Vestfirska fréttablaðið - 03.10.1985, Blaðsíða 2
VEStfirska
[
rRETTABLADID
Vestfirska fréttablaðið kemur út á fimmtudögum kl. 17:30. Ritstjómarskrifstofa og auqlýsingamóttaka að Hafnarstræti 14 er opin virka daga kl. 10:00
til 12:00 og 13:00 17:00. Síminn er 4011. Blaðamenn: Páll Ásgeirsson og Amar Þór Ámason. Fjármál og dreifing: Guðrún Halldórsdóttir. Útgefandi og
ábyrgðarmaður: Ámi Sigurðsson, ritstjóri, Fagraholti 12, ísafirði, sími 3100. Prentun: Prentstofan ísrún hf. ísafirði. Verð í lausasölu kr. 25,00.
Auglýsingaverð kr. 140,00 dcm. Áskriftarverð er lausasöluverð reiknað hálfsárslega eftirá.
RStstjórnargrein:
Fiskveiðistefnan
og
Vestfirðlngar
Halldór Ásgrímsson, sjávarútvegsráðherra fundaði með
Vestfirðingum á opnum fundi í Hnífsdal á mánudaginn
var. Hann kom hér til þess að kynna fiskveiðistefnu sína,
en hann hyggst nú fá hana lögfesta til þriggja ára. Halldór
er fyrsti maðurinn á stóli sjávarútvegsráðherra, sem setur
kvótaskiptingu á almennar fiskveiðar. Eftir að sýnt þótti
að takmarka þyrfti aflamagn á þorskveiðum, fylgdu fyrir-
rennarar hans þeirri stefnu að beina sókninni með tíma-
bundnu veiðibanni í aðrar fisktegundir.
Á Hnífsdalsfundinum var fiskveiðistefna sjávarútvegs-
ráðherra mjög gagnrýnd og af undirtektum fundarmanna
var auðráðið að Vestfirðingum líkar stórilla við þá stjórn-
un sem nú er viðhöfð og ráðherra hyggst nota. Vestfirðing-
ar hafa aldrei sætt sig við kvótaskiptingu, þótt þeir féllust
á það árið 1983, að hún skyldi reynd um eins árs skeið.
Um aflamarks/sóknarmarksleiðina sagði Jón Páll Hall-
dórsson, framkvæmdastjóri og vara fiskimálastjóri meðal
annars eftirfarandi. „Ég fæ ekki séð að breytingin hafi á
nokkurn hátt orðið til bóta. Ekki hefur tekist að ná fram
neinum af þeim meginmarkmiðum sem að var stefnt, en
þau voru: Áð staðið væri við þau aflamörk, sem sett voru
í upphafi árs. Að bæta gæði hráefnis og að draga úr til-
kostnaði við veiðarnar.“ Einnig sagði Jón Páll: „En það
er fleira, sem farið hefur úr böndunum með hinni nýju
stefnu ráðherrans. Með tegundamarkinu tókst að koma í
veg fyrir árekstra milli veiða og vinnslu og tryggja á allan
hátt betur samræmingu þessara tveggja meginþátta sjávar-
útvegsins. Þetta hefur gjörsamlega mistekist með þeim
alvarlegu afleiðingum, sem nú blasa hvarvetna við þeim,
sem ekki eru svo rígbundnir af kenningum ráðherra að
þeir sjá ekki annað.“
Það fór ekki framhjá neinum, sem sat fund sjávarútvegs-
ráðherra, að Vestfirðingar hafa miklar áhyggjur af framtíð
byggðarlagsins vegna fiskveiðistefnu ráðherrans. Þeir telja
að að með henni séu hagsmunir fiskveiðanna, fiskvinnsl-
unnar og fiskvinnslufólksins fyrir borð bornir. Vestfirðing-
ar telja að forsendurnar fyrir skiptingu fiskveiðikvótans
séu fyrir löngu brostnar, þar sem miðað sé við afla áranna
1981 til 1983 og allar aðstæður eru gjörbreyttar síðan þá.
Þeir óttast að hið þrönga svið sem fiskveiðunum er ætlað
kalli á misnotkun og eftirlitskerfi, sem hætta sé á að bólgni
út og vaxi á kostnað þeirra, sem að framleiðslustörfum
vinna. Vestfirðingar telja að verði fiskveiðistefna Halldórs
samþykkt og kvótaskipting lögfest til lengri tíma, þá verði
það óhjákvæmilega til þess að rýra enn hlut framleiðslu-
byggðarlaganna með þeim afleiðingum að frekari fólks-
flótti verði en þegar er orðinn.
Þetta eru helstu ástæðurnar fyrir þeim þunga undirtóni
kvíða og þykkju, sem var auðfundinn á Hnífsdalsfundi
sjávarútvegsráðherra á mánudaginn.
Jón sér um kirkjugardlnn
Sóknamefnd Bíldudalssóknar hef-
ur falið Jóni Kr. Ólafssyni að sjá
um Kirkjugarðssafnaðarins við
Litlu-Eyri.
Ber honum að sjá til þess að við
allar framkvæmdir i garðinum sé
farið eftir reglum Umsjónarmanns
kirkjugarða á íslandi.
