Feykir


Feykir - 09.11.1994, Blaðsíða 6

Feykir - 09.11.1994, Blaðsíða 6
6FEYKIR 39/1994 Heilir og sælir lesendur góðir. Á nýaf- stöðnu landsþingi hestamanna voru þrír heiðursmenn sæmdir gullmerki samtak- anna. Einn af þeim var Jón Sigurðsson í Skollagróf. Af þessu tilefni mun hann hafa ort eftirfarandi vísu. Hrossastússið helst ég kaus, hugann síst mun baga. Ekki vil ég ístaðslaus eiga marga daga. í umræðum um mótamál lét Guðlaug Hermannsdóttir fulltrúi Léttís á Akureyri, orð falla í þá veru, að vel færi á með Skagfirðingum og Eyfirðingum. Að máli hennar loknu komst Kári Arnórsson úr Kópavogi að eftirfarandi niðurstöðu. Allt hefég borið undirþá elsku vini íSkagafirði, þeir hafa svalað minniþrá og það tel ég vera nokkurs virði. Nokkra athygli hefur vakið hjá lands- ins bömum frásögn DV nú í haust af drjúg- mikilli notkun á oddvitasíma í ónefndu sveitarfélagi hér í Austur - Hún. Dagbjart- ur Dagbjartsson á Refsstöðum í Borgar- firði spurði þessi tíðindi eins og fleiri og varð það tilefni eftirfarandi vísu. Þó kvenmannsleysið kvelji mig og kreppi að mínum ástar bríma. Þáfinnst mér aumt að eðla sig yfir hafí gegnum síma. Þegar frásagnir af siðabót krata krydd- uðu fréttir af landsmálum komst eftírfar- andi vísa á kreik. 1 pólitík víða má spillingu sjá sem veldur hér skaða og tjóni en kennslu ísiðfrœði kannski máfá hjá krötunum Arna og Jóni. Þá skal fljóta hér með limra sem til- einkuð er heilbrigðisráðherra. Höfundur er Hallmundur Kristinsson. Góður er Guðmundur Arni þótt gamanið stundum kárni. Hann veit að í viðbót þarfveglega siðbót er mikið þótt manninum sárni. Afram skal haldið með limrur sem ort- ar voru þegar landsmönnum bárust þau tíðindi að jarðskjálfti herjaði á Vestfirð- inga. Höfundur er Kristján Stefánsson frá Gilhaga. A Islandi er allskonar óró, en afþví við seintfáum þó nó. Einn útkjálkiþar að útrýmast var. Þá tók til að titra á Patró. Og bœði íheittelsku og hatri, menn hentu sér niður ísnatri. Eg heffyrír víst, að happ afþvíhlýst, þvíþjóðinnifjölgar mestfiatrí. Eflandsskjálftinn leggur mennflata, það léttir á þrenginum krata. Er aftur sól rís, þá er uppskeran vís, og brosið mun breikka á Hvata. Þetta eru aðgerðir örar og skjótar, það eflaust þjóðlífið mótar. En ég alls ekki skil hvort aðgerð sé til, svo að atkvœðin eldist fljótar. Karl Kristjánsson mun vera höfundur að þessari hringhendu sem gerð er á haustdögum. Svalinn mæðir sviðinn völl, sólarglœðum hallar. Sumarklœðin eru öll ofin þrœði mjallar. Guðmundur Þ. Sigurgeirsson yrkir svo. Skvaldur spara mun ég mér milli skara og vona. Lœtþar bara eins og er allarfara svona. Önnur vísa kemur hér eftir Guðmund. Gengið hefég margs á mis, má þó heita ríkur. Ahyggjurnar eins ogfis afmér gleðin strýkur. Þegar Guðmundi verður hugsað til vistaskiptanna við brottför að jarðlífi loknu verður til þessi vísa. Síðast þegar set ínaust saddur lífs affári. Heilagur drottinn hispurslaust hýrgaðu mig á tári. Nú að lokinni sláturtíð eru trúlega margir búnir að birgja sig upp með vetr- arforða. Trúlega gæti næsta vísa átt við marga sem á þessum haustdögum hafa brugðið sér í verslunarferð, og átt tal við kaupmanninn á horninu. Höfundur er Jón Eiríksson í Fagranesi. Hér mun verafyrstiflokkur, fremur lítillþó. Heldurðu ekki að hálfur skrokkur handa mér sé nóg. Þá er að lokum bón mín til ykkar les- endur góðir að drífa nú í að senda þættin- um vísurnar sem þið hafið lengi ætlað að senda en af einhverjum ástæðum ekki komið í verk. Að svo mæltu verður það Jón í Fagranesi sem leggur okkur til loka- vísuna. Aldreifeigurforðar sér þófiýi afgömlum vana. Lífsbaráttan örðug er, enginn vinnur hana. Veriði þar með sæl að sinni. Guðmundur Valtýsson Eiríksstöðum 541 Blönduósi s: 95-27154. Sætur sigur á Þórsurum Tindastólsmenn vonandi komnir á skrið að nýju Tindastóll vann sætan sigur á Þórsurum í nágrannaslagnum á Króknum sl. Smmtudags- kvöld. Tindastólsmenn gjör- samlega keyrðu yfir Þórsarana í fyrri hálfleiknum og sýndu þá það besta sem sést hefur í Sík- inu í vetur. Tindastólsstrákara- ir komust þá mest í 25 stiga mun og voru 20 stigum yfir í hálfleik, 52:32. Bandaríkjamaðurinn John Torrey fór á kostum í liði Tindastóls, skoraði 24 stig í fyrri hálfleiknum, þar