Vestfirska fréttablaðið - 17.05.1984, Blaðsíða 8

8_________________________________________
Skíðabraut við skólana á ísafirði
- rætt við Hreggvið Jónsson, formann Skíðasambands íslands
Hreggviður er þarna í Paradís skíðamannsins — á Seljalandsdal eftir að hafa lokið Fossavatns-
göngunni.
„Við í Skíðasambandinu höf-
um rætt um að æskiiegt væri að
koma upp skíðabraut við
menntaskólann og iðnskólann á
ísafirði. Við þykjumst vita að
fjöldi ungmenna hefði áhuga á
að stunda skíði með námi. Það
er ljóst að námið hiýtur ailtaf að
ganga fyrir og ef ekki er sveigj-
anieiki í skólunum verður iítið
úr skíðaiðkun.“
Það er Hreggviður Jónsson, for-
maður Skíðasambands Islands, sem
reifar hér framkomnar hugmyndir
um að gera skíðafólki fært að sam-
tvinna nám og þjálfun. Og Hregg-
viður heldur áfram:
ÁRANGUR SVÍA
„Það eru a.m.k. 10 ár síðan
Svíar byrjuðu með sína skíða-
menntaskóla og ég fullyrði að
þeir hafa reynst ákaflega vel og
eru ein ástæðan fyrir árangri
þeirra. í skólum þessum gefst
mönnum kostur á að stunda
æfingar meðfram námi,
kennslunni er hagað þannig að
menn geti æft og keppt undir
handleiðslu góðs þjálfara.
Hér á landi hafa menn reynt
að æfa með námi, en það hefur
ekki gengið nógu vel. Það er
ekki nema einstöku maður sem
getur samræmt þetta tvennt.
Við höfum rætt hugmyndir
okkar lauslega við mennta-
málaráðherra fyrir nokkru. Á
næstunni munum við fylgja
þessu úr hlaði með því að reyna
að koma hér á fundi með bæj-
arstjórn, skólameistara og öðr-
um sem málið varðar.“
SÉRST AKLEGA
fSAFJÖRÐUR
„Við erum sérstaklega með
ísafjörð í huga vegna þess að
hér eru skólar sem geta tekið við
fleiri nemendum, hér er mjög
þægilegt að fara uppí skíða-
löndin og hér eru nokkrir mjög
færir menn sem gætu hugsani.
starfað við skólann. Ég nefni
menn eins og landsliðsþjálfar-
ann í alpagreinum, Hafstein
Sigurðsson, og gönguþjálfarann
Þröst Jóhannesson, báðir mjög
færir á sínu sviði. Ég tel að
svona skíðabraut mundi verða
skólunum hérna og skíðaíþrótt-
inni mjög til framdráttar og
skila sér jafnframt til almenn-
ings með vel menntuðu fólki.
Skíðaíþróttin yrði eins og eitt
fag í skólanum og mundu menn
síðan útskrifast sem stúdentar
með venjuleg réttindi til fram-
haldsnáms. Á undanförnum
árum hafa margir efnilegustu
skíðamennirnir fallið úr um leið
og þeir hófu nám.“
LEGGJA LÍNURNAR
Hreggviður sagði þá hjá
Skíðasambandinu vera að
leggja línurnar fyrir næsta ár.
Þannig væri verið að huga að
ráðningu landsliðsþjálfara fyrir
næsta vetur og val á landsliði
stæði fyrir dyrum.
„Við höfum tekið upp sum-
aræfingar og reynt að halda
uppi stíganda í þjálfun okkar
bestu manna,“ sagði Hreggvið-
ur.
— Er það markmið Skíða-
sambandsins að koma upp
landsliði á alþjóðamælikvarða?
„Skíðaíþróttin er einstakl-
ingsíþrótt og þvi verður það að
byggjast á einstaklingnum
sjálfum hvað stefnt er á. En við
höfum átt marga unga menn
sem hafa átt alla möguleika á að
verða mjög góðir, en hafa síðan
ekki náð neinu erlendis vegna
þess að hinn langa, markvissa
undirbúning skorti."
— Þurfa menn ekki að dvelja
erlendis stóran part ársins ef
árangur á að nást?
„Hinir yngri hafa ekki mikið
að gera út. Ég tel ekki æskilegt
að menn séu að keppa mikið
erlendis fyrr en þeir hafa fengið
ákveðna þjálfun hér heima.
Síðan þurfa þeir að vera mikið
úti og það er erfitt vegna kostn-
aðar. Skíðaíþróttin er miklu
kostnaðarsamari en aðrar
íþróttagreinar. Við getum ekki
stungið dótinu í vasann eins og
til dæmis sundfólk. Búnaður
fyrir keppnismann kostar nú
hátt í 100 þúsund krónur.“
AFREKSMAÐUR VERKAR
SEM HVATI
— Nú höfum við aðeins rætt
um þá hlið sem snýr að keppni.
Gerir Skíðasambandið eitthvað
fyrir almenning?
„Við erum í forystu hvað
varar starfsemi fyrir almenning,
höfum t.d. trimmnefnd. Og
starf okkar hefur borið árangur,
það hefur engin íþrótt orðið
jafn mikil almenningsíþrótt á
jafn skömmum tíma og skíðaí-
þróttin. Það sést best á því að á
góðviðrisdögum eru allir skíða-
staðir yfirfullir.
