Feykir


Feykir - 09.11.1994, Blaðsíða 3

Feykir - 09.11.1994, Blaðsíða 3
22/1993 FEYKIR3 Af götunni Ekið á Guðs vegum Meöal þeirra er höfðu fram- sögu á fundi um umferðarmál í síðusm viku var Hjálmar Jónsson sóknarpresmr. Hjálmar greindi írá þeirri hlið er snéri að sóknarprest- inum varðandi umferðarmálin, og sú hlið er dökk. Um hraðaakstur- inn átti Hjálmar kannski ekki létt með að tala þar sem það orð fer af sóknarprestinum á Króknum að hann sé með ákaflega þungan bensínfót, og hafa gárungamir haft það á orði að presturinn geti náttúrlega lcyft sér það öðmm fremur að aka hratt þar sem að hann aki á Guðs vegum. En Hjálmar afgreiddi þetta mál á fúndinum með því að heita því að hér cftir heyrói það til þjóð- sagna að presturinn á Króknum keyrði hratt. Sumum viðstöddum var hugsað til þess að þessi yfir- lýsing kæmi nú á allra versta tíma fyrir Hjálmar sem þessa daga er náttúrlega á fullu ásamt sínum stuðningsmönnum að undirbúa prókjörið. Það stefnir í mikla keppni milli Hjálmars og Vil- hjálms um fyrsta sætið, og þegar svona stendur á er hætt við að menn hraði stundum för sinni ffekar en hitt. „Eðal"skýrslur lögreglunnar Sumarliði Guðbjömsson var fulltrúi tryggingarfélaganna sem frummælandi á umferðarmála- fundinum. Sumarliði hældi lög- reglunni á Sauðárkróki mjög fyr- ir vandaðar og góðar skýrslur af umfcrðartjónum. Sagöi hann skýrslur lögreglunnar á Sauðár- króki ákaflega skýrar og skil- merkilegar og bæru lögreglu- menn á Sauðárkróki af öðmm starfsbræðmm sínum hvað þetta varðaði. Sjálfum hefði honum reyndar fúndist, þegar hann starf- aði sem lögreglumaður áður en hann kom til tryggingarfélaganna, að hann væri með skýrslugerðinni að vinna fyrir tryggingarfélögin. Bæjarstjórinn á Sauðárkróki var hinsvegar ekki eins ánægóur með löggæsluna og taldi að mun meiri tíma þyrfti í eftirlit. Guð- mundur Ragnarsson byggingar- fulltrúi kom þá með þann skemmtilega punkt að það væri náttúrlega von að lítill tími gæfist til eftirlitsstarfa þegar lögreglu- menn eyddu svona miklum tíma í að vanda sig við skýrslugeróina. Það væri líklega nær að snúa þessu við, meiri tími í eftirlit minni tími í skýrslugerð. Hlaut þessi meinlega athugasemd Guð- mundur dynjandi lófaklapp fund- argesta. Rjúpnaveiðibann! 011 rjúpnaveiði er stranglega bönnuð í landi Mælifells, Hvít- eyra, Starrastaða og Hamra- hlíðar í Lýtingsstaðahreppi. Landeigendur. „Aldrei verið minna af rjúpu" segir Finni á Steini, sem hefur stundað rjúpnaveiðar í tæp 50 ár „Það þarf enginn að segja mér að rjúpan sé ekki ofveidd, það er bara rugl að halda öðru fram. Ég hef farið nteira en þúsund veiðiferðir í 50 ár á sama veiðisvæðið í Tindastóli og það veit enginn betur en ég hvernig ástandið er. Ég hef ekki séð minna af rjúpu síðan 1948 og þess vegna hefði mátt stytta veiðitímann, ég held hann hafi verið passlegur eins og hann var í fyrra“, segir hinn kunna rjúpnaskytta Finni frá Steini, Sigurfinnur Jónsson. Hann hef- ur ekki fengið nema um 70 rjúpur í 10 veiðiferðum í haust. Finni frestar ætíð sumarfríinu sínu fram á rjúpnaveiðitímann, en hann hefúr haft lítið upp úr krafs- inu núna. „Þaö er greinilega of- veiði í rjúpunni. Ef ekki hefði komið til hláka í október í fyrra hefði rjúpnaveiðibannið haldið. Þá var auð jörð svo að rjúpan