Feykir - 08.11.2007, Blaðsíða 6

6 Feyklr 42/2007
Guðný Helga Bjornsdottir kom ny mn a þing a dogunum
Metnaðarfullur bóndi
og byijandi á þingi
Guðný Helga Björnsdóttir, bóndi og varaþingmaður á
Bessastöðum í Hrútafirði, situr nú á alþingi í fjarveru
Einars Kristins Guðfinnssonar. Guðný Helga er fædd og
uppalin á Bessastöðum og er þar bóndi ásamt Jóhanni
Birgi Magnússyni, eiginmanni sínum. Þau hjón halda
úti heimaíðunni www.simnet.is/bessast/index.htm en
þar má fræðast um allt sem viðkemur búskap þeirra
og eitthvað um þau sjálf. Ritstjóri skrifaðist á við
Guðnýju og forvitnaðist örlítið um persónuna, bóndann
og þingmanninn Guðnýju Helgu.
Guðný, svona til þess að byrja
með hver ertu og hvaðan ertu
komin? Og eins Bessastaðir,
hvar erjörðiti og hvernig
búskap rekið þið?
-Ég er dóttir Björns Einarssonar
frá Bessastöðum og Ólafar
Pálsdóttur frá Bjargi í Miðfirði.
Þau voru bændur á Bessastöðum,
en jafnframt er mamma tón-
listarkennari við grunnskólann
hér og var í 10 ár stjórnandi
karlakórsins Lóuþræla. Pabbi
vann rnikið við vélaviðgerðir með
bústörfunum. Bessastaðir eru á
Heggstaðanesi við Hrútafjörð. Ég
er elst íjögurra systkina.
Eftir grunnskóla fór ég í
Verslunarskóla Islands og lauk
þaðan stúdentsprófi árið 1989.
Bjó veturna hjá móðurbróður
mínum Friðriki Pálssyni og
konu hans Ólöfu Pétursdóttur.
Mörg systkinabörn Friðriks áttu
skjól hjá þeim á námsárunum í
Reykjavík og vorum við kölluð
í gamni þrælarnir, enda fólst
leigan m.a. í að þrífa húsið og
snattast eitt og annað, sem allt var
skemmtilegt og þroskandi.
Frá Verslunarskólanum fór
ég í Bændaskólann á Hvanneyri.
Kynntist þar Skagfirðingnum
Jóhanni Birgi Magnússyni, sem
þar var í búvísindadeildinni.
Hann er sonur Sigurlaugar
Ólafsdóttur frá Miklabæ í
Óslandshlíð og Magnúsar
Jóhannssonar frá Kúskerpi.
Hann ólst að upp á Hólum í
Hjaltadal, þar sem foreldrar
hans bjuggu en einnig hjá afa
sínum og ömmu á Kúskerpi.
Við Jói vorum fimm vetur á
Hvanneyri, ýmist við nám eða
vinnu þar. Hann útskrifaðist
sem búfræðikandídat árið 1993
og ég árið 1995, þannig að við
erum bæði með háskólapróf í
búvísindum, sem nýtist okkur
feikna vel við búskapinn. Ég
vann í 10 ár í hlutastarfi á Bún-
aðarsambandinu hér sem ráðu-
nautur í nautgriparækt, en hætti
því þegar ég datt verulega inn í
pólitíkina, enda eins merkilegt og
það er, þá er ekki ótakmarkaður
tímafjöldi í sólarhringnum.
Börnin okkar eru Helga Rún
11 ára, Magnús Björn 9 ára og
Fríða Rós 4 ára.
Bessastaðir eru ágæt hlunn-
indajörð, þar er þokkalegt
æðarvarp sem amma mín
kom upp með mikilli vinnu.
Mamma hefur svo haldið því
við. Það er þó nokkuð trimm
sem fylgir varpinu og hressandi
líkamsrækt. Svo er einn og einn
drumbur sem rekur á land,
en aðalhlunnindin eru að Jóa
mati tengdamamman. Mamma
býr nefnilega hjá oldcur (enda
íbúðarhúsið 300 m2). Hún
er óþreytandi að líta til með
krökkunum og hjálpa til við
hvaðeina. Ég væri mildu meira
bundin heima ef hennar nyti
ekki við. Við t.d. förum í fjósið
um 6:30 á morgnana, en hún
vaknar með krökkunum um
7:30 til að gefa þeim morgunmat
áður en skólabíllinn kemur,
þannig erum við oftast komin j
inn um það leiti sem hún fer
svo litla prinsessan sé ekki ein.
Svo passar yfirleitt fyrir hana
að taka krakkana með sér heim
þegar hún er búin að kenna,
ef þau koma ekki heim með
skólabílnum, eins og t.d. þegar
þau eru í tónlist eftir skóla eða
íþróttum. Svo þegar létt er í
fjósinu þá leysir hún okkur af
dag og dag þannig að við erum
ekki rígbundin allt árið.
Þú situr nú inni á þingi sem
varamaður, hvernig lífsreynsla
er það?
-Það er ágæt lífsreynsla. Það er
merkilegt að sjá hvernig þetta
virkar allt saman, sérstaklega í
þingsalnum.
Eru einhver sérstök mál sem þú
hyggst leggjafram?
-Það bar nú býsna brátt að, að
ég fór inn þannig að ég var nú
eldd búin að hugsa neitt til hlítar.
En ég er búin að leggja fram
fýrirspurn til umhverfisráðherra
varðandi ffamgang tillagna
nefndar um áhrif refs í íslenskri
náttúru og um endurgreiðslur
til sveitarfélaga af kostnaði við
refa- og minkaveiðar. Svo hef
ég verulegan áhuga á málefhum
dreifbýlisins, landbúnaðarins og
fjölskyldunnar.