Við í Skíðasambandinu lítum
á almenna iðkendur og keppn-
isfólk sem eina heild og afreks-
maður, eins og t.d. Einar Ólafs-
son, virkar sem hvati fyrir al-
menning.“
FÁAR FJÁR-
ÖFLUNARLEIÐIR
Talið berst að fjárhag Skíða-
sambandsins og Hreggviður
segir hann ekki sem bestan, en
þó þokkalegan og betri en oft
áður á Ólympíuári. „Miðað við
önnur sambönd höfum við fáar
fjáröflunarleiðir. Þriðjudeildar-
lið í knattspyrnu hafa fleiri
fjáröflunarleiðir en annað
stærsta sérsambandið.
Og það er hneyskli að skíða-
útbúnaður skuli vera hátollað-
ur. Við í Skíðasambandinu
höfum á undanförnum árum
rætt við þrjá fjármálaráðherra
um að lækka tolla á þessum
vörum, en án árangurs. Það er
líka athygli vert að allir skór eru
tollfrjálsir nema skíðaskór.
Tekjur ríkissjóðs af skíðafólki
eru meiri en öll framlög hans til
ÍSl, þannig að skíðafólk borgar
alla styrki til sambandanna.
Mér fyndist ekki óeðlilegra en
margt annað að við fengjum
prósenturaf þessum tollum.“
BESTI SNJÓR
„Ferðaiðnaðurinn hefur
mikla atvinnu af að flytja fólk
til útlanda á skíði. Þarna eru
miklir peningar og margar
þjóðir hafa notfært sér það. Það
er spurning hvort ekki mætti
nýta þetta betur innanlands. í
Austurríki er kostað kapps um
að halda ferðaiðnaðnum ódýr-
um, t.d. boðið uppá ódýra gist-
ingu í heimahúsum. Það væri
athugandi hvort ekki væri hægt
að bjóða uppá ódýrar skíða-
ferðir innanlands t.d. til ísa-
fjarðar.
Svo eru Kerlingarfjöll senni-
lega besti skíðastaður í Evrópu
á sumrin, en þar vantar fjár
magn til að gera svæðið virki-
lega vel úr garði. En það væri
mjög auðvelt að koma erlend-
um landsliðum til að æfa þar
yfir sumartímanna. Snjórinn er
oft sérstaklega góður og ríkis-
þjálfarinn norski sagði mér t.d. í
fyrra að snjórinn hefði verið sá
albesti sem hann hefði fengið?
vestfirska I
ntETTABLASID
Kassabílarallý
17. júní
1 ár munu skátafélögin á Isa-
firði sjá um 17. júní hátíðar-
höldin. Undirbúningur er þeg-
ar hafinn og komin drög að
dagskrá sem er í stórum drátt-
um svipuð þeirri dagskrá sem
var fyrir tveimur árum, þegar
félögin sáu um hátíðahöldin.
Auk hinnar hefðbundnu há-
tíðardagskrár verða leikir og
keppnir fyrir börn og fullorðna,
m.a. víðavangshlaup og
kassabílarallý, sem ekki hefur
verið áður. Þar verður trimm-
keppni í braut fyrir alla aldurs-
flokka. Einnig verða veittar við-
urkenningar fyrir fallegustu og
best gerðu bílana. Það fer því að
verða tímabœrt fyrir vœntanlega
keppendur að undirbúa smíði
bílanna svo þeir verði tilbúnir í
tœka tíð.
Upp með hamrana krakkar!
Lionsklúbbur Bol-
ungarvíkur 25 ára
Lionsklúbbur Bolungarvíkur
varð 25 ára 15. maí s.l. Klúbbur-
inn var stofnaður þann dag árið
1959. Fyrstu stjórn hans skip-
uðu: Friðrik Sigurbjörnsson,
þáverandi Iögreglustjóri í Bol-
ungarvík, Guðmundur Jóhann-
esson, þá héraðslæknir, og
Guðmundur G. Jónsson, fram-
kvæmdastjóri.
Klúbburinn hefur á þeim ár-
um sem liðin eru staðið að
margs konar mannúðar- og
líknarmálum og er þess
skemmst að minnast að nú ný-
verið afhenti hann 75 þúsund
kr. til kaupa á nýjum flygli sem
afhentur var á sunnudaginn í
Félagsheimili Bolungarvíkur.
Ætlunin er að minnast af-
mælisins með sérstökum hátíð-
arfundi og árshátíð í nóvember
næstkomandi.
Núverandi stjórn Lions-
klúbbs Bolungarvíkur skipa:
Aðalsteinn Kristjánsson, for-
maður, Haukur Ólafsson,
gjaldkeri og Kristján Örn Ingi-
bergsson, ritari.
Éta rollurnar
garðablóm bæjar-
búa í vor?
„Það er eiginlega ekki hægt
að taka á þeim málum neitt
frekar en gert hefur verið,“
sagði Haraldur bæjarstjóri þeg-
ar við spurðum hann hvort eitt-
hvert sérstakt átak yrði gert í að
verja garða bæjarbúa fyrir
sauðkindinni í vor. Haraldur
sagði að allir sem eiga búfénað
hafi verið látnir sækja um heim-
ild til búf járhalds. Þær umsóknir
hefðu síðan verið sendar land-
búnaðarnefnd Búnaðarfélagsins
til umsagnar eins og reglur
kveða á um. Umsagnir hefðu
ekki enn borist.
Að fenginni umsögn land-
búnaðarnefndar getur bæjarráð
síðan lagt til að umbeðið leyfi
verði veitt, þannig að það eru
bæjaryfirvöld sem taka loka-
ákvörðun um málið.
í núgildandi fjárhagsáætlun
er gert ráð fyrir að sett verði
rolluhlið á Vesturlandsvegi
(Dagverðardal) og einu opi til
viðbótar lokað. Rollugirðingum
verður síðan haldið við.