Feykir - 04.12.1991, Blaðsíða 6

6 FEYKIR 43/1991
hagyrðingaþáttur 109
Heilir og sælir lesendur
góðir. I síðasta þætti birtist
vísan, Vindur á þakinu vælir.
Lýsir hún vel því ástandi sem
ríkir í vetrartíð. Vissulega er
gott á slíkum stundum að
leita í huganum til betra
umhverfís. Hefur mér verið
sagt að svo hafi farið fyrir
Sigurði Oskarssyni bónda í
Krossanesi og hann ort svo
eftir að hafa heyrt vísu
Þorsteins.
Þó mælirinn mínus sýni
man ég hlýrri daga.
Blómgaðar grænar grundir
og gjöfula hjörð í haga.
Þá birtist einnig í síðasta
þætti vísan. Ekki hef ég orð á
því. Um hana hef ég fengið
þær upplýsingar að hún sé
ekki rétt með farin og að
tildrög hennar séu þau sem
nú skal greina.
Sá kunni hagyrðingur
Lúðvík Kemp mun hafa ort
eftirfarandi vísu.
Þessi landi er þrísoðinn
af þeim sem verkið kunni.
Synis: alveg samboðinn
s\ eitamenningunni.
Þegar Ólína Jónasdóttir
frá Fremri-Kotum heyrði
vísu Kemps mun hún hafa
ort umrædda vísu. og er mér
sagt að rétt sé hún þannig.
Ekki hef ég orð á því,
ýmsa mun þó gruna.
Að þú sækir svölun í
sveitamenninguna.
Önnur vísa kemur hér eftir
Ólínu.
Heitust ein mín ósk er það
andanum revna að tryggja
bjartan hreinan hlýjan stað
hvar sem beinin liggja.
Oft syrtir í álinn á
lífsleiðinni hjá okkur jarðar-
börnum og misjöfn eru
hlutabýtti, þrátt fyrir strangan
róður. Ragnar Hjaltason
yrkir svo.
Hvar ég fer um lög og láð
lífs á vegi strongum.
Mín er brautin böli stráð
og bitrum þyrniöngum.
Önnur vísa kemur héreftir
Ragnar og mun hann hafa
verið staddur á Hofsósi er
hún var gerð.
Fyrir norðan fjöllin há
fjörður prýðir Skaga.
Sendir gcisla glóey á
gullin sjá og haga.
Nú undanfarið hefur tals-
vert verið rætt um að loka
Kísilgúrverksmiðjunni við Mý-
vatn. I þeirri umræðu hefur
komið upp sú spurning hvað
gera ætti við starfsfólkið og
mun sú luigmvnd hafa verið
viðruð að flytja það á
Keilisnes og skaffa þvi vinnu
í væntanlegri verksmiðju þar.
Svo þegar Iramkvæmdum á
Keilisnesi var frestað þótti
Friðriki Steingrímssyni fokið
í flest skjól starfsmanna
Kísiliðjunnar og orti.
Fréttirnar ég ljótar les,
leita verður svara.
Fyrst að klúðrast Keilisnes
hvert á ég þá að fara.
Þegar Kísilgúrverksmiðjan
var reist á sínum tíma var
eftirfarandi vísa ort, og ég
held að þar hafi verið að verki
Haraldur Hjálmarsson frá
Kambi.
I foraðið sökkva hin fegurstu
Iönd
sem framtíðin réttlætir eigi.
Ef ágirndin bvður þér útrétta
hönd
þá ertu á Kisijgúrvegi.
Alltaf f'innst mérgamanað
rifja upp vísur eftir Harald
og mun þessi trúlega vera ein
af þeim sem tilheyra honum.
Enn ég bragða brennivín.
hiklaust þó að heilsan mín
hiklaust. þó að heilsan mín.
hangi á veikum þræði.
Mig griyiar að þessi
uppgötvun Haraldar sé í
fullu gildi. enn þann dag í
dag.
Nú fer ég að lesa lög.
læra svik og hrekki.
Lítið dugar höndin hög
og heiðarleikinn ekki.
Eins og fram kom í síðasta
þætti er Rúnar Kristjánsson
á Skagaströnd al'kastamikill
hagyrðingur. Hafa trúlega
einhverjir af unnendum
þáttarins lesið á milli línanna í
vísu hans um forsætisráð-
herra að óvíst væri að hann
væri yfir sig hrifinn af
ráðherranum. Nú hef ég
eignast fleiri ágætar vísur
eftir Rúnar og er sá
landsbyggðarvinurinn Davíð
enn hans yrkisefni.
Vit og heimska vega salt.
verður margt að grandi,
vilji Davíð drepa allt
í dróma út á landi.
Ríkisstjómar reikningskladdinn
raskar byggðamenningu.
Suðureyri er sett á gaddinn
samkvæmt Davíðs kenningu.
Oddsson segir „ekkert mál”
enga byggðapólitík.
Flytjum hverja sveitasál
í sæluna í Reykjavík.
Davíð veg til frama fer,
flokksins mikla stjarna.
Líkur samt í engu er
Ólafi og Bjarna.
Þó hann elski enn með glans
eins og hani prikið.
efa margir hæfni hans
en hárið það er mikið.
Þá verður ekki komist
mikið lengra í þessum þætti.
Jón Pétursson frá Eyhildar-
holti sér okkur fyrir fallegri
lokavísu.
Senn er nótt og ljósar lendur
liðins dægurs hverfa í
skuggann.
Rökkurtjöldin herrans hendur
hafa dregið fvrir gluggann.
Verið þið svo sæl að sinni.
Guðmundur Valtýsson
s:95-27154
Hreppsnefnd Lýtingsstaðahrepps auglýsir hér með iausar til umsóknar 27 sumarhúsalóðir á skipulögðu svæði, á
Steinsstöðum skv. meðíylgjandi uppdrætti. Eru þetia leigulóðirtil 25 ára. Upplýsingar veitir oddviti í síma 38035