Feykir - 05.01.1994, Blaðsíða 2

Kemur út á mióvikudögum vikulega. Útgefandi
Feykir hf. Skrifstofa: Aðalgata 2, Sauðárkróki.
Póstfang: Pósthólf 4,550 Sauðárkróki. Símar:
95-35757 og 95-36703. Myndsími 95-36703.
Ritstjóri: Þórhallur Ásmundsson. Fréttaritarar:
Magnús Olafsson Austur - Húnavatnssýslu og
Eggert Antonsson Vestur - Húnavatnssýslu.
Blaöstjóm: Jón F. Hjartarson, Guðbrandur Þ.
Guðbrandsson, SæmundurHermannsson, Sigurður
Ágústsson og Stefán Árnason. Áskriftarveró
137 krónur hvert tölublaó með virðisaukask..
Lausasöluverð: 150 krónur með viróisaukask.
Setning og umbrot: Feykir. Prentun: Sást hf.
Feykir á aðild að Samtökum bæja- og héraðs-
fréttablaða.
Bæjarbúar segja illa
staðið að snjómokstri
Það hefiir vakið fiirðu margra
íbúa Sauðárkróks, hvernig
staðið hefiir verið að snjó-
mokstri í bænum á undan-
förnum vikum. Hafa menn
haft orð á því að bærinn sé
ákaflega illa mokaður, gang-
stéttir séu gjörsamlega ófærar
og stór slysahætta skapist af
þessu ástandi, fyrir utan það
að eldra fólk og þeir sem á ein-
hvern hátt hafa takmarkaða
hreyfigetu treysti sér ekki út úr
húsi.
Fólk hefur hringt inn á rit-
stjóm Feykis og haft orö á þessu,
sem þaö kallar þjónustuleysi viö
bæjarbúa. „Mér finnst þetta til
háborinnar skammar fyrir for-
ráðamenn bæjarins að ekki skuli
vera hægt að standa sómasam-
lega aö snjómokstri í bænum,
sérstaklega þegar tillit er tekið til
þess aó það er sárasjaldan sem
einhver snjór kemur hér að ráði.
Undanfarin ár er t.d. varla hægt
að tala um snjó nenia fyrir jólin í
fyrra og svo í desember núna.
Mér finnst t.d. alveg gmndvallar-
atriði að gangstéttir við aðalgöt-
ur bæjarins séu hreinsaðar
þokkalega, enda nauðsyn á þar
sem að umferð um aðal götur
bæjarins er orðin mjög mikil. I
stað þess er snjónum mokað upp
á gangstéttir og gangandi vegfar-
Þannig lítur Kirkjuklaufin út,
sem þó er ekki versti hluti
bæjarins hvað snjómokstu-
rinn varðar.
endur þar með hraktir út á göt-
una, sem skapar mikla slysahætt-
ur. Þá er sandburður í bænum
ekki nægjanlega vel fram-
kvæmdur. Um áramótin til dæm-
is var Batavcgurinn upp að
sjúkrahúsinu alveg vanræktur að
þessu leyti, en þar hefði einmitt
þurft að sandbera vel“, sagði
þessi viðmælandi Feykis.
Tap í bæjarkeppninni
Tindastóll beið lægri hlut fyrir Þór frá Akureyri í bæjarkeppni
milli þessara félaga, sem fram hefúr farið á síðustu dögum. Þór
leikur sem kunnugt er í deild neðar en Tindastóll.
Fyrri leikurinn fór fram á Akureyri fyrir viku og þá náðu Tinda-
stólsmenn að merja sigur með fjögurra stiga mun. í Síkinu í gær-
kveldi náðu síðan Þórsarar aö kom fram hefndum og sigruðu með
77:69, þar sem Tindastóll hafði á brattann að sækja allan tímann. Það
er eins og jólasteikin hafi ekki farið vel í okkar stráka.
Jón Alexandersson, Ingunn dóttir hans, og Kristján Alexandersson. Gengt þeim við borið sitja
Friðberg Sveinsson, Alexander Róbertsson og Tryggvi Þorbergsson. Sigurjón Alexandersson hafði
yfirgefið samkvæmið. Hann hafði fengið nægju sína í fyrstu soðninu, en þær urðu þrjár
Skötuveisla í bílskúrnum
Víða um land þykir það sjálf-
sagður og ómissandi siður að
borða skötu á Þorláksmessu og
mikið af skötu. Misjafnt er um
landið hversu almennt skötuá-
tíð er. Vestfirðingar t.d. þykja
miklir sporðrennarar á þetta
fiskmeti, en í öðrum sjávar-
plássum mun þetta ekki vera
eins vinsælt og þar er algengt að
neysla skötu sé ekki leyfð í eld-
húsum og borðkrókum, heldur
verði menn að fara í einhvern
afkima með þessa einkaþörf
sína.