af fóru fimm þríggja stiga skot ofan í. Þórsarar komu síðan mjög sterkir til seinni hálfleiks og byrj- uðu betur, náðu fljótlega munin- um niður í 15 stig, en Tindastóli tókst að halda leiknum í jafhvægi um tíma. Um miðjan hálfleikinn náðu síðan Þórsamir yfirtökunum og voru nær því búnir að jafha þegar John Torrey skoraði tvær þriggja stiga körfur í röð og á eft- ir fylgdi kafli sem Tindastóli tókst að koma muninum í 19 stig. En þá tóku Þórsarar við sér að nýju og þegar skammt var til leikloka munaði einungis tveim stigum á Tvö töp kvennanna Kvennalið Tindastóls árti við ramman reip að draga í leikj- u 1111111 við Keflvíkinga, er Suð- urnesjastúlkurnar komu í heimsókn á Krókinn um helg- íiiíi. Tindastóll tapaði báðum leikjunum með nokkrum mun, 60:79 á laugardag og 54:79 á sunnudag. Keflvíkingar virðast eins og imdanfarin ár vera með besta lið- ió í deildinni og vandséð að eitt- hvert annað lið komi til með að steypa þeim af stalli í vetur. Það var sama þótt Tindastólsstúlk- umar næðu að klóra í bakkann og minnka forustu þeirra kefl- vísku, lítið mál var fyrir Islands- meistarana að borga fyrir sig og auka forustuna að nýju. Ásta Óskarsdóttir var at- kvæðamest Tindastólsstúlkna í fyrri leiknum, skoraði 26 stig, Inga Dóra Magnúsdóttir gerði 15 og Kristín Magnúsdóttir 9 stig. I seinni leiknum voru Inga Dóra og Kristín bestar. Inga Dóra skoraöi 19 stig og Kristín 18. Tindastóll hefur nú sex stig í deildinni eftir sjö leiki. liðunum. Páll Kolbeinsson kom mjög sterkur út úr lokakaflanum og brást varla skot af vítalínunni. Spennan á síðustu mínútunum var ótrúleg og það voru Tindastóls- menn sem höfðu ástæðu til að fagna í lokin. John Torrey var besti maður Tindastóls í leiknum og þessi skemmtilegi leikmaður virðist njóta sín mun betur fyrir utan en undir körfunni í sókninni. Hinrik Gunnarsson var mjög drjúgur og reynsla Páls Kolbeinssonar kom að góðum notum undir lokin. Hjá Þór var Kristinn bestur í heildina, Konráð var mjög sterk- ur í seinni hálfleiknum og fór þá fyrir sínum mönnum. Stig Tindastóls: John Torrey 39, Hinrik G. 19, Páll Kolbeinsson 15, Amar K. 9, Ómar S. 5, Sigur- vin P. 4 og Halldór H. 2. Flest stig Þórs skoruðu Kristinn F. 36, S. Anderson 19 og Konráð Ó. 13 stig. Gangur leiksins: 9:2, 21:4, 34:14, 41:18, 48:23 (52:32), 63:50,71:52,71:67,77:69,81:79, 87:84 (93:87). Fráköst Tindastóll 32ogÞór26. Stutt hlé var gert á DHL-deild- inni vegna æfinga landsliðsins. Næsti leikur Tindastóls verður á sunnudaginn kemur gegn KR- ingum syðra. Jasstónleikar í Ásbyrgi og Kaffi Krók Gunnar Gunnarsson píanisti, Tómas R. Einarsson bassa- leikari, Matthías M.D. Hem- stock trommarí og Ragnheiður Ólafsdóttir söngkona halda tónleika í Asbyrgi í Miðfirði, annað kvöld, fimmtudags- kvöldið 10. nóvember. Úr Mið- firðinum liggur Ieiðin á Sauð- árkrók, þar verða tónleikar á veitingahúsinu Kaffi Krók fbstu- daginn 11. nóvember. A tónleikunum verða fluttir gamlir og góðrir„standardar" ásamt íslenskum og norrænum lögum í jassbúningi. Tónleikamir í Asbyrgi hefjast kl. 21,00 og á KaffiKrókkl. 22,00. Þremenningamir hófu sam- starf fyrir skömmu, en hafa áöur flutt jasstónlist víða um land í öðru samhengi, nú síðast á Rúrek, jasshátíðinni í Reykjavík. Ragnheiður Ólafsdóttir söng- kona er úr Borgamesi, stjórnaði áður sönghópnum Sólarmegin á Akranesi, en býr nú á Akureyri. Tómas er upprunninn í Döl- unum, býr í Reykjavík og er löngu landsþekktur fyrir tón- listarflutning og lagasmíðar. Gunnar er Akureyringur og hefur starfað þar ötullega að jasslífí, en er nú fluttur suður. Fjölgað í fyrstu deild í Bikarkeppni FRÍ Á ársþingi FRI á dögunum var ákveðið að fjöjga liðum í Bikarkeppni FRÍ úr sex í átta. Þetta þýðir að bæði USAH og UMSS verða með lið í fyrstu deildinni næsta ár. Skagfirðingar urðu í fimmta sætí í Bikarkeppni FRIsíðasta sumar og áttu því að falla ásamt IR-ingum í 2. deild. Raunar hafa Skagfirðingar og Húnvetningar verið að vinna sig upp í 1. deild og falla niður í 2. deild á víxl undanfarin ár. Þetta munstur ætti kannski að breytast við fjölgun liða í deildinni, nái lið Skag- firðinga og Húnvetninga að halda sínum styrkleika og jafhvel bæta við.

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.