7
MATAR-
HORNIÐ
Matarhora vestfirska frétta-
blaðsins er að þessu sinni í um-
sjá hjónanna Jóns Jóhannes-
sonar og Sigrúnar Magnúsdótt-
ur. Fyrir þessa uppskrift hlutu
þau hjón sérstaka viðurkenn-
ingu f samkeppni sem Osta- og
Smjðrsalan efndi til, fyrr á þessu
ári.
Ostavöfflur 8 — 10 stk.
2egg
300 gr rifinn Tilsitter ostur
250 gr hveiti
100'gr heilhveiti
3 tsk lyftiduft
4 dl mjólk
200 gr bræddur smjörvi
2 msk kínversk soyasósa
Egg, ostur og þurrefni eru sett
í hrærivélarskál, mjólkinni bætt
út í smátt og smátt. Bræddum
smjörvanum er bætt út í og allt
hrært þangað til deigið er orðið
jafnt og þykkt. Bakað í vöfflu-
járni við háan hita, þar til vöffl-
umar em orðnar vel bakaðar.
Þá em þær settar á bökunarrist
og látnar kólna. Það má alls
ekki stafla þeim meðan þær em
heitar.
Vöfflumar em góðar með
smjöri, áleggi, sýrðum rjóma og
mysuosti eða hvers konar ídýf-
um.
Einnig með tæmm kraftsúp-
um, Ld. franskri lauksúpu.
Þessir duglegu krakkar úr Súðavík héldu tombólu til ágóða fyrir Rauða
krossinn, þau söfnuðu 1100 krónum. Þau heita, frá vinstri talið: Gunnar Júl.
Matthíasson, Steinunn Matthíasdóttir, Belinda Ýr Hilmarsdóttir og Sigriður
Helga Hilmarsdóttir.
HEILSUGÆSLUSTÖÐIN Á ÍSAFIRÐI
PÓSTHÓLF 114-400 ÍSAFJÖRÐUR
Ræsting
Heilsugæslustöðin á Isafirði óskar að ráða
nú þegar starfsmann til ræstinga.
Upplýsingar gefur hjúkrunarforstjóri og/eða
framkvæmdastjóri í síma 3811.
Oryggisgler
fyrir bíla,
báta og
vinnuvélar.
Bólstrun ogklæðningar
Völusteinsstræti 2a, Bolungarvík
sími 7405.
Kvöldskólinn:
Engíiin
forstöðu-
maður
Mjög illa hefur gengið að ráða
forstöðumann að Kvöldskólanum á
tsafirði. Að sögn Magdalenu Sig-
urðardóttur varaformanns skóla-
nefndar hafa engar umsóknir borist
þrátt fyrir ftrekaðar auglýsingar.
Skólinn hefur verið starfræktur
undanfarinn ár við nokkuð góðar
undirtektir. Var það aðallega full-
orðið fólk sem notfærði sér þessa
þjónustu. í skólanum sem starfaði f
tveim átta vikna önnum á hverjum
vetri, var boðið upp á kennslu f
margvíslegum greinum. Fór kennsl-
an eingöngu fram á kvöldin, og
hentaði skólinn þvf vel fólki sem
viidi auka þekkingu sína f einstök-
um greinum.
Ný hár-
greiðslu-
stofa
Ný hárgreiðslustofa hefur verið
opnuð á ísafirði, og er eigandi
hennar Sigrfður A. Þrastardóttir
hárgreiðslumeistari.
Sigríður er fædd á ísafirði og ólst
þar upp til átta ára aldurs, en þá
Sigríður Þrastardóttir.
flutti hún til Reykjavíkur. Sigriður
hóf nám í hárgreiðslu árið 1979, og
fékk hún meistararéttindi nú á
þessu ári, en iðnina nam hún hjá
Matta, Reykjavík. Vestfirska
fréttablaðið brá sér í heimsókn á
nýju hárgreiðslustofuna nú á
þriðjudag, og spurði þá Sigríði
hvemig aðsókn hefði verið síðan
opnað var. Hún sagði aðsókn hafa
verið mjög góða það sem af er og
sagði mikið hafa verið hjá sér að
gera.
Opið er virka daga frá kl. 9:00 til
kl. 18:00 og 9:00 til 12:00 á laugar-
dögum.
K.I. lætur
slátra á
Hólmavík
Um það bil hálfur mánuður er
sfðan slátrun hófst í sláturhúsi
Kaupfélags Steingrímsfjarðar á
Hólmavfk. Húsið er ekki enn rekið
á fullum afköstum þar sem nokkuð
hefur skort vinnuafl.
Það nýmæli verður á rekstri slát-
urhússins að tekið verður fé til
slátrunar úr Inndjúpi. Era það ein-
göngu bændur í Snæfjalla- og
Nauteyrarhreppi sem flytja fé sitt
til slátrunar á Hólmavík. Slátrun
þessi er á vegum Kaupfélags Is-
firðinga og fer fram samkvæmt
samningi kaupfélaganna sín á
milli. Jón Alfreðsson kaupfélags-
stjóri á Hólmavík sagði að hann
reiknaði með að slátrað yrði á
þriðja þúsund fjár úr Inndjúpi.
Sláturhúsið á Hólmavík getur tekið
á móti 17 til 19 þúsund fjár á hausti
sé það rekið á fullum afköstum.