Feykir - 09.02.2000, Qupperneq 7
6/2000 FEYKIR 7
Sigrún Alda Sighvats fulltrúi Sjálfstæðismanna í sveitarstióm Skagafjarðar
„Þá geta menn ekki ráðskast
með fjármuni veitnanna"
Sigrún Alda Sighvatsdóttir
einn fimm fulltrúa Sjálfstæðis-
flokksins í sveitarstjóm Skaga-
fjarðar styður ekki félaga sína í
meirihlutanum um 5% hækkun
gjaldskrár Hitaveitu Skagafjarð-
ar, sem á að taka gildi 1. apríl nk..
Sigrún leggst harðlega gegn
þessari hækkun og hefur lagt
fram hugmyndir um spamað í
bæjarkefmu á móti hækkuninni,
sem áætlað er að auki tekjur hita-
veitunnar um 4,6 milljónir á ári.
Sigrún vill m.a. fækka fulltrúum
í nefndum sveitarfélagins úr
fimm í þrjá og segir að það spari
3,7 milljónir á ári, en sú tillaga
hefur ekki fengið hljómgmnn.
Sigrún segir að fylgjendur
hækkunarinnar hafi fært fram
tvenn rök og hún sé þeim ósam-
mála. í fyrsta lagi að nauðsyn
hækkunar sé vegna þess að
gjaldskrá hitaveitunnar haft ekki
hækkað síðan árið 1997 og þar af
leiðandi megi Hitaveita Skaga-
fjarðar ekki dragast aftur úr öðr-
um. „Þar er ég algjörlega ósam-
mála og fullyrði að þetta em
jafnröng rök og fólk færir fyrir
máli sínu þegar það er spurt að
því af hverju það flytji suður,
fólk sem hefur komið sér vel fyr-
ir og er með atvinnu, og það
svarar að það flytji af því að allir
aðrir séu að fara suður og þeir
vilji ekki sitja eftir. Það að auki
skil ég ekki tilganginn með sam-
anburði þegar menn em að hæla
sér af því þeir hafi ódýra hita-
veitu, hver er þá tilgangurinn ef
það á eftir sem áður að elta þá
sem em hærri”, segir Sigrún.
Hin rökin hjá fylgjendum
hækkunarinnar segir Sigrún að
séu þau að sveitarsjóður þurfi
peninga í sinn rekstur. Sigrún
segir það alls ekki sjálfgefið að
sveitarsjóður fái tekjustofna með
Jjessum hætti, og m.a. séu skuld-
ir Hitaveitu Skagafjarðar, sem
urðu til á tveimur síðustu ámm
vegna framkvæmda, tilkomnar
vegna afgjalds veitunnar í sveita-
sjóð.,
„A næstu ámm stefnir í að
orkufyrirtækin verði gerð að
hlutafélögum og þá mun renna
upp fyrir mönnum að þeir geta
ekki ráðskast með fjármuni
veitnanna. Hlutverk þessara fyr-
irtækja hlýtur lfka að vera að
byggja upp þessa starfsemi sem
veitunum er ætlað. Þegar því er
Iokið er hægt að búa í haginn og
laða til sín önnur fyrirtæki í sveit-
arfélagið með fyrirgreiðslu eða
hlutafjárkaupum svipað og þeir
gera hjá Hitaveitu Suðumesja”,
segir Sigrún Alda Sighvatsdóttir.
Þetta er ekki í fyrsta sinn sem
umræða á þessum nótum hefur
komið upp vegna hitaveitu í
Skagafirði, oft áður vegna Hita-
veitu Sauðárkróks. Meirihluti
bæjarstjómar var jafnan fylgj-
andi sjóðstreymi frá hitaveitunni
til sameiginlega sjóðsins.
Jarðgöng á utanverðum Tröllaskaga
í næstu viku verður lögð
fram á Alþingi áætlun Vega-
gerðarinnar og samgönguráð-
herra til þingsályktunar um
forgangsröðun í jarðgangna-
gerð á íslandi til langs tíma.
Sagt var frá því í fréttum um
helgina að sterkar likur séu fyr-
ir því að jarðgöng milli Siglu-
fjarðar og Ólafsfjarðar verði
fremst í forgangsröðinni. Völ
er á tveimur jarðgangnaleið-
um, það em svokallaðar Héð-
insfjarðarleið og Fljótaleið.
