Feykir - 15.08.1984, Side 6
6 FEYKIR
MIÐVIKUDAGUR 15. ÁGÚST 1984
1«g»'8í,H0RNIÐ
UMSJÓN:
INGIBJÖRG JÓNASDÓTTIR
DÍANA SIGURFINNSDÓTTIR
íþróttastarf hér á Sauðárkróki hefur
verið blómlegt í sumar og því
ákváðum við að kanna starfsemina
betur. Viðmælendur okkar voru
María Kr. Sxvarsdóttir sundþjálfari,
Guðmundur Sigurðsson frjálsíþrótta-
þjálfari og Sigurborg Gunnarsdóttir
þjálfari kvenna-fótholtans.
María ersundþjálfari Tindastóls í
sumar. Hún þjálfar krakka á
aldrinum 7-14 ára. Við spurðum
Maríu hvernig henni likaði starfið
og fannst henni það alveg frábært,
sérstaklega af því hún kvaðst vera
með svo áhugasama og efnilega
nemendur og mjög góða aðstöðu.
„Krakkarnir hafa farið í Varmahlíð
og keppt þar og svo fóru þau í
Varmaland í Borgarfirði og gistu
þar eina nótt og á héraðsmóti
UMSS var Tindastól! með tvær
boðsundssveitir. S.l. laugardag, 11.
ágúst, fóru krakkarnir í keppnis-
ferðalag til Siglufjarðar og 16. ágúst
stendur Kiwanis-klúbburinn Drang-
ey fyrir árlega bikarmótinu.
Sunddeild Tindastóls hefur stað-
ið sig mjög vel undanfarið og sýnt
mjög miklar framfarir og náð
glæsilegum árangri. Þrír keppendur
frá Tindastóli kepptu í sundi á
Landsmóti UMFI í Keflavík og
Njarðvík og stóðu sig mjög vel, t.d.
nældi Ingibjörg Guðjónsdóttir sér í
verðlaunapeninga. Þá hefur mikið
borið á góðvild í garð sunddeildar-
innar, t.d. hafa krakkarnir í bænum
tvívegis haldið hlutaveltu og einu
sinni kökubasar, og látið allan
ágóða renna til deildarinnar.”
Eftir spjallið við Maju töluðum
við við tvær stelpur sem hafa náð
áberandi góðum árangri. Þær eru
Bryndís Eva Birgisdóttir 12 ára og
Ingibjörg Óskarsdóttir 13 ára.
— Stelpur, hvað eruð þið búnar
að æfa lengi?
Ingibjörg: „Eg er búin að æfa í
þrjú ár.”
Bryndís: „Eg hef æft reglulega í
eitt og hálft ár.”
Báðar sögðust þær æfa vegna þess
að þeim þætti það gaman og alls
ekkert svo erfitt. Þærbyrjuðu báðar
að keppa á mótum fljótlega eftir að
þær hófu æfingar. Uppáhaldsgrein
Ingibjargar er 100 m bringusund og
þar hefur hún náð bestum árangri,
1:35 mín. Hins vegar er skriðsund
uppáhaldsgrein Bryndísar, en best-
um árangri hefur hún náð í 50 m
bringusundi, sem hún synti á 0:48
mín. Báðar eru staðráðnar í að
halda æfingum áfram og stefna
eindregið að því að bæta sig.
Guðmundur Sigurðsson er annað
árið í röð þjálfari í frjálsum
íþróttum á Króknum og hann sagði
að fastar æfingar væru einu sinni í
viku, þó áhuginn væri því miður
frekar takmarkaður, en þeir sem
hefðu áhuga æfðu mjög vel. Eitt
unglingamót var haldið í sumar með
sæmilegum árangri, annað mót
verður haldið 21.-22. ágúst í Vestur
Húnavatnssýslu og verða þar kepp-
endur af Norðvesturlandi.
Sigurborg Gunnarsdóttir hefur
haft umsjón með kvennafótbolt-
anum nú í tvö sumur, en kvenna-
fótbolti hefur verið æfður hér í þrjú
ár. I sumar hafa stelpurnar aðeins
keppt einu sinni, en þann leik léku
þær mjög vel og unnu Ólafsfirðinga
5:1.1 næstu viku keppa þær við KA
á Akureyri og vonum við að sá
leikur gangi eins vel um leið og við
óskum öllum íþróttamönnum Tinda-
stóls góðs gengis.
Oddvitinn:
„Betur sjá augu en eyra.”
Bílarnir okkar eru tilbúnir í ferðalag hvert á land sem er.
Áralöng reynsla. Við höfum bíla af öllum stærðum.
Hafðu samband.
STEINDÓR SIGURÐSSON
NJARÐVlK PÓSTHÓLF 100 SlMAR: 92-4444, 3550 og 2040
@ raf sjá hf
Sæmundargötu 1
Sauðárkróki
Sími95-5481
Laus staða
Á skattstofu Norðurlands vestra er laus til
umsóknar ein staða fulltrúa til starfa við
skatteftirlit. Nauðsynlegt er að umsækjendur
séu endurskoðendur eða hafi lokið prófi í
lögfræði, hagfræði eða viðskiptafræði eða hafi
staðgóða þekkingu á bókhaldi og skattskilum.
Umsóknir ásamt upplýsingum um aldur,
menntun og fyrri störf, sendist fjármálaráðu-
neytinu fyrir 10. ágúst. n.k.
Fjármálaráðuneytið,
10. júlí 1984.