Feykir - 26.03.2009, Blaðsíða 8

8 Feykir 12/2009
OPNUVIÐTAL Feykis
Ásgeir Þröstur Gústavsson ræktar landnámshænur, veiöir á flugu í Svínadalsá og siglir á sumrin
Lanqar í hvíta
landnámshænu
fermingargjöf
Ásgeiri fmnst vanta hvíta landnámshænu íhópinn.
Ásgeir Þröstur
Gústavsson á að fermast
þann 11. apríl n.k. eins og
margir skólafélagar hans
í Árskóla á Sauðárkróki.
Þaó vakti hins vegar
forvitni blaóamanns
þegar hann frétti að efst
á óskalistanum hjá
honum væri hvít
landnámshæna.
Ásgeir Þröstur býr á Steini á
Reykjaströnd hjá foreldrum
sínum þeim Gústav Bentssyni
og Steinunni Rósu Guðmunds-
dóttur. Fermingarveislan hans
verður haldin heima og 130
manns verður boðið að koma og
samgleðjast honum á þessum
tímamótum. Það er engin
spurning hvað verður á
boðstólnum. -Marengs og
djöflaterta, segir Ásgeir og bætir
við, -og kannski rúlluterta frá
ömmu. Ásgeir valdi það með
tilliti til eggjaframleiðslu
heimilisins að vera með kökur
og samkvæmt áætlun er gert ráð
fyrir því að um 300 egg fari í
baksturinn á fermingar-
kökunum. -Ég er byrjaður að
safna, segir Ásgeir. Þetta er
mánaðarskammtur sem hæn-
urnar verpa.
Óvenjuleg fermingargjöf
Margar gjafir hljóta að vera á
óskalista hjá fermingarbarninu
og blaðamaður fær að sjá að efst
á honum stendur; hvít
landnámshæna. Af hverju hvít
landnámshæna? -Af því að mig
vantar hvíta landnámshænu í
litaflóruna hjá mér, segir Ásgeir
og áhuginn leynir sér ekki á
hænsnaræktinni. En hvernig
kviknaði áhugi á
hænsnaræktinni? -Ég fékk
áhuga á þessu eftir að ég fór á
handverkssýningu á Hrafnagili.
Þar voru landnámshænur til
sýnis. Þá kom ekki annað til
greina en ég fengi mér íslensk
landnámshænsni heima. En það
er mörg búmannsraunin og því
fékk Ásgeir að kynnast eftir að
minkur náði að krafsa sig inn í
hænsnahúsið og drepa megnið
af bústofninum og það ekki einu
sinni heldur tvisvar. Upp úr þvi
var stofnað félag að frumkvæði
Gunnars Sandholts áSauðárkróki
sem hefur það eina markmið að
sjá til þess að alltaf sé til hani á
Steini. Stofnféð rann til kaupa á
hana því minkarnir höfðu séð til
þess að hanalaust var orðið á
Steini. Haninn hlaut nafnið Séra
Sandholt og er eiganda sínum og
Hanavinafélaginu til sóma í alla
staði. Nýlega fékk Ásgeir sér
dverghænur og þegar hann er
spurður að því hvers vegna hann
fái sér dverghænur, svarar hann
brosandi, -bara upp á fjörið.
Siglingarnar
skemmtilegastar
Hænsnaræktin er ekki eina
áhugamál Ásgeirs þó hún skipi
stóran sess. Á fermingargjafa-
óskalistanum er einnig að flnna
fluguhnýtingarbók og tæki til
fluguhnýtinga, veiðiháf og
vöðlur. -Ég er mikið að veiða í
sveitinni á Rútsstöðum í Svínadal,
segir Ásgeir en mamma hans er
þaðan. -Það er hægt að veiða í
Svínadalsá og ég hef mjög gaman
að því. Við komum inn á það að
Ásgeir hefur verið á sigl-
inganámskeiði á sumrin á
Króknum. -Það er það
skemmtilegasta sem ég geri að
sigla á Optimistbátunum. Ég hef
farið tvisvar á námskeið á og fer
alveg örugglega í sumar. Ég fann
teikningar af svoleiðis bát á
netinu og ætla að smíða einn. Ég
ætlaði að fá að smíða hann í
skólanum en mátti það ekki svo
ég smíða hann þá bara hérna
heima, segir þessi magnaði
strákur og blaðamaður smitast af
áhuga hans á seglbátunum og
fær hjá honum slóðina að
teikningunu. Optimistbátar eru
einstaklega meðfærilegir eins
manns seglbátar sem auðvelt er
að stýra og hver veit nema Ásgeir
sigli um í höfninni á Króknum í
sumar með Séra Sandholt í stafni
á eigin báti.