Vestfirska fréttablaðið - 06.12.1984, Blaðsíða 14
14
NÝTT
GROHE
LADYLUX - LADYLINE létta eldhússtörfin
Ladylux og Ladyline eru heiti á nýrri kynslóð eldhúsblöndunartækja frá Grohe.
Fáanleg í fjölbreyttu litaúrvali sem einnar handar eða tveggja handa tæki.
Margvíslegir notkunarmöguleikar: Breytilegur úði, skafa eða bursti sem tengja má við
tækin með einu handtaki.
Ladylux - Ladyline: Nýtt fjölhæft heimilistæki í eldhúsið.
GROHE = öryggi, ending og fullkomin viðgerða- og varahlutaþjónusta.
Suðurgata 12
ísafirði — Sími 3298
Verslunarmiðstöðin Ljónið
auglýsir opnunartíma í desember
Opið alla virka daga til kl. 18:00
Á föstudögum til kl. 20:00
Laugardaginn 8. des. til kl. 16:00
Laugardaginn 15. des. til kl. 22:00
Laugardaginn 22. des. til kl. 23:00
Allar verslanirnar eru opnar í hádeginu
Vöruval sími 4211
Seria sími 4072
Leggur og skel sími 4070
Jasmin sími 4024
Trésmíðaverkstæði
Daníels Kristjánssonar sími 3130
Krisma sími 4414
Baðstofan sími 4229
Verslunarmiðstöðin Ljónið
'I Tistfiriiii
FRETTABLASIS
Nýjar bækur frá Erni
og Örlygi
Ágúst á Brúna-
stöðum lítur yfir
farinn veg í samfylgd
Halldórs Kristjáns-
sonar
■wt
Hjá Erni og örlygi er komin út
bókin Ágúst á Brúnastöðum
bóndi og fyrrum alþingismaður
lítur yfir farinn veg í samfylgd
Halldórs Kristjánssonar.
Á bókarkápu segir m.a.:
„Flestir íslendingar sem
komnir eru til vits og ára munu
kannast við nafn Ágústs Þor-
valdssonar á Brúnastöðum,
bónda og fyrrum alþingismanns.
í hugann kemur mynd af stórum
og stæðilegum manni, þéttum á
velli og þéttum í lund, gildum
bónda og góðum félagsmála-
manni sem samtímis þvi að rækta
jörð sína og auka bústofninn
hefur látið til sín taka á þjóð-
málasviðinu og notiö virðingar
mótherja jafnt sem samherja.
Heimili hans og konu hans, Ing-
veldar Ásgeirsdóttur, er mikið
rausnarheimili og þótti vel við
hæfi að bjóða sjálfum Finn-
landsforseta til Brúnastaða þeg-
ar hann var hér á ferð fyrir ekki
löngu síðan.
Af því sem á undan er sagt
mætti ætla að Ágúst hefði fæðst
með silfurskeið í munni og verið
borinn til efna og áhrifa í skjóli
ríkra foreldra. Sú er þó ekki
raunin. Ágústi var ráðstafað af
hreppsnefnd Eyrarbakka til upp-
eldis hjá sveitarómögum og mátti
una því fyrstu árin að vera
nefndur urðarköttur og flokkast
af krökkunum á Bakkanum til ó-
æðri stiga mannfélagsins og
verða fyrir árásum og áreitni
þeirra.
Saga Brúnastaðabóndans er
eins og maðurinn sjálfur, þétt
lesning og þægileg, hispurslaus
og hefur yfir sér þokka sem hlýjar
lesandanum, þótt Brúnastaða-
bóndinn þori vel að segja mein-
ingu sína.“
Bókin Ágúst á Brúnastöðum er
sett og prentuð hjá Prentstofu G.
Benediktssonar en bundin hjá
Arnarfelli hf. Á bókarkápu er
málverk af Ágústi sem Ragnar
Páll Einarsson málaði. Kápuna
hannaði Sigurþór Jakobsson.
Gefðu þig fram
Gabríel
tíunda bók Snjólaugar Braga-
dóttur frá Skáldalæk
í níundu bók sinni, Leiksoppur
örlaganna, fór Snjólaug Braga-
dóttir nýjar leiðir. Fyrri bækur
hennar höfðu allar gerst hér á
landiení Leiksoppi forlaganna
vippaði hún sér yfir pollinn og lét
sögusviðið að mestu vera í Skot-
landi. Hinir fjölmörgu lesendur
Snjólaugar kunnu vel að meta
þessa tilbreytni og munu ekki
verða fyrir vonbrigðum með tí-
undu bókina, Gefðu þig fram
Gabríel, því enn er sögusviðið
mestmegnis erlendis.
íslenska sveitabarnið Linda,
sem verður kjördóttir bresks
blaðakóngs og síðan þekktur
blaðamaður með allan heiminn
að vettvangi, virðist eiga sér
verndarengil. Hver er hinn dular-
fulli Gabríel, sem alltaf fylgist
með henni og gerir vart við sig á
ólíklegustu stöðum?
Eftir flugslys dvelst Linda um
hríð hjá innfæddum á Tristan da
Cunha og brátt verður sögu-
þráðurinn allflókinn, fullur af
ævintýrum, ráðgátum og fróð-
leik, en umfram allt svo spenn-
andi frá upphafi til enda.
Bókin Gefðu þig fram Gabríel
er filmusett og prentuð í prent-
stofu G. Benediktssonar en
bundin hjá Arnarfelli hf. Kápu-
teikningu geröi Brian Pilkington.
Laufið grænt
vlðburðarík saga Vesturbæjar-
drengs
Fyrsta skáldsaga Erlendar
Jónssonar bókmenntagagnrýn-
anda
Bókaútgáfan örn og Örlygur
hefur gefið út fyrstu skáldsögu
Erlends Jónssonar. Nefnist hún
Laufið grænt. Áður hafa komið út
eftir Erlend fjórar Ijóðabækur,
útvarpsleikrit, bókmenntasaga
og fleira.
Skáldsagan Laufið grænt segir
frá ellefu ára gömlum dreng, sem
býr með fráskilinni móður sinni í
iitlu húsi í Vesturbænum. Frið-
helgi heimilisins er rofin með
heimsóknum mikils metins borg-
ara. Drengurinn lítur þennan
kunningsskap óhýru auga, en
móðirin sendir drenginn í sveit
og fer sjálf í sólarlandaferð.
Bókin Laufið grænt er filmu-
sett og prentað í prentstofu G.
Benediktssonar. Bókband er
unnið hjá Arnarfelli hf. Kápu
teiknaði Brian Pilkington.