Vestfirska fréttablaðið - 24.01.1996, Blaðsíða 4
VESTFIRSKA
4
Miðvikudagur 24. janúar 1996
---- ------ \ FRÉTTABLAÐIÐ
»Heimasíða « Þingeyrarhrepps
Umsjón: Hallgrímur Sveinsson, Hrafnseyri
Nú er glatt í hverjum hól!
- sérstæð venja á þrettándanum á Þingeyri
- tekið er hlýlega á móti álfunum
Á þrettándanum tíðkast nokkuð sérstakur
siður á Þingeyri, sem við vitum ekki til að
annarsstaðar sé hafður um hönd á landinu.
Að lokinni álfabrennu síðla dags lætur ung-
dómurinn sig hverfa og birtist ekki fyrr en um
kvöldið og hefur þá búið sig uppá í alls konar
álfabúninga og púka, oft mjög skemmtilega
útfærða. Er hér um að ræða allt niður í þá sem
valdið geta vettlingi og upp í svona 12 til 13 ára
aldur. Ganga þau síðan í hús með plastpoka, oft
3 til 5 saman og biðja um að gefa sér nesti til
heimferðar og tala þá gjarnan tungum og jafn-
vel kemur fyrir að þau taki lagið. Flest heimili
búa sig undir að taka hlýlega á móti álfunum
þegar þeir koma til að kveðja og láta ýmislegt
góðgæti detta í pokann hjá þeim. Er það oft
lítilsháttar af sælgæti eða þá smákökur. Hversu
lengi þessi siður hefur tíðkast á Þingeyri vitum
við ekki, eða hvemig hann er til kominn.
Fróðlegt væri að heyra um það frá lesendum.
AO loknum
jólum 1996
Ennþá birtast eins og fyrr
álfar tröll og þý,
Grýla og Leppalúði
lifna við á ný.
Hafa búferli flutt
forynjur um hlað,
þrettánda í jólum
þá fer allt af stað.
Jólasveinar halda heim
hafa tóman mal,
gæfa er að gefa
og gleði veita skal.
Sýnum festu og fjör
frjálsa gamla tíð,
tökum vel á móti
þessum magnaða lýð!
(Lag: Máninn hátt á himni skín)
Elís Kjaran Friðfinnsson
Ekki fylgir sögunni hvaö þessir
álfar nefnast, en þeir voru fúsir
til að raða sér upp til
myndatöku á þrettándanum
um daginn.
Kvenfélagiö Von stendur í stórræðum:
Kaupir sögufrægt hús
undir starfsemi sína
Kvenfélagið Von, sem
verður 90 ára 17. febrúar á
næsta ári, hefur fest kaup á
svokölluðu Vertshúsi, sem er
þekkt hús í sögu Þingeyrar
og hyggst félagið nota húsið
undir starfsemi sína. Kaup-
verðið var ein milljón
króna.
Aðal verkefni Kvenfé-
lagsins Vonar um þessar
mundir er að safna fyrir
snjóflóðaýlum fyrir Björg-
unarsveitina Dýra og nýlega
gaf félagið sjúkraskýlinu
fósturhlustunartæki. Þálagði
félagið sitt af mörkum við
hjálparstarfið á Flateyri í
haust, en þá fóru á þess veg-
um 6 til 10 konur á hverjum
degi í 10 daga til að leggja
hönd á plóginn. Það yrði
langur listi ef telja ætti upp öll
þau þjóðþrifamál sem félagið
hefur komið nálægt á starfsferli
sínum og verður það eflaust
gert í tengslum við afmæli fé-
lagsins á sínum tíma.
Hálfgert tómahljóð er í
Vertshúsinu þessa dagana. þar
sem engir innanstokksmunir
eru í húsinu af skiljanlegum á-
stæðum. Kvenfélagskonur vilja
koma því á framfæri við sam-
borgara sína, að þeir láti þær
njóta þess ef þeir þurfa af ein-
hverjum ástæðum að leggja til
hliðar nothæf húsgögn. Allt
kemur til greina að þeirra
sögn.
I stjórn félagsins sitja nu eft-
irtaldar konur: Steinunn Lilja
Olafsdóttir, formaður, Gunn-
hildur Elíasdóttir, gjaldkeri,
Alda Sigurðardóttir, ritari, og
meðstjórnendur eru Kristín
Auður Elíasdóttir og Sigrún
Lárusdóttir.
Um síðustu aldamót var rek-
in greiðasala í Vertshúsinu og
var hún nefnd því stórbrotna
nafni Hótel Niagara. Þá höfðu
bækistöð sína á Þingeyri á
vegum Gramsverslunar, amer-
ískir sjómenn frá Gloucester og
Boston í Massaschussets í
Bandaríkjunum. Stunduðu þeir
lúðuveiðar út af Vestfjörðum
og á Breiðafirði á tvímöstruð-
um skonnortum sínum, sem
voru allt að 140 brúttórúmlest-
ir. Mjög líklegt verður að telja
að nafnið Hótel Niagara hafi
verið til komið vegna dvalar
hinna amerísku gesta á staðn-
um. Fjallað verður nánar um
þennan merkilega þátt í sögu
Þingeyrar hér á síðunni, þegar
tekist hefur að grafa upp frekari
heimildir.
Vertshúsið er 110 ára gamalt
og telst því til fornminja.
Nathanael Mósesson,
kaupmaður.sem rak verslunina
Öldu, eignaðist húsið á sínum
tíma og bjó í því í áratugi,
ásamt fjölskyldu sinni. Síðast
bjó í húsinu Erla Sveinsdóttir,
dóttir Nathanaels. Vertshúsið er
mjög stílhrein og falleg bygging
og hefur verið vel við haldið,
eins og meðfylgjandi mynd ber
með sér.
íbúafjöldi
Samkvæmt upplýsingum Jónasar Ólafssonar,
sveitarstjóra, voru skráðir 435 íbúar í Þingeyrar-
hreppi 1. desember siðastliðinn, samkvæmt
bráðabirgðatölum Hagstofunnar. Hins vegar voru
480 íbúar skráðir í hreppnum 1. desember 1994.