sást mjög vel, alveg úr kílómeters fjar- lægð, enda varhún strádrepin. Eg tel að rjúpan sé staðbundin þó að öðm hafi verið haldið fram. Hún fer minnsta aó kosti ekki langt. Það sama kom fyrir á Mælifellsá, stofnrjúpan var drepin og síðan hefur engin rjúpa verið þar“, seg- ir Finni í samtali við Dag í síðustu viku. Hann segir að það sem hann hafi heyrt úr Skagafirði sé alls- staðar sama sagan, engin rjúpa. Vitaskuld komi það fyrir að einn og einn fái 10-20 fugla, en það sé minna talað um þá 10-20 veiði- menn sem fái ekki neitt. Þá segir Finni að það sé afleit þróun hvað menn séu famir að fara mikið á jeppum og öðmm torfæmtækjum upp á ijöll til skotveiða. Þetta leiði til þess aö rjúpan eigi hvergi griðland og stofininn sé því í stór- felldri útrýmingarhættu. „Þegar skálamir komu í Tröllabotna breyttist veiði- mennskan til verri vegar. Ég fór eina ferð á Auðkúluheiði og þar vom jeppar og jeppaslóðir upp um öll fjöll. Það virðist ekki vera tekið fyrir svona keyrslu. Það er líka algengt að menn séu með margskota byssur“, sagði Sigur- finnur. Sjálfur er hann með tví- hleypu og notar aldrei meira en eitt skot á hvem fugl. I hverja veióiferð fer hann aldrei með meira en 40 skot. Hefur sett sér Finni með alvæpni að loknum góðum veiðidegi. það að reglu. Kjördæmisþing Alþýðuflokksins í Norðurlandi vestra: Framboðsmálin sett í nefnd til 10. des. Á kjördæmisþingi Alþýðu- flokksmanna í Norðurlandi vestra, sem haldið var á Sauðár- króki sl. sunnudag, var nýkjör- inni stjórn samtakanna falið að fjalla um hvernig staðið skyldi að framboðsmálum og komast að niðurstöðu eigi síðar en 10. desember nk. Þá var á sunnudag stofnfundur Jafnaðarmannafé- lags Skagafjarðar. Gengið var frá lögum fjrir felagið og um 20 stofnfélagar innritaðir og vitað er um marga fleiri er hyggjast ganga í félagið, að sögn Péturs Valdimarssonar fyrrv. stjómar- manns í kjördæmisráði. Boðað verður til framhaldsaðalfúndar síðar þar sem stjórn félagsins verður kosin. Á kjördæmisþinginu vom rædd ýmis flokksmál, bæði á landsvísu og innan kjördæmisins. Meðal annars var lítilega rætt um þá óá- nægju sem ríkt hefúr meðal Al- þýóuflokksmanna á Blönduósi með skipan formanns sjúkrahús- stjómarinnar, en þeir hafa ásakað Stefán Gunnarsson á Hofsósi fýrr- verandi formanns kjördæmis- stjómar um að koma málum svo í kring. Stefán var fjarverandi á þinginu og af þeim sökum var minni umræöa um málið en ella hefði mátt reikna meó. Nýja stjóm Kjördæmissam- bands Alþýðuflokksmanna i Norð- urlandi vestra skipa: Jón Karlsson Sauðárkróki, Guðmundur Ámason Siglufirði og Steindór Haraldsson Skagaströnd. Engin stjómmála- ályktun var gerð á þinginu, enda þingtími mjög stuttur. Ekki kom fram annað á þinginu en fúlltrúar væm ánægðir með margt það sem ráðherrar og þingmenn flokksins hafa komið til leióar á kjörtímabil- inu. Gestir þingsins voru Sigbjöm Gunnarsson þingmaður Alþýðu- flokksins á Norðurlandi eystra og Sigurður Tómas Björgvinsson framkvæmdastjóri Alþýðuflokks- ins. □ Samvinnubókin Með viðskiptum við Innlánsdeildina hlúirþú að velferð þinni og atvinnulífi í héraðinu. Hagkvœm ávöxtun í heimabyggð! 4,3% nafnvextir 4,35% ársávöxtun Raunávöxtun á síðasta ári var 7,92% J@~lnnlánsdeild

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.