhjákvæmilegur kostnaður við
það látinn renna annað. Hér hefði
til að mynda mátt greina sparn-
aðartillögur Sjálfstæðisflokksins
mun betur sem innihéldu virðingu
fyrir hefðum skátanna og gleð-
i n n i s e m
fylgir góðum
skrúðgöng -
um.
Framundan
eru erfiðar
ákvarðanir í
rekstri bæja-
r ins . Þrát t
fyrir sterkt
f járstreymi
bæjarsjóðs er
skuldastaðan
há og um leið
kreppir að í veski landsmanna
allstaðar. Ljóst er að allir þurfa að
leggjast á eitt til þess að vernda
grunnstoðir bæjarsins í erfiðum
niðurskurði. Aðferðir og verkefna-
val verður að vanda. Ég hugsa til
þess með hryllingi að hér verði
teknar upp ömurlegar sparnaðar
aðferðir meirihlutans í Reykjavík.
Þar sem að samstarf við minniluta
í borgarstjórn sem og samstarf
við hagsmunaaðila menntastofn-
anna var haft að vettugi. Um 60%
útgjalda Kópavogs renna til skóla
og leikskóla. Stærstur er lau-
naliðurinn. Það hefur lengi legið í
loftinu að spara þurfi enn frekar í
skólakerfinu. Vonandi ber okkur
gæfa til þess að horfa til þess, að
í stað tilgangslausra sameininga
sem hafa truflandi áhrif á daglegt
líf barnanna að þá munum við
renna augum í aðrar áttir. Fjár-
festing í menntun barnanna okkar
er eitthvað sem við getum þó öll
verið sammála um að er eitt af
mikilvægastu framtíðarverkefnum
okkar allra.
Karen E. Halldórsdóttir
varabæjarfulltrúi
Sjálfstæðisflokksins.
Af einu og öðru
í bæjarmálum
Karen E.
Hall dórs dótt ir
Ár mann Kr.
Ólafs son
Smiðjuvegur 9 • 200 Kópavogur • Sími 535 4300 • Fax 535 4301
Netfang axis@axis.is • Heimasíða www.axis
• Margar viðartegundir og litir • Mikið úrval á lager - skammur afgreiðslufrestur
• Rennihurðir smíðaðar eftir máli • Íslensk framleiðsla á góðu verði!
Allar nánari upplýsingar í síma 535 4300
FATASKÁPAR!
m
ag
gi
@
12
og
3.
is
1
74
.1
29
1935-2010
Byr og félag eldri borgara í Kópavogi
endurnýjuðu samstarfssamning sín á milli.
Með samningnum mun Byr styrkja áfram það
mikilvæga starf sem fer fram hjá félaginu.
Samningurinn er til tveggja ára en Byr hefur
styrkt félagið um árabil. Samkvæmt samningnum
getur félagið til dæmis leitað til Byrs þegar halda
á kynningar- og fræðslufundi um fjármál, einnig
mun Byr sjá um innheimtu félagsgjalda fyrir eldri
borgara í Kópavogi.
Byr er virkur þátttakandi í íslensku samfélagi
og leggur áherslu á að styrkja góð og uppbyggileg
verkefni. Það er með mikilli ánægju sem Byr kemur
áfram að starfi eldri borgara í Kópavogi. Þess má
geta að Byr er einnig í samstarfi við félag eldri
borgara í Hafnafirði og Garðabæ.
Byr og félag eldri borgara í
Kópavogi endurýja samstarfið
Gengið frá samstarfi eldri borgara við BYR
milli Kristjönu Guðmundsdóttur frá FEBK og
Guðrúnar Gísladóttur, útibússtjóra BYRS í
Kópavogi.
Aðalsafnaðarfundur Kársnessóknar verður
sunnudaginn 15. maí 2011. Fundurinn hefst
klukkan 12.00 í safnaðarheimilinu Borgum.
Dagskrá:
Venjuleg aðalfundarstörf
Sóknarnefnd Kársnessóknar
Aðalsafnaðarfundur
Kársnessóknar 2011