Blaðamanni Feykis var á lið-
inni Þorláksmcssu boðið í skötu-
veislu eina sem haldin var í bíl-
skúr á Króknum. Það eru bræð-
umir Kristján, Jón og Sigurjón
Alexanderssynir sem hafa undan-
farin ár komið saman ásamt
nokkmm vinum og kunningjum
og borðað skötu á Þorláksmessu.
Hafa þeir verió á flækingi með
veisluna mörg undanfarin ár og
samkvæmt myndum frá fyrsta
skötuáti þeirra bræðra, Kristjáns
og Sigurjóns, var aðstaðan ekki
glæsileg til að byrja með. En bíl-
skúrinn hjá Kristjáni á Grundar-
stígnum hentar mjög vel til slíkra
veisluhalda og nutu menn vel
matar síns. Alcxander Róbertsson
faðir þeirra bræðra sagði að á
Króknum hefði það lengið tíðkast
hjá ákveðnum hópi manna að
borða skötu á Þorláksmessu og í
þeim hópi væru bæöi rótgrónir
veiðimenn og tómstundabændur.
Hann vissi til þess aó á tímabili
hefðu þeir kæst skötuna undir
fjárhúsgarðanum. Þessir karlar
vildu hafa skötuna svo sterka að
þeir tárfelldu dálítið þegar fystu
bitamir væm innbyrtir.
Það lá reyndar við að blaða-
maður tárfelldi þegar stækjan af
fyrsta bitanum kom upp í nefkok-
ið, en eftir að hafa rennt niður
hverjum bitanum af öðmm fór
þetta óðum batnandi og tveir vel
útilátnir skötuskammtar höfnuðu
að lokum í maga viðvaningsins.
Fyrr um daginn hafði blaða-
maður reyndar orðið var við það
að menn vom að bera bakka með
skötu í út af Hótel Mælifelli og
virðist sem skötuát sé að færast í
aukanna. Rennir það stoðum und-
ir þá kenningu sem einn veislu-
gesta í bílskúmum kom með. Að
skatan væri vanabindandi.
Þess má að lokum geta að
kveikjan aðskötuáti þeirra Alex-
andersbræður er veisla mikil sem
fyrmrn skipsfélagar þeirra á Orv-
ari sækja ár livert í félagsheimilið
Fellsborg á Skagaströnd, en þar
tíðkast það á hverri Þorláksmessu
að útgerðarfélagið Skagstrending-
ur bjóði öllum bæjarbúum til
skötuveislu.
Þrír heiðursmenn
fá fálkaorðu
Forseti íslands sæmdi 17 ís-
lendinga riddarakrossi fálka-
orðunnar á nýársdag. Þar af
voru þrír nátengdir svæði
Feykis, Norðurlandi vestra. Jón
Isberg sýslumaður Húnvetn-
inga var sæmdur orðunni fyrir
langt og heilladrjúgt starf í op-
inberrri þjónustu. Pálmi Gísla-
son frá Grænuhlíð í Austur-
Húnavatnssýslu, fyrrum for-
maður Ungmennafélags Is-
lands, var heiðraður fyrir störf
að æslulýðs- og íþróttamálum
og Sveinn Guðmundsson á
Sauðárkróki var sæmdur
falkaorðunni fyrir giftudrjúgan
þátt sinn í ræktun íslenska
hestsins.
Það er skammt stórra högga á
milli hjá Sveini Guðmundssyni,
því að í haust var hann útnefndur
hrossaræktarmaður ársins á upp-
skeruhátíð hestamanna sem hald-
in var í Reykjavík. Þctta var í
fyrsta sinn sem sú viðurkenning er
veitt og hefur það væntanlega
komið fæstum á óvart að Sveinn
yrði fyrir valinu, enda hefur hann
meó ræktun sinni staðið mjög
sterkur í fylkingarbrjósti hrossa-
ræktenda í landinu mörg undan-
farin ár. Hross Sveins þykja líkjast
eiganda sínum, ákaflega sterkir
karakterar, og að auki er kynfest-
an mikil, enda viiðist það oft vera
þannig þegar afburða hestar koma
fram á sjónarsviðið að ekki sé
langt farið í ættrakningunni þegar
komið er að hrossum Sveins og
hinum fræga stóðhcsti Söria syni
Ragnars-Brúnku.
Sveinn Guðmundsson tekur
við verðlaunum á landsmót-
inu á Vinheimamelum.