Ég hef haldið því fram í
mörg ár og fært fyrir því rök,
að Fljótaleiðin sé þjóðhagslega
hagkvæmari og eitt stærsta
hagsmunamál Skagfirðinga
sem upp hefur komið fyrr og
síðar. Fljótaleiðin er náttúm-
vænni og felur í sér mikla nátt-
úmvemd. Ákveðið er að krefj-
ast þess að Héðinsfjarðarleiðin
fari í lögformlegt umhverfis-
mat. Mikið fylgi er fyrir Fljóta-
leiðinni á meðal íbúanna á
Ólafsfirði og Dalvík og senni-
lega er meirihluti íbúa Siglu-
fjarðar einnig þeirrar skoðunar
að Fljótaleiðin sé heppilegri
valkostur þegar grannt er skoð-
að.
Nauðsynlegt er að gera víð-
tæka skoðanakönnun um vilja
íbúanna í öllum þessum sveit-
arfélögum á næstu mánuðum.
Með tilkomu Þverárfjallsvegar
mun öll umferð til og frá þess-
um kaupstöðum, það er suður
og norður, fara í gegnum Sauð-
árkrók en færi annars að stór-
um hluta yfir Öxnadalsheiðina
ef Héðinsfjarðarleiðin yrði fyr-
ir valinu. Ibúar Sveitarfélags-
ins Skagafjarðar vom 1. des sl.
tæplega 4200 að tölu. Stöndum
nú saman um okkar hags-
munamál Skagfirðingar og
gerum þá sjálfsögðu kröfu til
þingmanna kjördæmisins að
þeir gæti hagsmuna okkar ekki
síður en íbúa annarra sveitafé-
laga í kjördæminu og að þjóð-
hagsleg skynsemi verði höfð
að leiðarljósi, því vissulega
verður kostnaður við þessa
jarðgangnagerð greiddur af al-
mannafé.
Trausti Sveinsson.
, Heilbrigðisstofnunin
Sauðárkróki
Eftirtaldir sérfræðiiigar verða með móttöku
í stofnuninni í febrúar:
Tímabil Læknar
31/1 - 11/2 Arnbjörn Arnbjörnsson
14/2 - 18/2 Shree Datye
24/2-26/2 Vilhjálmur Andrésson
Tímapantanir í síma 455 4000.
Sérgrein
bæklunarsérfræðingur
skurðlæknir
kvensjúkdómalæknir
Okeypis smáar
Til sölu!
Til sölu ritsafn Gunnars
Gunnarssonar, 14 bækur.
Upplýsingar í síma 453 7325 .
Til sölu kefldar kvígur.
Burðartími mars-apríl. Upp-
lýsingar í síma 453 8043.
Félagsvist!
Félagsvist, þriðja og
síðasta spilakvöldið verður í
Melsgili föstudaginn 4.
febrúar kl. 21. Verðlaun -
Kaffiveitingar.Kvenfélagið.
Félagsvist verður spiluð í
Höfðaborg Hofsósi fimmtu-
daginn 17. febrúar.
Allir velkomnir. Kaffiveit-
ingar. Félag eldri borgara.
Áskrifendur góðir!
Vinsamlegast munið eftir
seðlinum með áskriítargjaldinu.
Epsondeildin körfubolti
Tindastóll - UMFS
fimmtudagskvöld kl. 20
Tindastóll - UMFN
þriðjudagskvöld kl. 20
Komið og sjáið spennandi leiki og
hvetjiðTindastól í toppbaráttunni!
Skagafjörður
Fasteignaeigendur
í Sveitarfélaginu
Skagafirði
Sveitarstjórn Skagafjarðar hefur samþykkt
að veita þeim gjaldendum fasteignagjalda
sem greiða gjöld sín að fullu fyrir 15.
febrúar 2000, 3% afslátt af álögðum
fasteignagjöldum árið 2000.
Sveitarstjóri.
ií
Skagafjörður
Ibúð til sölu
Félagsmálanefnd Skagaíjarðar auglýsir til
sölu 4ra herb. íbúð að Víðigrund 24.
Allar nánari upplýsingar gefur
skrifstofustjóri í síma 455 3000
Félagsmálanefnd Skagafjarðar.