Feykir - 08.01.2009, Side 3

01/2009 Feykir 3
Úrsmiðir í 100 ár
Árið 1909 stofnaði J. Frank Michelsen úrsmíðameistari fyrirtækið
F. Michelsen úr & gullsmíði á Sauðárkróki. Einn sona hans, Franch
Michelsen úrsmiðameistari, lærði úrsmíði hjá föður sínum og fór til
Kaupmannahafnar í frekara úrsmíðanám árið 1937. Að námi loknu
starfaði hann hjá Carl Jonsén, konunglegum hirðúrsmið í
Kaupmannahöfn, þar sem hann m.a. gerði við úr Alexandrinu
Danadrottningar og bauðst að verða útnefndur konunglegur
hirðúrsmiður. Franch sneri heim til Islands árið 1940, opnaði aðra
Michelsen úrsmíðavinnustofu og verslun í Reykjavík og skapaði sér fljótt
nafn sem vandvirkur og traustur úrsmiður. Á næstu fjórum áratugum
kenndi Franch tólf íslendingum úrsmíðafagið, þar á meðal syni sínum,
Frank Úlfari Michelsen úrsmíðameistara, sem er núverandi eigandi
fyrirtækisins. Frank Ú. fór árið 1978 til náms til WOSTEP, heimsþekkts
úrsmíðaskóla í Sviss, fyrstur (slendinga. Frank Ú. hefur haldið áfram á
þeirri braut sem faðir hans vann markvisst að, að vera traustur og
fagmannlegur úrsmiður. Sonur Franks Ú„ Róbert F. Michelsen, lærði
úrsmíði fyrst hjá föður sínum og hóf síðan nám i WOSTEP í Sviss þar sem
hann mun útskrifast á 100 ára afmæli Michelsen úrsmiðanna og hefur þá
lært öll réttu handbrögðin í þessari fíngerðu og nákvæmu iðn. Það er því
Ijóst að saga Michelsen úrsmiðanna er langt í frá lokið og svo lengi sem
Michelsen úrsmiðirnir eru til staðar, munu íslendingar hafa tök á að
fylgjast með tímanum.
Á þessum 100 árum hafa Michelsen úrsmiðirnir selt og þjónustað
mörg af þekktustu úramerkjum heims, með Rolex þar fremst í flokki.
Þeim hefur verið treyst fyrir þjónustu á afar vönduðum úrum
hvaðanæva að úr heiminum og orðspor þeirra hefur farið víða.
J.Frank Michelsen Franch Michelsen Frank Ú.Michelsen Róbert F.Michelsen
ííl
MICHELSEN
Ú KSMIDIK I 11)0 ÁK
Laugavegur 15 - 101 Rcykjavik - 511 1900 - www.sviss.is